ຂ່າວສານ ສະຫະພັນກໍາມະບານແຂວງຫຼວງພະບາງ FTULPBNews

ຂ່າວສານ ສະຫະພັນກໍາມະບານແຂວງຫຼວງພະບາງ FTULPBNews ເຜີຍແຜ່ຂໍ້ມູນຂ່າວສານ ການເຄື່ອນໄຫວວຽກງານກໍາມະບານໃນທົ່ວແຂວງຫຼວງພະບາງ

ສະຫະພັນກໍາມະບານແຂວງຫຼວງພະບາງ ຮ່ວມກັບ ອົງການປະກັນສັງຄົມແຂວງຫຼວງພະບາງ ລົງໂຄສະນາເຜີຍແຜ່ ຂໍ້ມູນຂ່າວສານການປົກປ້ອງແຮງງານນອກລະບ...
26/05/2026

ສະຫະພັນກໍາມະບານແຂວງຫຼວງພະບາງ ຮ່ວມກັບ ອົງການປະກັນສັງຄົມແຂວງຫຼວງພະບາງ
ລົງໂຄສະນາເຜີຍແຜ່ ຂໍ້ມູນຂ່າວສານການປົກປ້ອງແຮງງານນອກລະບົບ ເພື່ອໃຫ້ເຂົ້າເຖິງລະບົບປະກັນສັງຄົມພາກສະໝັກໃຈ ໃນຂະແໜງກະສິກຳ ແລະ ອາຫານ
------------------------
ໂດຍປະຕິບັດຕາມບົດບັນທຶກຄວາມເຂົ້າໃຈລະຫວ່າງສູນກາງສະຫະພັນກຳມະບານລາວຮ່ວມກັບໂຄງການອ໊ອບຟາມ ກ່ຽວກັບການຈັດຕັ້ງປະຕິບັດວຽກງານປົກປ້ອງສັງຄົມໃນ ສປປ ລາວ ໃນວັນທີ 05-12 ພຶດສະພາ 2026 ຜ່ານມານີ້ ໂດຍໄດ້ຮັບທຶນສະໜັບສະໜູນຈາກອົງການອ໊ອກຟາມ ສະຫະພັນກໍາມະບານແຂວງຫຼວງພະບາງ ຮ່ວມກັບ ຫ້ອງການປະກັນສັງຄົມແຂວງຫຼວງພະບາງ ໄດ້ລົງເຜີຍແຜ່ຂໍ້ມູນຂ່າວສານກ່ຽວກັບການເຂົ້າປະກັນສັງຄົມແບບສະໝັກໃຈໃຫ້ແກ່ແຮງງານນອກລະບົບຢູ່ ນະຄອນຫຼວງພະບາງ, ເມືອງວຽງຄຳ, ເມືອງນານ ແລະເມືອງຊຽງເງິນ; ເຂົ້າຮ່ວມມີ ທ່ານ ສົມຫວັງ ພົມມະນີ ຮອງປະທານຄະນະບໍລິຫານງານສະຫະພັນກໍາມະບານແຂວງ, ມີປະທານ, ຮອງປະທານສະຫະພັນກຳມະບານເມືອງ, ນະຄອນ, ຕາງໜ້າຫ້ອງການປະກັນສັງຄົມແຂວງ, ຄະນະບ້ານ, ຄະນະກຸ່ມ, ສະມາຊິກກຸ່ມ ແລະ ປະຊາຊົນຈາກກຸ່ມບ້ານເປົ້າໝາຍເຂົ້າຮ່ວມ.
