23/10/2024
දේශපාලන යුක්තිය දිනා දීමට ජනාධිපති අනුර සූදානම්ද? - සියත ටෙලි වැකිය
" දේශපාලන දාර්ශනිකයන් පෙන්වා දීල තියෙනවා ආර්ථික හා සමාජීය සාධාරණත්වය දිනා ගැනීමට පෙර දේශපාලන යුක්තිය තහවුරු කර ගත යුතු බවට. මේ තරම් කාලයක් අපේ රටේ බහුතරයකට ආර්ථික සාධාරණත්වයක් හෝ සමාජ සාධාරණත්වයක් ඉෂ්ට වුනේ නෑ.
වත්මන් ජනාධිපති අනුර දිසානායක තංගල්ල රැළියේදී කිව්වා හිටපු ජනපති රනිල් කෝකියෝ 16යි, වාහන 20යි, කුඩ 30යි, ආරක්ෂාවට 160 ගානකුයි ඉල්ලුවත්, ජනාධිපති කෙනෙකුට දැනට නීතියෙන් අයිති වාහන දෙක හෝ තුන මිසක් අර ඉල්ලපුවා දෙන්නේ නෑ කියලා. ඒ වගේම වත්මන් ජනාධිපති අද වෙනකන් ඒ වගේ නාස්තිකාර වියදම් කරලා නෑ. කරන බවත් දැනගන්න ලැබිලත් නෑ. ජනපති අනුර අපිට දෙන්න හදන්නේ ඒ දේශපාලන යුක්තිය.
අපි 76 වසරක් පුරා රටේ පාලන බලය දුන්නේ තමන්ට විතරක් සැප උරුම විය යුතුයි කියලා හිතපු මිනිස්සුන්ට. ඒ නිසාම අපිට ආර්ථික සහ සමාජය යුක්තියත් අහිමි වුණා.
අපි දැනට රට දීල තියෙන්නේ එක් දේශපාලනික යුක්තගරුක මිනිසෙකුට පමණයි. ඊළඟ අභියෝගය පාර්ලිමේන්තුව. ඉතිහාසයේ ප්රථම වතාවට, ආර්ථික හා සමාජීය සාධාරණත්වය වෙනුවෙන් දේශපාලනික යුක්තිගරුකු මිනිසුන් පිරිසකට බලය ලබා දිය යුතුයි. "
