محارب الملحدين

محارب الملحدين قضايا إجتماعية

26/04/2026

موضوع اليوم هو خاص للملحدين مشكلة الشر
أقوى حجة ضد الإلحاد ماشي معاه الملحد كيجي فرحان وكيقول ليك يلا كان الله كاين وكيبغي الخير علاش كاين الشر علاش الأطفال كيمرضو علاش الحروب كاينة كيسحاب ليهم ربحوا النقاش ولكن الحقيقة هي أن مشكلة الشر كتدفن الملحد حي يلا ما كاين إله ما كاين شر أصلا نسولك فالعالم الإلحادي المادي شنو هو الشر زلزال قتل 1000 واحد بالنسبة للطبيعة هادي غير تحرك ديال الصفائح التكتونية بحالها بحال المطر المطر خير ولا شر الأسد ملي كياكل الغزالة واش دار الشر لا دار الطبيعة ديالو يلا حنا غير حيوانات متطورة علاش ملي بنادم كيقتل بنادم كتسميه شر فين هو المنطق باش تقول هادشي شر خاص يكون عندك معيار فوق الطبيعة معيار ثابت سميتو الخير المطلق وهاد المعيار ميمكنش يجي من ذرات عمياء كيجي غير من إله عادل يعني نتا كتسرق من الدين فكرة الشر باش تهاجم بيها الدين كتشعل العافية بالعود اللي سرقتيه من دارنا الشر دليل على حرية الاختيار ماشي على عدم وجود الله الله مخلقناش روبوتات فقط عطانا حرية والحرية كتضمن أنك تقدر تختار لي بغيتي يعني تظلم تسرق تقتل تزني تفسد تشهد زور يلا الله تدخل فكل مرة بنادم بغا يدير الشر وحبسو غادي تولي الحياة مسرحية بلا معنى فين هو الاختبار تخيل أستاذ فالامتحان كل مرة تلميذ بغا يجاوب غلط كيشير ليه على الجواب الصحيح واش هادا امتحان
الله خلاك حر ولكن وعدك بالحساب والعقاب لي كيتسناك ﴿وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ} الشر كيضرنا حيت كنحسو بيه ولكن كننساو باللي الدنيا كلها ساعة ولا جوج مقارنة بالآخرة الظالم معندو فين غادي يهرب والمظلوم مغاديش يضيع فحقوا الإلحاد ما عندوش جواب عندو مخدر الدين كيقول الشر موجود عندو حكمة وكاين يوم كيترّد فيه كلشي إذا خصك تصبر تقاوم ولك الأجر والجنة الفردوس خالدين فيها أبدا الإلحاد كيقول ليك الشر موجود حيت هكاك الطبيعة قبيحة والضعيف كيموت وسير تنتحر يلا معجبكش الحال شكون اللي كيحترم المظلوم كثر لي كيقول ليه حقك غادي يرجع ليك ولا لي كيقول ليه سير موت راك غير غبرة أكبر سخرية هي أن الملحد كيشكي من الشر ولكن الإلحاد ديالو هو اللي كيعطي الشرعية لأكبر الشرور ستالين هتل.ر وماو قتلو 100 مليون واحد باسم الإلحاد المادي اللي كيقول ما كاين حساب علاش غادي يحبسو راسهم يلا ما كاين لا إله لا آخرة
*الخلاصة:*
مشكلة الشر ماشي سهم ضد وجود الله راه سهم ضد الإلحاد حيت بلا إله ما يمكنش حتى تقول هادشي شر كتولي غير كتهضر على أحداث ما عجباتكش
{وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ}
حنا نظرنا قصير كنحكموا على فصل واحد من كتاب عندو 1000 صفحة الله هو اللي كيشوف القصة كاملة

24/04/2026

(موضوع اليوم الشهوات )

