ກົມເຈລະຈາ ແລະ ຮ່ວມມືສາກົນ

21/03/2026

ໃນລະຫວ່າງວັນທີ 16-18 ມີນາ 2026 ຜ່ານມາ, ທ່ານ ແສງອາລຸນ ວິໄລສັກ ຮອງຫົວຫນ້າກົມເຈລະຈາ ແລະ ຮ່ວມມືສາກົນ, ກະຊວງອຸດສາຫະກຳ ແລະ ການຄ້າ ໄດ້ນຳພາຄະນະຜູ້ແທນເຂົ້າຮ່ວມກອງປະຊຸມຄະນະກຳມະການ ຕິດຕາມການຈັດຕັ້ງປະຕິບັດສັນຍາການເປັນຄູ່ມືທາງດ້ານເສດຖະກິດຮອບດ້ານລະດັບພາກພື້ນ ຄັ້ງທີ 12 (The 12th RCEP Joint Committee Meeting), ທີ່ ວິວລິງຕັນ, ປະເທດ ນິວຊີແລນ ພາຍໃຕ້ການເປັນປະທານຮ່ວມ ຂອງປະເທດອິນໂດເນເຊຍ ໃນນາມປະເທດປະສານງານຂອງປະເທດສະມາຊິກອາຊຽນ ແລະ ປະເທດ ນິວຊີແລນ ໃນນາມປະເທດປະສານງານ ສຳລັບ 5 ປະເທດຄູ່ຮ່ວມເຈລະຈາ, ພ້ອມດ້ວຍບັນດາຜູ້ເຂົ້າຮ່ວມຈາກ 15 ປະເທດສະມາຊິກສັນຍາອາເຊັບ ແລະ ຫນ່ວຍງານສະຫນັບສະຫນູນສັນຍາອາເຊັບ (RCEP Support Unit) ເຂົ້າຮ່ວມຢ່າງພ້ອມພຽງ.
ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອຕິດຕາມຄວາມຄືບຫນ້າຂອງການຜັນຂະຫຍາຍ ແລະ ຈັດຕັ້ງປະຕິບັດ ສັນຍາອາເຊັບຂອງແຕ່ລະປະເທດສະມາຊິກ ກໍຄືຂໍ້ສະດວກ ແລະ ຂໍ້ຫຍຸ້ງຫຍາກໃນການຈັດຕັ້ງປະຕິບັດສັນຍາດັ່ງກ່າວໃນໄລຍະ 5 ປີຜ່ານມາ. ພ້ອມນີ້, ກອງປະຊຸມ ໄດ້ມີປຶກສາຫາລືຮ່ວມກັນ ກ່ຽວກັບການສ້າງຕັ້ງກອງເລຂາອາເຊັບແບບຖາວອນ, ການດຳເນີນການທົບທວນທົ່ວໄປຂອງສັນຍາ, ການຂະຫຍາຍສະມາຊິກອາເຊັບ ແລະ ຂອບວຽກອື່ນໆທີ່ປິ່ນອ້ອມ. ນອກນີ້, ກອງປະຊຸມ ຍັງໄດ້ຖືໂອກາດໝູນໃຊ້ເວທີດັ່ງກ່າວ ເປັນເວທີປຶກສາຫາລື, ພົບປະແລກປ່ຽນບົດຮຽນທີ່ດີ ລະຫວ່າງ ບັນດານັກຊ່ຽວຊານຂອງສະຖາບັນຄົ້ນຄ້ວາເສດຖະກິດໃນພາກພື້ນອາຊຽນ ກ່ຽວກັບຂໍ້ລິເລິ່ມການທົບທວນການຈັດຕັ້ງປະຕິບັດສັນຍາອາເຊັບ ພາຍຫລັງມີທິດຊີ້ນຳຈາກຜູ້ນຳອາເຊັບໃນເດືອນພະຈິກ 2025 ຜ່ານມາ.
ບັນດາປະເທດສະມາຊິກອາເຊັບ ຍັງໄດ້ມີການປຶກສາຫາລື ແລະ ແລກປ່ຽນ ກ່ຽວກັບສະພາບເສດຖະກິດໂລກ ໂດຍສະເພາະສະພາບການພາຍໃນພາກພື້ນ ທີ່ໄດ້ຮັບຜົນກະທົບໂດຍກົງ ເພື່ອວາງທິດທາງຮັບມືຮ່ວມກັນ ຕໍ່ກັບຜົນກະທົບໄລຍະສັ້ນ ແລະ ໄລຍະຍາວ ໃນຕໍ່ໜ້າ.