ການລົງເຜີຍແຜ່ຂໍ້ມູນຂ່າວສານຄັ້ງນີ້ກໍເພື່ອໃຫ້ຜູ້ເຂົ້າຮ່ວມໄດ້ຮັບຮູ້ ແລະ ເຂົ້າໃຈເຖິງການເຂົ້າປະກັນສັງຄົມເຊິ່ງແມ່ນການຮັບປະກັນການດຳລົງຊີວິດຂອງພວກເຮົາເອງ ໃນຍາມເກີດເຫດການໃດໜຶ່ງຈະໄດ້ຮັບການຊ່ວຍເຫຼືອແບ່ງເບົາພາລະຊ່ວຍໃຫ້ເຮົາຫຼຸດຜ່ອນການໃຊ້ຈ່າຍ, ເຮັດໃຫ້ມີຄວາມໜັ້ນໃຈໃນການປະຕິບັດໜ້າທີ່ວຽກງານໃນປະຈຸບັນ ແລະ ອານາຄົດ; ທ່ານ ກັນຍາ ເພັດສະໄໝ ຕາງໜ້າຫ້ອງການປະກັນສັງຄົມແຂວງ ໄດ້ນໍາສະເໜີຂໍ້ມູນຄວາມຮູ້ກ່ຽວກັບເປົ້າໝາຍການເຂົ້າປະກັນສັງຄົມ, ເງື່ອນໄຂການສະໝັກ, ການຊຳລະເງິນເຂົ້າປະກັນສັງຄົມ, ຜົນປະໂຫຍດທີ່ຈະໄດ້ຮັບໃນການເຂົ້າປະກັນສັງຄົມ, ຂັ້ນຕອນການໃຊ້ບັດປະກັນສັງຄົມ ແລະ ລະບົບການປິ່ນປົວ ນອກຈາກນີ້ການເຂົ້າປະກັນສັງຄົມຍັງໄດ້ຮັບນະໂຍບາຍຫຼາຍຢ່າງເຊັ່ນ: ປະກັນສຸຂະພາບ, ນະໂຍບາຍເກີດລູກ, ອຸດໜູນປ່ວຍການ, ອຸດໜູນເສຍກຳລັງແຮງງານ, ເງິນອຸດໜູນຜູ້ເບິ່ງແຍງ, ອຸດໜູນບໍານານ, ອຸດໜູນບໍາເນັດ, ອຸດໜູນເສຍຊີວິດເປັນຕົ້ນ.
ໂອກາດດັ່ງກ່າວ ທ່ານ ສົມຫວັງ ພົມມະນີ ຮອງປະທານຄະນະບໍລິຫານງານສະຫະພັນກໍາມະບານແຂວງ ໄດ້ມີຄໍາເຫັນເນັ້ນໜັກໃຫ້ຜູ້ເຂົ້າຮ່ວມຮັບຟັງທັງໝົດ ຈົ່ງຊ່ວຍກັນນຳເອົາເນື້ອໃນຂໍ້ມູນຄວາມຮູ້ດັ່ງກ່າວໄປເຜີຍແຜ່ຕໍ່ບຸກຄົນອ້ອມຂ້າງ, ຄົນໃນຄອບຄົວ ແລະ ສັງຄົມ ໃຫ້ມີຄວາມເຂົ້າໃຈກ່ຽວກັບການເຂົ້າປະກັນສັງຄົມແບບສະໝັກໃຈ ໃຫ້ກວ້າງຂວາງຕື່ມອີກ.
-------------------------
ຂ່າວ: ສຸພາມິດ ບົວລະພາ
#ຂ່າວສານສະຫະພັນກໍາມະບານແຂວງຫຼວງພະບາງ
#ວຽກງານປົກປ້ອງແຮງງານ
#ເຜີຍແຜ່ຂໍ້ມູນຂ່າວສານ

ກໍາມະບານຮາກຖານສະຫະກອນສິນເຊື່ອ ແລະເງິນຝາກປະຢັດ ແຂວງຫຼວງພະບາງໄດ້ຮັບທຸງໄຊນໍາໜ້າຂະບວນການແຂ່ງຂັນ 5 ເປັນເຈົ້າ ປະຈຳປີ 2021-2025...
26/05/2026

ກໍາມະບານຮາກຖານສະຫະກອນສິນເຊື່ອ ແລະເງິນຝາກປະຢັດ ແຂວງຫຼວງພະບາງ
ໄດ້ຮັບທຸງໄຊນໍາໜ້າຂະບວນການແຂ່ງຂັນ 5 ເປັນເຈົ້າ ປະຈຳປີ 2021-2025
----------------------------------
ພິທີ ມອບ-ຮັບ ທຸງໄຊແຂ່ງຂັນ 5 ເປັນເຈົ້າ ຂອງກໍາມະບານຮາກຖານສະຫະກອນສິນເຊື່ອ ແລະເງິນຝາກປະຢັດ ຫຼວງພະບາງ ໄດ້ຈັດຂຶ້ນໃນວັນທີ 22 ພຶດສະພາ 2026, ເຂົ້າຮ່ວມເປັນປະທານພິທີໂດຍ ທ່ານ ບຸນທະວີ ຜົນສະຫວັດ ຮອງປະທານຄະນະບໍລິຫານງານສະຫະພັນກໍາມະບານແຂວງ, ມີ ທ່ານ ນາງ ບົວແພງ ຄຸນວິໄລຈິດ ເລຂາໜ່ວຍພັກ, ທ່ານ ບຸນຖາວອນ ທິບພະວັນ ປະທານກໍາມະບານຮາກຖານ, ມີບັນດາແຂກຮັບເຊີນຈາກຮາກຖານອ້ອມຂ້າງ ພ້ອມດ້ວຍສະມາຊິກກໍາມະບານ ເຂົ້າຮ່ວມ.