الشهوات الإله الجديد ديال الملحدين الإلحاد اليوم ماشي قضية عقل ولا علم فبزاف ديال الحالات راه غير غطاء أنيق باش البنادم يدير لي بغا بلا ما يحس بتأنيب الضمير بغيتيها حرية وهي فالحقيقة عبودية الملحد كيجي يقول ليك تحررت من قيود الدين درت لي بغيت حيت دين كيجيه صعيب يطبقوا الملحد معندوش داك طاقة الإيجابية باش يستاطع أنه يقاوم يحارب داك القرين ديالو لي موسوس ليه مثلا المحلد إلا سولناه شكون لي كيحكم فيك دابا الجواب كرشك وفرجك وفلوسك شهواتك تكبرك ونظرة الناس ليك
إدا انت كملحد بدلتي سيد واحد سميتو الله لي كيأمرك بالخير ب 100 سيد سميتهم الشهوة لي كيسوقوك بحال البهيمة الدين كان كيقول ليك صبر شوية وغادي تفرح الأبدية كاملة الشهوة كتقول ليك تمتع دابا وخليها تخلا من بعد شكون السيد الرحيم فيهم الإلحاد كيحل الباب وكيهرب
الدين جا ضبط الغريزة قال ليك الزواج حلال الزنا حرام الخمر حرام الماء حلال علاش؟ حيت الغريزة يلا طلقتيها كتاكل الأخضر واليابس شوف المجتمعات لي "تحررات" شنو وقع ليها تفكك أسري اغلبهم نهار تكبر يماه وباه كياخدوهوم دار العجزة الخوت كيتفرقوا هذا ما يعقال على هذا مكاينة لا صلة الرحيم لا زيارات الاقارب ممكن واحد يمارس الجنس مع ختو اولاد بلا أباء أمراض اكتئاب ملل من كلشي الشهوة بحال النار يلا شعلتيها فالفران تطيب ليك الخبز ويلا شعلتيها فوسط الدار تحرقك الملحد كيجي يحيد ليك الفران ويقول ليك كون حر النتيجة؟ كتحرق راسك وكتحرق المجتمع معاك
ولكن أكبر كدبة عند الملحد هي ما كنآذيش تا واحد أكبر خدعة هي أنا حر ما دام ما كنضر تا واحد واش الزاني ما كيضرش مرتو واش السكران ما كيضرش ولادو واش مدمن الإباحية ما كيضرش راسو ودماغو واش شاهد زور مكيضرش المجتمع الشهوة الحرام عندها ضريبة كيخلصها المجتمع كامل أطفال شوارع خيانة طلاق أمراض نفسية
الإلحاد كيقول ليك سير ضبر لراسك الإسلام كيقول ليك نتوما بحال الجسد الواحد شوف الفرق فالرحمة فرق كبير بين الإيمان والإلحاد بدون عاطفة
*الخلاصة:*
المشكل ماشي مع الله المشكل هو أن الله كيقول ليك لا لشي حوايج كتبغيهم دابا فبدل ما تجاهد فراسك كتجاهد فكرة وجود الله كاملة كتهدم المعبد كامل حيت ما عجباتكش بلاصة المحراب داك شي علاش الله سبحانه وتعالى قال {أَفَرَأَيْتَ مَنِ اتَّخَذَ إِلَٰهَهُ هَوَاهُ}
الإلحاد فجواهرو ماشي إنكار للإله راه استبدال للإله بإله أخر ديالوا يعني درتي الهوى ديالك فبلاصة الله وهاد الإله الجديد ديالك أيها الملحد كذاب وما كيشبع

