https://newsluangprabang.blogspot.com/

ສະຖານີຂ່າວ The News Station, Luangprabang, Luang Prabang (2026)

30/06/2023

ວັນທີ 29 ມິຖຸນາ 2023 ນີ້, ກອງບັນຊາການທະຫານແຂວງຫຼວງພະບາງ ໄດ້ຈັດກອງປະຊຸມສ່ອງແສງວຽກງານຮອບດ້ານ ທົ່ວກອງທັບ ປະຈຳໄຕມາດ ll ປີ 2023 ເຂດສ່ອງແສງທີ 2 ໂດຍການເປັນປະທານຂອງ ທ່ານ ພົນຕີ ປະສິດ ທ່ຽງທຳ ຄະນະປະຈຳພັກກະຊວງ ຫົວໜ້າກົມໃຫຍ່ເຕັກນິກກອງທັບ, ມີຕາງໜ້າກອງພົນທີ 2, ໂຮງຮຽນກໍ່ສ້າງນາຍສິບເລກ l, ໂຮງງານປະສານເຫຼົ່າຫຼວງພະບາງ, ອົງການໄອຍະການທະຫານພາກເໜືອ, ໂຮງໝໍບໍລິເວນ 107, ສານທະຫານພາກເໜືອ, ກອງບັນຊາການທະຫານແຂວງຫຼວງພະບາງ, ກອງບັນຊາການທະຫານແຂວງໄຊຍະບູລີ ແລະຄະນະຮັບຜິດຊອບກອງປະຊຸມເຂົ້າຮ່ວມ.
ໃນວາລະກອງປະຊຸມ ບັນດາກົມກອງໄດ້ຜັດປ່ຽນກັນຂຶ້ນລາຍງານໂດຍຫຍໍ້ ກ່ຽວກັບສະພາບການປະຕິບັດໜ້າທີ່ວຽກງານຮອບດ້ານ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກດ້ວຍຄວາມຮັບຜິດຊອບສູງ, ເຊິ່ງຜ່ານມາຄະນະພັກ-ຄະນະບັນຊາແຕ່ລະກົມກອງ ໄດ້ເອົາໃຈໃສ່ນຳພາ-ຊີ້ນຳ ຂົງເຂດວຽກງານເຮັດໃຫ້ສະພາບມີຄວາມສະຫງົບ,ໄດ້ຈັດຕັ້ງພະນັກງານຫັນລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ, ຕາມ 4 ເນື້ອໃນ 4 ຄາດໝາຍ, ຕິດພັນກັບວຽກງານ ປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ແລະປ້ອງກັນໂຄງການເສັ້ນທາງລົດໄຟລາວ - ຈີນ, ເຂື່ອນໄຟຟ້າ, ໂຄງການຂຸດຄົ້ນບໍ່ແຮ່, ເຄື່ອນໄຫວສາລະເວຂອບເຂດຮັບຜິດຊອບ, ໂດຍລວມຜ່ານມາແມ່ນສາມາດຮັບປະກັນເຮັດໃຫ້ສະພາບຂອບເຂດກົມກອງຮັບຜິດຊອບມີຄວາມສະຫງົບປອດໄພປອດໄພໂດຍພື້ນຖານ, ໄປພ້ອມກັນນີ້ຍັງໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດດ້ວຍຫຼາຍຮູບແບບ, ຫຼາຍເນື້ອໃນຢ່າງຕໍ່ເນື່ອງ, ໂດຍການນຳເອົາແນວທາງນະໂຍບາຍຂອງພັກ, ລັດ, ມະຕິຄຳສັ່ງຂອງກອງທັບ ມາຈັດຕັ້ງເຜີຍແຜ່ເຊື່ອມຊຶມຢ່າງກວ້າງຂວາງ, ເຮັດໃຫ້ນາຍ ແລະພົນທະຫານມີຄວາມໜັກແໜ້ນທາງດ້ານການເມືອງ, ເຂັ້ມແຂງທາງການຈັດຕັ້ງ, ມີຄວາມຈົ່ງຮັກພັກດີ, ມີນ້ຳເສຍສະຫຼະເພື່ອຊາດ, ເພື່ອປະຊາຊົນ ແລະຫ້າວຫັນເຮັດສຳເລັດໜ້າທີ່ການເມືອງທີ່ໄດ້ຮັບມອບໝາຍ, ພ້ອມກັນນີ້ຍັງໄດ້ສຸມໃສ່ພັດທະນາກໍ່ສ້າງພື້ນຖານໂຄງລ່າງຫັນເຂົ້າສູ່ລະບົບທີ່ແໜ້ນໜາຖາວອນ, ສຸມໃສ່ປູກຝັງ - ລ້ຽງສັດຕາມທ່າແຮງເງື່ອນໄຂບົ່ມຊ້ອນກົມກອງຕັ້ງທັບ ສາມາດຮັບປະກັນແກ້ໄຂຊີວິດການເປັນຢູ່ຂອງພະນັກງານ - ນັກຮົບໄດ້ຕາມຄາດໝາຍທີ່ວາງໄວ້, ນອກນີ້ຍັງໄດເອົາໃຈໃສ່ຄຸ້ມຄອງ, ບົວລະບັດຜັດເຊັດພາຫະນະເຕັກນິກ, ອາວຸດຍຸດໂທປະກອນ ຂອງກົມກອງທີ່ຂັ້ນເທິງປະກອບໃຫ້ເປັນປົກກະຕິ ສາມາດຮັບປະກັນກຽມພ້ອມສູ້ຮົບທຸກເງື່ອນໄຂ, ໄປພ້ອມກັບການພົວພັນອຳນາດການປົກຄອງທ້ອງຖິ່ນ, ກົມກອງເພື່ອນມິດຍຸດທະສາດໃກ້ຄຽງທີ່ມີຊາຍແດນຕິດຈອດ ຕາມແນວທາງການພົວພັນຮ່ວມມືຂອງພັກ.
ໂອກາດດັ່ງກ່າວນີ້ ສະຫາຍ ພົນຕີ ປະສິດ ທ່ຽງທຳ ກໍໄດ້ມີຄຳເຫັນ ສະແດງຄວາມຊົມເຊີຍຕໍ່ການລາຍງານສະພາບການໂດຍຫຍໍ້, ພ້ອມທັງ ເນັ້ນໜັກໃຫ້ຄະນະພັກ-ຄະນະບັນຊາແຕ່ລະກົມກອງເອົາໃຈໃສ່ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ໜັກແໜ້ນ, ເຂັ້ມແຂງໃນທຸກດ້ານ, ໂດຍສະເພາະແມ່ນເອົາໃຈໃສ່ສຶກສາອົບຮົມການເມືອງ-ນຳພາແນວຄິດ, ວຽກງານເຮັດໃຫ້ສະພາບມີຄວາມສະຫງົບ, ວຽກງານການປັບປຸງກໍ່ສ້າງກໍາລັງໃຫ້ມີຄວາມໜັກແໜ້ນ ເຂັ້ມແຂງ ແລະ ຫັນລົງກໍ່ສ້າງຮາກຖານການເມືອງ, ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບ, ປັບປຸງແບບແຜນວິທີເຮັດວຽກໃຫ້ສອດຄອງກັບໜ້າທີ່ການເມືອງຂອງແຕ່ລະຮາກຖານກົມກອງ ບົນພື້ນຖານຕ້ອງຍຶດໝັ້ນ 5 ຫຼັກການ 3 ທິດນໍາຂອງພັກ ເປັນໄມ້ຫຼາວັດແທກຄຸນທາດການເມືອງ, ຍູ້ແຮງການສ້າງກອງປອດໃສ, ເຂັ້ມແຂງ, ໜັກແໜ້ນ, ກອງ 3 ປອດ, ຕິດພັນກັບການສ້າງນັກຮົບ ແລະກົມກອງວັດທະນາທໍາໃຫ້ເພີ່ມຂຶ້ນທາງດ້ານຈໍານວນ ແລະ ຄຸນນະພາບ, ໜູນໜີບການປະຕິບັດນໍ້າໃຈເພີ່ງຕົນເອງ, ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງ, ບຸກທະລຸການສ້າງກອງທັບປະຕິວັດທີມີແບບແຜນ ແລະທັນສະໄໝເປັນກ້າວໆ.
ຂ່າວ: ສົມພອນ ສຸວັນທອນ, ພາບ: ບຸນເພັງ ວົງແກ້ວມະນີ.

30/06/2023

ຂະແໜງການເງິນ 8ແຂວງພາກເໜືອໄດ້ຮັບການຍົກລະດັບວຽກງານບັນຊີອົງການຈັດຕັ້ງລັດ
---------------------------------
ໃນຕອນເຊົ້າວັນທີ 30 ມິຖຸນາ 2023 ວິທະຍາໄລການເງິນພາກເໜືອຮ່ວມກັບ ກົມຄຸ້ມຄອງການບັນຊີ ກະຊວງການເງິນ ໄດ້ຈັດພິທີປີດຊຸດຝຶກອົບຮົມວຽກງານບັນຊີອົງການຈັດຕັ້ງລັດ, ໂດຍການເປັນປະທານຂອງ ທ່ານ ນາງ ດາວອນ ທອງຈັນ ກໍາມະການພັກກະຊວງ, ຫົວໜ້າ ກົມຄຸ້ມຄອງການບັນຊີ, ກະຊວງການເງິນ, ມີທ່ານ ວັນໄຊ ທອງສີທາວົງ ຮອງຫົວໜ້າກົມຄຸ້ມຄອງການບັນຊີ ຫົວໜ້າຄະນະຮັບຜິດຊອບຝຶກອົບຮົມ, ມີຮັກສາການຜູ້ອໍານວຍການ ວິທະຍາໄລການເງິນພາກເໜືອ, ຄະນະຮັບຜິດຊອບຝຶກອົບຮົມ ຮອງອໍານວຍການວິທະຍາໄລການເງິນ ພາກເໜືອ, ຕ່າງໜ້າຈາກ ສ່ວຍສາອາກອນ, ຄັງເງິນ, ພາສີ, ຈາກ 8 ແຂວງພາກເໜືອ, ການເງິນນະຄອນຫຼວງພະບາງ ແລະຫົວໜ້າຂະແໜງຈາກ ວິທະຍາໄລການເງິນພາກເໜືອເຂົ້າຮ່ວມ.