13/03/2026

ວັນທີ 13 ມີນາ 2026 ທ່ານ ປອ. ມະໂນທອງ ວົງໄຊ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າໄດ້ນຳພາຄະນະຜູ້ແທນເຂົ້າຮ່ວມກອງປະຊຸມລັດຖະມົນຕີເສດຖະກິດອາຊຽນ ແບບວົງແຄບບ ຄັ້ງທີ 32 ພາຍໃຕ້ການເປັນປະທານຂອງ ຟີລິບປິນ ໃນຖານະປະທານອາຊຽນ ປີ 2026 ພາຍໃຕ້ຫົວຂໍ້"ການນຳທາງອະນາຄົດຂອງອາຊຽນຮ່ວມກັນ" (Navigating Our Future, together)”.
ກອງປະຊຸມຄັ້ງນີ້ ບັນດາລັດຖະມົນຕີເສດຖະກິດອາຊຽນ ໄດ້ມີການຮັບຮອງເອົາບູລິມະສິດເສົາຄ້ຳປະຊາຄົມ ເສດຖະກິດອາຊຽນຂອງຟິລິບປິນ ປະທານອາຊຽນ ໃນປີ 2026 ໂດຍສະເພາະແມ່ນ 9 ບູລິມະສິດພາຍໃຕ້ເສົາຄໍ້າເສດຖະກິດອາຊຽນ (AEM Purview). ກອງປະຊຸມໄດ້ຮັບຊາບ ຄວາມຄືບໜ້າການເຈລະຈາ ສັນຍາການຄ້າເສລີ ອາຊຽນ-ການາດາ, ການຍົກລະດັບສັນຍາການຄ້າເສລີ ອາຊຽນ-ອິນເດຍ ແລະ ຄວາມຄືບໜ້າຂອງການເຈລະຈາສັນຍາຂອບວຽກເສດຖະກິດດິິຈິຕອນ (DEFA), ທີ່ຄືບໜ້າຮອດ 86 ເປີເຊັນ ແລະ ຄາດວ່າຈະໃຫ້ສຳເລັດໃຫ້ທັນການຮັບຮອງຂອງຜູ້ນຳອາຊຽນ ໃນໂອກາດກອງປະຊຸມສຸດຍອດອາຊຽນ ຄັ້ງທີ 49 ຊຶ່ງຈະຈັດຂຶ້ນໃນເດືອນ ພະຈິກ 2026 ທີ່ ຟິລິບປິນ.
ທີ່ສຳຄັນ, ກອງປະຊຸມປະຊຸມຄັ້ງນີ້ ໄດ້ເຫັນດີໃຫ້ອອກຖະແຫຼ່ງການ ຮ່ວມຂອງລັດຖະມົນຕີເສດຖະກິດອາຊຽນ ວ່າດ້ວຍຜົນກະທົບທາງເສດຖະກິດຈາກສະພາບການໃນຕາເວັນອອກກາງ.

