Divisional Secretariat - Katana

11/03/2026

Follow this link to join my WhatsApp group: https://chat.whatsapp.com/GQGCrWotX4M2H6IIquZfoW?mode=gi_t

*🌻ආයුබෝවන්* ! 🙏

⭕කොණ්ඩා කැපුම් මෙන්ම කොන්ඩා සැකසුම් ක්ෂේත්‍රයේ නියුතු වන ඔබට *රාජ්‍ය අංශයේ මැදිහත්වීමෙන්...සුභ ආරංචියක් මෙන්න* ...👍

⭕ කාටත් ඉතා වටිනා සේවාවක් ලබාදෙන *ඔබගේ වෘත්තීමය භාවය වැඩි දියුණු කිරීමේ අරමුණෙන්* ....ගම්පහ දිස්ත්‍රික් ලේකම් කාර්යාලය සහ මිනිස් බල හා රැකීරක්ෂා දෙපාර්තමේන්තුවේ සංවිධානයෙන් ගම්පහ දිස්ත්‍රික්කය පුරා කොණ්ඩා සැකසුම් ක්ෂේත්‍රයේ නිරතවන ඔබ සියලු දෙනාටම ඉතාමත් වටිනා වැඩසටහනක් සංවිධානය කර ඇති බව..සතුටින් දන්වමු.

⭕ මෙම වැඩසටහනට සම්බන්ධ වීම තුළින් ඔබට පහත සඳහන් වටිනා අවස්ථාවන් හිමි වේ.

☘️ ජාත්‍යන්තරව පවා පිළිගන්නා *ජාතික වෘත්තීය සහතිකය ( NVQ)* ලබා ගැනීම පිළිබඳව මනාව දැනුවත්වීම සහ එය ලබාගැනීමේ කාර්‍යයට යොමු වීමට.....අවස්ථාව.,

☘️කොණ්ඩා සැකසුම් ක්ෂේත්‍රයේ *නවීන ක්‍රමවේද හා තාක්ෂණ පරිහරණ* පිළිබඳව දැනුවත් වීමට අවස්ථාව..

☘️හානිදායක නොවන සේ *රසායනික ද්‍රව්‍ය භාවිතය සහ වර්ණ ගැන්වීම* (Coluring systems )පිළිබඳව ක්‍රමවේදයන් හඳුන්වා දීම.

☘️ ඔබගේ වෘත්තීය ඉතා සාර්ථකව ඉදිරියට ගෙනයාම සහ *ජීවිත සාර්ථකත්වය පිළිබඳව දැනුවත් වීම.*

☘️ බල හා රැකීරක්ෂා දෙපාර්තමේන්තුව මගින් *වටිනා සහතිකයක් ද ලබා* ගැනීමේ අවස්ථාව...

⭕⭕ කොණ්ඩා කැපුම් / සැකසුම් ක්ෂේත්‍රයේ නිරත වන ඔබගේ වෘත්තීමය භාවය වැඩිදියුණු කිරීමට .. රාජ්‍ය අංශය මෙලෙස සිදුකරන මෙම මැදිහත්වීම තුළින් *උපරිම ප්‍රයෝජන ලබා ගන්නා මෙන් අපි ඔබට ආරාධනා කර සිටිමු*

♦️♦️ ඔබ මෙයට සම්බන්ධ වීමට කැමතිනම්..... *මෙම වැඩසටහන පැවැත්වීමේ දිනයන් සහ පවත්වන ස්ථානය පිළිබඳව* හා,වෙනත් අදාල තොරතුරු පිළිබඳව දැනුවත් වීමට.... *මේ සමඟ ඇති වට්ස් ඇප් ලින්ක් එක භාවිතයෙන් මේ වෙනුවෙන්* සකස් කර ඇති වට්ස්ඇප් සමූහයට එකතු වෙන මෙන් ඔබට කාරුණිකව දන්වමු.