ຊຸດອົບຮົມຄັ້ງນີ້ມີນັກສຳມະນາກອນເຂົ້າຮ່ວມ ທັງໝົດ 48 ທ່ານ, ຍິງ 34, ທີ່ມາຈາກ 8 ແຂວງພາກເໜືອຄື: ແຂວງ ຜົ້ງສາລີ, ບໍ່ແກ້ວ, ຫຼວງນໍ້າທາ, ອຸດົມໄຊ, ໄຊຍະບູລີ, ຫົວພັນ, ຊຽງຂວາງ ແລະແຂວງຫລວງພະບາງ.

ຊຸດອົບຮົມໄດ້ເລີ່ມມາແຕ່ວັນທີ 5 ມິຖຸນາ 2023 ຈົນຮອດວັນທີ 30 ມິຖຸນາ2023ຈິ່ງສຳເລັດ ໃຊ້ເວລາຮຽນຕົວຈິງ 20 ວັນ ໂດຍໄດ້ລົງເລິກກ່ຽວກັບກົດໝາຍ, ນິຕິກຳທີ່ກ່ຽວຂ້ອງ, ການຈັດວາງ-ຈັດຕັ້ງປະຕິບັດວຽກງານບັນຊີ, ເຕັກນິກການບັນທຶກບັນຊີ, ການຕັ້ງຍອດຍົກມາ, ການອະນຸມັດແຜນລາຍຮັບ-ລາຍຈ່າຍງົບປະມານ, ສ້າງບັດຜ່ານ ການຮັບ-ຈ່າຍ ເງິນບ້ວງປີເກົ່າ, ການສ້າງບັດຜ່ານລາຍຈ່າຍງົບປະມານ ພາກຕ່າງໆ, ວິທີການກວດຄືນບັນດາບັດຜ່ານ, ການບັນທຶກເຂົ້າປຶ້ມບັນຊີປະຈຳວັນ, ການສັງລວມເອກະສານຈາກປຶ້ມບັນຊີປະຈຳວັນເຂົ້າປຶ້ມບັນຊີໃຫຍ່ແຍກປະເພດ, ການສ້າງໃບດຸນດ່ຽງ, ການສ້າງເອກະສານລາຍງານການເງິນ ແລະ ການທົດລອງນຳໃຊ້ລະບົບໂປຣແກຣມບັນຊີຂອງອົງການຈັດຕັ້ງລັດ.

ພາຍຫຼັງສຳເລັດຊຸດອົບຮົມ ທ່ານ ນາງ ດາວອນ ທອງຈັນ ກໍ່ໄດ້ໃຫ້ກຽດ ມອບໃບຢັ້ງຢືນໃຫ້ສຳມະນາກອນຢ່າງສົມກຽດ ພ້ອມທັງໂອ້ລົມ ແລະເນັ້ນໜັກໃຫ້ສໍາມະນາກອນຈົ່ງນໍາເອົາບົດຮຽນທີ່ໄດ້ຈາກການຝຶກອົບຮົມຄັ້ງນີ້ໄປໝູນໃຊ້ເຂົ້າໃນວຽກງານຕົວຈິງພ້ອມທັງເຜີຍແຜ່, ແນະນຳ, ຊຸກຍູ້ ໃຫ້ພະນັກງານຢູ່ໃນແຂວງຂອງຕົນໃຫ້ເກີດຜົນປະໂຫຍດສູງສຸດ.
ພາບ-ຂ່າວໂດຍ: ດາວອນ ມະນີວັນ

30/06/2023

ກອງປະຊຸມພົບປະແລກປ່ຽນສະພາບການຄັ້ງທີ 3 ຂອງໂດນ 433, ໂດນ 445 ສສ ຫວຽດນາມ ກັບກອງຮ້ອຍ 161 ທະຫານຊາຍແດນແຂວງຫຼວງພະບາງ ໄດ້ຈັດຂື້ນຕອນເຊົ້າວັນທີ 23 ມິຖຸນາ 2023 ນີ້, ຢູ່ຫ້ອງປະຊຸມກອງຮ້ອຍ 161 ເປັນເຈົ້າພາບ, ຄະນະຜູ້ແທນຝ່າຍຫວຽດນາມນຳໂດຍ ສະຫາຍ ພັນໂທ ຄັອດວັນຕຽນ ຫົວໜ້າການທະຫານໂດນ 433 ທະຫານຊາຍແດນແຂວງດຽນບຽນ ແລະ ສະຫາຍ ພັນໂທ ຕະຢຽ້ນເຖາະ, ຫົວໜ້າການທະຫານໂດນ 445 ທະຫານຊາຍແດນ ແຂວງເຊີນລາ,ຄະນະຜູ້ແທນຝ່າຍລາວນໍາໂດຍສະຫາຍ ພັນໂທ ຈັນສີ ປັນຍາສິດ ຫົວໜ້າພະແນກຊາຍແດນ ກອງບັນຊາການທະຫານ ແຂວງຫຼວງພະບາງ ພ້ອມດ້ວຍຄະນະພັກ - ຄະນະບັນຊາກອງຮ້ອຍ 161, 162, 163 ແລະ ຄະນະພັກ - ຄະນະບັນຊາ ຕຳຫຼວດດານ 30 ນາຊອນເຂົ້າຮ່ວມ.
ການພົບປະຄັ້ງນີ້ ບັນດາຫົວໜ້າຄະນະຜູ້ແທນ ກໍໄດ້ຜັດປ່ຽນກັນຂື້ນລາຍງານສະພາບການພັດທະນນາເສດຖະກິດ - ສັງຄົມ, ສະພາບການທີ່ກ່ຽວຂ້ອງວຽກງານ ປກຊ - ປກສ ພາຍໃນແຂວງ ກໍຄືຂອບເຂດບໍລິເວນຕົນຮັບຜິດຊອບ, ໂດຍສະເພາະແມ່ນການເຂົ້າ - ອອກເມືອງຜິດກົດໝາຍ, ການເຄື່ອນຍ້າຍຕັ້ງຖິ່ນລໍາເນົາແບບເສລີ, ການຄ້າຂາຍເຖື່ອນ, ການຕັດໄມ້ທໍາລາຍປາແບບຊະຊາຍ, ລວມທັງການຄ້າຂາຍທາດສິງເສດຕິດ ແລະ ບັນຫາປະກົດການຕ່າງໆ ໃນຕົ້ນປີຜ່ານມາໃຫ້ກັນຊາບໂດຍຫຍໍ້ ເຊິ່ງຕະຫຼອດໄລຍະຜ່ານມາ ທັງສາມຝ່າຍໄດ້ປະສານງານພົວພັນກົມກຽວການເຄື່ອນໄຫວວຽກງານປ້ອງກັນຊາດ - ປ້ອງກັນຄວາມສະຫງົບ ປົກປັກຮັກສາຂອບເຂດບໍລິເວນຮັບຜິດຊອບສາມແຂວງ, ໂດຍສະເພາະແມ່ນການເຄື່ອນໄຫວຮ່ວມລາດຕະເວນຂອບເຂດຊາຍແດນ, ກວດກາຫຼັກໝາຍຊາຍແດນ, ໂດຍລວມແມ່ນມີຄວາມສະຫງົບປອດໄພໂດຍພື້ນຖານ ແລະ ຮັກສາໄດ້ຄວາມເປັນລະບຽບຮຽບຮ້ອຍ, ພ້ອມກັນນີ້ ຍັງໄດ້ຕີລາຄ່າໝາກຜົນຂອງການພົວພັນຮ່ວມມືຕະຫຼອດໄລຍະຜ່ານມາ, ພ້ອມທັງປຶກສາຫາລືທິດທາງແຜນການໃນການຮ່ວມມືປະສານສົມທົບວຽກງານປ້ອງກັນຊາດ ປ້ອງກັນຄວາມສະຫງົບໃນຕໍ່ໜ້າ, ເຊິ່ງກອງປະຊຸມໄດ້ຄົ້ນຄ້ວາເຫັນດີເປັນເອກະພາບ ຫຼາຍບັນຫາທີ່ສໍາຄັນໃນການຮ່ວມມືກັນກອງປະຊຸມຍັງໄດ້ລົງນາມເຊັນບົດບັນທຶກຊ່ວຍຈຳ, ກອງປະຊຸມພົບປະແລກປ່ຽນຄັ້ງຕໍ່ໄປ ເຊິ່ງຈະໄດ້ຈັດຂຶ້ນທີ່ໂດນ 445 ທະຫານຊາຍແດນແຂວງເຊີນຫຼາ ສສ ຫວຽດນາມ ໄດ້ຮັບກຽດເປັນເຈົ້າພາບ ໃນທ້າຍປີ 2023.
ຈາກນັ້ນ ບັນດາຄະນະຜູ້ແທນ ກໍໄດ້ເດີນກວດກາຫຼັກໝາຍຊາຍແດນ 144 ລາວ - ຫວຽດນາມ ແລະມອບຂອງທີ່ລະນຶກເຊິ່ງກັນ ແລະກັນຕື່ມອີກ.
ພາບ-ຂ່າວ: ເກດແກ້ວ ໄຊທະພອນ; ຮຽບຮຽງ: ສົມພອນ ສຸວັນທອນ.