12/03/2026

ໃນລະຫວ່າງວັນທີ 11-12 ມີນາ 2026 ທ່ານ ໄຊຊະນະ ໄຊຍະກອນ, ຫົວໜ້າກົມເຈລະຈາ ແລະ ຮ່ວມມືສາກົນ ທັງເປັນ ເຈົ້າໜ້າທີ່ອາວຸໂສເສດຖະກິດອາຊຽນ (SEOM) ໄດ້ນຳພາຄະນະຜູ້ແທນຈາກ ສປປ ລາວ ເຂົ້າຮ່ວມກອງປະຊຸມກະກຽມຂອງເຈົ້າໜ້າທີ່ອາວຸໂສເສດຖະກິດອາຊຽນ ເພື່ອກະກຽມໃຫ້ແກ່ກອງປະຊຸມ AEMR ຄັ້ງທີ 32 ທີ່ ມະນິລາ ປະເທດຟີລິບປິນ ກອງປະຊຸມ ໄດ້ປຶກສາຫາລືໃນວາລະທີ່ສຳຄັນຄື: ການຫາລືກ່ຽວກັບສະພາບເສດຖະກິດຂອງພາກພື້ນ ແລະ ໂລກ, ການຕິດຕາມຄວາມຄືບໜ້າຂອງການຈັດຕັ້ງປະຕິບັດແຜນແມ່ບົດເສດຖະກິດອາຊຽນ (AEC Blueprint 2025), ການຮ່ວມມືທາງດ້ານເສດຖະກິດດິຈິຕ້ອນ (ASEAN DEFA), ລວມທັງ ການເຈລະຈາດ້ານການຄ້າເສລີ ກັບ ບັນດາຄູ່ຮ່ວມເຈລະຈາຂອງອາຊຽນ ລວມທັງ ການາດາ, ອິນເດຍ, ເກົາຫລີ ແລະ GCC, ພ້ອມກັນນັ້ນ, ກໍ່ຮັບຟັງຄຳສະເໜີຈາກ ASEAN-BAC, ERIA ແລະ ADB ກ່ຽວກັບທິດທາງການພັດທະນາເສດຖະກິດອາຊຽນໄປສູ່ວິໄສທັດ 2045 ພາຍໃຕ້ການນຳພາຂອງຟີລິບປິນໃນຖານະເປັນປະທານອາຊຽນປີ 2026.

08/03/2026

ກອງປະຊູມຄະນະເຈລະຈາສັນຍາຂອບວຽກເສດຖະກິດດິຈິຕອນອາຊຽນ ຄັ້ງທີ 18
-----------------------------------------------------------------
ໃນລະຫວ່າງວັນທີ 08-10 ມີນາ 2026 ທີ່ ມະນິລາ, ປະເທດ ຟີລິບປິນ, ທ່ານ ແສງອາລຸນ ວິໄລສັກ, ຮອງຫົວໜ້າກົມເຈລະຈາແລະ ຮ່ວມມືສາກົນ ທັງເປັນຫົວໜ້າຄະນະເຈລະຈາສັນຍາສັນຍາຂອບວຽກເສດຖະກິດດິຈິຕອນອາຊຽນ ຂອງ ສປປ ລາວ ໄດ້ນຳພາຄະນະເຂົ້າຮ່ວມກອງປະຊຸມກອງປະຊຸມຄະນະເຈລະຈາສັນຍາຂອບວຽກເສດຖະກິດດິຈິຕອນອາຊຽນ ຄັ້ງທີ 18 ໂດຍມີບັນດາປະເທດສະມາຊິກອາຊຽນ ແລະ ກອງເລຂາອາຊຽນກໍເຂົ້າຮ່ວມກອງປະຊຸມດັ່ງກ່າວ.
ການປະຊຸມຄັ້ງນີ້ ໄດ້ສືບຕໍ່ເຈລະຈາກ່ຽວກັບບັນດາມາດຕາທີ່ຍັງຄົງຄ້າງເລັ່ງການເຈລະຈາໃຫ້ສຳເລັດຕາມເປົ້າໝາຍທີ່ໄດ້ກຳນົດໄວ້. ນອກຈາກນັ້ນ, ການເຈລະຈາຂອງສັນຍາດັ່ງກ່າວຍັງເປັນບາດກ້າວສຳຄັນຂອງອາຊຽນ ໃນການສ້າງໃຫ້ພາກພື້ນເປັນເສດຖະກິດດິຈິຕອນທີ່ເຕີບໂຕ ແລະ ສົ່ງເສີມການພັດທະນາເສດຖະກິດຢ່າງຍືນຍົງ ແລະ ທົ່ວເຖິງ. ມາຮອດປັດຈຸບັນ, ການເຈລະຈາສໍາເລັດແລ້ວ ຄິດເປັນ 85% ແລະ ຄາດວ່າຈະສຳເລັດການເຈລະຈາໃນເດືອນພຶດສະພາ ປີ 2026 ແລະ ສາມາດລົງນາມສັນຍາດັ່ງກ່າວໃນກອງປະຊຸມສຸດຍອດອາຊຽນໃນເດືອນ ພະຈິກ 2026.