ໃນພິທີທ່ານ ບຸນຖາວອນ ທິບພະວັນ ໄດ້ສະຫຼຸບລາຍງານໃຫ້ຮູ້ວ່າ ກຳມະບານຮາກຖານສະຫະກອນສິນເຊື່ອ ແລະ ເງິນຝາກປະຢັດແຂວງຫຼວງພະບາງ ມີຄະນະກຳມະບານ 3 ທ່ານ, ມີສະມາຊິກກໍາມະບານທັງໝົດ 21 ທ່ານ, ຍິງ 8 ທ່ານ, ຕະຫຼອດໄລຍະຜ່ານມາ ວຽກງານຂະບວນການແຂ່ງຂັນ 5 ເປັນເຈົ້າ ແມ່ນໄດ້ຮັບການຈັດຕັ້ງປະຕິບັດດ້ວຍຄວາມເອົາໃຈໃສສູງ, ໄດ້ກໍານົດຈຸດສຸມໃຫ້ແກ່ການຈັດຕັ້ງປະຕິບັດແຕ່ລະໄລຍະ ແລະ ເອົາໃຈໃສ່ຈັດຕັ້ງປະຕິບັດຂໍ້ແຂ່ງຂັນໃຫ້ໄປຕາມທິດທາງແຜນການ ສະມາຊິກກໍາມະບານທຸກຄົນໄດ້ເອົາໃຈໃສ່ປະຕິບັດໜ້າທີ່ວິຊາສະເພາະຂອງຕົນເອງດ້ວຍຄວາມຮັບຜິດຊອບສູງ ຕິດພັນກັບຂະບວນການແຂ່ງຂັນ 5 ເປັນເຈົ້າ, ຜ່ານການປະເມີນໂດຍລວມແມ່ນສາມາດປະຕິບັດ 99% ຖືກຮັບຮອງເປັນກໍາມະບານ 5 ເປັນເຈົ້າ 5 ປີຕໍ່ເນື່ອງ ເພື່ອຢັ້ງຢືນຜົນງານດັ່ງກ່າວ ທ່ານ ບຸນທະວີ ຜົນສະຫວັດ ໄດ້ຂຶ້ນປະດັບຫຼຽນກາສູງສຸດຂອງກຳມະບານລາວ, ມອບໃບຍ້ອງຍໍຂອງສູນກາງສະຫະພັນກຳມະບານລາວໃຫ້ກັບສະມາຊິກກຳມະບານຜູ້ທີ່ມີຜົນງານດີເດັ່ນ ໃນການເຄື່ອນໄຫວວຽກງານໃນໄລຍະຜ່ານມາ ແລະ ມອບທຸງໄຊນຳໜ້າຂະບວນການແຂງຂັນ 5 ເປັນເຈົ້າ,ໃບຢັ້ງຢືນ ຮັບຮອງເອົາກໍາມະບານຮາກຖານສະຫະກອນສິນເຊື່ອ ແລະ ເງິນຝາກປະຢັດ ເປັນກໍາມະບານ 5 ເປັນເຈົ້າ 5 ປີຕໍ່ເນື່ອງ ຂຶ້ນຮັບໂດຍ ທ່ານ ບຸນຖາວອນ ທິບພະວັນ, ຈາກນັ້ນຕາງໜ້າສະມາຊິກກໍາມະບານໄດ້ຂຶ້ນຈັບມືເພື່ອເປີດຂະບວນການແຂ່ງຂັນໃນສົກປີໄປຕື່ມອີກ.