30/06/2023

ກອງປະຊຸມສ່ອງແສງວຽກງານໂຄສະນາອົບຮົມເຂດ ll ປະຈຳປີ 2023 ໄດ້ຈັດຂື້ນຕອນເຊົ້າວັນທີ 22 ມິຖຸນາ 2023 ນີ້,ຢູ່ທີ່ຫ້ອງປະຊຸມກອງບັນຊາການທະຫານແຂວງຫຼວງພະບາງ, ໂດຍການເປັນປະທານຂອງ ສະຫາຍ ພັນເອກ ວິລະໄຊ ສົມສັກ ຮອງຫົວໜ້າກົມໂຄສະນາ, ກົມໃຫຍ່ການເມືອງກອງທັບ, ມີສະຫາຍ ພັນເອກ ວິລະສິນ ມິດຕະພອນ ຮອງກອງບັນຊາການ, ຫົວໜ້າຫ້ອງການເມືອງທະຫານແຂວງຫຼວງພະບາງ, ມີຄະນະພັກກອງບັນຊາການທະຫານແຂວງຫຼວງພະບາງ, ກອງພົນທີ 2, ໂຮງຮຽນກໍ່ສ້າງນາຍສິບເລກ l, ໂຮງໝໍບໍລິເວນ 107, ໂຮງງານປະສານເຫຼົ່າຫຼວງພະບາງ ແລະກອງບັນຊາການທະຫານແຂວງໄຊຍະບຸລີ, ມີພະນັກງານທີ່ເຮັດວຽກງານໂຄສະນາອົບຮົມກຳລັງຫຼວງ, ກຳລັງທ້ອງຖິ່ນເຂົ້າຮ່ວມ.
ໃນວາລະກອງປະຊຸມ ຕາງໜ້າບັນດາກົມກອງ ໄດ້ຜັດປ່ຽນກັນຂື້ນສ່ອງແສງລາຍງານການຈັດຕັ້ງປະຕິບັດວຽກງານໂຄສະນາອົບຮົມ ປະຈຳປີ 2023 ແລະວາງທິດທາງແຜນການ ປະຈຳປີ 2024, ຍົກໃຫ້ເຫັນຜົນງານຫຼາຍດ້ານທີ່ພົ້ນເດັ່ນ, ບົນພື້ນຖານແມ່ນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ຕິດພັນກັບມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນປະເທດ, ກໍຄື 4 ໜ້າທີ່ໃຫຍ່ 26 ແຜນງານເຂົ້າໃນໜ້າທີ່ວຽກງານຕົວຈິງຂອງແຕ່ລະກົມກອງຢ່າງເປັນຮູບປະທຳ, ປະກອບສ່ວນອັນສຳຄັນເຂົ້າໃສ່ວຽກງານປ້ອງກັນຊາດ - ປ້ອງກັນຄວາມສະຫງົບ ເຮັດໃຫ້ສະພາບຂອບເຂດກົມກອງຮັບຜິດຊອບມີຄວາມສະຫງົບປອດໄພ, ເປັນເຈົ້າການສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບຢ່າງເປັນປົກກະຕິ, ອັນພົ້ນເດັ່ນແມ່ນການໂຄສະນາປາຖະກະຖາມູນເຊື້ອປະຫວັດສາດສຳຄັນຂອງຊາດ, ຂອງພັກ ແລະຂອງກອງທັບ, ຈັດຕັ້ງເຜີຍແຜ່ເຊື່ອມຊຶມມະຕິ, ຄຳສັ່ງ, ກົດໝາຍ, ຂໍ້ກຳນົດກົດລະບຽບຂອງກອງທັບ, ພ້ອມທັງໂຄສະນາຜ່ານສື່ສັງຄົມອອນລາຍ, ໂທລະໂຂງ, ວິທະຍຸ, ໂທລະພາບ, ໜັງສືພິມ, ສິນລະປະວັນນະຄະດີ, ຫໍມູນເຊື້ອ, ຫໍສະມຸດ ເພື່ອຊຸກຍູ້ຢ່າງແຂງແຮງຂະບວນການດ້ານຕ່າງໆ ຕິດພັນກັບການສ້າງກົມກອງ ແລະນັກຮົບວັດທະນະທຳ, ການສ້າງໜ່ວຍພັກປອດໃສ, ເຂັ້ມແຂງ, ໜັກແໜັນ ແລະ ກອງປອດໃສ, ປອດໄພ, ປອດຄະດີ, ການປັບປຸງກໍ່ສ້າງກົມກອງໃຫ້ເປັນລະບຽບຈົບງາມ ແລະ ຊຸກຍູ້ຂະບວນການສ້າງເສດຖະກິດແກ້ໄຂຊິວິດການເປັນຢູ່ໃຫ້ນັບມື້ດີຂຶ້ນ, ພ້ອມກັນນີ້ຍັງໄດ້ລາຍງານວຽກງານທີ່ຈະສຸມໃສ່ຈັດຕັ້ງປະຕິບັດໃນຕໍ່ໜ້າຕື່ມອີກ.
ໂອກາດນີ້ ສະຫາຍ ພັນເອກ ວິລະໄຊ ສົມສັກ ຮອງຫົວໜ້າກົມໂຄສະນາ, ກົມໃຫຍ່ການເມືອງກອງທັບ ໄດ້ມີຄຳເຫັນໂອ້ລົມສະແດງຄວາມຍ້ອງຍໍຊົມເຊີຍຄະນະພັກ-ຄະນະບັນຊາ ແຕ່ລະກົມກອງທີ່ໄດ້ເອົາໃຈໃສ່ໃນການເຮັດໜ້າທີ່ວຽກງານການເມືອງນຳພາແນວຄິດ ແລະ ວັດທະນະທໍາໃນກົມກອງຂອງຕົນ, ເຮັດໃຫ້ສະພາບດ້ານຕ່າງໆມີຄວາມສະຫງົບໂດຍພື້ນຖານ, ມີບັນຍາກາດ, ປຸກລະດົມຊຸກຍູ້ຂະບວນການດ້ານຕ່າງໆໂດຍດີຕະຫຼອດມາ. ພ້ອມນີ້ຍັງໄດ້ເນັ້ນໜັກໃຫ້ແຕ່ລະກົມກອງເພີ່ມທະວີສຶກສາອົບຮົມການເມືອງນຳພາແນວຄິດໃຫ້ພະນັກງານ - ນັກຮົບໃຫ້ຫຼາຍຮູບແບບຕໍ່ເນື່ອງເລິກເຊິງກ້ວາງຂວາງ, ສຸມໃສ່ສືບຕໍ່ໂຄສະນາ, ປາຖະກະຖາ, ຂະບວນການແຂ່ງຂັນຮັກຊາດ ແລະ ພັດທະນາ, ການເຄື່ອນໄຫວວຽກງານວັດທະນະທໍາ ແລະ ການບໍາລຸງຖັນແຖວພະນັກງານ, ການປັບປຸງການຈັດຕັ້ງວຽກງານໂຄສະນາອົບຮົມໃຫ້ເຕີບໃຫຍ່ເຂັ້ມແຂງໜັກແໜ້ນ, ເອົາໃຈໃສ່ຊຸກຍູ້ການສ້າງຂະບວນການຂໍ່ານັບຮັບຕ້ອນວັນປະຫວັດສາດສຳຄັນຕ່າງໆ ໂດຍສະເພາະແມ່ນການຫ້າງຫາກະກຽມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີທີ່ຈະມາເຖິງໃນຕໍ່ໜ້າໃຫ້ຟົດຟື້ນຕໍ່ເນື່ອງ.
ຂ່າວ: ສົມພອນ ສຸວັນທອນ, ພາບ: ບຸນເພັງ ວົງແກ້ວມະນີ.

