07/09/2026
අපි මෙට්රො බස් එකේ යන ගමන් අනුර හොරු අල්ලලා හිරේ දාන ගමන් හුරේ දාමු ෴෴෴෴෴
එක් පැත්තකින් දෙයක් ලැබිලා වහා වියැකී යන සුළු තවත් පැත්තකින් දරාගත නොහැකි දෙයක් දෙයක් අපි සංසන්දනය කලොත් හිතවතුනි , තව කලෙකට පසු මෙට්රෝ බස් ගිනිතබන්නේද නුඹලාමය෴෴෴
ඉතින් අපේ රටේ ඉතිරි වෙලා තියෙන වන සම්පත ගහකොල ටික අපිට අහිමි වෙලා රටෙනුත් කෑල්ලක් දෙකක් අහිමි වෙලා ඊටත් ටික කලෙකට පස්සෙ ඉතිරි කෑල්ලටත් උන් අයිතිවාසිකම් කිව්වොත් අද
තිස්ස විහාරයට පිච්චමල් විහාරයට කියනවා වගේ අපි පනින්නෙ මුහුදටද?
⭕️ජනපති තුමනි රට හදන්න මෙට්රෝ නෙමේ විදුලි දුම්රියත් ගේන්න. හොරු නෙවෙ හොරුන්ගෙත් හොරුන්ව අල්ලා හිරේ දාන්න.. ඒ මොක කලත් අනේ අපේ වනසම්පත සහ නොබෙදුනු රටත් අපිට ඉතිරිකරන්න. ⭕️
ඒවාගේම බඩු මිලත් අඩුකරන්න සලකා බලන්න.
🏛️. උතුරු – නැගෙනහිර වනාන්තරවල නිහඬ විනාශය. 🏛️.
අක්කර 16,500ක් අහිමි වෙද්දී නීතිය නිහඬද?
ශ්රී ලංකාවේ උතුරු හා නැගෙනහිර පළාත්වල ඉතිරිව ඇති වටිනා වනාන්තර පද්ධති අද දැවැන්ත අභියෝගයකට මුහුණ දෙමින් සිටී.
සිදු කළ අධ්යයනයකට අනුව, වව්නියාව, මුලතිව්, මන්නාරම සහ අම්පාර දිස්ත්රික්කවල වන සංරක්ෂණ දෙපාර්තමේන්තුව යටතේ පාලනය වන ආරක්ෂිත ප්රදේශ 17කට අයත් වනාන්තර අක්කර 16,500කට ආසන්න ප්රමාණයක් එළිපෙහෙළි කරමින් නව ජනාවාස හා වගාබිම් ව්යාප්ත කිරීම සිදුවෙමින් පවතින බවට කරුණු අනාවරණය වී තිබේ.
මෙය හුදෙක් ගස් කපා දැමීමේ කතාවක් නොවේ.
මෙය ජලය, වනජීවීන්, පුරාවිද්යාත්මක උරුමය, පරිසර සමතුලිතතාවය සහ අනාගත පරපුරේ අයිතිය පිළිබඳ ප්රශ්නයකි.
අක්කර දහස් ගණනක් අතුරුදන් වන විට...
මරිච්චුක්කඩ්ඩි – කරඩික්කුලි, කරුන්කාලිපුරම්, මඩුපාර, පුවරසන්කුලම්, කුලාමරිප්පු, නාගන්චෝලෙයි, ඉරසෙන්තිරම්කුලම් වැනි වන රක්ෂිත මෙන්ම වඩකාඩු, කාකේනිකුලම්, පෙරියමඩු, ඔඩ්ඩුසුඩාන්, මුහුදුබඩ පත්තු, කරඩික්කුලි රජයේ කැලය, සාලම්බයිකුලම් සහ සුදුවෙත්තකුලම් වැනි රජයේ වනාන්තර ප්රදේශ ද මෙම විනාශයට ලක්වන ප්රදේශ අතර සඳහන් වේ.