26/02/2026

ກອງປະຊຸມເຈົ້າຫນ້າທີ່ລະດັບສູງ ວ່າດ້ວຍການເຊື່ອມໂຍງເສດຖະກິດ ຄັ້ງທີ 49.
---------------‐------------------
ໃນລະຫວ່າງວັນທີ 25-27 ກຸມພາ 2026, ທີ່ເມືອງ ອີໂລ ອີໂລ, ປະເທດ ຟິລິບປິນ, ທ່ານ ໄຊຊະນະ ໄຊຍະກອນ, ຫົວຫນ້າກົມເຈລະຈາ ແລະ ຮ່ວມມືສາກົນ, ກະຊວງ ອຸດສະຫາກຳ ແລະ ການຄ້າ, ທັງເປັນຫົວໜ້າເຈົ້າໜ້າທີ່ອາວຸໂສເສດຖະກິດອາຊຽນ ຂອງ ສປປ ລາວ ໄດ້ນຳພາຄະນະເຂົ້າຮ່ວມກອງປະຊຸມເຈົ້າຫນ້າທີ່ລະດັບສູງ ວ່າດ້ວຍການເຊື່ອມໂຍງເສດຖະກິດ ຄັ້ງທີ 49 ທີ່ເມືອງ ອີໂລ ອີໂລ, ປະເທດ ຟິລິບປິນ.
ກອງປະຊຸມຄັ້ງນີ້ ໄດ້ປຶກສາຫາລື ແລະ ທົບທວນຜົນຂອງກອງປະຊຸມເຈົ້າຫນ້າທີ່ອາວຸໂສເສດຖະກິດອາຊຽນ ຄັ້ງທີ 1/57 ໃນເດືອນ ມັງກອນ 2026 ຜ່ານມາ ໂດຍສະເພາະ ກ່ຽວກັບ 19 ແຜນບູລິມະສິດທາງດ້ານເສດຖະກິດ PEDs ພາຍໃຕ້ການເປັນປະທານອາຊຽນ ປີ 2026 ຂອງ ຟິລິບປິນ ເພື່ອກະກຽມສະເຫນີໃຫ້ແກ່ກອງປະຊຸມລັດຖະມົນຕີເສດຖະກິດອາຊຽນ ແບບວົງແຄບ ຄັ້ງທີ 32 ຮັບຮອງເອົາໃນເດືອນມີນາ 2026 ທີ່ຈະມາເຖິງນີ້. ນອກນັ້ນ, ກອງປະຊຸມ ຍັງໄດ້ປຶກສາຫາລື ແລະ ແລກປ່ຽນຮ່ວມກັນ ກ່ຽວກັບ ການເພີ່ມທະວີທາງດ້ານການຄ້າ-ການລົງທຶນ, ການຮັດແໜ້ນດ້ານການເຊື່ອມຈອດທາງດ້ານເສດຖະກິດ ເພື່ອການເຊື່ອມໂຍງເສດຖະກິດໃນອາຊຽນ ໃຫ້ມີຄວາມສາມາດໃນການແຂ່ງຂັນໃນພາກພື້ນ ແລະ ສາກົນ ໃນທ່າມກາງສະພາບການດ້ານເສດຖະກິດຂອງໂລກທີ່ກຳລັງຜັນແປ, ລວມທັງບັນດາອຸປະສັກຕ່າງທີ່ສົ່ງຜົນກະທົບໃຫ້ແກ່ການຄ້າຂອງອາຊຽນໃນປະຈຸບັນ.

12/02/2026

ກອງປະຊຸມເຜີຍແຜ່ການເຊື່ອມໂຍງເສດຖະກິດ ແລະ ເສດຖະກິດໝູນວຽນ ຂອງ ສປປ ລາວ ໃນວັນທີ 11 ກຸມພາ 2026 ທີ່ ແຂວງຈຳປາສັກ.

10/02/2026

ຄວາມຄືບໜ້າໃນການເຈລະຈາສ້າງສັນຍາການຄ້າເສລີ ອາຊຽນ-ການາດາ ຄັ້ງທີ 17.