30/06/2023

ພາຍຫຼັງໄດ້ເກີດມີການລະບາດຂອງໂຄວິດ-19 ການຂົນສົ່ງລະຫວ່າງປະເທດ ໂດຍສະເພາະແມ່ນ ສາຍການບິນຕົງ ສິບສອງພັນນາ-ຫຼວງພະບາງ ແລະການຂົນສົ່ງທາງບົກ ລະຫວ່າງ ນະຄອນ ຊຽງຮຸ່ງ ແລະນະຄອນ ຫຼວງພະບາງ ກໍໄດ້ປິດຕົວລົງ, ມາໃນວັນທີ 27 ມິຖຸນາ 2023 ອົງການປົກຄອງແຂວງຫຼວງພະບາງ ກໍໄດ້ມີພິທີພົບປະຫາລືກັນ ພ້ອມທັງເຊັນບົດບັນທຶກ ເພື່ອສົ່ງເສີມການຈັດຕັ້ງປະຕິບັດການຟື້ນຟູ ສາຍການບິນ ແລະການຂົນສົ່ງດັ່ງກ່າວຂຶ້ນ. ເຊິ່ງເຂົ້າຮ່ວມການພົບປະຄັ້ງນີ້ມີ ທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ແລະພະແນກການກ່ຽວຂ້ອງຂອງແຂວງ,ທ່ານ ຕາວເວິນ ເຈົ້າກິ່ງແຂວງ ສິບສອງພັນນາ ສປ ຈີນ ພ້ອມດ້ວຍຄະນະ ແລະພະແນກການກ່ຽວຂ້ອງເຊັ່ນດຽວກັນ.
ໃນການພົບປະ ທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ກໍໄດ້ມີຄໍາເຫັນ ຕີລາຄາ ຕໍ່ການພົວພັນຮ່ວມມືດ້ານການຂົນສົ່ງລະຫວ່າງ ແຂວງຫຼວງພະບາງກັບ ກິ່ງແຂວງສິບສອງພັນນາ ສປ ຈີນ ໄລຍະຜ່ານມາ,ເຊິ່ງທ່ານກ່າວວ່າ: ຊ່ວງໄລຍະການລະບາດຂອງພະຍາດໂຄວິດ-19 ກິ່ງແຂວງສິບສອງພັນນາ ກໍໄດ້ໃຫ້ການສະໜັບສະໜູນຊ່ວຍເຫລືອທາງດ້ານວັດຖຸຈໍານວນໜຶ່ງແກ່ແຂວງຫລວງພະບາງ ເຂົ້າໃນວຽກງານປ້ອງກັນ, ສະກັດກັ້ນການລະບາດຂອງພະຍາດໂຄວິດ-19, ງານບຸນປະເພນີຕ່າງໆ ແຂວງຫລວງພະບາງ ແລະກິ່ງແຂວງສິບສອງພັນນາ ກໍໄດ້ເຊີນການນໍາ 2 ຝ່າຍເຂົ້າຮ່ວມ. ອີງໃສ່ສະພາບຈຸດພິເສດຂອງແຂວງຫລວງພະບາງ ແລະກິ່ງແຂວງ ສິບສອງພັນນາ ສປ ຈີນ ຄ້າຍຄືກັນ, ມີເສັ້ນທາງລົດໄຟເຊື່ອມຈອດກັນ, ມີສະໜາມບິນສາກົນເຄີຍເປີດສາຍການບິນລະຫວ່າງຫລວງພະບາງ-ຊຽງຮຸ່ງ, ມີຮີດຄອງປະເພນີຄ້າຍຄືກັນເປັນຕົ້ນ: ບຸນກຸດສົງການປີໃໝ່(ບຸນຫົດນໍ້າ) ແຂວງຫລວງພະບາງ ກັບກິ່ງແຂວງສິບສອງພັນນາ ຖືກມື້ດຽວກັນ, ເວລາດຽວກັນ ແລະປະເພນີອື່ນໆ ຄ້າຍຄືກັນ, ມີເງື່ອນໄຂສະດວກທຸກຢ່າງໃນການພົວພັນຮ່ວມມືຊຶ່ງກັນ ແລະກັນ, ເພື່ອສືບຕໍ່ເສີມສ້າງສາຍພົວພັນ, ຮ່ວມມື 2 ຝ່າຍ ເຂົ້າສູ່ລວງເລິກ ແລະພັດທະນາຂຶ້ນຢ່າງບໍ່ຢຸດຢັ້ງນັ້ນ ທ່ານເຈົ້າແຂວງຫຼວງພະບາງ ຍັງໄດ້ສະເໜີ ແລກປ່ຽນຄຳຄິດ, ຄຳເຫັນບາງຈຸດທິດທາງຮ່ວມມືໃນຕໍ່ໜ້າ ເປັນຕົ້ນແມ່ນສືບຕໍ່ພົບປະແລກປ່ຽນບົດຮຽນຊຶ່ງກັນ ແລະກັນຂອງການນໍາ 2 ຝ່າຍໃນແຕ່ລະປີ. ຊຸກຍູ້ ແລະອໍານວຍຄວາມສະດວກໃຫ້ຂະແໜງການກ່ຽວຂ້ອງຂອງ 2 ຝ່າຍຮ່ວມມືດ້ານການທ່ອງທ່ຽວ, ການລົງທຶນ, ການຄ້າ ໃຫ້ແຂງແຮງ, ມີປະສິດທິຜົນ. ສະເໜີກິ່ງແຂວງ ສິບສອງພັນນາ ຂົນຂວາຍ, ປຸກລະດົມນັກລົງທຶນ, ສຳຫລວດ, ສຶກສາການລົງທຶນຜະລິດສິນຄ້າກະສິກຳ ເພື່ອປຸງແຕ່ງສົ່ງອອກໄປ ສປ ຈີນ, ຊຸກຍູ້, ສົ່ງເສີມ ແລະຟື້ນຟູເປີດສາຍການບິນຫລວງພະບາງ-ຊຽງຮຸ່ງ ຄືນໃໝ່.
ຈາກນັ້ນ ທ່ານ ຕາວເວິນ ເຈົ້າກິ່ງແຂວງສິບສອງພັນນາ ສປ ຈີນ ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ຂອງການນໍາແຂວງຫຼວງພະບາງ ພ້ອມທັງໄດ້ສະແດງຄວາມເຫັນດີ ໃນການພົວພັນຮ່ວມມື ສົ່ງເສີມການຟື້ນຟູ ສາຍການບິນຕົງ ຊຽງຮຸ່ງ-ຫຼວງພະບາງ ແລະການຂົນສົ່ງທາງບົກລະຫວ່າງກັນ ເພື່ອໃຫ້ເກີດຜົນປະໂຫຍດຮ່ວມກັນຍິ່ງໆຂຶ້ນ ແລະຍັງໄດ້ຍົກໃຫ້ເຫັນສະພາບ ແລະຈຸດພິເສດຂອງກິ່ງແຂວງ ສິບສອງພັນນາ ໃຫ້ຊາບຕື່ມອີກ, ພ້ອມດຽວກັນນີ້ ກໍໄດ້ມີ ພິທີລົງນາມເຊັນບົດບັນທຶກ ຮ່ວມກັນລະຫວ່າງ ທ່ານ ລີ່ ຈົງຮົ້ວ ຫົວໜ້າຫ້ອງການ ຄົມມາຄົມ ກິ່ງແຂວງສິບສອງພັນນາ ສປ ຈີນ ແລະ ທ່ານ ບຼົ່ງວ່າງ ຫວ່າງເຈ່ຍຊ່າ ຫົວໜ້າພະແນກ ໂຍທາທິການ ແລະຂົນສົ່ງແຂວງຫຼວງພະບາງ ໂດຍມີຄະນະຜູ້ແທນທັງສອງຝ່າຍເຂົ້າຮ່ວມເປັນສັກຂີພະຍານ.
ສໍາລັບການສົ່ງເສີມການຟື້ນຟູສາຍການບິນຕົງ ແລະການຂົນສົ່ງທາງບົກ ລະຫວ່າງ ແຂວງຫຼວງພະບາງ ແລະກິ່ງແຂວງສິບສອງພັນນາ ສປ ຈີນ ຄັ້ງນີ້ ທັງສອງຝ່າຍ ກໍຈະໄດ້ ມີການປະສານງານເຊິ່ງກັນແລະກັນ ໂດຍແມ່ນຂະແໜງການທີ່ກ່ຽວຂ້ອງທັງສອງຝ່າຍ ເພື່ອສ້າງຄວາມສະດວກໃຫ້ແກ່ ວຽກງານດັ່ງກ່າວນີ້ ພ້ອມກັນຈັດຕັ້ງປະຕິບັດໃຫ້ໄດ້ຮັບຜົນເປັນຈິງໃນຕໍ່ໜ້າຕື່ມອີກ.
ຂ່າວ: ເພັດສາຄອນ ສິມມະວົງ

30/06/2023

ພິທີມອບ-ຮັບນາມມະຍົດ ໜ່ວຍພັກປອດໃສ, ເຂັ້ມແຂງ ແລະໜັກແໜ້ນ ໜ່ວຍພັກພະແນກແຜນການ ແລະການລົງທຶນ ແຂວງຫຼວງພະບາງ ໄດ້ຈັດຂຶ້ນ ວັນທີ 29 ມິຖຸນາ 2023 ທີ່ຫ້ອງປະຊຸມພະແນກ ໂດຍມີທ່ານ ສິງຕັນ ໄຊລືຊົ່ງ ຄະນະປະຈໍາພັກແຂວງ ຮອງປະທານສະພາປະຊາຊົນ ແຂວງ, ທ່ານ ຈິນດາວົງ ໂພສີຄໍາ ເລຂາຄະນະພັກຮາກຖານ ຫົວໜ້າພະແນກ ແຜນການ ແລະການລົງທຶນແຂວງ ພ້ອມດ້ວຍຄະນະ ແລະສະມາຊິກພັກສົມບູນ, ແຂກຮັບເຊີນເຂົ້າຮ່ວມ.
ໜ່ວຍພັກພະນກແຜນການ ແລະການລົງທຶນ ປະກອບມີສະມາຊິກພັກທັງໝົດ 36 ສະຫາຍ ຍິງ 15 ສະຫາຍ, ໄດ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ ເປັນຕົ້ນແມ່ນທາງດ້ານ ການເມືອງ-ແນວຄິດ, ການຈັດຕັ້ງ ແລະວິຊາສະເພາະ, ເຄື່ອນໄຫວຈັດຕັ້ງສຶກສາອົບຮົມໃຫ້ ສະມາຊິກພັກ ແລະພະນັກງານ-ລັດຖະກອນ ພາຍໃນໜ່ວຍພັກໄດ້ຮັບການເຊື່ອມຊຶມ ກໍາແໜ້ນແນວທາງນະໂຍບາຍຂອງພັກ ຕິດພັນກັບວິຊາສະເພາະ ໃຫ້ແທດເໝາະກັບໜ້າທີ່ການເມືອງ ແລະເງື່ອນໄຂຄວາມຮັບຜິດຊອບ. ໃນນີ້ສ້າງໄດ້ສະມາຊິກພັກ ແລະພະນັກງານ-ລັດຖະກອນ ທີ່ມີຄວາມຈົ່ງຮັກພັກດີຕໍ່ປະເທດຊາດ ແລະປະຊາຊົນ ເດັດດ່ຽວຕອບຕ້ານທຸກກົນອຸບາຍ ມ້າງເພທຳລາຍຂອງສັດຕູ ແລະ ທຸກປະກົດການຫຍໍ້ທໍ້ຕ່າງໆ ໃນສັງຄົມ. ໄດ້ເຊື່ອມຊຶມ ບັນດາເອກະສານທີ່ສຳຄັນ ເປັນຕົ້ນແມ່ນມະຕິຂອງສູນກາງພັກ, ຂອງອົງຄະນະພັກ ແຂວງຫຼວງພະບາງ ແລະມະຕິກອງປະຊຸມໃຫຍ່ ສະມາຊິກພັກ ຂອງຄະນະພັກ ພະແນກ ແລະກົດລະບຽບຂອງພັກ ໄດ້ກໍານົດໄວ້ ຕາມ 5 ຫຼັກການ, 3 ທິດນໍາ, ພາຍໃຕ້ຄໍາຂັວນ “ ການປັບປຸງ ແລະ ກໍ່ສ້າງພັກໃຫ້ໜັກແໜ້ນ ດ້ານການເມືອງ-ແນວຄິດ ແມ່ນໜ້າທີ່ພື້ນຖານຍາວນານ ແລະ ເປັນວຽກຕົ້ນຕໍຂອງຄະນະພັກທຸກໆຂັ້ນ ” ແລະມູນເຊື້ອວັນສໍາຄັນຂອງຊາດ. ຜ່ານການຕີລາຄາ, ຈັດປະເພດ ຂອງສະມາຊິກພັກ ສາມາດປະຕິບັດໄດ້ປະເພດແຂງ 36 ສະຫາຍ ເທົ່າກັບ 100%.
ເພື່ອເປັນການຢັ້ງຢືນບັນດາຜົນງານດັ່ງກ່າວ ຕາງໜ້າຄະນະຈັດຕັ້ງແຂວງ ກໍໄດ້ຜ່ານຂໍ້ຕົກລົງວ່າດ້ວຍການຮັບຮອງເອົາໜ່ວຍພັກພະແນກແຜນການ ແລະການລົງທຶນແຂວງ ປະຈໍາປີ 2022 ຈາກນັ້ນ ສະຫາຍ ສິຕັນ ໄຊລືຊົ່ງ ຄະນະປະຈໍາພັກແຂວງ ກໍໄດ້ໃຫ້ກຽດມອບໃບຢັ້ງຢືນດັ່ງກ່າວ ໃຫ້ສະຫາຍ ຈິນດາວົງ ໂພສີຄໍາ ເລຂາໜ່ວຍພັກພະແນກແຜນການ ແລະການລົງທຶນແຂວງ ຢ່າງສົມກຽດ, ພ້ອມທັງມີຄຳເຫັນໂອ້ລົມຕໍ່ພິທີຕື່ມອີກ.
ຂ່າວ: ເພັດສາຄອນ ສິມມະວົງ