ໂອກາດດັ່ງກ່າວທ່ານ ບຸນທະວີ ຜົນສະຫວັດ ຮອງປະທານຄະນະບໍລິຫານງານສະຫະພັນກໍາມະບານແຂວງ ໄດ້ມີຄໍາເຫັນໂອ້ລົມຕໍ່ພິທີ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ, ຄະນະນໍາກໍາມະບານຮາກຖານ ທີ່ໄດ້ນໍາພາສະມາຊິກກໍາມະບານຍາດມາໄດ້ຜົນງານທີ່ດີເດັ່ນ 5 ປີຕໍ່ເນື່ອງ ເຮັດໃຫ້ໄດ້ຮັບທຸງໄຊນໍາໜ້າຂະບວນການແຂ່ງຂັນ 5 ເປັນເຈົ້າໃນຄັ້ງນີ້; ທ່ານຍັງໄດ້ເນັ້ນໜັກໃຫ້ຮັກສາມູນເຊື້ອອັນດີງາມຂອງກົມກອງ ແລະ ຜົນງານອັນພົ້ນເດັ່ນຂອງສະມາຊິກກໍາມະບານທຸກຄົນໃຫ້ເປັນແບບຢ່າງນໍາໜ້າໃນຖັນແຖວພະນັກງານ-ລັດຖະກອນ, ສະມາຊິກກໍາມະບານ ແລະ ຕິດພັນກັບການເຄື່ອນຫວວຽກງານວິຊາສະເພາະ ຕອນທ້າຍຄະນະປະທານໄດ້ພ້ອມພາກັນເປີດປ້າຍກໍາມະບານຮາກຖານ 5 ເປັນເຈົ້າ ແລະ ລັ່ນຄ້ອງ 9 ບາດ.
---------------------------
ຂ່າວ: ສຸພາມິດ ບົວລະພາ
#ຂ່າວສານສະຫະພັນກໍາມະບານແຂວງຫຼວງພະບາງ
#ວຽກງານຂະບວນການແຂ່ງຂັນ
#ກຳມະບານຮາກຖານສະຫະກອນສິນເຊື່ອ

ກຳມະບານຮາກຖານ ສູນການສຶກສານອກໂຮງຮຽນ ພາກເໜືອໄດ້ຮັບທຸງໄຊນຳໜ້າຂະບວນການແຂ່ງຂັນ 5 ເປັນເຈົ້າ ສະໄໝທີ I--------------------------...
22/05/2026

ກຳມະບານຮາກຖານ ສູນການສຶກສານອກໂຮງຮຽນ ພາກເໜືອ
ໄດ້ຮັບທຸງໄຊນຳໜ້າຂະບວນການແຂ່ງຂັນ 5 ເປັນເຈົ້າ ສະໄໝທີ I
---------------------------------
ເພື່ອຢັ້ງຢືນຜົນງານໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ໃນໄລຍະ 5 ປີຜ່ານມາ (2021-2025), ໃນວັນທີ 21 ພຶດສະພາ 2026 ກຳມະບານຮາກຖານສູນການສຶກສານອກໂຮງຮຽນ ພາກເໜືອ ໄດ້ຈັດພິທີມອບ-ຮັບທຸງໄຊນໍາໜ້າ ຂະບວນການການແຂ່ງຂັນ 5 ເປັນເຈົ້າ ສະໄໝທີ I, ໃຫ້ກຽດເຂົ້າຮ່ວມເປັນປະທານພິທີໂດຍ ທ່ານ ບຸນທະວີ ຜົນສະຫວັດ ຮອງປະທານຄະນະບໍລິຫານງານສະຫະພັນກຳມະບານແຂວງ, ມີທ່ານ ຈັນທະວົງ ມະນີພອນ ເລຂາໜ່ວຍພັກ, ທ່ານ ພອນໄຊ ສົມສະນິດ ປະທານກຳມະບານຮາກຖານ, ມີບັນດາແຂກຖືກເຊີນຈາກພາກສ່ວນອ້ອມຂ້າງ ແລະ ສະມາຊິກກໍາມະບານເຂົ້າຮ່ວມ.
