08/01/2026
2026 අවුරුද්දේ ජනවාරි තුන්වෙනිදා Helping Hands Community අපි "පහනින් පහනක් දල්වමු - එළියෙන් සිනහව දැකගමු" කියන අපේ අධ්යාපනික සමාජ සත්කාර වැඩසහටන් මාලාවේ දෙවන වැඩසටහන විදියට 2025 වර්ශයේ ලංකාවට බලපෑ දිට්වා සුලි කුණාටුවෙන් පීඩාවට පත් අපේම සහෝදර ජනතාවගේ පවුල් වල දරුවන්ට පොත් පත් සහ පාසල් උපකරණ ලබා දෙන්න තීරණය කලා.
ලංකාවෙ වගේම ලෝකෙ තවත් රටවල ඉඳන් Helping hands community එකත් එක්ක එකතු වෙලා ඉන්න ලස්සන හිත් ඇති බොහෝ පිරිසකගෙ සහයෝගයෙන් මෙවර නාය යෑම් නිසා දැඩි පීඩාවට ලක්වූ මහනුවර දිස්ත්රික්කයේ ගම්පොළ කොහොවල ගමෙත්, ගංවතුරින් ආපදාවට ලක් වූ කුරුණෑගල දිස්ත්රික්කයේ ගිරිබාව බඹරේ වසම ගමෙත් පාසල් දරුවන් රැසකට 2026 පාසල් වර්ශයට අවශ්ය පොත් පත් ලබාදෙන්න තීරණය කලා.
අපි මුලින්ම ගියේ ගම්පොලට. ගම්පොළ දොළොස්බාගෙ පාරෙ හම්බවෙන කොහෝවල කියන ගමේ ශ්රී ප්රියදර්ශනාරාමය පංසලට. මේ ගම සබරගමු පලාතට මායිම්ව මධ්යම පලාතේ කදු මුදුනක පිහිටි සුන්දර ගමක්. ඒත් දිට්වා සුලි කුණාටුවෙන් නාය යෑම් අනතුරු රැසකට මේ ගම් වාසීන්ට මුහුන පාන්න සිද්දවෙලා තිබුන. බොහොමයක් පවුල් වලට තමන්ගෙ නිවාස අහිමිවෙලා තිබුන සහ නිවාස වලින් වහාම ඉවත්වෙන්න උපදෙස් ලැබිල තිබුන. අපි ඒ දරුවන්ට තෑගි අරගෙන ගිය වාහනේ අතරමගදි කාර්මික දෝශයකට ලක් වුන නිසා නොසිතූ විදියෙ වෙලාවක් ප්රමාද වෙන්න අපිට සිද්ද වුනා. විහාරස්ථානයේ ස්වාමින්වහන්ස, දහම් පසල් ගුරු මණ්ඩලය දෙමාපියන් පාසල් දරුවන් සහ පොහොය දිනයක් නිසා සිල් සමාදන් වෙන්න පැමිණ සිටි පිරිස් අපි එනකන් රැදී සිටියා. දහම් පාසල් ප්රධාන ආචාර්ය සවාමීන් වහන්සේ විසින් සංවිදානය කර තිබූ උත්සවයකින් අනතුරුව දරුවන් වෙත පොත් බෙදාදීම සිදුකල අතර ඉතා සංවේදී ස්තූති කතාවක් සිදුකරනු ලැබුවේ නාය යෑමෙන් නිවාස අහිමි වුනු එම දහම් පාසලේම ඉගනුම ලබන දැරියක් විසින්.
අපි මීළඟට යන්න සූදානම් වෙලා හිටියෙ රාජාංගනය ජලාශයේ කලා ඔය ආශ්රිතව ගං වතුර තත්වයන්ට මුහුණ දුන්න ගිරිබාව බඹරෙ වසම ගමට. අපි ගමන් ගත්ත වාහනේ ඇති වුනු කාර්මික දෝශයට අවශ්ය අලුත්වැඩියා කටයුතු නිසා අපේ ගමන පැය 6ක් වගේ ප්රමාද වුනා.
නමුත්, බඹරේ ගමේ දරුවන්ව අපිට සම්බන්ධ කරලා දුන්න දිනුශි සහෝදරිය එක්ක මුලින් කතාකරගත්ත වෙලාව වෙනස් වුනත් කොහොමහරි අපි රෑ 10 වෙනකොට බඹරෙ ගමට ලගාවුනා. අපේ ප්රමාදය හේතුවෙන් අපි අරන් ගිය තෑගි මේ දරුවන් අතරේ ඒ මොහොතේම බෙදලා දෙන්න නොහැකි නිසා අප එන තෙක් රැදී සිටි පිරිස සමග සුහද පිලිසදරකින් පසු දරුවන් වෙත සංඛේතාත්මකව පොත් භාරදී ගමේ පාසලේ විදුහල්පතිනියට සහ දිනුශි සහෝදරිය වෙත පොත්පත් සහ පාසල් උපකරණ බෙදාදිමේ වගකීම භාර දෙනු ලැබුවා.
දිනූෂි සහෝදරිය විසින් පසුදින පාසල් උපකරන ඒ දරුවන් අතරේ බෙදාදීම සංවිධානය කර නිසි ලෙස සිදු කරනු ලැබුවා.
"ලස්සන දවස් එන්නෙ නැ. එන දවස් අපි ලස්සන කරගන්න ඕනේ..."
helping hands community අපි විසින් සිදුකරන බොහොමයක් සමාජ සත්කාර අතර අපේ රටේ අධ්යාපනය නගාසිටුවීම උදෙසා සිදුකල මේ සත්කාර්ය දවසේ අපේ ගමනට බොහෝ ගැටලු බාධා පැමිණියත් අපි හැමෝම අපේ ගමන අවසානයේ දැක්කේ මල් කැකුළු වන් දු පුතුන්ගේ මුවගට නැගුනු බලාපොරොත්තුවේ සිනහවයි.
නාය ගිය මහා කඳු වලට වඩා ශක්තිමත් වූත්, බොරවූ කුරිරු ගංවතුර මෙන් නොවී පැහැදිලි සිහිල් දිය පිරි හදවතක් ඇත්තා වූත් උගත් යහපත් මතු පරපුරක් බිහිකිරීමට හැකි සුලු හෝ උපකාරයක් අපේ රටේ අපේම සහෝදර ජනතාව වෙනුවෙන් කිරීමට හැකිවේ යැයි බලාපොරොත්තුව අපි හැමදෙනාගෙම හිත් වල පිරී තිබුණා.
ඒ සියලු බලාපොරොත්තු යථාර්තයක් කරගැනීමට හැකිවුනේ helping hands community සමග එක්වී සිටින ඔබ සියලු දෙනාගේ ශක්තිය සහ වටිනා පරිත්යාගයන් නිසා. ඔබ සැමගේ ඒ වටිනා සහයෝගය වෙනුවෙන් Helping Hands Community අපගේ ගෞරවනීය ස්තූතිය පුදකර සිටින අතර ඉදිරියටත් අප සිදුකරන මෙවන් සමාජ සත්කාර සමගින් එක් වී අපේම රටේ අපේම මිනිසුන් වෙනුවෙන් සිනහවක් රැගෙන ඒමට ශක්තියක් වන්නැයි ආදරයෙන් ඉල්ලා සිටිනවා.
Helping Hands Community - මනුස්සකම් ඇවිස්සිල්ල