30/06/2023

ວັນທີ 28 ມີຖຸນາ 2023 ນີ້, ອົງການກາແດງ ແຂວງຫລວງພະບາງ ໄດ້ຈັດພິທີມອບ-ຮັບ ໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ 5 ປະຈຳປີ 2022 ຂຶ້ນ ຢູ່ຫ້ອງປະຊຸມ ອົງການກາແດງ ແຂວງຫຼວງພະບາງ ໂດຍການເຂົ້າຮ່ວມຂອງ ສະຫາຍ ຄໍາຫຼ້າ ລຽນປະດິດ ກຳມະການປະຈຳພັກແຂວງ ປະທານກວດກາພັກ-ລັດ ແຂວງຫລວງພະບາງ, ສະຫາຍ ວຽງສະຫວັນ ກະເສີມສຸກ ເລຂາໜ່ວຍພັກຮາກຖານອົງການກາແດງແຂວງຫຼວງພະບາງ, ມີຄະນະໜ່ວຍພັກ, ສະມາຊິກພັກສົມບູນ, ສໍາຮອງ, ຕະຫລອດຮອດພະນັກງານ-ລັດຖະກອນ ແລະແຂກຖືກເຊີນເຂົ້າຮ່ວມ.

ພິທີ ສະຫາຍ ວຽງສະຫວັນ ກະເສີມສຸກ ເລຂາໜ່ວຍພັກຮາກຖານອົງການກາແດງ ແຂວງຫຼວງພະບາງ ໄດ້ຂຶ້ນຜ່ານບົດສະຫຼຸບຕີລາຄາ ການຈັດຕັ້ງປະຕິບັດແຜນການກໍ່ສ້າງໜ່ວຍພັກ ປອດໃສ, ເຂັ້ມແຂງ, ຫນັກແຫນ້ນ ປະຈໍາປີ 2022 ນີ້ວ່າ: ອົງການກາແດງ ແຂວງຫຼວງພະບາງ ມີພະນັກງານລັດຖະກອນ ທັງໝົດ 20 ສະຫາຍ, ຍິງ 12 ສະຫາຍ, ໃນນັ້ນມີສະມາຊິກພັກ ທັງໝົດ 20 ສະຫາຍ, ຍິງ 12 ສະຫາຍ, ໃນຕະຫລອດໄລຍະ 1 ປີ ຜ່ານມາຄະນະໜ່ວຍພັກໄດ້ມີການເຊື່ອມຊຶມເອກະສານຕ່າງໆໃຫ້ພະນັກງານ, ສະມາຊິກພັກຢູ່ໜ່ວຍພັກ, ເປັນແບບຢ່າງນໍາໜ້າໃຫ້ແກ່ມະຫາຊົນເຮັດສໍາເລັດຫນ້າທີ່ວຽກງານມອບຫມາຍ, ໄດ້ເອົາໃຈໃສ່ດໍາເນີນຊີວິດການເມືອງປັບປຸງປົວແປງພາຍໃນພັກເຮັດໃຫ້ຫນ່ວຍພັກ, ສະມະຊິກພັກມີຄວາມປອດໃສ, ເຂັ້ມແຂງ, ຫນັກແຫນ້ນ ແລະ ສາມາດຕີລາຄາຈັດປະເພດສະມາຊິກພັກແຂງ ກວມເອົາ 100%, ໄດ້ຈັດຕັ້ງເຊື່ອມຊຶມ, ແນວທາງ, ແຜນນະໂຍບາຍ, ມະຕິ, ກົດລະບຽບພັກ, ກົດຫມາຍ ແລະລະບຽບການຕ່າງໆ ໃຫ້ສະມາຊິກພັກ-ພະນັກງານຢ່າງເປັນປົກກະຕິ ເປັນຕົ້ນ: ມະຕິ XI ຂອງພັກ, ມະຕິ VIII ຂອງອົງຄະນະພັກແຂວງ, ກົດລະບຽບຂອງພັກສະໄຫມທີ XI, ວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດການເງິນ, ການແກ້ໄຂບັນຫາໃນວຽກງານຂົນຂວາຍແຫລງທຶນ, ຊ່ວຍເຫລືອບັນເທົາທຸກ ແລະຕອບໂຕ້ໄພພິບັດ ແລະ ຈັດຕັ້ງປາຖະກະຖາເລົ່າມູນເຊື້ອຕ່າງໆ ເນື່ອງໃນໂອກາດວັນສຳຄັນຕ່າງໆຂອງພັກ, ຂອງຊາດ, ສັງເກດເຫັນວ່າ: ສະມາຊິກພັກ-ພະນັກງານໄດ້ ມີຄວາມຮັບຮູ້, ເຂົ້າໃຈຫຼາຍຂຶ້ນ ແລະ ຜ່ານການປະເມີນຕີລາຄາດ້ານການເມືອງຂອງສະມາຊິກພັກມີຄະແນນລວມ 1,9 ທຽບໃສ່ຄາດໝາຍແມ່ນບັນລຸ, ສໍາລັບໃນວຽກງານຂົນຂວາຍແຫລງທຶນ, ຊ່ວຍເຫລືອບັນເທົາທຸກ ແລະຕອບໂຕ້ໄພພິບັດ ໄດ້ຊ່ວຍເຫລືອບັນເທົາທຸກໄດ້ 7 ຄັ້ງ ຈໍານວນ 5 ບ້ານ 12 ຄອບຄົວ, ຈໍານວນ 57 ຄົນ, ຍິງ 20 ຄົນ, ຄອບຄົວໄພໄຫມ້ 4 ຄັ້ງ, 4 ຄອບຄົວ, ມີ 20 ຄົນ, ຍິງ 11 ຄົນ, ລວມມູນຄ່າທັງຫມົດ 37.061.000 ກີບ, ໃນນັ້ນໄດ້ປຸກລະດົມຂົນຂວາຍໂດຍໄດ້ຮັບເຄື່ອງຊ່ວຍເຫລືອຈາກຮ້ານຂາຍຢາເຊັ່ນ: ເສື້ອຄໍມົນ 70 ຜືນ, ລວມມູນຄ່າ 1.875.000 ກີບ, ຝຶກອົບຮົມການກຽມຄວາມພ້ອມເພື່ອຮັບມືໄພພິບັດໃຫ້ອາສາສະມັກຕອບໂຕ້ໄພພິບັດຂັ້ນບ້ານຢູ່ເມືອງໂພນທອງ, ລົງກວດອາສາສະມັກຕອບໂຕ້ໄພພິບັດຢູ່ ເມືອງປາກແຊງ 3 ບ້ານຄື: ບ້ານດອນຄູນ, ບ້ານຫາດງໍາ, ແລະບ້ານຫາດຊໍາ.

