Jonk Demokraten

31/07/2026

🌡️ Hëtzt ass kee Komfortproblem – si ass eng Gesondheetsfro.

D’Summere ginn ëmmer méi waarm. Eis Schoulen, Verwaltungen, Spideeler a Fleegestrukture mussen dofir besser géint Iwwerhëtzung geschützt ginn.

🌿 Éischt Prioritéit hunn ëmmer passiv Moossnamen: Beschattung, Isolatioun, Begréngung an Nuetsventilatioun. Mee wann dat net duergeet, däerf eng effizient Ofkillung kee Tabu méi sinn.

Besonnesch Kanner, eeler Leit a vulnerabel Persoune brauchen och wärend Hëtztwellen sécher an agreabel Raim.

👉 D’Jonk Demokraten fuerderen:
✅ e verbindlechen Hëtzeschutz-Standard vu maximal 26 °C an ëffentleche Gebaier,
✅ geziilt Investitiounen a modern Kill- a Belëftungssystemer,
✅ an eng verantwortungsvoll Notzung vu Klimaanlagen (am Normalfall net ënner 26 °C).

🔗 Weider Informatioune fannt dir am Link an de Kommentarer. 👇

Lëtzebuerg JonkDemokraten

24/07/2026

📚 Fërderen amplaz matschleefen!

An de Klasse 7G a 6G ass et hautdesdaags nëmme schwéier méiglech, fir duerchzefalen. Dacks gëtt een trotz viller Notten ënner 30 an déi nächst Klass promouvéiert. Doduerch sammele sech Lacunnen iwwer Joren un a ginn dacks eréischt an der 5G däitlech, genee dann, wa wichteg Decisiounen iwwert de weidere Bildungswee ustinn.

D’Jonk Demokraten fuerderen dofir eng Reform vun de Promotiounskrittären am Niveau Inférieur vum ESG:

✅ méi fréi a kloer Réckmeldungen
✅ obligatoresch a gezilt Nohëllef
✅ méi streng Promotiounskrittären, fir datt eng Klass bei gréisseren Defiziter muss widderholl ginn
✅ eng éierlech a realistesch Orientéierung
✅ eng Stäerkung vum DAP a CCP als gläichwäerteg Bildungsweeër

Eng Reform bedeit net, Schüler ze bestrofen. Si bedeit, Schwieregkeete méi fréi ze erkennen, d’Schüler gezilt ze fërderen an hinnen eng fair Chance op eng erfollegräich Zukunft ze ginn.

👉 Eng modern Schoul muss fërderen, awer dierf Schüler net einfach matschleefen!

21/07/2026

Den 11. Juli 2026 hunn d’Jonk Demokraten zu Uespelt hiren Nationalkongress ofgehalen an hir politesch Prioritéite fir déi nächst Méint presentéiert.💙💛

De President Lou Linster huet méi Dynamik am Logement gefuerdert, wärend de Sekretär Hugo Da Costa sech fir eng weltwäit Agence fir kënschtlech Intelligenz ausgeschwat huet. De Vizepresident huet eng Reform vun de Promotiounskrittären am Niveau inférieur vum ESG gefuerdert.

Donieft huet de Pit Bichel säi Mandat als Tresorier ofginn. Mir soen him Merci fir säin Engagement a wënschen dem Leo Toum vill Erfolleg a sengem neien Amt.

15/05/2026

📚 Geschicht geet eis all un!

An enger Zäit vun Desinformatioun a politesche Spannunge brauch eis Jugend méi wéi jee e staarken, moderne Geschichtsunterrecht. “Mir setzen eis dofir an, datt Schüler net nëmme Fakten auswenneg léieren, mee léieren ze hannerfroen, ze verstoen an sech eng eegestänneg Meenung ze bilden”, sou den Tom Elsey.

👉 Méi kritescht Denken
👉 Méi Bezuch zur haiteger Welt
👉 Méi Praxis duerch Visitten a Projeten

Fir eis ass kloer: Wien d’Vergaangenheet versteet, kann d’Zukunft besser gestalten.

03/05/2026

🇪🇺 Europa handlungsfäeg maachen!

D’Eestëmmegkeetsreegel am Europäesche Rot blockéiert zënter Jore wichteg Reformen. D’Zäit ass komm, fir dat ze änneren.
D‘Jonk Demokraten fuerderen:
➡️ En Enn vun der Eestëmmegkeet
➡️ Decisioune mat qualifizéierter Majoritéit
➡️ Eng staark an decisiv Europäesch Unioun

Fir Lëtzebuerg steet vill um Spill: Eis Sécherheet, eise Wuelstand an d’Zukunft vun der jonker Generatioun hänke vun enger staarker EU of, sou eise President Lou Linster.
👉 Méi Informatioune fannt dir hei:https://www.jonkdemokraten.lu/wp-content/uploads/2026/05/Jonk-Demokraten-Europa-handlungsfahig-machen-Die-Einstimmigkeitsregel-gehort-abgeschafft.pdf

28/04/2026

E Freideg hu sech d’Jonk Demokraten mat den DP Mandatairen am Strike Bowling um Houwald getraff, fir bei interessante Gespréicher an deenen eng oder anere Klatzen e flotten Owend ze verbréngen.🎳🌇

Mir soen all eise Membere Merci, déi deen Dag de Wee bis an d’Stad fonnt hunn.❤️🫶🏻

31/03/2026

👉 Sécherheet viru Spektakel!

No der tragescher Brandkatastroph Ugangs des Joers an der Schwäiz, bei där iwwer 40 jonk Mënsche gestuerwe sinn, fuerdere mir als Jonk Demokraten kloer Mesuren:

🔹 Pyrotechnik an zouene Raim staark aschränken, respektiv verbidden
🔹 Streng Oplage fir Ausnamen

🎯 Eist Zil: Liewe schützen – net d‘Feierkultur aschränken.

Sou Tragedien däerfe sech net widderhuelen.

29/03/2026

Illegalen Offall laanscht eis Stroossen an op ëffentleche Plazen ass net akzeptabel. 🌍

Littering schuet eiser Ëmwelt, kascht de Steierzueler all Joers vill Suen a reduzéiert eis Liewensqualitéit.

D’Jonk Demokraten fuerderen eng konsequent Ëmsetzung vun der „Null-Offall“-Strategie an zousätzlech konkret Moossnamen op kommunalem Niveau: méi Sensibiliséierung, innovativ Projeten, gratis Offallsäck op Problemplazen an méi streng Strofen.

Mir mussen elo handelen, fir eis Natur 🍃 a Liewensräim ze schützen.

Kuckt de Video fir eis ganz Positioun!
Luxembourg

12/02/2026

Zu Letzebuerg stinn d’Chaufferen all Joer bis zu 179 Stonnen am Stau. Dat si bal 22 Congesdeeg. Doriwwer eraus klëmmt duerch de ville Stau och d’Unzuel vun den Accidenter an d’Loftverschmotzung.

Fir desem Problem entgéintzewierken, fuerdere mir:
✅Eng Vitesslimitatioun vun 110 km/h op eisen Autobunnen am Beruffsverkéier (7h-9h & 15h30-18h30).
✅Eng Vitesserhéijung op 110 km/h an den Autobunnstunnellen.
✅Déi bestoend Vitesslimitatioun vun 90 km/h op der A1 an der A6 och owes anzeféieren.

➡️Des Mesure bedeiten: Manner Accidenter, manner Stau, manner COz, manner Kaméidi a méi Sécherheet fir jiddereen.

21/01/2026