23/04/2026

(عنوان المقال)
نظرية التطور: عند الملاحدة أولا الإله البديل لي فشل يولي علم أكبر سلاح كيشهرو الملحد فوجهك هو نظرية التطور كيقول ليك العلم حسمها الإنسان أصلو كان قرد ما كاين لا خالق لا والو يعني الملحد فى الأصل كيقولك أنا خلقت من والو إدا أنا كملحد والو صافي سالينا النقاش لا أصاحبي حنا يلاه عاد غادي نبداوه النقاش ديال بصح قاصح ديال بصح التطور حقيقة ولكن ماشي الإله ديالكم آه التطور الصغير "microevolution" كاين الفيروس كيتبدل الكلب كيولد أنواع وأشكال مختلفة هادي كنشوفوها ولكن القفزة الكبيرة لي كتقلبو عليها من خلية عمياء بلا عقل حتى تولي بنادم كيكتب الشعر وكيصنع الصواريخ هادي ما عمرها تشافت
ما عمر شي مختبر شاف بكتيريا ولات سمكة ما عمر شي حفرية عطاتنا نص قرد نص إنسان لي كتقلبو عليه كولشي حلقات مفقودة وكولشي رسومات تخيلية فمتاحف التاريخ الطبيعي الملحد كيقولك كتآمنو بغيب ما تشافش وكتضحكو علينا حيت كنآمنو بإله ما تشافش الفرق هو أن الإله ديالنا كيقول كنت عدم وخلقتك من نطفة وهناك آيات كثيرة جدا ولكن الإله ديالكم نتوما الملحدون الصدفة كيقول كنتي والو وليتي كلشي بوحدك شكون الخرافة دابا يلا كنا ولاد القرودة علاش باقي كاين قرودة السؤال الكلاسيكي لي كيهربو منو الملاحدة هو الجواب ديالهم حيت ماشي كل القرودة تطورو مزيان يعني التطور كيختار بالوجه علاش هاد القرودة بقاو قرودة متخلفين ولا عمرهم طارو للقمر عمرهم فكرو يصنعوا شي حاجة مثلا والأهم علاش التطور وقف علاش مكنبانوش دابا أنواع جديدة ديال البشر كيخرجو من الغابة علاش الطبيعة حبسات التحديث هههه فجأة ملي بدينا كنراقبوها الحقيقة هي أن التطور اللي كيهضر عليه داروين هو تفسير ماشي دليل كيشرح ليك كيفاش الزرافة عنقها طويل ولكن ما كيجاوبش على السؤال الأصعب منين جات أول زرافة ومنين جا أول قانون فيزيائي التطور ما كيشرحش العقل كيغتاصبوا أكبر فضيحة فالتطور هي الوعي كيفاش مادة ميتة بلا إحساس بلا هدف تعطينا مخ كيقدر يفهم الكون ويكتب قصيدة على الحب يقدر يصنع لينا بزاف يلا العقل ديالك غير تفاعلات كيماوية جات بالصدفة علاش كتيق فيه واش كتيق فالحاسوب يلا عرفتي بالي البرمجة ديالو جات من زلزال ضرب المخزن التطور كيقول ليك العقل ديالك تطور باش تبقى حي ماشي باش نعرف الحقيقة إذن حتى الفكرة ديال الإلحاد صحيح هي مجرد تفاعل كيماوي ساعد جدودك القرودة باش يهربوا من الأسد ما عندهاش علاقة واش صح ولا غلط كتخيل راسك كتناقش مع واحد وكل حججو هي غير غازات فمخو جات بالصدفة هادي هي نتيجة الإلحاد التطوري الأخلاق والتطور زواج بالغصب التطور الأعمى ما كيعرف لا خير لا شر لي كيبقى هو الأقوى ماشي الأطيب إذن علاش كتعاون الجار المريض بدل ما تخليه يموت وتاخد ليه دارو علاش كتعطي الفلوس للفقير بدل ما تستغل ضعفوا علاش متقدرش تمارس الجنس مع أمك ولا اختك ولا بنتك عمتك خالتك جداتك حيت الفطرة ديالك لي زرعها الله فيك كتقول ليك هادشي غلط ولكن دين التطور ديالك كيقول ليك هادي غباوة جينية خاصك تتخلص منها هاد التناقض كيعيشوه الملحدين كل يوم كيهضرو بلغة التطور وكيعيشو بلغة الفطرة الخلاصة التطور سؤال( كيفاش) ماشي جواب (علاش) التطور يقدر يشرح ليك كيفاش المخلوقات كتبدل ولكن ما يمكنش يشرح ليك علاش كاين مخلوقات أصلا يقدر يوصف ليك الطريق ولكن ما يمكنش يقول ليك شكون لي صاوب الطريق استعمال التطور باش تنفي الخالق بحال لي كيشرح ليك طريقة الخدمة ديال الآيفون باش يثبت ليك بلي ما عندوش صانع الله سبحانه وتعالى قال فى كتابه العزيز {وَلَقَدْ كَرَّمْنَا بَنِي آدَمَ} المشكل ماشي فأنك (تطورتي) المشكل هو أنك بغيتي بمعني الكلمة لأنك كتنزل راسك من مكرم لي كرمك الله بزاف ديال الأشياء إلى حثالة كيميائية على كوكب تافه كما قال ستيفن هوكينغ اختار نتا واش بغيتي تكون عبد مكرم عند خالق عظيم ولا صدفة تافهة فكون أعمى؟