ຈາກນັ້ນ ພິທີກໍໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ເລກທີ 31 /ຄປພຂ-ຫຼບ ລົງວັນທີ 14 ກຸມພາ 2023 ນີ້ ວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ຫນັກແຫນ້ນ ປະຈໍາປີ 2022, ໂດຍການໃຫ້ກຽດມອບຂອງ ສະຫາຍ ຄໍາຫລ້າ ລຽນປະດິດ ກຳມະການປະຈຳພັກແຂວງ ປະທານກວດກາພັກ-ລັດແຂວງຫລວງພະບາງ ແລະຮັບໂດຍ ສະຫາຍ ວຽງສະຫວັນ ກະເສີມສຸກ ເລຂາຫນ່ວຍພັກຮາກຖານ ອົງການກາແດງ ແຂວງຫຼວງພະບາງ ຢ່າງສົມກຽດ.
ຂ່າວ: ຈໍາປາ

30/06/2023

ພິທີເຊັນສັນຍາບໍລິການຮັບຊຳລະເງິນຄ່ານໍ້າປະປາ ຜ່ານລະບົບທະນາຄານ ລະຫ່ວາງ ທະນາຄານ ເອັສທີ ຈຳກັດ ສາຂາ ຫຼວງພະບາງ ແລະ ລັດວິສາຫະກິດ ນໍ້າປະປາ ແຂວງຫຼວງພະບາງ ໄດ້ຈັດຂຶ້ນໃນວັນທີ 23 ມິຖຸນາ 2023 ຜ່ານມານີ້ ເຊິ່ງຕາງໜ້າທະນາຄານ ເອັສທີ ຈຳກັດ ສາຂາ ຫຼວງພະບາງ ລົງນາມໂດຍ ທ່ານ ດວງຄຳ ສີລິວົງສາ, ຫົວໜ້າສາຂາ ທະນາຄານ ເອັສທີ ຈຳກັດ ຫຼວງພະບາງ ແລະ ຟ່າຍລັດວິສາຫະກິດ ນໍ້າປະປາ ແຂວງ ຫຼວງພະບາງ, ຕາງໜ້າໂດຍ ທ່ານ ສຸລິດ ຈິນດາມະນີ, ຜູ້ອຳນວຍການລັດວິສາຫະກິດ ນໍ້າປະປາ ແຂວງ ຫຼວງພະບາງ, ໂດຍຄູ່ສັນຍາທັງສອງຝ່າຍ ໄດ້ຕົກລົງເຫັນດີຮ່ວມກັນມີຈຸດປະສົງເພື່ອສ້າງເງື່ອນໄຂ, ຂໍ້ຕົກລົງ ແລະ ຮູບແບບການບໍລິການຮ່ວມກັນ ໃນການດໍາເນີນການບໍລິການຊຳລະສະສາງຄ່ານໍ້າປະປາຜ່ານລະບົບ Bill Payment ແລະ ຜ່ານລະບົບ Application Mobile Banking ຂອງທະນາຄານເອັສທີ.

29/06/2023

ພິທີ ປະກາດນາມມະຍົດ ຄະນະບໍລິຫານງານຊາວໝຸ່ມ ປະຊາຊົນ ປະຕິວັດລາວ ແຂວງຫຼວງພະບາງ ເປັນຄະນະບໍລິຫານງານຊາວໝຸ່ມ 4 ບຸກ ປະຈໍາປີ 2022 ແລະປະດັບຫຼຽນກາລະນຶກ 65 ປີ ໄດ້ຈັດຂຶ້ນວັນທີ 28 ມີຖຸນາ 2023 ທີ່ຫ້ອງວ່າແຂວງ ໂດຍການເຂົ້າຮ່ວມຂອງ ສະຫາຍ ມອນໄຊ ລ່າວມົ່ວຊົງ ກໍາມະການສໍາຮອງສູນກາງພັກ ເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນ ປະຕິວັດລາວ, ສະຫາຍ ສຸກັນ ບຸນຍົງ ຮອງເລຂາພັກແຂວງ, ສະຫາຍ ໄຊນະຄອນ ສຸດທິດາ ຄະນະບໍລິຫານສູນກາງຊາວໝຸ່ມ ເລຂາຄະນະບໍລິຫານງານຊາວໝຸ່ມ ແຂວງຫຼວງພະບາງ, ມີຄະນະບໍລິຫານງານຊາວໝຸ່ມໃນທົ່ວແຂວງ ແລະສະມາຊິກຊາວໜຸ່ມເຂົ້າຮ່ວມ.
ສະຫາຍ ສົມໝາຍ ຂຸນດາວົງ ຮອງເລຂາຄະນະບໍລິຫານງານຊາວໝຸ່ມແຂວງ ໄດ້ຜ່ານບົດສະຫຼຸບປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຄະນະບໍລິຫານ ງານຊາວໜຸ່ມ ປປລ ແຂວງ ປະຈໍາປີ 2022 ແລະ ທິດທາງແຜນການປີ 2023, ໂດຍຍົກສະພາບການຈັດຕັ້ງປະຕິບັດຂະບວນການຂໍ້ແຂ່ງຂັນ 4 ບຸກຂອງຄະນະ ຊປປລ ແຂວງຫຼວງພະບາງໃນໄລຍະຜ່ານມາ ຄື: ບຸກດ້ານການເມືອງແນວຄິດ, ບຸກດ້ານການຝຶກຝົນຫຼໍ່ຫຼອມ-ຮໍ່າຮຽນ, ບຸກດ້ານວຽກງານການຈັດຕັ້ງ ແລະບຸກດ້ານຝຶກອົບຮົມວິຊາຊີບ-ສ້າງວຽກເຮັດງານທຳ, ອັນໄດ້ເຮັດໃຫ້ຊາວໜຸ່ມປະຊາຊົນ ປະຕິວັດລາວ ກາຍເປັນແຂນຂວາຂອງພັກທີ່ແຂງແກ່ນ, ເປັນຜູ້ສຶບທອດພາລະກິດຂອງພັກ-ຂອງຊາດ, ທີ່ເດັດດ່ຽວໜຽວແໜ້ນພາຍໃຕ້ຄັນທຸງຂອງພັກ ປະຊາຊົນປະຕິວັດລາວ, ຈິ່ງຮຽກຮ້ອງໃຫ້ສະມາຊິກຊາວໜຸ່ມປະຊາຊົນປະຕິວັດລາວ, ມີຄຸນທາດການເມືອງໜັກແໜ້ນ, ມີແນວຄິດຫຼັກໝັ້ນຊົນຊັ້ນທີໜັກແໜ້ນ, ມີອຸດົມການປະຕິວັດທີ່ແທ້ຈິງ ເຊື່ອໜັ້ນຢ່າງຕາຍໃຈຕໍ່ການນຳພາຂອງພັກ, ມີຄຸນສົມບັດສິນທຳປະຕິວັດທີ່ແທ້ຈິງ, ມີນໍ້າໃຈໂອບເອື້ອອາລີ, ມີນໍ້າໃຈເສຍສະຫຼະອັນສູງສົ່ງ, ມີຄວາມຈົ່ງຮັກພັກດີ, ມີຄວາມສັດຊື່ບໍລິສຸດຕໍ່ຊາດ, ຕໍ່ພັກ ແລະ ຕໍ່ປະຊາຊົນ ເປັນສິນໄຊແຫ່ງຍຸກສະໄໝ ແລະ ເປັນນົກອິນຊີທີ່ບໍ່ຫວັນກວາຕໍ່ພະຍຸລົມແດງ, ອົດທົນຜ່ານຜ່າອຸປະ ສັກນາໆປະການ ແລະ ແກ້ໄຂປະກົດການຫຍໍ້ທໍ້ຕ່າງໆໃນຖັນແຖວຊາວໜຸ່ມ-ໄວໜຸ່ມໃຫ້ຫຼຸດລົງເທື່ອລະກ້າວ, ປະກອບສ່ວນເຂົ້າໃນການສ້າງສາພັດທະນາປະເທດຊາດເວົ້າລວມ, ເວົ້າສະເພາະການປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງຫຼວງພະບາງ, ຮໍ່າຮຽນ ແລະ ຝຶກຝົນຫຼໍ່ຫຼອມແບບແຜນດຳລົງຊີວິດທີ່ລຽບງ່າຍຂອງບັນດາທ່ານຜູ້ນຳທີ່ແສນເຄົາລົບຮັກ, ຮູ້ຮັກວັດທະນາທໍາ-ຮີດຄອງປະເພນີອັນດີງາມຂອງຊາດ, ຂອງເຜົ່າໃຫ້ຄຽງຄູ່ກັບຊາດລາວຕະຫຼອດໄປ, ຮໍ່າຮຽນເອົາຄວາມອົດທົນຜ່ານຜ່າ, ນໍ້າໃຈພິລະອາດຫານຕໍ່ສູ້ບໍ່ຍອມຈຳນົນ ແລະ ນໍ້າໃຈເສຍສະຫຼະເລືອດເນື້ອເພື່ອຊາດເພື່ອປະຊາຊົນຂອງບັນດານັກຮົບປະຕິວັດລາວ ຮໍ່າຮຽນເອົາວັດທະນາທຳອັນຍອດຍິ່ງຂອງມວນມະນຸດ, ເພື່ອພັດທະນາຕົນເອງ, ຄອບຄົວ, ການຈັດຕັ້ງ ແລະ ປະເທດຊາດ ມີລະບຽບວິໄນເຂັ້ມງວດ, ມີສະຕິຕໍ່ການຈັດຕັ້ງ, ປະຕິບັດ ແລະ ນຳເອົາຄຳສັ່ງຂອງຂັ້ນເທິງຜັນຂະຫຍາຍເປັນອັນລະອຽດ, ພັດທະນາຕົນເອງທາງດ້ານຄວາມຮູ້ຄວາມສາມາດ, ການຊອກວຽກເຮັດງານທຳທີ່ແນ່ນອນ, ຊອກແຫຼ່ງລາຍຮັບເພື່ອຜ່ອນການເອື່ອຍອີງໃສ່ການຈັດຕັ້ງ ສາມາດແກ້ໄຂຊີວິດການເປັນຢູ່ຂອງຕົນເອງນັບມື້ນັບດີຂຶ້ນເລື້ອຍໆ.ຄະນະບໍລິຫານງານຊາວໜຸ່ມ ຊປປລ ແຂວງຫຼວງພະບາງ ສະຫຼຸບສັງລວມການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງ 11 ເມືອງ ແລະ 1 ນະຄອນ, ຄະນະຮາກຖານ ແລະ ໜ່ວຍຊາວໜຸ່ມຮາກຖານ ພະແນກການອ້ອມຂ້າງແຂວງລວມມີ 77 ໜ່ວຍ, ຄະນະຮາກຖານ 12 ຮາກຖານ ແລະ ໜ່ວຍຊາວໜຸ່ມພະແນກການອ້ອມຂ້າງແຂວງ ມີ 65 ໜ່ວຍ, ຢັ້ງຢືນເປັນເມືອງທຸງໄຊນໍາໜ້າຂອງຊາວໜຸ່ມໄດ້ 5 ເມືອງ ແລະ 1 ນະຄອນ, ໄດ້ຮັບຮອງເປັນເມືອງຊາວໜຸ່ມ 4 ບຸກໄດ້ 6 ເມືອງ, ໜ່ວຍຊາວໜຸ່ມທັງໝົດຂອງ 11 ເມືອງ ແລະ 1 ນະຄອນ ລວມມີ 1.127 ໜ່ວຍປັດຈຸບັນທົ່ວແຂວງມີໜ່ວຍຊາວໜຸ່ມ ທັງໝົດ 1.230 ໜ່ວຍ, ຂະຫຍາຍໜ່ວຍໃໝ່ໄດ້ 18 ໜ່ວຍ, ໜ່ວຍຊາວໜຸ່ມຮາກຖານບ້ານ 762 ໜ່ວຍ, ໜ່ວຍອ້ອມຂ້າງເມືອງ 377 ໜ່ວຍ, ໜ່ວຍອ້ອມຂ້າງແຂວງ 92 ໜ່ວຍ, ທົ່ວແຂວງຫຼວງພະບາງໃນເກນອາຍຸ 15-35 ປີ ຈຳນວນ 89.620 ຄົນ, ຍິງ 35.940 ຄົນ, ເປັນສະມາຊິກ ຊປປລ ທັງໝົດ 41.894 ສະຫາຍ, ຍິງ 15.322 ສະຫາຍ, ຂະຫຍາຍໃໝ່ໄດ້ 3.202 ສະຫາຍ, ຍິງ 1.625 ສະຫາຍ, ເປັນພະນັກງານ 11.390 ສະຫາຍ, ຍິງ 4.012 ສະຫາຍ, ເປັນສະມາຊິກພັກ 7.115 ສະຫາຍ, ໄດ້ຢັ້ງຢືນ 4 ບຸກ ປະຈໍາປີ 2022 ໄປແລ້ວ ຈຳນວນ 11 ເມືອງ 1 ນະຄອນ 12 ຄະນະຮາກຖານ 65 ໜວ່ຍ, ໄດ້ຕິດຕາມມະຫາຊົນຜູ້ທີ່ມີຄວາມຫ້າວຫັນ ກ້າວໜ້າ ສະເໜີໃຫ້ຄະນະພັກຄົ້ນຄ້ວາພິຈາລະນາ ເພື່ອເຂົ້າອົງການຈັດຕັ້ງພັກໄດ້ທັງໜົດ 224 ສະຫາຍ, ສະເໜີເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ 1.608 ສະຫາຍ, ໄດ້ຕິດຕາມມະຫາຊົນຜູ້ທີ່ກ້າວໜ້າ ແລະ ເລື່ອນສະມາຊິກເຍົາວະຊົນຂຶ້ນເປັນສະມາຊິກຊາວໜຸ່ມໄດ້ 4.008 ສະຫາຍ, ຍິງ 2.181 ສະຫາຍ.
ຈາກນັ້ນ ໃນພິທີກໍໄດ້ຜ່ານຂໍ້ຕົກລົງ ຂອງເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນ ປະຕິວັດລາວ ວ່າດ້ວຍການຢັ້ງຢືນໃຫ້ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ແຂວງຫຼວງພະບາງ ເປັນແຂວງຊາວໜຸ່ມ 4 ບຸກ ປະຈໍາປີ 2022 ແລະຂໍ້ຕົກລົງວ່າດ້ວຍການປະດັບຫຼຽນການລະນຶກ 65 ປີ ຂອງຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ໃຫ້ບັນດາເມືອງ, ນະຄອນ, ພະແນກການ, ກົມກອງພາຍໃນແຂວງ, ອາດິດການນໍາແຂວງ ແລະການນໍາແຂວງໃນປະຈຸບັນ ໃນນີ້ປະກອບມີບຸກຄົນດີເດັ່ນ ທັງໝົດ 206 ສະຫາຍ ແລະກົມກອງມີທັງໝົດ 103 ກົມກອງໃນທົ່ວແຂວງ, ໂດຍການໃຫ້ກຽດມອບໃບຢັ້ງຢືນ ແລະປະດັບຫຼຽນຂອງ ສະຫາຍ ມອນໄຊ ລ່າວມົ່ວຊົງ ຢ່າງສົມກຽດ ພ້ອມທັງຮ່ວມກັນເປີດປ້າຍ ແລະລັ່ນຄ້ອງ 9 ບາດ ເພື່ອປະກາດຄະນະຊາວໜຸ່ມແຂວງຫຼວງພະບາງ ເປັນຄະນະຊາວໜຸ່ມ 4 ບຸກ ຢ່າງເປັນທາງການອີກດ້ວຍ.
ຂ່າວ: ເພັດສາຄອນ ສິມມະວົງ

