Piraten Gemeng Péiteng

14/09/2026

RTL: Eng kleng Diskussioun gouf et just mat Bléck op d'Gesetzgebung vun de Marchés publics. De Marc Goergen vun de Piraten huet kritiséiert, datt et quasi keng Suitten hätt, wa sech net un d'Gesetz gehale géing ginn, dat hätt ee rezent an der Gemeng Péiteng, méi genee zu Rodange, gesinn, wou ee Parking fir 8 bis 9 Milliounen Euro gebaut géing ginn, ouni datt e virdrun ausgeschriwwe gi wier.

"Dat eenzegt, wat den Inneminister do mécht, ass de béise Fanger weisen an ee Bréif schreiwen. Do hunn ech de Moien eng Question parlementaire mat enger dommer Äntwert zeréckkritt, sou wéi, 'kuckt net méi weider den Dossier'. An dat ass eben ee vun de Problemer hei zu Lëtzebuerg, wann esou Saache geschéien, muss och eng Suite do sinn an et kann net einfach sinn, datt dann einfach ewechgekuckt gëtt. An dat ass eng Diskussioun, déi mer de Moien haten, nodeems aner Parteie gemengt hunn, datt d'Marchés-publics-Gesetz vläicht ze streng wier, do si mir als Piraten natierlech anerer Meenung, och wann een aner Projete kuckt, ob dat lo d'Opfaart Féiz ass oder aner Projete ronderëm den Tram an de GRIDX."

https://www.rtl.lu/news/national/dei-laang-delaie-sinn-dee-greisste-problem-vum-letzebuerger-justizsystem-954877408

10/09/2026

COMMUNIQUÉ:
Demokratie gehéiert de Bierger

D’Piratepartei wäert sech net un der sougenannter „Plattform fir Demokratie“ vu CSV, DP, LSAP an déi Gréng bedeelegen.

Fir eis ass d’Äntwert kloer: Nee.

Mir Piraten sti fir Demokratie, Rechtsstaatlechkeet a Meenungsfräiheet. Mee fir Internetzensur, ëmmer méi Kontroll vun Online-Plattformen an d’Aschränkung vu fräie Meenunge sti mir net zur Verfügung.

Strofrelevant Inhalter, Menacen oder Opriff zu Gewalt musse verfollegt ginn. Dofir hu mir Gesetzer an e Rechtsstaat. Mee Demokratie bedeit och, Kritik an onbequem Meenungen auszehalen.

CSV, DP, LSAP an déi Gréng hunn och kee Monopol op Demokratie.

Zu Lëtzebuerg ginn et weider demokratesch Parteien, wéi d’Piraten, Fokus oder déi Lénk. Um Enn ass et de Bierger, dee bei de Walen decidéiert, wie säi Vertraue kritt.

An genee dee Wielerwëlle muss respektéiert ginn.

An de leschte Joren hunn déi traditionell Parteien souwuel an der Chamber wéi och an eenzele Gemenge gewielte Piraten-Mandatsträger an hir Reien opgeholl. Dës Mandater goufen awer mat Piratenstëmme gewonnen.

Wann esou Mandater duerno benotzt ginn, fir déi eege Muecht ze erhalen oder ze stäerken, ass et schwéier, sech gläichzäiteg als besonnesche Verdeedeger vum Wielerwëllen duerzestellen.

D’Bierger hunn Piraten gewielt, net CSV, LSAP oder déi Gréng.

Datt déi véier traditionell Parteien elo ëmmer méi enk zesummeréckelen, iwwerrascht eis net. D’Piraten ginn op ville Plaze méi staark.

Zu Péiteng hu mir 2023 18,74 % an 4 vun 19 Sëtz erreecht. 2017 waren et nach 9,18 %. Gläichzäiteg ass d’CSV do vu 41,26 % op 29,28 % gefall.

Och zu Réimech mat 14,65 %, zu Suessem mat 8,27 % an zu Käl/Téiteng mat 8,01 % weisen d’Piraten, datt vill Bierger eng aner Politik wëllen.

Grad do, wou mir méi staark ginn, erliewe mir ëmmer nees, wéi déi véier traditionell Parteie versichen, hir al Muechtstrukturen ze verdeedegen an d’Piraten politesch kleng ze halen.

Dobäi sinn et genee CSV, DP, LSAP an déi Gréng, déi sech zanter Joerzéngten an der Regierungsverantwortung ofwiesselen. Si hunn d’Gesetzer gestëmmt, d’Regierunge gestallt an droen domat eng grouss Verantwortung fir déi aktuell Situatioun am Land.

Wann d’Bierger onzefridde sinn, ass d’Äntwert net méi Kontroll vum Internet an och net e politesche Block vu véier Parteien.

D’Äntwert ass, de Wielerwëllen ze respektéieren.
Demokratie gehéiert net 4 Parteien.

Demokratie gehéiert de Bierger!

Piratepartei Lëtzebuerg

06/09/2026

04/09/2026

Zënter dem Enn vum Nuetstransport vum TICE feelt a ville Südgemengen owes an nuets eng wichteg Verbindung. 🚌❌

🏠 Besonnesch Jugendlecher, Leit ouni Auto an Nuetsschaffender brauchen eng sécher an zouverlässeg Méiglechkeet, fir heemzekommen.

⚓ Sécher duerch d'Nuecht – och ouni Auto!

📎 https://goergen.lu/secher-nuechtsmobiliteit/

03/09/2026

Den CGDIS schütze viru Parteipropaganda!

🚒🧑‍🚒 Den CGDIS soll onofhängeg a politesch neutral sinn. Trotzdem gesäit een ëmmer nees Politiker mat CGDIS-Personal, Uniformen, Gefierer oder a Gebaier vum Rettungsdéngscht.

❓ Wéi eng Reegele gëllen ? A wou ass d'Grenz tëscht engem offiziellen Optrëtt an der Notzung vum CGDIS fir politesch Kommunikatioun?

📎 https://goergen.lu/notzung-vun-cgdis-uniformen-fir-politesch-zwecker/

29/08/2026

🚌 4,4 Milliarden Euro fir den RGTR – mee bis zu 32 Grad am Bus? 🌡️🔥

💶 Bei esou vill Steiergelder fir de privaten ëffentlechen Transport ass eng funktionéierend Klimaanlag e Muss! ❄️

📎 https://goergen.lu/ee-waarme-bus-trotz-4-milliarden

26/08/2026

Wa Presentatiounen am Gemengerot op Etüden an Dokumenter baséieren, sollen dës Informatiounen och fir all Gemengeconseiller zougänglech sinn.⚓

Et kann net sinn, datt bei där enger Presentatioun alles oppe geluecht gëtt, bei där anerer awer d’Dokumenter net matgedeelt ginn.💜

25/08/2026

💉🗑️ 🚆 An de Waggone vun den CFL sollen am Kader vun engem Pilotprojet Sammelbehälter fir gebrauchte Sprëtzen installéiert ginn.

👷 CFL-Mataarbechter sinn net fir déi sozial Begleedung vun Drogenofhängegen ausgebilt.

Mir stellen eis Froen zu dësem Pilotprojet:
💉Wéi vill Sprëtze ginn iwwerhaapt an den Zich fonnt?
📊 Wien mécht d'Behälter eidel ?
🧤 Wéi ginn d’Personal an d’Passagéier geschützt?
🚆 Ass den Zuch déi richteg Plaz, fir den Drogenkonsum?!

📎 https://goergen.lu/spretzen-am-zuch

21/08/2026