إلى من يهمه الأمر: كرامة الأرض ليست للمقامرة.. ولا تختبروا صبرنا!إن ما نشهده اليوم من استباحة علنية لمدننا، هو تجاوز لكل...
22/04/2026

إلى من يهمه الأمر: كرامة الأرض ليست للمقامرة.. ولا تختبروا صبرنا!

إن ما نشهده اليوم من استباحة علنية لمدننا، هو تجاوز لكل الخطوط الحمراء واستخفاف بمشاعر ملايين المغاربة. نحن لا نتحدث عن "سياحة"، بل عن تدنيس متعمد لهوية أرض لفظت الاستعمار قديما ولن تقبل "الاستعمار الأخلاقي" اليوم.

نطالب الحكومة والجهات المسؤولة بوضع حد فوري لهذا العبث. إن السماح لقتلة الأطفال ومن تلطخت أيديهم بدماء إخواننا في غزة ولبنان وسوريا......بأن يمارسوا طقوسهم واستفزازاتهم في شوارعنا هو إهانة لتاريخنا ومس بكرامتنا.

رسالتنا واضحة: لا تختبروا صمتنا، فصمت الحليم ليس عجزا، والغيرة على الدين والوطن جمرة لا تنطفئ في عروقنا. إن استمرار هذه المشاهد هو ضوء أخضر للفتنة واستفزاز مباشر لضمير الشعب.

أوقفوا هذا الدنس فورا.. فالمغرب أرض الشرفاء، ولا مكان فيها للأنجاس.