29/06/2023

ປະກາດກົງຈັກການຈັດຕັ້ງ ຫ້ອງວ່າການແຂວງຫຼວງພະບາງ
-----------------------
ໃນວັນທີ 29 ມິຖຸນາ 2023 ນີ້ ທີ່ຫ້ອງປະຊຸມໃຫຍ່ຫ້ອງວ່າການ ແຂວງຫຼວງພະບາງ ໄດ້ມີພິທີປະກາດກົງຈັກການຈັດຕັ້ງຫ້ອງວ່າແຂວງຂຶ້ນ ໂດຍການເຂົ້າຮ່ວມເປັນປະທານຂອງ ທ່ານ ສຸກັນ ບຸນຍົງ ຮອງເລຂາພັກແຂວງ, ທ່ານ ປອ ຄຳຄ່ອງ ພົມມະປັນຍາ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງ, ມີຄະນະຮັບຜິດຊອບປັບປຸງກົງຈັກການຈັດຕັ້ງຂັ້ນແຂວງ, ຫົວໜ້າ, ຮອງຫົວໜ້າ ແລະວິຊາການທີ່ຂຶ້ນກັບຫ້ອງວ່າການແຂວງເຂົ້າຮ່ວມ.
ໃນພິທີ ຕາງໜ້າຄະນະຈັດຕັ້ງແຂວງໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຕົກລົງແຕ່ງຕັ້ງເລຂາ ຄະນະພັກຮາກຖານ ຫ້ອງວ່າການແຂວງ ຄະນະປະຈຳພັກແຂວງຕົກ ແຕ່ງຕັ້ງ ສະຫາຍ ເພັງ ຄຳມະວົງ ຫົວໜ້າຫ້ອງວ່າການແຂວງ ເປັນເລຂາ ຄະນະພັກຮາກຖານ ຫ້ອງວ່າການແຂວງ ເພື່ອທົດແທນຕໍາແໜ່ງທີ່ວ່າງລົງ ແລະຜ່ານຂໍ້ຕົກລົງຂອງຄະນະປະຈຳພັກແຂວງ ວ່າດ້ວຍການຕົກລົງແຕ່ງຕັ້ງເລຂາໜ່ວຍພັກ1, ໜ່ວຍພັກ2 ແລະໜ່ວຍພັກ3 ທີ່ຂຶ້ນກັບຄະນະພັກຮາກຖານ ຫ້ອງວ່າການແຂວງ, ໂດຍໄດ້ຕົກລົງແຕ່ງຕັ້ງ ສະຫາຍ ຫຸມແພງ ແກ້ວວິຈິດ ເປັນເລຂາໜ່ວຍພັກ1, ສະຫາຍ ອານຸສັກ ພອນສະຫວັນ ເປັນເລຂາໜ່ວຍພັກ2 ແລະ ສະຫາຍ ນາງ ບົວສະຫວັນ ພົງສະຫວັດດີ ເປັນເລຂາໜ່ວຍພັກ 3 ເພື່ອທົດແທນຕໍາແໜ່ງທີວ່າງລົງ.
ໂອກາດນີ້ ຮອງຫົວຫນ້າຫ້ອງວ່າແຂວງ ຍັງໄດ້ຂຶ້ນຜ່ານສະພາບການປັບປຸງກົງຈັກການຈັດຕັ້ງຫ້ອງວ່າການແຂວງ, ຜ່ານຂໍ້ຕົກລົງວ່າດ້ວຍການຈັດຕັ້ງ ແລະການເຄື່ອນໄຫວຂອງຫ້ອງວ່າການແຂວງ. ພ້ອມນັ້ນຍັງໄດ້ດຳເນີນການທາບທາມຕຳແໜ່ງບໍລິຫານ ຫົວໜ້າຂະແໜງທີ່ຍັງຫວ່າງຕື່ມອີກ.
ພາບຂ່າວໂດຍ: ດາວອນ ມະນີວັນ

29/06/2023

ກອງບັນຊາການທະຫານແຂວງຫຼວງພະບາງ ພົບປະແລກປ່ຽນບົດຮຽນກັບກົມສູ້ຮົບ, ກົມໃຫຍ່ເສນາທິການກອງທັບປະຊາຊົນຫວຽດນາມ

ພິທີພົບປະລະຫວ່າງກອງບັນຊາການທະຫານແຂວງຫຼວງພະບາງ ກັບກົມສູ້ຮົບ, ກົມໃຫຍ່ເສນາທິການກອງທັບປະຊາຊົນຫວຽດນາມ ໄດ້ຈັດຂຶ້ນຕອນເຊົ້າວັນທີ 29 ມິຖຸນາ 2023 ທີ່ຫ້ອງປະຊຸມກອງບັນຊາການທະຫານແຂວງຫຼວງພະບາງ, ໂດຍມີ ສະຫາຍ ພົນຈັດຕະວາ ວິລ່ຽມ ວົງທິສານ ເລຂາຄະນະພັກ, ຫົວໜ້າການທະຫານກອງບັນຊາການທະຫານແຂວງຫຼວງພະບາງ ກອງທັບປະຊາຊົນລາວ, ມີສະຫາຍ ພົນຕີ ຫງວຽນດຶກກັນ ຫົວໜ້າກົມສູ້ຮົບ, ກົມໃຫຍ່ເສນາທິການກອງທັບ ປະຊາຊົນຫວຽດນາມ, ພ້ອມດ້ວຍຄະນະທັງສອງຝ່າຍເຂົ້າຮ່ວມ.