🌻 අපි..,

⭕ රැකියා සේවා මධ්‍යස්ථානය,
⭕ දිස්ත්‍රික් ලේකම් කාර්යාලය,
⭕ ගම්පහ
(මිනිස් බලහා රැකී රක්ෂා දෙපාර්තමේන්තුව)

WhatsApp Group Invite

05/02/2026

කටාන ප්‍රාදේශිය ලේකම් කොට්ඨාසයේ 78 වන ජාතික නිදහස් දින සැමරුම කටුනායක ඩවීන්ද්‍ර මෙන්ඩිස් ක්‍රීඩාංගනයේදි කොට්ඨාසයේ රාජ්‍ය ආයතන ඒකාබද්ධව අභිමානවත් අයුරින් පවත්වන ලදී.

31/01/2026

දරුවන් වෙනුවෙන් කටානේ අපි...

30/01/2026

30/01/2026

කෝලම් රටාවෙන් වර්ණවත් වූ ප්‍රාදේශිය ලේකම් කාර්යාල භූමිය..

29/01/2026

🌾තෛපොංගල් දින සැමරුම🔆

🔆සර්ව ආගමික සහජීවනය, ජාතීන් අතර සංහිදියාව ඇති කිරීම හා විවිධ සංස්කෘතීන් හඳුනාගැනීම හා හුවමාරුව අරමුණු කරගමින් කටාන ප්‍රාදේශීය ලේකම් කාර්යාලයේදී ප්‍රථම වරට තෛපොංගල් සැමරුමක් සිදුවිය .
🔆සියලු දමිළ සංස්කෘතිකාංග වලින් සමන්විතව අති උත්කර්ෂවත් අයුරින් මෙම උත්සවය සංවිධානය කරන ලදී.

🔆කටාන ප්‍රාදේශීය ලේකමි සුමුදු අතුකෝරල මහත්මියගේ උපදෙස් හා මග පෙන්වීම යටතේ ප්‍රාදේශීය ලේකම් කාර්යාලය හා ශ්‍රී කරුමාරි අමිමන් කෝවිල එක්ව සංවිධානය කළ මෙි අවස්ථාවට සියලුම ආගම් නියෝජනය කරමින් සර්වආගමික නායකවරුන්ද, දේශපාලන අධිකාරිය නියෝජනය කරමින් පාර්ලිමේන්තු මන්ත්‍රී චම්පික හෙටිටිආරචිචි මහතා ඇතුළු ආරාධිත අමුත්තන් විශාල ප්‍රමාණයක්ද, කටාන ප්‍රාදේශීය ලේකම් කාර්යාලයේ හා ඊට අනුබද්ධ ආයතනවල සියලූම නිලධාරීහූ ද මේ සඳහා සම්බන්ධ වූහ .
🔆අංශ අතර "කෝලම් රූ රටා" නමින් නිර්මාණ තරඟාවලියක් ද පවත්වන ලදී.ජයග්‍රාහක අංශ සඳහා ත්‍යාගයන් පිරිනැමීම ද සිදුවිය.කාර්යාලයේ සියලු නිලධාරීන් ,ප්‍රදේශයේ කලා ආයතන දරු දැරියන් ජාතික සමාජ සංවර්ධන ආයතනයේ දරු දැරියන් ,පෙර පාසල් දරු දැරියන් සියදෙනෙකුට ආසන්න පිරිසක්ද මේ අවස්ථාවට සහභාගී විය.දමිළ නර්තනාංග හා ගීත ගායනයන් උත්සවය වඩා වර්ණවත් කරන ලදී.

🔆කාර්යලයේ සියලුම නිලධාරින් හා ප්‍රමුඛව ජාතික ඒකාබද්ධතා අමාත්‍යංශය,සංස්කෘතික කටයුතු අමාත්‍යංශය, බස්නාහිර පළාත් සංස්කෘතික කටයුතු දෙපාර්තමෙින්තුවට අනුයුක්ත නිලධාරින් විසින් මෙම උත්සවය සංවිධානය කරන ලදී.