ທ່ານ ອິດທິລິດ ຍັງນຸວົງ, ຮອງຫົວໜ້າກົມເຈລະຈາ ແລະ ຮ່ວມມືສາກົນ ໄດ້ນຳພາຄະນະຜູ້ແທນຈາກ ສປປ ລາວ ເດີນທາງເຂົ້າຮ່ວມກອງປະຊຸມເຈລະຈາສ້າງສັນຍາການຄ້າເສລີ ອາຊຽນ-ການາດາ (ACAFTA) ຄັ້ງທີ 17 ໃນໄລຍະວັນທີ 9-13 ກຸມພາ 2026 ທີ່ ເມືອງຈາກາຕ້າ, ປະເທດອິນໂດເນເຊຍ.

ການເຈລະຈາ ແມ່ນມີຄວາມຄືບໜ້າທີ່ສຳຄັນ ໂດຍສະເພາະສາມາດສະຫຼຸບການເຈລະຈາ/ສັນຍາ ໄດ້ສຳເລັດ 10 ພາກສັນຍາ (10 Chapters) ຈາກທັງໝົດ 21 ພາກສັນຍາ. ເຖິງຢ່າງໃດກໍ່ຕາມ ການເຈລະຈາກໍ່ຍັງມີຄວາມທ້າທາຍສົມຄວນ ໂດຍສະເພາະ ການເຈລະຈາມີຄາດຫມາຍໃຫ້ສຳເລັດໃນປີ 2026 ແລະ ການເຈລະຈາດ້ການເຂົ້າເຖິງຕະຫຼາດຍັງຈະສືບຕໍ່ ເນື່ອງຈາກຄວາມແຕກຕ່າງລະຫວ່າງ ລະດັບການພັດທະນາເສດຖະກິດ ທີ່ມີຄວາມຫຼາກຫຼາຍຂອງອາຊຽນ 10 ປະເທດ ແລະ ການາດາ. ນອກຈາກນັ້ນ, ການາດາ ກໍ່ມີຄວາມຄາດຫວັງສູງໃນການເປີດເສລີຕະຫຼາດ. ເຖິງແນວໃດກໍ່ຕາມ, ທັງສອງຝ່າຍ ຍັງຢືນຢັນຈະສືບຕໍ່ການເຈລະຈາເພື່ອແກ້ໄຂຄວາມແຕກຕ່າງ ແລະ ບັນລຸຂໍ້ຕົກລົງທີ່ເປັນປະໂຫຍດຮ່ວມກັນ.

04/02/2026

ກອງປະຊຸມທົບທວນການຈັດຕັ້ງປະຕິບັດວຽກງານເສດຖະກິດອາຊຽນ ແລະ ຈຸດປະສານງານອາຊຽນ ປະຈຳປີ 2026 ຂອງ ສປປ ລາວ, ຈັດຂື້ນ ໃນວັນທີ 04 ກຸມພາ 2026 ທີ່ ນະຄອນຫລວງວຽງຈັນ ພາຍໃຕ້ການເປັນປະທານກອງປະຊຸມຂອງ ທ່ານ ໄຊຊະນະ ໄຊຍະກອນ, ຫົວຫນ້າກົມເຈລະຈາແລະຮ່ວມມືສາກົນ, ກະຊວງອຸດສາຫະກຳ ແລະ ການຄ້າ.

28/01/2026

ກອງປະຊຸມປຶກສາຫາລື ກ່ຽວກັບແຜນຈັດຕັ້ງປະຕິບັດ ໂຄງການ TRACE ແລະ ໂຄງການ SEF-DEL ພາຍໃຕ້ກອບການຮ່ວມມືລະຫວ່າງ ສປປລ ແລະ GIZ-ເຢຍລະມັນ
28 ມັງກອນ 2026, ເມືອງວັງວຽງ, ແຂວງວຽງຈັນ