ໃນພິທີ ທ່ານ ພອນໄຊ ສົມສະນິດ ໄດ້ສະຫຼຸບລາຍງານໃຫ້ຮູ້ວ່າ ສູນການສຶກສານອກໂຮງຮຽນພາກເໜືອ ແມ່ນຫົວໜ່ວຍວິຊາການໜຶ່ງທີ່ສັງກັດໃນກົງຈັກການຈັດຕັ້ງຂອງກົມການສຶກສານອກໂຮງຮຽນ ມີຖານະເທົ່າທຽມກັບສູນການສຶກສານອກໂຮງຮຽນອື່ນໆ ທີ່ຂຶ້ນກັບກົມການສຶກສານອກໂຮງຮຽນ ມີພາລະບົດບາດເປັນເສນາທິການໃຫ້ແກ່ ກົມການສຶກສານອກໂຮງຮຽນ, ແນ່ໃສ່ບັນລຸເປົ້າໝາຍຍຸດທະສາດການພັດທະນາຂອງຂະແໜງການການສຶກສາ, ເພື່ອຄໍ້າປະກັນທາງດ້ານຄວາມຮູ້ຄວາມສາມາດຂອງປະຊາຊົນບັນດາເຜົ່າໃຫ້ມີວິຊາສະເພາະສູງຂຶ້ນ ກຳມະບານຮາກຖານ ສູນການສຶກສານອກໂຮງຮຽນພາກເໜືອ ປະກອບມີຄະນະກຳມະບານ 3 ທ່ານ, ມີສະມາຊິກກໍາມະບານທັງໝົດ 20 ທ່ານ, ຍິງ 7 ທ່ານ, ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າໃນໄລຍະ 5 ປີຜ່ານມາ ເຫັນວ່າສະມາຊິກກໍາມະບານມີຄວາມສາມັກຄີເປັນເອກະພາບ, ມີຄວາມຕື່ນຕົວສູງທາງດ້ານການເມືອງ ມີຄວາມສະດຸ້ງໄວຕໍ່ການປະກອບສ່ວນເຂົ້າໃນວຽກງານຂະບວນການຕ່າງໆຂອງພັກ-ລັດ, ອົງການຈັດຕັ້ງ ແລະ ສັງຄົມ ຕິດພັນກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຢ່າງເປັນຂະບວນຟົດຟື້ນ ແລະ ກວ້າງຂວາງຖືກຕ້ອງສອດຄ່ອງ ຊີ້ໃຫ້ເຫັນຜົນງານດ້ານດີ, ດ້ານຄົງຄ້າງ, ບົດຮຽນທີ່ຖອດຖອນໄດ້; ສາມາດປະເມີນຜົນໂດຍລວມໄດ້ 97% ຈັດຢູ່ໃນປະເພດດີເດັ່ນ; ສາມາດຢັ້ງຢືນຮັບຮອງເປັນກຳມະບານຮາກຖານ 5 ເປັນເຈົ້າ 5 ປີຕໍ່ເນື່ອງ ໄດ້ຮັບທຸງໄຊນໍາໜ້າຂະບວນການແຂ່ງຂັນ 5 ເປັນເຈົ້າ ສະໄໝທີ I ປະຈໍາປີ 2021-2025, ທາງກຳມະບານຮາກຖານຍັງໄດ້ກຳນົດທິດທາງແຜນການໃນຕໍ່ໜ້າ ເພື່ອໃຫ້ສະມາຊິກກໍາມະບານຂຶ້ນຈັບມືສືບຕໍ່ເປີດຂະບວນການແຂ່ງຂັນໃນປີ 2026 ຕື່ມອີກ.
ໂອກາດດັ່ງກ່າວ ທ່ານ ບຸນທະວີ ຜົນສະຫວັດ ຮອງປະທານຄະນະບໍລິຫານງານສະຫະພັນກຳມະບານແຂວງ ໄດ້ມີຄໍາເຫັນໂອ້ລົມຕໍ່ພິທີ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດ ແລະ ຜົນງານທີ່ທາງກຳມະບານຮາກຖານດັ່ງກ່າວຍາດມາໄດ້ໃນໄລຍະຜ່ານມາ ພ້ອມກັນນັ້ນທ່ານຍັງໄດ້ຮຽກຮ້ອງໃຫ້ຄະນະນໍາກໍາມະບານ, ພ້ອມດ້ວຍສະມາຊິກກໍາມະບານທຸກທ່ານ ຈົ່ງພ້ອມກັນເສີມສ້າງຄວາມສາມັກຄີໃຫ້ໜັກແໜ້ນ, ຍົກສູງຄວາມຮັບຜິດຊອບຕໍ່ໜ້າທີ່ວຽກງານຂອງຕົນໃຫ້ສູງຂຶ້ນ ຕັ້ງໜ້າເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ, ກໍ່ຄືພັດທະນາວຽກງານກຳມະບານ ໃຫ້ມີຄວາມເຕີບໃຫຍ່ເຂັ້ມແຂງຂຶ້ນໄປເລື້ອຍໆ ຕອນທ້າຍພິທີຄະນະປະທານໄດ້ລັ່ນຄ້ອງ 9 ບາດ ແລະ ເປີດປ້າຍກຳມະບານຮາກຖານ 5 ເປັນເຈົ້າ.