22/04/2026

الإلحاد: هي أكبر كذبة صدقها الإنسان على راسو حيت هو خلق من والو هههه يعني بدون معتقد بدون هوية تذكر
دابا خلينا نهضرو بالمعقول بلا فلسفة ولا دوران الإلحاد اليوم ماشي فكر راه موضة ديال الهروب الإلحاد هو عبادة الصدفة والصدفة أغبى إله كيضحكوا علينا حيت كنآمنو بإله ما كنشوفوهش إدا مزيان ونتوما كتعبدو شنو كتعبدو الصدفة و العبث و اللا شيء يعني مجرد والو كتقولو الكون المعقد بالقوانين ديالو اللي مضبوطة بالشعرة جا من انفجار عشوائي يعني العقل ديالك اللي كتفكر بيه جا من حجر ما كيفكرش والعين لي كتشوف بيها جات من ظلمة ما كتشوفش سمح ليا ولكن هادي ماشي فلسفة هادي تخربيق يلا لقيتي ساعة فالصحرا العقل كيقول ليك كاين صانع ويلا لقيتي كون كامل كتقول جا غبر بوحدو إذا فين هو المنطق الإله ديالكم هو الصدفة عطاكم كلشي الحياة العقل الجمال ووو وماطلب منكم والو إله فابور ههههههه المشكل هو أن الإله الفابور ماكيحاسبش وما كيعطيش معنى وهادي هي السلعة لي كتبيعوها كتسرقو الأخلاق من عندنا وتهضرو علينا أكبر وقاحة فالملحد هي ملي كيجي يهضر على الإنسانية و الأخلاق سول راسك فالعالم المادي ديالك علاش الاغتصاب خايب حيت القانون كيمنعو إذا يلا مشيتي الجزيرة ما فيهاش قانون ولى مزيان يلا حنا مجرد ذرات وحيوانات متطورة علاش ما نطبقوش قانون الغابة علاش الأسد ملي كيقتل ما كنقولوش مجرم والإنسان ملي كيقتل كنحاسبوه الجواب هو أنك كتسرق الخير والشر من القاموس الديني اللي كتنكرو كتقطع الغصن اللي كالس عليه وتدعي أنك طاير الإلحاد النقي والصادق ما فيه لا خير لا شر فيه غير القوي ياكل الضعيف وباقي الهضرة ديال حقوق الإنسان غير ماكياج باش تغطيو على الوجه الحقيقي ديالكم الإلحاد هو إعلان إفلاس أمام أسئلة الوجود علاش كاين شي حاجة بدل والو شنو المعنى ديال المعاناة شنو كاين من بعد الموت جواب الإلحاد على كولشي ما عرفتش، وما كاينش، وسد فمك ما تسولش هادي ماشي شجاعة فكرية هادي جبن ملي كتوصلو للحيط كتهربو كتقولو للناس عيشو وكولو وشربو وراكم غادي توليو غبرة الإسلام كيجاوبك جواب ديال الرجال: راك هنا لامتحان عندك عقل وحرية وغادي تتحاسب. الظلم مغاديش يدوم وكاينة عدالة مطلقة سميتها الآخرة هاد الجواب كيعطي للحياة ديالك وزن وكيرفع منك لمرتبة خليفة في الأرض ماشي غبرة كونية
الخلاصة: الإلحاد ماشي حرية راه أكبر سجن كيبيعو ليك الوهم ديال تحررتي من الدين ولكن فالحقيقة دخلوك لسجن أكبر سجن العبث سجن ملي كتمرض ما عندك لمن تدعي ملي تظلم ما عندك لمن تشكي ملي تموت ما عندك فين تمشي كيرجعوك لحيوان كياكل ويتكاثر ويموت ولكن ناقص عليه راحة البال ديال الحيوان حيت الحيوان ما كيفكرش فالموت.﴿وَمَن أَعْرَضَ عَن ذِكْرِي فَإِنَّ لَهُ مَعِيشَةً ضَنكًا} شوفو حولكم: أكثر الدول إلحاداً هي أكثر الدول استهلاكاً لمضادات الاكتئاب. العيشة الضنك كتشوفها فعينيهم الإلحاد ما قتلش الإله قتل المعنى ويلا قتلتي المعنى قتلتي الإنسان إذا أنت كملحد خلقتي من والو اذا راك والو كيفاش تناقش واحد وهو أصلا والو هههههه

كفى من الاختباء وراء قناع الأمازيغية فقد انكشفتم ، دافعو عن إلحادكم 🐒 دون هذا القناع، فهذه اللغة بريئة من أفكاركم ،الإسل...
21/04/2026

كفى من الاختباء وراء قناع الأمازيغية فقد انكشفتم ، دافعو عن إلحادكم 🐒 دون هذا القناع، فهذه اللغة بريئة من أفكاركم ،الإسلام هو فخرنا وتاريخها ونحن أوائل من اعتنقوا الإسلام، فلن نقبل أن تُستعمل هويتنا للطعن في ديننا. لا فرق بين العربي أو العجمي إلى بتقوى الله الأمازيغ الأحرار اغلبهم مسلمين وعلماء فقهاء واعين بأفكارهم ولكن هناك 10 فالمئة فقط أغبياء

#الأمازغية

21/04/2026

*عنوان المقال: "الإلحاد: الهروب الكبير من سؤال الوجود"*
*بقلم: رضوان العلوي محارب الملحدين

كل واحد فينا كبر وهو كيسمع كلمة "علاش؟" من فم الدراري الصغار. علاش السماء زرقا؟ علاش كنمرضو؟ علاش كنعيشو وكنموتو؟
هاد "علاش" هي اللي فرقات الإنسان على الحيوان. حيت الإنسان ما كيقبلش يعيش بحال البهيمة: ياكل ويشرب ويموت وصافي.