23/01/2026

23/01/2026

ໃນລະຫວ່າງວັນທີ 20-25 ມັງກອນ 2026 ທີ່ ເມືອງບໍຮໍ, ປະເທດ ຟິລິບປິນ, ຄະນະຜູ້ແທນຂອງ ສປປ ລາວ ນຳໂດຍ ທ່ານ ອິດທິລິດ ຍັງນຸວົງ, ຮອງຫົວໜ້າກົມເຈລະຈາ ແລະ ຮ່ວມມືສາກົນ, ກະຊວງອຸດສາຫະກຳ ແລະ ການຄ້າ ໄດ້ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສເສດຖະກິດອາຊຽນ ຫຼື SEOM ຄັ້ງທີ 1/57 ພາຍໃຕ້ການເປັນປະທານຂອງຟິລິບປິນ, ເຊິ່ງກອງປະຊຸມໄດ້ປຶກສາຫາລື ແລະ ພິຈາລະນາຫຼາຍວາລະສຳຄັນ ພາຍໃຕ້ເສົາຄໍ້າປະຄົມເສດຖະກິດອາຊຽນປີ 2026.
ກອງປະຊຸມໄດ້ຮັບຊາບຄວາມຄືບໜ້າຂອງ 03 ແຜນບູລິມະສິດເສດຖະກິດອາຊຽນ (PEDs) ທີ່ຍັງເຫຼືອພາຍໃຕ້ການເປັນປະທານອາຊຽນຂອງມາເລເຊຍ ປີ 2025, ເຊິ່ງສໍາເລັດແລ້ວ 02 ແຜນງານ ແລະ ຍັງ 01 ແຜນງານທີ່ພວມດຳເນີນ ໂດຍມີເປົ້າໝາຍໃຫ້ສຳເລັດພາຍໃນປີ 2026. ໂອກາດນີ້, ຟິລິບປິນ ໄດ້ນຳສະເໜີແຜນບູລິມະສິດອາຊຽນ PEDs ພາຍໃຕ້ການເປັນປະທານອາຊຽນຂອງຕົນໃນປີ 2026, ລວມມີທັງໝົດ 19 ແຜນງານບູລິມະສິດ, ເຊິ່ງໄດ້ນຳສະເໜີໃຫ້ສະມາຊິກອາຊຽນ ສະໜັບສະໜູນ ແລະ ຮັບຮອງເອົາແຜນງານດັ່ງກ່າວ ໂດຍໃນນີ້ມີ 09 ແຜນງານພາຍໃຕ້ຄວາມຮັບຜິດຊອບໃນລະດັບເຈົ້້າໜ້າທີ່ອາວຸໂສເສດຖະກິດອາຊຽນ (SEOM) ແລະ ລັດຖະມົນຕີເສດຖະກິດອາຊຽນ (AEM).
ກອງປະຊຸມຍັງໄດ້ພິຈາລະນາຮັບຮອງເອົາການລາຍງານຂອງປະທານຜູ້ຕາງໜ້າເສົາຄໍ້າເສດຖະກິດອາຊຽນປະຈຳສຳນັກງານຜູ້ຕາງໜ້າຖາວອນປະຈຳອາຊຽນ (Economic Official) ກ່ຽວກັບການຕິດຕາມການຈັດຕັ້ງປະຕິບັດຂໍ້ຕົກລົງຂອງລະດັບເຈົ້້າໜ້າທີ່ອາວຸໂສເສດຖະກິດອາຊຽນ ແລະ ລະດັບລັດຖະມົນຕີເສດຖະກິດອາຊຽນ, ຕິດຕາມການຈັດຕັ້ງການປະຕິບັດງານ ພາຍໃຕ້ແຜນແມ່ບົດປະຊາຄົມເສດຖະກິດອາຊຽນ 2025 (AEC Blueprint 2025),ຕິດຕາມການປະເມີນຜົນ, ຄວາມຮັບຜິດຊອບ ແລະ ການຮຽນຮູ້ ສຳລັບວິໄສທັດອາຊຽນ 2045. ພ້ອມນີ້, ໄດ້ຕິດຕາມຄວາມຄືບໜ້າການເຈລະຈາສັນຍາເສດຖະກິດດິຈິຕ໋ອນ (DEFA) ແລະ ກະກຽມສຳລັບການລົງນາມໃນອານາຄົດ, ລວມທັງການຈັດຕັ້ງປະຕິບັດບັນດາຂໍ້ລິເລີ່ມທາງດ້ານຄວາມຍືນຍົງຂອງເສົາຄໍ້າປະຊາຄົມເສດຖະກິດອາຊຽນ.
ໃນກອງປະຊຸມຄັ້ງນີ້, ໄດ້ຮັບຮອງເອົາບັນດາເອກະສານສຳຄັນ ທີ່ຈະນຳສະເໜີຕໍ່ກອງປະຊຸມລັດຖະມົນຕີເສດຖະກິດອາຊຽນ (AEM) ຄັ້ງທີ 58, ສະພາປະຊາຄົມເສົາຄໍ້າເສດຖະກິດອາຊຽນ (AECC) ຄັ້ງທີ 27, ແລະ ກອງປະຊຸມສຸດຍອດອາຊຽນ ຄັ້ງທີ 48 ຄັ້ງທີ 49.
ກອງປະຊຸມຄັ້ງນີ້ ໄດ້ຮັບຮອງເອົາແຜນວຽກ ແລະ ບັນດາກິດຈະກຳຂອງເສົາຄໍ້າປະຊາຄົມເສດຖະກິດອາຊຽນ ປະຈຳປີ 2026, ແລະ ການກະກຽມຄວາມພ້ອມສຳລັບກອງປະຊຸມລະດັບລັດຖະມົນຕີເສດຖະກິດອາຊຽນ ຄັ້ງທີ 32 ທີ່ຈະຈັດຂຶ້ນໃນວັນທີ 11-13 ມີນາ 2026 ທີ່ ປະເທດ ຟິລິບປິນ.