-------------------------------
ຂ່າວ: ຈິດຕະພອນ ບຸດທະຈິດ
#ຂ່າວສານສະຫະພັນກໍາມະບານແຂວງຫຼວງພະບາງ
#ວຽກງານຂະບວນການແຂ່ງຂັນ
#ກໍາມະບານຮາກຖານສູນການສຶກສານອກໂຮງຮຽນ

ກຳມະບານຮາກຖານສຶກສາສົງ ແຂວງຫຼວງພະບາງ ໄດ້ຮັບທຸງໄຊນຳໜ້າຂະບວນການແຂ່ງຂັນ 5 ເປັນເຈົ້າ ສະໄໝທີ I -----------------------------...
19/05/2026

ກຳມະບານຮາກຖານສຶກສາສົງ ແຂວງຫຼວງພະບາງ
ໄດ້ຮັບທຸງໄຊນຳໜ້າຂະບວນການແຂ່ງຂັນ 5 ເປັນເຈົ້າ ສະໄໝທີ I
---------------------------------
ເພື່ອຢັ້ງຢືນຜົນງານໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ໃນໄລຍະ 5 ປີຜ່ານມາ ກຳມະບານຮາກຖານ ສຶກສາສົງແຂວງຫຼວງພະບາງ ໄດ້ຈັດພິທີມອບ-ຮັບທຸງໄຊນໍາໜ້າ ຂະບວນການການແຂ່ງຂັນ 5 ເປັນເຈົ້າ ຄັ້ງທີ I ປະຈຳປີ 2021-2025.
ພິທີດັ່ງກ່າວໄດ້ຈັດຂຶ້ນໃນວັນທີ 15 ພຶດສະພາ 2026 ໃຫ້ກຽດເຂົ້າຮ່ວມເປັນປະທານພິທີໂດຍ ທ່ານ ນາງ ສຸຂະພອນ ປັນຍາສິດ ຮອງປະທານຄະນະບໍລິຫານງານສະຫະພັນກຳມະບານແຂວງ, ມີທ່ານ ສີທົນ ຈັນທະບຸດດີ ຮອງເລຂາໜ່ວຍພັກ, ມີທ່ານ ເທບພະກອນ ຄຸດທະນາ ປະທານກຳມະບານຮາກຖານ, ມີບັນດາແຂກຖືກເຊີນຈາກພາກສ່ວນອ້ອມຂ້າງ ແລະ ສະມາຊິກກໍາມະບານເຂົ້າຮ່ວມ.
ໃນພິທີດັ່ງກ່າວ ທ່ານ ເທບພະກອນ ຄຸດທະນາ ໄດ້ສະຫຼຸບລາຍງານໃຫ້ຮູ້ວ່າ ກຳມະບານຮາກຖານ ສຶກສາສົງແຂວງຫຼວງພະບາງ ປະກອບມີຄະນະກຳມະບານ 3 ທ່ານ, ມີສະມາຊິກກໍາມະບານທັງໝົດ 58 ຄົນ, ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າໃນໄລຍະ 5 ປີຜ່ານມາ ເຫັນວ່າສະມາຊິກກໍາມະບານມີຄວາມສາມັກຄີເປັນເອກະພາບ, ມີຄວາມຕື່ນຕົວສູງທາງດ້ານການເມືອງ ມີຄວາມສະດຸ້ງໄວຕໍ່ການປະກອບສ່ວນເຂົ້າໃນວຽກງານຂະບວນການຕ່າງໆຂອງພັກ-ລັດ, ອົງການຈັດຕັ້ງ ແລະ ສັງຄົມ ຕິດພັນກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຢ່າງເປັນຂະບວນຟົດຟື້ນ ແລະ ກວ້າງຂວາງຖືກຕ້ອງສອດຄ່ອງ ຊີ້ໃຫ້ເຫັນຜົນງານດ້ານດີ, ດ້ານຄົງຄ້າງ, ບົດຮຽນທີ່ຖອດຖອນໄດ້; ສາມາດປະເມີນຜົນໂດຍລວມໄດ້ 96% ຈັດຢູ່ໃນປະເພດດີເດັ່ນ; ສາມາດຮັບຮອງເປັນກຳມະບານຮາກຖານ 5 ເປັນເຈົ້າ 5 ປີຕໍ່ເນື່ອງ ສະໄໝທີ I ປະຈຳປີ 2021-2025, ຈາກນັ້ນຕາງໜ້າສະມາຊິກກໍາມະບານໄດ້ຂຶ້ນຈັບມືເພື່ອສືບຕໍ່ເປີດຂະບວນການແຂ່ງຂັນໃນປີ 2026 ຕື່ມອີກ.