ໃນວາລະ ສະຫາຍ ພົນຈັດວາ ວິລ່ຽມ ວົງທິສານ ໄດ້ຜ່ານບົດລາຍງານຫຍໍ້, ຍົກໃຫ້ເຫັນສະພາບຈຸດພິເສດ, ທີ່ຕັ້ງ, ພາລະບົດບາດຂອງກອງບັນຊາການທະຫານແຂວງ, ລວມທັງການພັດທະນາເສດຖະກິດ - ສັງຄົມຂອງແຂວງ, ພ້ອມກັນນີ້ຍັງໄດ້ຕີລາຄາໝາກຜົນຂອງການພົວພັນຮ່ວມມືລາວ - ຫວຽດນາມ, ໂດຍຍົກໃຫ້ເຫັນຜົນງານຫຼາຍດ້ານທີ່ພົ້ນເດັ່ນ, ພ້ອມທັງໄດ້ທົບທວນຫວນຄືນການພົວພັນຮ່ວມມືແບບພິເສດຂອງສອງພັກ, ສອງລັດ, ສອງກອງທັບລາວ - ຫວຽດນາມ ຕະຫຼອດໄລຍະການຕໍ່ສູ້ກູ້ຊາດ, ຕ້ານຈັກກະພັດຜູ້ຮຸກຮານ, ພວກລາເມືອງຂື້ນທັງແບບເກົ່າ ແລະ ແບບໃໝ່, ເຊິ່ງບາງຕອນ ສະຫາຍ ໄດ້ກ່າວວ່າ: ໃນໄລຍະຜ່ານມາພວກເຮົາ ໄດ້ມີສາຍພົວພັນຮ່ວມມືທີ່ດີງາມ ກັບເພື່ອນ ສ.ສ.ຫວຽດນາມ ທັງພາຍໃນ ແລະ ຕ່າງປະເທດ, ໂດຍສະເພາະແມ່ນຮ່ວມມືແໜ້ນແຟ້ນກັບກົມກອງແຮກສ່ຽວ, ກົງສູນໃຫຍ່ ສ.ສ.ຫວຽດນາມ ປະຈໍາແຂວງຫຼວງພະບາງ, ສະມາຄົມຊາວຫວຽດນາມ ທີ່ອາໄສຢູ່ພາຍໃນແຂວງ, ບໍລິສັດຮ່ວມມືສາກົນ 705, ໜ່ວຍງານຂຸດຄົ້ນອັດຖິທະຫານຂອງທະຫານເຂດ 2 ປະຈໍາແຂວງອຸດົມໄຊ ເຊິ່ງສະແດງອອກໃນວັນບຸນສໍາຄັນທາງປະຫວັດສາດຕ່າງໆຂອງສອງຊາດ, 2 ກໍາລັງ, ພວກເຮົາກໍ່ໄດ້ແຕ່ງຕັ້ງຄະນະໄປຢ້ຽມຢາມ, ອວຍພອນປຸກລະດົມກໍາລັງໃຈເຊິ່ງກັນ ແລະ ກັນເປັນປະຈໍາ.

ນອກຈາກນັ້ນພວກເຮົາຍັງໄດ້ຕ້ອນຮັບຄະນະຜູ້ແທນ ກອງທັບຫວຽດນາມ ທີ່ມາຢ້ຽມຢາມແຂວງຫຼວງພະບາງ ຈໍານວນຫຼາຍຄັ້ງ ເປັນຕົ້ນແມ່ນ ສະຫະພັນນັກຮົບເກົ່າທະຫານອາສາສະໝັກ ຮ່າໂນ້ຍ, ຄະນະຜູ້ແທນກົມການເງິນກະຊວງປ້ອງກັນປະເທດຫວຽດນາມ, ຄະນະສະຫະພັນນັກຮົບເກົ່າສາຍພູຫຼວງ, ກອງພົນ 473, 391, ຄະນະສີລະປະກອນເຫຼົ່າທັບປ້ອງກັນອາກາດ-ທະຫານອາກາດ, ນາຍທະຫານນຸ່ມສອງກອງທັບລາວ-ຫວຽດນາມ, ຄະນະປະຕິບັດງານພິເສດ ລັດຖະບານຫວຽດນາມ, ນອກຈາກນີ້ກອງບັນຊາການທະຫານແຂວງຫຼວງພະບາງຍັງໄດ້ເຄື່ອນໄຫວຮ່ວມກັບກົມກອງເພື່ອນຫວຽດນາມ ເຊັ່ນ: ແຕ່ງຕັ້ງຄະນະຜູ້ແທນ ໄປຮ່ວມກອງປະຊຸມພົບປະແລກປ່ຽນບົດຮຽນປະຈໍາປີ ຢູ່ກອງບັນຊາການທະຫານແຂວງເຊິນລາ, ຮ່ວມຊ້ອມຮົບສະກັດກັ້ນພົນລະເມືອງເຄື່ອນຍ້າຍຖິ່ນຖານເສລີ ຂ້າມຊາມແດນແບບຜິດກົດໝາຍ, ໄປຮ່ວມໄວ້ອາໄລ ມອບ-ຮັບ ແລະ ສົ່ງອັດຖິທະຫານອາສາສະໝັກ ແລະ ຊ່ຽວຊານ ຫວຽດນາມຢູ່ແຂວງອຸດົມໄຊ ແລະ ບ່ອນອື່ນໆ.

ໂອກາດນີ້ຄະນະຜູ້ແທນກອງປະຊຸມທັງສອງຝ່າຍກໍໄດ້ຜັດປ່ຽນກັນມີ້ຄໍາເຫັນປຶກສາຫາລືແລກປ່ຽນບົດຮຽນຂົງເຂດວຽກງານພັກ - ວຽກງານການເມືອງ, ລວມໄປເຖິງການເຄື່ອນໄຫວເຮັດໃຫ້ສະພາບຂອບເຂດຮັບຜິດຊອບມີຄວາມສະຫງົບ ແລະ ວຽກງານອື່ນໆທີ່ປິ່ນອ້ອມ 4 ໜ້າທີ່ໃຫຍ່ 26 ແຜນງານ, ພ້ອມທັງມອບຂອງຂວັນທີ່ລະນຶກໃຫ້ກັນ ແລະກັນຕື່ມອີກ.
ຂ່າວ: ບຸນເພັງ ວົງແກ້ວມະນີ; ພາບ: ສົມພອນ ສຸວັນທອນ

29/06/2023

ໜ່ວຍພັກວັດທະນະທຳ ຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ
------------------------------------
ໃນວັນທີ 27 ມິຖຸນາ 2023 ໜ່ວຍພັກຂະແໜງວັດທະນະທຳ, ທີ່ຂຶ້ນກັບຄະນະພັກຮາກຖານພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ, ໄດ້ຈັດພິທີຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຈຳນວນ 5 ສະຫາຍ, ຍິງ 3 ສະຫາຍ, ໂດຍການເຂົ້າຮ່ວມຂອງ ສະຫາຍ ຈັນສະໝອນ ທິບພະວັນ ຮອງເລຂາຄະນະພັກຮາກຖານພະແນກ ຖວທ, ມີເລຂາ, ຮອງເລຂາໜ່ວຍພັກອ້ອມຂ້າງພະແນກ ແລະສະມະຊິກພັກສົມບູນ, ສຳຮອງພາຍໃນໜ່ວຍເຂົ້າຮ່ວມ.
ໃນພິທີໄດ້ຜ່ານຂໍ້ຕົກລົງຂອງຄະນະປະຈຳພັກແຂວງວ່າດ້ວຍການຮັບເອົາມະຫາຊົນກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ, ພ້ອມທັງອະທິບາຍຄວາມໝາຍຂອງທຸງຊາດ, ທຸງພັກ ແລະຮູບພາບຂອງທ່ານຜູ້ນຳເປັນຕົ້ນແມ່ນຮູບຂອງທ່ານ ກາກມາກ, ທ່ານ ເລນິນ ແລະປະທານໄກສອນ ພົມວິຫານ ແລະກົດລະບຽບຂອງພັກ, ສິດ-ໜ້າທີ່ ຂອງສະມາຊິກພັກສຳຮອງ ໃຫ້ສະມາຊິກພັກໃໝ່ໄດ້ຮັບຮູ້ ແລະນຳໄປຈັດຕັ້ງປະຕິບັດເພື່ອເປັນບົດຮຽນໃນການດຳລົງຊີວິດກໍຄືການຈັດຕັ້ງປະຕິບັດວຽກງານທີ່ໄດ້ຮັບມອບໝາຍໃຫ້ໄດ້ຮັບຜົນດີ.
ພາຍ-ຂ່າວໂດຍ: ດາວອນ ມະນີວັນ

ສະຖານີຂ່າວ The News Station

30/06/2023

30/06/2023

30/06/2023

30/06/2023

30/06/2023

30/06/2023

30/06/2023

30/06/2023

29/06/2023

29/06/2023

29/06/2023

29/06/2023

Address

Telephone

Website

Alerts

Contact The Organization

Shortcuts

Share