29/01/2026

පිබිදෙන කැකුළු ළමා පොකුරු 2025
Every Child is a Star

ගම්පහ දිස්ත්‍රික් ලේකම් තුමන්ගේ සංකල්පයකට අනුව කටාන ප්‍රාදේශිය ලේකම් කාර්යාලය විසින් කොට්ඨාසයේ ආන්තීකරණයට ලක්වූ දරුවන් වෙනුවන් සංවිධානය කළ වැඩසටහනකි. මෙම වැඩසටහන සදහා දරුවන් අසූ දෙනෙකු හා ඔවුන්ගේ භාරකරුවන් සහභාගී විය.
"සෑම දරුවෙක්ම තරුවක්" යන තේමාව යටතේ සියලු සංවිධාන කටයුතු සිදුකරන දරුවන්ට ඉහළ පිළිගැනීමක් ලබා දෙමින් ඉතා ආකර්ෂණීය අයුරින් ඔවුන් පිළිගන්නා ලදි.දරුවන් හඳුනාගැනිම සඳහා "සතුටු මං " මැයෙන් චිත්‍ර ආශ්‍රිත ක්‍රියාකාරකම් ද සිදුකරන ලදී. එහදී සැම දරුවෙකු කෙරෙහිම පෞද්ගලික අවධානය යොමු කරන ලදී.ප්‍රායෝගික ක්‍රියාකාරකම් කීපයක් ඔස්සේ දරුවන් සමීපව හදුනා ගැනීම සිදුවිය. ඒ සඳහා පුහුණු නිලධාරින්ගේ සහය ලබා ගන්නා ලදී. රසාස්වාදය උදෙසා ප්‍රවීණ මැජික් ශිල්පි Mr.Magic විසින් පවත්වන ලද මැජික් අංගයකින් ද උත්සවය වර්ණවත් විය.ළමා ආරක්ෂාව සම්බන්ධ නාට්‍යානුසාර ඉදිරිපත් කිරීමක් ප්‍රවීන දේශක අසංක බණ්ඩාර මහතා විසින් ඉදිරිපත් කරන ලදී.පැමිණ සිටි දෙමාපියන් දැනුම්වත් කිරීම ක්ෂේත්‍ර නිලධාරි අංශය විසින් සිදුකරන ලදී.සමෘද්ධි අංශය විසින් ගායන අංග කීපයක්ද ඉදිරිපත් කරන ලදී.ළමුන් වෙනුවෙන් කෙටි සංග්‍රහයන් හා ප්‍රනීත දිවා ආහාර වේලක් ද පිරිනමන ලදී.පැමිණ සිටි සැම දරුවෙක් වෙතම ත්‍යාගයන් හා මතක සමරු ජායාරූප තිලිණ ලෙස ලබා දෙන ලදී.ප්‍රාදේශිය ලේකම් කාර්යාලයේ සියලුම නිලධාරින්ගේ ශ්‍රම දායකත්වයෙන් හා ප්‍රාදේශිය ලේකම්තුමියගේ මගපෙන්වීම යටතේ කාන්තා හා ළමා අංශය ද පුමුඛව මෙම වැඩසටහන සංවිධානය කරන ලදී.ශ්‍රි ලංකා ආයෝජන මණ්ඩලය ප්‍රමුඛව ප්‍රදේශයේ ව්‍යාපාරික හා රාජ්‍ය නොවන සංවිධායන් ද මෙම සුවිශේෂි වැඩසටහන සඳහා සාදර අනුග්‍රහය ලබා දෙන ලදී.

26/01/2026

ජාතික සමාජ සංවර්ධන ආයතනයේ තුනවන වසරේ සිසුන් ප්‍රායෝගික වැඩ සහ කණ්ඩායම් වැඩ සදහා යොමු කිරීම.

මේ සදහා ප්‍රාදේශීය ලේකම්තුමිය, ජාතික සමාජ සංවර්ධන ආයතනයේ අධ්‍යක්ෂ (පාසල්) සහ එම ආයතනයේ කථිකාචාර්යවරුන්ද සම්බන්ධ විය.