🛑 .එමෙන්ම අම්පාර දිස්ත්රික්කයේ කුඹුක්කන සහ බක්මිටියාව – තිබිරිගොල්ල වැනි වන රක්ෂිතවල ද වනාන්තර එළිපෙහෙළි කරමින් මහා පරිමාණ වගාබිම් ව්යාප්ත කිරීම පිළිබඳව කරුණු අනාවරණය වී තිබේ. මේවායේ අතිශ්ය වටිනාකමකින් යුත් පුරාවිද්යාත්මක සාධකයන්ද දැඩි විනාශයට ලක්ව ඇත.
ප්රශ්නය වන්නේ...
🛑 .මේ සියල්ල සිදුවන්නේ නීතියේ ඇස් ඉදිරිපිටද?
කරුන්කාලිපුරම් – අක්කර 5,000ක කතාව
වව්නියාව දිස්ත්රික්කයේ සුවිශේෂී වන පද්ධතියක් වන කරුන්කාලිපුරම් වන රක්ෂිතය මෙම තත්ත්වයට දැඩි ලෙස බලපෑ ප්රදේශයක් ලෙස සඳහන් වේ.
1940 ජුනි 7 දින අංක 8620 දරන ගැසට් නිවේදනයෙන්ද, පසුව 1985 ඔක්තෝබර් 15 දින අංක 371/7 දරන ගැසට් නිවේදනයෙන්ද රක්ෂිතයක් ලෙස ප්රකාශයට පත් කර ඇති මෙම ප්රදේශයේ මුළු භූමි ප්රමාණය හෙක්ටයාර 8,432ක් පමණ වේ.
එහෙත් එහි අක්කර 5,000කට ආසන්න ප්රමාණයක් එළිපෙහෙළි කර ජනාවාස පිහිටුවීමට කටයුතු කළ බවට චෝදනා එල්ල වී තිබේ.
එම ක්රියාවලියත් සමඟ වටිනා දැව විනාශය, විශේෂයෙන් කළුවර දැව සම්බන්ධ ජාවාරම් පිළිබඳවද කරුණු මතුව තිබේ.
🛑. වන විනාශයේ තවත් බරපතළ ප්රතිඵලයක් වූයේ අලි – මිනිස් ගැටුමයි.
අලි ගමන් කරන ස්වභාවික මාර්ග හා වාසස්ථාන ඛණ්ඩනය වීමත් සමඟ ගැටුම පාලනය කිරීම සඳහා විදුලි වැටවල් ඉදිකර ඇති බව සඳහන් වේ.
🛑 . එහෙත් මෙහි ඇති විකාරය කුමක්ද?
අලින්ගේ වාසස්ථාන අපිම කපා වෙන් කර, පසුව අලි – මිනිස් ගැටුම පාලනය කිරීමට වැටවල් ඉදිකිරීමයි.
🛑 .තවත් අක්කර 3,000ක්?
කරුන්කාලිපුරම් රක්ෂිතයෙන් තවත් අක්කර 3,000ක් ජනාවාස සඳහා ලබාගැනීමට ඉල්ලීම් කර තිබූ බවද මෙම තොරතුරුවල සඳහන් වේ.
එම ඉඩම් නිදහස් කිරීම මේ වන විට තාවකාලිකව නතර වී ඇත්තේ එල්ල වූ විරෝධතා සහ බලපෑම් හේතුවෙන් බවද සඳහන් වේ.
නමුත් මෙය එක් ප්රදේශයකට පමණක් සීමා වූ සිදුවීමක් නොවේ.
විල්පත්තුවට උතුරින් තවත් අර්බුදයක්
විල්පත්තු ජාතික වනෝද්යානයට උතුරින් පිහිටි වනාන්තර ප්රදේශ සම්බන්ධයෙන්ද පසුගිය කාලයේ දැඩි අවධානයක් යොමු විය.
කල් ආරු ඔයේ ප්රධාන ජල පෝෂක ප්රදේශ ලෙස සැලකෙන මරිච්චුක්කඩ්ඩි – කරඩික්කුලි වනාන්තර ප්රදේශයේ අක්කර 3,000කට ආසන්න භූමි ප්රමාණයක් එළිපෙහෙළි කරමින් නව ජනාවාස පිහිටුවීම පිළිබඳව චෝදනා එල්ල විය.
