Divisional Secretariat - Karaitivu

16/03/2026

வளமான தேசத்திற்கு உற்பத்தித்திறன் மிக்க கிராமம் - சமூக உற்பத்தித்திறன் தேசிய பணி
-----------------------------------------
"கிளீன் ஸ்ரீலங்கா" தேசிய வேலைத்திட்டத்தின் கீழ்
தேசிய உற்பத்தித்திறன் செயலகத்தினால்
முன்னெடுக்கப்படும் சமூக உற்பத்தித்திறன் மாதிரி
கிராமத் திட்டத்தின் கீழ், காரைதீவு பிரதேச செயலகப் பிரிவின் மாளிகைக்காடு மேற்கு கிராம உத்தியோகத்தர் பிரிவில் மாளிகைக்காடு மேற்கு கிராமத்தை சமூக உற்பத்தித்திறன் கிராமமாக அபிவிருத்தி செய்யும் ஆரம்ப நிகழ்வு இன்றைய தினம் காரைதீவு பிரதேச செயலாளர் எந்திரி. ஜி. அருணன் அவர்களின் தலைமையில் வெற்றிகரமாக நடைபெற்றது.

இந்நிகழ்வில் பிரதம அதிதியாக அம்பாறை மாவட்ட பாராளுமன்ற உறுப்பினரும் இலங்கை அரசியல் பேரவை உறுப்பினரும் கரையோரப் பிரதேசங்களின் அபிவிருத்திக் குழுவின் தலைவருமான அபூபக்கர் ஆதம்பாவா பாராளுமன்ற உறுப்பினர் மற்றும் அவரது பிரத்தியேகச் செயலாளர் S. இம்தியாஸ் உட்பட Clean Sri Lanka வேலைத்திட்ட காரைதீவு பிரதேச ஒருங்கிணைப்பாளர் K. செல்வராணி, உற்பத்தித்திறன் அபிவிருத்தி உத்தியோகத்தர்களான MI. Raihana, FZ. Sifani, காரைதீவு சுகாதார வைத்திய அதிகாரி பணிமனை உத்தியோகத்தர்கள் என பலரும் கலந்து கொண்டனர்.

மேலும், காரைதீவு பிரதேச செயலகத்தின் மாளிகைக்காடு மேற்கு கிராமத்தின் அடையாளம் காணப்பட்ட மற்றும் எதிர்கால சமூக உற்பத்தித்திறன் அபிவிருத்தித் திட்டத்தின் அறிக்கையை அதிதிகளிடம் சமர்ப்பிக்கப்பட்டதுடன் திட்ட நிகழ்வின் மாதிரி பெயர்ப்பலகையும் அதிதிகளால் திறந்து வைக்கப்பட்டது.

உற்பத்தித்திறன் ஊடாக எமது நாட்டை அபிவிருத்தியை நோக்கி இட்டுச் செல்லும் இந்த பாரிய
வேலைத்திட்டத்தின் சுருக்கத்தை இந்தக் காணொளியின் ஊடாக நீங்கள் பார்வையிடலாம்.

சமூக உற்பத்தித்திறன் மாதிரி கிராம வேலைத்திட்டம்:
முழுமையான தமிழ் மொழி மூலக் காணொளி: https://drive.google.com/file/d/15UsqxgNRHJLrEP7W8EZeEtzxvsOuzjvP/view?usp=sharing

முழுமையான சிங்கள மொழி மூலக் காணொளி: https://drive.google.com/file/d/1Sy7TkXvKgEAFua3EAr7Gz53pzgwM18Qe/view?usp=sharing

ஒன்றிணைவோம்.! சமூக உற்பத்தித்திறன் ஊடாக கிளீன் ஸ்ரீலங்காவை கட்டியெழுப்புவோம்!

16/03/2026

"கிளீன் ஸ்ரீலங்கா" தேசிய வேலைத்திட்டத்தின் கீழ்
தேசிய உற்பத்தித்திறன் செயலகத்தினால்
முன்னெடுக்கப்படும் "சமூக உற்பத்தித்திறன்
மாதிரி கிராமங்களை" அங்குரார்ப்பணம் செய்யும்
வேலைத்திட்டம் இன்றைய தினம் ஆரம்பமாகின்றது.