الإلحاد جا وقال لينا: "سدو هاد الموضوع، ما كاين لا علاش لا والو. جيتي صدفة وغادي تمشي صدفة."
ولكن واش هاد الجواب كافي؟ واش العقل كيرتاح ليه؟ خلينا نحللو الطرح الإلحادي بلا عواطف.

*1. إله الصدفة: أضعف إله تعبداتو البشرية*

الملحد كيسخر منا حيت كنآمنو بإله ما كنبانوش. مزيان. ولكن هو كيآمن بإله آخر سميتو "الصدفة العمياء".
كيقول ليك الكون جا من انفجار، والحياة جات من حساء كيماوي، والعقل جا من خلايا ما كتفهمش.
يعني الصدفة ديالو كتخلق نظام، وكتخلق جمال، وكتخلق قوانين فيزيائية دقيقة لدرجة يلا تبدل رقم واحد فيها ب 0.0000001% الكون كامل ينهار.

تخيل ترمي الحروف ديال المعجم فالأرض ويطيحو مكونين قصيدة ديال المتنبي. مستحيل.
ولكن الملحد كيطلب منك تآمن باللي الكون كامل، بملايير المجرات، طاح هكاك بوحدو. شكون اللي كيآمن بالخرافة دابا؟

*2. الإلحاد كيسرق الأخلاق ويهرب*

أكبر تناقض فالإلحاد هو الأخلاق. الملحد كيقول ليك "أنا إنسان خير، كنعاون الناس، ضد الظلم".
نسولوه: علاش؟ يلا ما كاين لا إله لا حساب لا آخرة، علاش ما نكونش أناني؟ علاش ما نسرقش يلا قدرت نهرب من البوليس؟
الجواب ديالو ديما كيرجع لـ "الضمير" ولا "الإنسانية" ولا "القانون".
ولكن الضمير منين جا؟ يلا حنا مجرد حيوانات متطورة، علاش الأسد ما عندوش ضمير ملي كيقتل؟ علاش القانون ديال الغاب هو "البقاء للأقوى" والقانون ديالنا هو "عاون الضعيف"؟

الحقيقة هي أن الإلحاد كيعيش عالة على الأخلاق اللي جابها الدين. كيقطع الشجرة وكيبغي ياكل من الثمار ديالها. ومنين تسالي الثمار، كيبقى غير الخواء. وهادشي علاش المجتمعات الإلحادية كتغرق فالاكتئاب والانتحار والوحدانية.

*3. الإلحاد ما كيجاوبش، كيهرب*

شنو هو معنى حياتك أيها الملحد؟ الجواب: والو.
شنو كاين من بعد الموت؟ الجواب: والو.
علاش الظلم موجود؟ الجواب: حيت الطبيعة قاسية وصافي.
يعني الإلحاد ما عطاك تا جواب، غير هز المشاكل ديال الوجود ودرقهم تحت الزربية وقال ليك "ما تفكرش فيهم".

الإسلام فالمقابل كيجاوبك: حياتك امتحان، الموت معبر ماشي نهاية، الظلم كاين حيت عندك حرية الاختيار، ولكن كاين حساب وما يضيع تا واحد.
شكون الجواب اللي كيحترم عقلك وإنسانيتك كثر؟

*الخلاصة: الإلحاد موضة قديمة بجلباب جديد*

الإلحاد ماشي "تنوير" ولا "علم". الإلحاد هو الكسل الفكري. هو يلا وصلتي لواحد الحيط ديال الأسئلة الصعيبة، بدل ما تنقز الحيط، كترجع اللور وتقول "ما كاين تا حيط".
المشكل ماشي فالله، المشكل هو أن وجود الله كيحملك مسؤولية. كيقول ليك راك غادي تتحاسب على كلامك وفعايلك. والإلحاد كيعطيك التحرر المزيف: دير ما بغيتي، راك غادي تولي تراب وصافي.

ولكن القلب ما كيتخدعش. الفطرة اللي فيك كتصرخ ملي كتكون بوحدك فالليل. داك الإحساس ديال "خاصني شي حاجة" ماشي جوع ولا عطش، هاداك جوع الروح للي خلقها.