තවද, එම ප්රදේශයේ තවත් අක්කර 900ක පමණ වනාන්තර භූමියක් ජනාවාස හා වගාබිම් සඳහා ලබාගැනීමට සැලසුම් කළ බවටද කරුණු ඉදිරිපත් වී තිබේ.
මඩු රක්ෂිතයේත් ගැටුම්
මුලතිව් දිස්ත්රික්කයේ මඩු වන රක්ෂිතයේ කොන්ඩියාකුප්පම් ප්රදේශයේ අක්කර 600ක පමණ වනාන්තර ප්රදේශයක් එළිපෙහෙළි කර නව ජනාවාස පිහිටුවීමට එරෙහිව විරෝධතා මතුවූ බවද මෙම වාර්තාවේ සඳහන් වේ.
එහිදී විවිධ පාර්ශ්ව අතර ගැටුම් පවා ඇති වූ බව පැවසේ.
🛑 .මෙවැනි තත්ත්වයක් කලින්ම වැළැක්විය හැකිව තිබුණේ නම්?
නීතිය ක්රියාත්මක විය යුතු මොහොතේ නිහඬව සිටීම අවසානයේ සමාජ ගැටුමක් බවට පත්විය හැකි බවට මෙය අනතුරු ඇඟවීමක් නොවේද?
අම්පාරේ පුරාවිද්යා උරුමයත් අවදානමේ
නැගෙනහිර පළාතේ අම්පාර දිස්ත්රික්කයේ කුඹුක්කන සහ බක්මිටියාව – තිබිරිගොල්ල වනාන්තර ප්රදේශවලද විශාල වශයෙන් වගාබිම් ව්යාප්ත වන බව සඳහන් වේ.
බක්මිටියාව – තිබිරිගොල්ල රක්ෂිතයේ වට්ටමඩු ප්රදේශයේ අක්කර 1,000ක් පමණද, කුඹුක්කන රක්ෂිතයේ රදැල්ල ප්රදේශයේ අක්කර 70කට ආසන්න ප්රමාණයක්ද එළිපෙහෙළි කර ඇති බවට කරුණු ඉදිරිපත් වේ.
මෙහිදී තවත් බරපතළ ප්රශ්නයක් මතුවේ.
වනාන්තර සමඟ අපගේ පුරාවිද්යාත්මක උරුමයත් විනාශ වුවහොත්, නැවත එය ගොඩනැගිය හැකිද?
පුරාවස්තු යනු ගස් මෙන් නැවත සිටුවිය හැකි දෙයක් නොවේ.
එක් වරක් විනාශ වූ ඉතිහාසයක් නැවත නිර්මාණය කළ නොහැක.
🛑 .නීතිය කුමක් කියනවාද?
මෙවැනි ක්රියා සම්බන්ධයෙන් වන සංරක්ෂණ ආඥා පනත, ජාතික පාරිසරික පනත, පුරාවස්තු ආඥා පනත සහ රජයේ ඉඩම් ආඥා පනත යටතේ නීතිමය සීමාවන් පවතින බව සඳහන් වේ.
වන සංරක්ෂණ ආඥ පනතේ 7 වන වගන්තිය යටතේ රක්ෂිත වනාන්තරයකට අනවසරයෙන් ඇතුළුවීම, රැඳී සිටීම, ගස් කැපීම, ගොඩනැගිලි ඉදිකිරීම, පදිංචි වීම, මාර්ග සකස් කිරීම සහ වගාබිම් ඇති කිරීම වැනි ක්රියා නීති විරෝධී වේ.
රජයට අයත් වන සංරක්ෂිත වනාන්තර සම්බන්ධයෙන්ද එම ආඥ පනතේ 20 වන වගන්තිය යටතේ නීතිමය සීමාවන් පවතී.
ඒ අනුව ප්රශ්නය වන්නේ,
🛑 .නීතිය මෙතරම් පැහැදිලිව තිබියදී එය ක්රියාත්මක කරන්නේ කවුද?
පරිසර බලපෑම් ඇගයීම කොහෙද?
