Hikkaduwa UC හික්කඩුව නගර සභාව

25/05/2026

🚨 විශේෂ දැනුම්දීමයි - මෙවර ඉරුදින පොළ සිකුරාදා උදෑසන! 🚨

මැයි 31 වැනිදාට වෙසක් පොහොය යෙදීම නිසා, අපේ නගරයේ සතිපතා පැවැත්වෙන "ඉරුදින පොළ" මෙවර මැයි 29 වන සිකුරාදා උදෑසන පැවැත්වීමට සියලු කටයුතු සූදානම් කර ඇත.

සියලුම පාරිභෝගික මහත්ම මහත්මීන් සහ වෙළඳ මහතුන් මේ පිළිබඳව අවධානය යොමු කරන ලෙස කාරුණිකව ඉල්ලා සිටිමු.

නගර සභා බලප්‍රදේශයේ ජනතාවගේ සුභසිද්ධිය වෙනුවෙන්,
හික්කඩුව නගර සභාව.

23/05/2026

23/05/2026

හික්කඩුව නගර සභාවේ සභාපති තුමාගේ උපදෙස් පරිදි දොඩන්දූව මහජන පුස්තකාලය මගින් මොරකොල නගර සභා පෙර පාසැලේ මව්වරුන් සඳහා පවත්වනු ලැබූ ජංගම පුස්තකාල සේවය ක්‍රියාත්මක පැවති අවස්ථාව

23/05/2026

හික්කඩුව නගර සභාවේ සභාපති තුමාගේ උපදෙස් පරිදි දොඩන්දූව මහජන පුස්තකාලය මගින් පවත්වනු ලබන ජංගම පුස්තකාල සේවය 2026/05/21 දින ගා/යසෝධරා සංඝමිත්තා ප්‍රාථමික පාසැලේ දරුවන් වෙනුවෙන් ක්‍රියාත්මක පැවති අවස්ථාව

23/05/2026

සම්බුද්ධ තෙමගුල නිමිතිකොට ගෙන සභාපතිතුමාගේ උපදෙස් පරිදී හික්කඩුව නගර සභාවේ පිංකන්ද මහජන පුස්තකාලයේ වෙසක් සැරසිලි නිර්මාණ තරගය 2026.05.30.ප.ව 4.30 සිට පිංකන්ද මහජන පුස්තකාල පරිශ්‍රයේ පැවැත්වේ.

21/05/2026

ගාල්ල කොළඹ ප්‍රධාන මාර්ගයෙන් එස්.ආර් නානායක්කාර මාවතට ප්‍රවිෂ්ඨ වන ස්ථානයේ දීර්ඝ කාලයක් තිස්සේ පැවති අනවසර ඉදිකිරීම අද දින හික්කඩුව නගර සභාවේ සේවකයන් විසින් ඉවත් කරන ලදී.

එම අවස්ථාව සඳහා හික්කඩුව පොලිසියේ නිලධාරීන්ද , නගර සභාවේ නිලධාරීන්ද සම්බන්ධ විය.

මෙම ස්ථානයේ මෙම කඩය පැවතීම හේතුවෙන් මාර්ගයේ රථ වාහන හුවමාරුවට සහ ගමනා ගමනයට බාධා ඇති වී තිබූ බැවින් , ඊට අදාළව ලද පැමිණිලි වලට අනුව සිදුකරන ලද පරීක්‍ෂණවල ප්‍රතිඵලයක් වශයෙන් නගර සභා පනතේ ප්‍රතිපාදන ප්‍රකාරව මෙම අනවසර ඉදිකිරීම ඉවත් කිරීමට කටයුතු කරන ලදී.

20/05/2026

පටුවත ග්‍රාම නිලධාරී කාර්යාලයට සහ එහි අවට තිබෙන නිවෙස් වලට අනතුරුදායක ලෙස තිබූ ගස කපා ඉවත් කිරීම මාර්ග අංශයේ සේවකයන් විසින් සිදුකරන ලදි .

19/05/2026

කටුකොළිහ සුදු මැටිය හරස් පාරේ මාර්ග දෙපස පිරිසිදු කිරීමේ කටයුතු මාර්ග අංශයේ සේවකයන් විසින් සිදුකරන ලදී.👍👍👍

19/05/2026

17/05/2026

📢 විශේෂ නිවේදනයයි!

හික්කඩුව නගර සභා බල ප්‍රදේශයේ සියලුම ව්‍යාපාරිකයන් සහ ජනතාව වෙත කෙරෙන දැනුම්දීමයි.

2026 වෙසක් පුන් පොහෝ දින නිමිත්තෙන් (හෝ අදාළ විශේෂ උත්සවය වෙනුවෙන්), නගර සභා බල ප්‍රදේශය තුළ පහත සඳහන් සේවාවන් තාවකාලිකව අත්හිටුවීමට තීරණය කර ඇත.

🚫 වසා තැබිය යුතු ස්ථාන:

• සියලුම මස් මාංශ අලෙවිසැල්.
• මස් පිණිස සතුන් ඝාතනය කරන ස්ථාන.
• සුපිරි වෙළෙඳසැල් තුළ මස් මාංශ අලෙවිය.
• කැසිනෝ ශාලා, රේස් බුකී සහ සියලුම සමාජ ශාලා (Clubs).

🗓️ කාලසීමාව:

2026 මැයි 30 වන දින සිට ජුනි 01 වන දින දක්වා.

මෙම උතුම් වූ ආගමික/ජාතික කාලසීමාව තුළ සාමය සහ සංස්කෘතික සාරධර්ම ආරක්ෂා කරනු වස්, සියලුම ව්‍යාපාරික ආයතන මෙම නිවේදනයට අනුකූලව කටයුතු කරන ලෙස කාරුණිකව දන්වා සිටිමි.

නීතිඥ යසස්වින් ගොඩකන්ද
සභාපති - හික්කඩුව නගර සභාව