*﴿فَأَقِمْ وَجْهَكَ لِلدِّينِ حَنِيفًا فِطْرَتَ اللَّهِ الَّتِي فَطَرَ النَّاسَ عَلَيْهَا﴾* [الروم: 30]

الإلحاد يقدر يغلبك فالهضرة، ولكن عمره يغلب الفطرة اللي فالصدر ديالك.

09/04/2026

مررت البارحة ليلا على فيديو لأسيادنا الأسرى؛ وهم يجرونهم؛ فكاد قلبي أن يتوقف!

شعور بالحرقة، والعجز، والغضب في آن واحد؛ خصوصا ما يفعلونه بالعفيفات من نساء الأمة.. فأين نحن من كلام رسول الله صلى الله عليه وسلم: فكوا العاني.. فكوا الأسير.. فإنه يُحاصرني شعورُ الذل لما أرى الأبطال كبّلهُم حقيرُ!!!

اللهم فرجا، ونصرا، وتمكينا من عندك، فإن من وكلتهم أمر عبادك قد تخلو عنهم!

حسبنا الله وكفى، وإليه سبحانه وتعالى المشتكى.

أحد الملحدين المغاربة في الولايات المتحدة الأمريكية تعرّض لحادث مأساوي أودى بحياته حرقًا، بعدما كان معروفًا بسخريته من ا...
26/03/2026

أحد الملحدين المغاربة في الولايات المتحدة الأمريكية تعرّض لحادث مأساوي أودى بحياته حرقًا، بعدما كان معروفًا بسخريته من المسلمين، خاصة خلال شهر رمضان، حيث اعتاد الاستهزاء بالصيام والشعائر الدينية.

وقبل وفاته، نشر تدوينة مثيرة للجدل، قال فيها إنه يتمنى أن يحرمه الله من فرحة، الصائم

واللافت في القصة أن بعض الملحدين، ممن يشاركونه نفس التوجه، دعوا له بالجنة، في مشهد يثير الكثير من التساؤلات حول هذا التناقض.

ويرى بعض المتابعين أن هذا السلوك قد لا يكون عفويًا، بل نابعًا من شعور داخلي بالخوف من نفس المصير، خاصة بعد مشاهدة نهاية مأساوية كهذه، مما قد يدفعهم—ولو بشكل غير مباشر—إلى استعمال مفاهيم دينية كانوا يرفضونها من قبل.

وبحسب هذا الطرح، فإن مواجهة الموت أو رؤية نهايات صادمة قد تفتح باب التساؤل من جديد، وتجعل الإنسان يعيد التفكير في قضايا الإيمان والمصير، فيظهر ذلك على شكل تناقض في الخطاب أو نوع من التراجع النفسي، وكأن هناك إحساسًا داخليًا بقوة الخالق، حتى وإن لم يُصرَّح به بشكل مباشر.

وتبقى المفارقة المطروحة: كيف يمكن لمن لا يؤمن بالله ولا بالجنة والنار أن يتحدث بهذه اللغة أو يتمنى أمورًا مرتبطة بعقيدة لا يعترف بها؟

#ملحدون
#رمضان
#الإيمان
#الجنة

#دعاء

"حينما يجتمع الخَماج بالهَماج… يتكاثر الاعوجاج.فإذا تحوّل الفن إلى العفن وصراخ وحركات سوقية، وضاع المعنى وبقي الضجيج، فا...
16/03/2026

"حينما يجتمع الخَماج بالهَماج… يتكاثر الاعوجاج.
فإذا تحوّل الفن إلى العفن وصراخ وحركات سوقية، وضاع المعنى وبقي الضجيج، فاعلم أن الرداءة وجدت من يصفّق لها. ألف تحية
الفن رسالة، لا تهريج ولا تقليد لتصرفات الشماكرية."

#رداءة

Address

عمالة وزان سبت مصمودة دوار ولا سيدى على
Ouazzane
2020EL

Website

Alerts

Be the first to know and let us send you an email when محارب الملحدين posts news and promotions. Your email address will not be used for any other purpose, and you can unsubscribe at any time.

Shortcuts

Share

Category