20/12/2025

ທ່ານ ມະໄລທອງ ກົມມະສິດ ລັດຖະມົນຕີ ກະຊວງ ອຸດສາຫະກຳແລະການຄ້າ ລາວ ພ້ອມຄະນະເດີນທາງເຂົ້າຮ່ວມກອງປະຊຸມແຜນການຮ່ວມມື ລະຫວ່າງ ກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ ແລະ ກະຊວງພານິດ ແຫ່ງ ປະເທດໄທ (Cooperative Plan Meeting between the Ministry of Industry and Commerce of Lao PDR and the Ministry of Commerce of Thailand) ຄັ້ງທີ 8 ໄດ້ຈັດຂຶ້ນໃນວັນທີ 17 ທັນວາ 2025 ທີ່ບາງກອກ, ປະເທດໄທ ໂດຍການເປັນປະທານຮ່ວມຂອງ ທ່ານ ມະໄລທອງ ກົມມະສິດ ລັດຖະມົນຕີກະຊວງ ອຸດສາຫະກໍາ ແລະ ການຄ້າ, ສປປ ລາວ ແລະ ທ່ານ ນາງ ສຸພາຈີ ສຸທໍາພັນ ລັດຖະມົນຕີກະຊວງພານິດ, ຣາຊະອານາຈັກ ໄທ. ຈດປະສົງຂອງກອງປະຊຸມ ແຜນການຮ່ວມມືລະຫວ່າງ ກະຊວງອຸດສາຫະກຳ ແລະ ການຄ້າ ແຫ່ງ ສປປ ລາວ ແລະ ກະຊວງພານິດ ແຫ່ງ ຣາຊະອານາຈັກໄທ ແມ່ນເພື່ອເພີ້ມທະວີການຮ່ວມມືໃນການພັດທະນາ ແລະ ສົ່ງເສີມການຄ້າສອງຝ່າຍໃຫ້ບັນລຸເປົ້າຫມາຍເພີ້ມມູນຄ່າການຄ້າ 11 ຕື້ ໂດລາໃນປີ 2027, ເພື່ອສົ່ງເສີມການຄ້າສິນຄ້າກະສິກຳເປັນຕົ້ນ ກາເຟ, ສາລີ, ມັນຕົ້ນ, ກ້ວຍ, ມັນດ້າງ, ພືດພັກ ແລະ ອື່ນ ທີ່ທັງສອງປະເທດມີທ່ານແຮງ, ເພື່ອຊຸກຍູ້ການອຳນວຍຄວາມສະດວກດ້ານການຄ້າຊາຍແດນ ແລະ ສິນຄ້າຜ່ານແດນ ໄປປະເທດທີສາມໂດຍຜ່ານທາງເຮືອ, ທາງລົດ ແລະ ທາງລາງ ແລະ ເພືາອປຶກສາຫາລືໃນການຊຸກຍູ້ການອຳນວຍຄວາມໃນການຊຳລະສິນຄ້າ ແລະ ການບໍລິການດ້ວຍເງິນສະກຸນທ້ອງຖິ່ນ.