இந்நிகழ்வு தொடர்பான காணொளிகளை கீழுள்ள இணைப்புக்களில் பார்வையிடலாம்.

1. கிளீன் ஸ்ரீலங்கா (Clean Sri Lanka) முழுமையான வேலைத்திட்டம் தொடர்பான காணொளி: https://drive.google.com/file/d/1_WqNjo7_scbu9mTIaLqa2Wyt75tiI5vh/view?usp=drive_link

2. சமூக உற்பத்தித்திறன் மாதிரி கிராம வேலைத்திட்டம்:
▶️ Trailer காணொளி: https://drive.google.com/file/d/1St6vDkpvEq6jy3DiLdIpAFN5EbnNUL74/view?usp=drive_link

மேலும், இந்நிகழ்வானது காரைதீவு பிரதேச செயலகத்தினால், மாளிகைக்காடு - மேற்கு கிராம சேவகர் பிரிவில் காலை 10 மணியளவில் கமு/கமு/ சபினா முஸ்லிம் வித்தியாலயத்தில் இடம்பெறவுள்ளது.

07/03/2026

அஸ்வெசும திட்டத்தின் முதற்கட்டத்தின் கீழ் (2022/2023 ஆம் ஆண்டுகளில்) விண்ணப்பித்த, நன்மைகளைப் பெறுவோர் மற்றும் பெறாதோர் என அனைவரினதும் தகவல்களைப் புதுப்பிக்கும் பணிகள் தற்போது முன்னெடுக்கப்பட்டு வருவதாக நலன்புரி நன்மைகள் சபை தெரிவித்துள்ளது.

2002 ஆம் ஆண்டின் 24ஆம் இலக்க நலன்புரி நன்மைகள் சட்டத்தின் 23ஆம் பிரிவின் பிரகாரம், நலன்புரி நன்மைகளைப் பெறும் நபர்களின் பெயர் பட்டியலை வருடாந்தம் புதுப்பிப்பது கட்டாயமாகும் என்பதால் இப்பணிகள் முன்னெடுக்கப்படுகின்றன.

அந்தந்தப் பிரிவுகளுக்குப் பொறுப்பான கணக்கெடுப்பு உத்தியோகத்தர்கள் பயனாளிகளின் வீடுகளுக்குச் சென்று, அவர்கள் வழங்கிய தகவல்களை உறுதிப்படுத்துவார்கள். இந்த மக்கள்தொகை கணக்கெடுப்புப் பணிகள் மார்ச் மாதம் 28ஆம் திகதியுடன் நிறைவடைய உள்ளன. கணக்கெடுப்பு உத்தியோகத்தர் வீட்டிற்கு வரும்போது, தேவையான ஆவணங்களைச் சரிபார்ப்பதற்காகத் தயாராக வைத்திருக்குமாறு அறிவுறுத்தப்பட்டுள்ளது.

அதன்படி, குடும்பத்தில் 18 வயதுக்கு மேற்பட்ட அனைத்து உறுப்பினர்களினதும் தேசிய அடையாள அட்டைகள், கடந்த 3 மாதங்களுக்கான மின்சாரப் பட்டியல்கள், காணி உரிமையை உறுதிப்படுத்தும் உறுதிப்பத்திரங்கள், வாகன உரிமைப் பத்திரங்கள் (இருப்பின்), மருத்துவச் சான்றிதழ்கள் போன்ற ஆவணங்களை உத்தியோகத்தர்களிடம் சமர்ப்பிக்கத் தயாராக வைத்திருக்குமாறு கேட்டுக்கொள்ளப்பட்டுள்ளது.

04/02/2026

காரைதீவு பிரதேச செயலகத்தில் இலங்கை ஜனநாயக சோசலிசக் குடியரசின் 78 ஆவது தேசிய சுதந்திர தின நிகழ்வுகள் 🇱🇰 🇱🇰 🇱🇰 🇱🇰
======================================
இலங்கையின் 78ஆவது சுதந்திர தின நிகழ்வுகள் இன்று (04) காலை 8 மணியளவில் காரைதீவு பிரதேச செயலக முன்றலில் நாட்டை கட்டியெழுப்புவோம் என்ற தொனிப்பொருளில் இடம்பெற்றது.