ජාතික පාරිසරික පනත යටතේ විශාල වනාන්තර ප්රදේශ එළිපෙහෙළි කිරීම, විශාල පිරිසක් නැවත පදිංචි කිරීම හෝ සංවේදී පරිසර ප්රදේශ ආශ්රිතව සංවර්ධන කටයුතු සිදු කිරීමේදී පාරිසරික අනුමැතිය සහ පරිසර බලපෑම් ඇගයීම වැනි ක්රියාවලීන් අවශ්ය වන අවස්ථා පවතී.
එසේම විශාල භූමි ප්රදේශ එළිපෙහෙළි කිරීම හෝ ජනාවාස පිහිටුවීමේදී පුරාවිද්යාත්මක හානි ඇගයීමක් අවශ්ය වන අවස්ථාද පවතී.
එසේ නම්,
එවැනි ක්රියාමාර්ග නිසි පරිදි සිදු කර තිබේද?
එසේ නොමැති නම්, ඒ පිළිබඳව වගකිව යුතු ආයතන ගත් පියවර කුමක්ද?
මේක ජාතිවාදී ප්රශ්නයක්ද?
මෙවැනි වනාන්තර විනාශයන්ට එරෙහිව මතුවන විරෝධතා ඇතැම් අවස්ථාවල ජාතිවාදී දෘෂ්ටිකෝණයකින් විග්රහ කිරීමට උත්සාහ කළ බවද මෙම වාර්තාවේ සඳහන් වේ.
නමුත් පරිසර සංරක්ෂණයේ මූලික ප්රශ්නය ඊට වඩා සරලය.
වනාන්තරයක් කා විසින් විනාශ කළත්, විනාශ වන්නේ වනාන්තරයයි.
එහි ප්රතිඵලය සිංහලයාටත්, දෙමළාටත්, මුස්ලිම්වරයාටත් එකසේ බලපානු ඇත.
වනාන්තර විනාශ වීමෙන් ජල පෝෂක ප්රදේශ අහිමි වේ.
☘️අලි ඇතුන්ගේ වාසස්ථාන අහිමි වේ.
☘️වනජීවී ගමන් මාර්ග කැඩී යයි.
☘️ජල අර්බුද උග්ර වේ.
☘️අලි – මිනිස් ගැටුම වැඩි වේ.
☘️අවසානයේ පීඩාවට පත්වන්නේ සාමාන්ය ජනතාවය.
🛑. යුද්ධයෙන් අවතැන් වූවන්ගේ ප්රශ්නයත් මෙයට බැඳී ඇත.
උතුරු – නැගෙනහිර යුද්ධය අවසන් වීමෙන් පසු අවතැන් වූ ජනතාව ඔවුන්ගේ පාරම්පරික ඉඩම්වල නිසි පරිදි නැවත පදිංචි කිරීමේ ක්රියාවලිය පිළිබඳවද බරපතළ ප්රශ්න මතුව තිබේ.
එවැනි ජනතාවගේ සාධාරණ ඉඩම් අයිතිය විසඳීම වෙනුවට, ජාතික සැලැස්මකින් තොරව නව ජනාවාස ව්යාප්ත කිරීම සිදුවන්නේ නම්, එය අනාගතයේදී තවත් සමාජ ගැටුම් ඇති කිරීමට හේතු විය හැක.
🛑.එබැවින් විසඳුම විය යුත්තේ ජාතිවාදය නොවේ.
නීතියට යටත්ව, සාධාරණ හා විනිවිදභාවයෙන් යුත් නැවත පදිංචි කිරීමේ ජාතික වැඩපිළිවෙළකි.
පරිසරය නැති කළොත් ඉතිරි වන්නේ කුමක්ද?
අද අපි කපා දමන්නේ ගසක් විය හැකිය.
නමුත් ඒ ගස සමඟ විනාශ වන්නේ වසර සිය ගණනක් පැරණි පරිසර පද්ධතියකි.
අපි එළිපෙහෙළි කරන්නේ ඉඩමක් විය හැකිය.
නමුත් ඒ සමඟ විනාශ වන්නේ අලි ඇතුන්ගේ ගමන් මාර්ගයක්, කුරුල්ලන්ගේ වාසස්ථානයක්, ජල පෝෂක ප්රදේශයක් හෝ අනාගත පරපුරට අත්යවශ්ය ජල සම්පතක් විය හැකිය.