20/01/2026

මිනිස් බල හා රැකිරක්ෂා දෙපාර්තමේන්තුව හා කටාන ප්‍රාදේශිය ලේකම් කාර්යාලය එක්ව සංවිධානය කරනු ලබන යතුරුපැදි නඩත්තු ක්ෂේත්‍රයේ (මෝටර් සයිකල්)🛵🏍️ නියුතු ශිල්පීන් විධිමත් කිරීම සඳහා වූ එක් දින වැඩසටහන. මෙම වැඩසටහන හරහා එම ක්ෂේත්‍රයේ ශිල්පීන්ට,ක්ෂේත්‍රය පිළිබඳ නවීන තාක්ෂණික දැනුම ක්ෂේත්‍රයේ නියැළි ඔබට RPL ක්‍රමය යටතේ NVQ සහතිකය ලබා ගැනීම.(පෙර දැනුම මත පදනම්ව. )ව්‍යාපාරයක් වශයෙන් ලියාපදිංචි කිරීමට අවශ්‍ය කටයුතු පිළිබඳ දැනුවත් කිරීම(ලියාපදිංචි නොවූ ආයතන සඳහා).
මෙම වැඩසටහන යතුරුපැදි නඩත්තු කාර්මික ශිල්පී ක්ෂේත්‍රයේ නියැලෙන්නන් සඳහා මහඟු අවස්ථාවක් වේ.ඒ සඳහා සම්බන්ධ වීමට ඔබ කැමැත්තක් දක්වන්නේ නම් මෙම ලින්ක් එක හරහා. යතුරුපැදි නඩත්තු කාර්මික ශිල්පීන්ගේ ගෘප් එකට සම්බන්ධ වන්න.Follow this link to join my WhatsApp group:

WhatsApp Group Invite

20/01/2026

කුඩා දරුවන් සතුටු කිරීම සඳහා ගායනයෙන් සභාව පිනවන කටාන ප්‍රාදේශිය ලේකම්තුමිය....

17/01/2026

"දිට්වා" සුළි කුණාටුව සමග ඇති වූ හදිසි ආපදා තත්ත්වය හේතුවෙන් බලපෑමට ලක් වූ ,කටාන ප්‍රාදේශීය ලේකම් කොට්ඨාසයට අයත්, (තනි/සුළු/ක්ෂුද්‍ර පරිමාණ ) කර්මාන්ත හිමිකරුවන් වෙත , එම කර්මාන්ත යථා තත්ත්වයට පත් කිරීම සඳහා කර්මාන්ත හා ව්‍යවසායකත්ව සංවර්ධන අමාත්‍යාංශය මගින් ලබාදෙන රු.200000/= ක දීමනාව ලබා දීම 2026/01/15 දින කටාන ප්‍රාදේශීය සම්බන්ධීකරණ කමිටු සභාපති ගරු පාර්ලිමේන්තු මන්ත්‍රී චම්පික හෙට්ටිආරච්චි මැතිතුමා, කටාන ප්‍රාදේශීය ලේකම් සුමුදු අතුකෝරළ මහත්මිය සහ කාර්මික සංවර්ධන මණ්ඩලයේ නියෝජ්‍ය අධ්‍යක්ෂ සමින්ද ‍රණතුංග මහතාගේ සහභාගීත්වයෙන් කටාන ප්‍රාදේශීය ලේකම් කාර්‍යාලීය ශ්‍රවණාගාරයේ දී පැවැත්විණි.
මෙහිදී කොට්ඨාසයේ ආපදාවට ලක් වූ කර්මාන්ත අතුරින් නිෂ්පාදන කර්මාන්ත හිමිකරුවන් 51 දෙනෙකුට මෙම දීමනාව ලබා දීම සිදු විය.
එමෙන්ම කර්මාන්තහිමියන් වෙනුවෙන් රාජ්‍ය හා පෞද්ගලික බැංකු මගින් ක්‍රියාත්මක ණය වැඩසටහන් පිළිබඳව මෙන්ම තම කර්මාන්තය දියුණු කරගැනීම සඳහා ඔවුන් හට පවතින අවස්ථා පිළිබඳවද එම කර්මාන්තහිමියන් දැනුවත් කරන ලදී.