காரைதீவு பிரதேச செயலாளர் எந்திரி ஜீ.அருணன் தலைமையில் நடைபெற்ற இந்த பிரதான வைபவத்தில் பிரதேச செயலகத்தின் அனைத்து உத்தியோகத்தர்கள், மற்றும் பாடசாலை சிறுவர்கள் என பலரும் கலந்து கொண்டனர்.

இதன்போது,

🔹 தேசிய கொடி ஏற்றப்பட்டு தேசிய கீதம் இசைக்கப்பட்டது.

🔹 நாட்டுக்காக உயிர் நீத்த முப்படையினர் மற்றும் அனைத்து தரப்பினரையும் நினைவுகூர்ந்தும் இரண்டு நிமிட மௌன அஞ்சலி செலுத்தப்பட்டது.

🌳 அத்துடன் மர நடுகை, சிரமதானம் போன்ற சமூக நலத்திட்டங்கள் முன்னெடுக்கப்பட்டன.

24/01/2026

13/01/2026

அம்பாறை மாவட்ட மேலதிக அரசாங்க அதிபர் மதிப்புக்குரிய சிவஞானம் ஜெகராஜன் ஜயாவிற்கு பிறந்தநாள் வாழ்த்துக்களை காரைதீவு பிரதேச செயலாளர் மற்றும் பிரதேச செயலக உத்தியோகத்தர்கள் சார்பில் தெரிவித்துக் கொள்கின்றோம்.

01/01/2026

இன்றைய தினம் புது வருடத்தை முன்னிட்டு காரைதீவு பிரதேச செயலகத்தில் இடம்பெற்ற நிகழ்வுகளின் போது எடுக்கப்பட்ட புகைப்படங்கள்.

22/12/2025

நன்னடத்தை மற்றும் சிறுவர் பராமரிப்பு சேவைத் திணைக்களத்தின் அனுசரணையுடன் சிறுவர் உரிமை மேம்பாட்டு உத்தியோகத்தர் ஒழுங்கமைப்பில் பிரதேச செயலாளர் வழிகாட்டலில் உதவி பிரதேச செயலாளர் தலைமையில் பொருளாதார ரீதியாக இடர்படும் தெரிவு செய்யப்பட்ட 16 பிள்ளைகளுக்கு பாடசாலை உபகரணங்கள் வழங்கப்பட்டன

16/12/2025

காரைதீவு பிரதேச செயலக நிருவாக உத்தியோகத்தர் து.கமலநாதன் சேர் அவர்களுக்கு பிரதேச செயலாளர் மற்றும் உத்தியோகத்தர்களின் இனிய பிறந்தநாள் வாழ்த்துக்கள் .

14/12/2025

நன்னடத்தை மற்றும் சிறுவர் பராமரிப்பு சேவைகள் திணைக்களத்தின் அனுசரணையுடன்11.12.2025 அன்று பிரதேச செயலாளர் வழிகாட்டலில் காரைதீவு பிரதேச செயலக கேட்போர் கூடத்தில் மு.ப 9.30 மணியளவில் 4வது பிரதேச மட்ட சிறுவர் அபிவிருத்தி கண்காணிப்பு குழு கூட்டம் மற்றும் பால்நிலை சார் வன்முறைகெதிரான செயலணிக்கூட்டம் சிறுவர் உரிமை மேம்பாட்டு உத்தியோகத்தர் இ.நித்யா ஒழுங்கமைப்பில் பிரதேச செயலாளர் தலைமையில் நடைபெற்றது இந்நிகழ்வில் அரச அரசார்பற்ற நிறுவனங்கள் உத்தியோகத்தர் கலந்து கொண்டனர்.

11/12/2025

பேரிடரால் பாதிக்கப்பட்ட மாணவச் செல்வங்களுக்காக பாடசாலை உபகரகணங்கள் சேகரித்து வழங்கும் செயற்பாட்டிற்காக 11.12.2025 (வியாழக்கிழமை) காலை 9.30 மணிக்கு காரைதீவு பிரதேச செயலகம் முன்பாக கதிரவனின் விழிப்புணர்வு வீதிநாடகம் நடைபெற்றது.

அவ்வேளையில் பிரதேச செயலக உத்தியோகத்தர்கள் மற்றும் பொது மக்களினால் தங்களால் இயன்ற பாடசாலை உபகரணங்களை வழங்கினர்.