09/09/2025
ஓய்வு பெறும் தருணம். நன்றியும் நினைவுகளும் 🙏
இன்று, இலங்கை போக்குவரத்து சபையில் (SLTB) முப்பது ஆண்டுகளுக்கும் மேலாக பணியாற்றிய பின், நான் ஓய்வு பெறுகின்றேன். என் பயணத்தை ஸ்டோர் கீப்பர் (Store Keeper) ஆகத் தொடங்கிய நான், பின்னர் உதவி மேலாளர் (Assistant Manager), தலைமை அலுவலகத்தில் நிர்வாக அலுவலர் (Head ஆபீஸ் - Administrative Officer - AO), இறுதியாக மட்டக்களப்பு சாலை மேலாளர் (Depot Manager) ஆகிய பதவிகளில் பணியாற்றும் வாய்ப்பைப் பெற்றேன்.
ஆரம்ப காலங்களில் மட்டக்களப்பு சாலையில் பணியாற்றும் போது சாலையினை அபிவிருத்தி செய்ய முற்பட்டேன். இருந்தும் அரசியல் இடமாற்றங்கள் உள்ளிட்ட பல சவால்களை சந்தித்த போதும், என் பணியை நேர்மையுடனும் அர்ப்பணிப்புடனும் செய்து வந்தேன். ரெத்திதனை சாலையிலும் மட்டக்களப்பு சாலையிலும் பணியாற்றிய காலம் எனக்கு மறக்க முடியாத அனுபவங்களை வழங்கியது.
மட்டக்களப்பு சாலையில் பணியாற்றியபோது, கிராமப்புற மக்கள் மற்றும் பள்ளி மாணவர்களுக்கென சிறப்பு பேருந்து சேவைகளை அறிமுகப்படுத்தியதோடு, பெண்களுக்கென தனியார் பேருந்து சேவைகளையும் ஏற்படுத்தினேன். மேலும், ஆலயங்களுக்கான விஷேட போக்குவரத்து வசதிகளையும் ஏற்படுத்திக் கொடுத்தேன். சாலை நிதி நெருக்கடியில் சிக்கியிருந்த தருணத்தில், நான் தலைமை காரியாலயத்தில் AO ஆக பணி புரிந்துகொண்டிருந்தேன். ஊழியர்கள் அனைவரின் வேண்டுகோளின்பேரில் மீண்டும் மட்டக்களப்பு சாலையினை Depot Manager ஆக பொறுப்பேற்றேன்.
இன்று, பொறுப்பேற்று ஒரு குறுகிய காலங்களுக்குள் ஊழியர்களது ஒத்துழைப்பும் அர்ப்பணிப்பும் காரணமாக, மட்டக்களப்பு சாலை ஒரு மாடல் (Model) டெப்போவாகவும் இலாபம் தரும் நிலையிலும் திகழ வைத்துள்ளேன். இன்று அது, வேறு சில மாவட்டங்களின் சாலைகளுக்கு கடன் உதவி வழங்கும் அளவிற்கு வளர்ச்சி கண்டுள்ளது. SLTB-இல் பெரும்பாலும் காணப்படும் ஊழல் செயல்களைத் தடுத்து, வெளிப்படைத்தன்மை மற்றும் ஒழுக்கத்துடன் பணிகளை முன்னெடுத்தது என் வாழ்நாள் பெருமைகளில் ஒன்றாக நான் கருதுகிறேன்.
ஊழல் இல்லாமல், நேர்மையாக வாழ்வதும் பணியாற்றுவதும் எளிதல்ல. பல சவால்களையும் துன்பங்களையும் சந்திக்க நேரிடும். ஆனாலும், எந்த நிலையிலும் நேர்மையை விட்டுவிடக் கூடாது. நேர்மை என்பது மனித வாழ்வின் அடித்தளம். அது எந்தத் தொழிலாக இருந்தாலும் வழிகாட்டும் ஒளியாகும். நேர்மையாக நடந்தால் யாரிடமும் கைநீட்ட வேண்டியதில்லை; யாரிடமும் அடிபணிய தேவையில்லை. ஒருநாள், அந்த நேர்மையே உங்களை உயர்த்தி நிறுத்தும்
என் சேவைக் காலத்தில் எனக்கு தோள்கொடுத்த சக ஊழியர்கள், மேலதிகாரிகள் மற்றும் பொதுமக்கள் அனைவருக்கும் என் மனமார்ந்த நன்றியை தெரிவித்துக்கொள்கிறேன். நான் சாதித்த அனைத்தும் என் தனிப்பட்ட முயற்சியால் மட்டுமல்ல, என்னைச் சுற்றியிருந்த அனைவரின் ஒத்துழைப்பாலும் ஆதரவாலும் சாத்தியமானது.
நான் என் பணியை மிகவும் நேசித்தேன். குடும்பத்துடன் செலவிட வேண்டிய நேரத்தை விடவும், என் பணிக்காக அதிக நேரத்தை ஒதுக்கினேன்.
இன்று நான் ஓய்வு பெறும் தருணத்தில், என் மனம் நிறைந்த நன்றியுடன் அனைவரையும் நினைவுகூர்கிறேன். இனிய காலங்களில் மட்டக்களப்பு சாலையும் முழு SLTB வலையமைப்பும் இன்னும் சிறப்பாக முன்னேற வேண்டும் என்பதே என் வாழ்த்தாகும். என் சேவையை மதித்து நினைவுகூரும் அனைவருக்கும் என் இதயப்பூர்வமான நன்றிகள்