තවත් පැත්තකින් එම භූමිය තුළ සැඟවී ඇති පුරාවිද්යාත්මක සාක්ෂියක්ද සදාකාලිකව අහිමි විය හැකිය.
🛑. ප්රතිපත්ති පොත්වල පමණක් පරිසර ආරක්ෂාව?
රජයන් විසින් ඉදිරිපත් කරන ලද ප්රතිපත්ති ප්රකාශනවල පරිසර ආරක්ෂාව, වන විනාශය වැළැක්වීම සහ සංවේදී පරිසර පද්ධති ආරක්ෂා කිරීම පිළිබඳ පොරොන්දු තිබුණද, ඒවා භූමියේ ක්රියාත්මක වීම පිළිබඳව බරපතළ ප්රශ්න මතුවන බව මෙම වාර්තාව පෙන්වා දෙයි.
එක්සත් ජාතීන්ගේ ආයතන සමඟ සම්බන්ධ ව්යාපෘති හරහා ශ්රී ලංකාවේ වනාන්තර හායනය හා ඛණ්ඩනය වැළැක්වීම සඳහා සැලසුම් සකස් කරමින් සිටියද, ඒ අතරතුර ඉතිරිව ඇති වනාන්තර ආරක්ෂා කර ගැනීමට කඩිනම් පියවර ගැනීම අත්යවශ්ය වේ.
මන්ද...
සැලසුම් ලියන අතරතුර වනාන්තරය විනාශ වී අවසන් වුවහොත්, එම සැලසුම්වලින් ඇති ප්රයෝජනය කුමක්ද?
🛑. අවසානයේ ඉතිරි වන ප්රශ්නය...
මෙය එක් ඇමතිවරයෙකුට, එක් ආණ්ඩුවකට හෝ එක් ජන කොට්ඨාසයකට පමණක් සීමා වූ ප්රශ්නයක් නොවේ.
මෙය ශ්රී ලංකාවේ අනාගතය පිළිබඳ ප්රශ්නයකි.
අද වනාන්තරයක් එළිපෙහෙළි කර ජනාවාසයක් ගොඩනැගිය හැකිය.
අද වගාබිමක් ඇති කළ හැකිය.
"නමුත් හෙට නැතිවන ජල පෝෂක ප්රදේශය නැවත ගොඩනැගිය හැකිද?"
"අලි ඇතුන්ගේ අහිමි වූ වාසස්ථානය නැවත ලබාදිය හැකිද?"
"විනාශ වූ පුරාවිද්යාත්මක උරුමය නැවත ගෙන එන්න පුළුවන්ද?"
නැහැ.
ඒ නිසා අද අපට අවශ්ය වන්නේ කාගේ දේශපාලනයද, කාගේ ජාතියද යන්න ගැන සටන් කිරීම නොවෙයි.
☘️අවශ්ය වන්නේ නීතිය සැමට එකසේ ක්රියාත්මක කිරීමයි.
☘️වනාන්තර රැකීමයි.
☘️ජල පෝෂක ප්රදේශ රැකීමයි.
☘️අලි ඇතුන්ගේ වාසස්ථාන රැකීමයි.
☘️පුරාවිද්යා උරුමය රැකීමයි.
ඒ සියල්ල අවසානයේ රැකෙන්නේ...
පේ රටේ අනාගත පරපුරයි.
අද අපි මුනිවත රකින්නේ නම්, හෙට අපේ දරුවන් අපෙන් අසනු ඇත.
“ඔබලාට රැකගන්න තිබුණු වනාන්තරය කොහෙද?”
එදා පිළිතුරක් දීමට අපට ඉතිරිව තිබෙන්නේ කපා දැමූ ගස්වල මතකය පමණක් නොවේවා.
#පරිසරයසුරකිමු
#නැගෙනහිරවනවිනාශය
#නැගෙනහිරපුරාවිදයාඋරුමය
#ගවේෂණපුරාණය
#ඉතිහාසකතාන්දර
සටහන පාලිත සමරනායක