ໃນຕອນທ້າຍທ່ານ ນາງ ສຸຂະພອນ ປັນຍາສິດ ໄດ້ມີຄໍາເຫັນໂອ້ລົມຕໍ່ພິທີ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດ ແລະ ຜົນງານທີ່ທາງກຳມະບານຮາກຖານດັ່ງກ່າວຍາດມາໄດ້ໃນໄລຍະຜ່ານມາ ພ້ອມກັນນັ້ນທ່ານຍັງໄດ້ຮຽກຮ້ອງໃຫ້ຄະນະນໍາກໍາມະບານ, ພ້ອມດ້ວຍສະມາຊິກກໍາມະບານທຸກທ່ານ ຈົ່ງພ້ອມກັນເສີມສ້າງຄວາມສາມັກຄີໃຫ້ໜັກແໜ້ນ, ຍົກສູງຄວາມຮັບຜິດຊອບຕໍ່ໜ້າທີ່ວຽກງານຂອງຕົນໃຫ້ສູງຂຶ້ນ ຕັ້ງໜ້າເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ, ກໍ່ຄືພັດທະນາວຽກງານກຳມະບານ ໃຫ້ມີຄວາມເຕີບໃຫຍ່ເຂັ້ມແຂງຂຶ້ນໄປເລື້ອຍໆ ຕອນທ້າຍພິທີຄະນະປະທານໄດ້ລັ່ນຄ້ອງ 9 ບາດ ແລະ ເປີດປ້າຍກຳມະບານຮາກຖານ 5 ເປັນເຈົ້າ.
---------------
ຂ່າວ: ຈິດຕະພອນ ບຸດທະຈິດ
#ຂ່າວສານສະຫະພັນກໍາມະບານແຂວງຫຼວງພະບາງ
#ວຽກງານຂະບວນການແຂ່ງຂັນ
#ກຳມະບານຮາກຖານສຶກສາສົງ

ກຳມະບານຮາກຖານ ພະແນກສຶກສາທິການ ແລະ ກິລາ ແຂວງຫຼວງພະບາງປະກາດນາມມະຍົດຂະບວນການແຂ່ງຂັນ 5 ເປັນເຈົ້າ ຄັ້ງທີ 1 ສະໄໝທີ IX ປະຈໍາປີ ...
15/05/2026

ກຳມະບານຮາກຖານ ພະແນກສຶກສາທິການ ແລະ ກິລາ ແຂວງຫຼວງພະບາງ
ປະກາດນາມມະຍົດຂະບວນການແຂ່ງຂັນ 5 ເປັນເຈົ້າ ຄັ້ງທີ 1 ສະໄໝທີ IX ປະຈໍາປີ 2025
--------------------------------
ເພື່ອສະຫຼຸບຜົນງານໃນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າໄລຍະ 1 ປີຜ່ານມາ, ໃນວັນທີ 14 ພຶດສະພາ 2026, ກຳມະບານຮາກຖານພະແນກສຶກສາທິການ ແລະ ກິລາແຂວງ ໄດ້ຈັດພິທີປະກາດນາມມະຍົດຂະບວນການແຂ່ງຂັນ 5 ເປັນເຈົ້າ ຄັ້ງທີ 1 ສະໄໝທີ IX ປະຈຳປີ 2025, ເຂົ້າຮ່ວມເປັນປະທານພິທີໂດຍ ທ່ານ ບຸນທະວີ ຜົນສະຫວັດ ຮອງປະທານຄະນະບໍລິຫານງານສະຫະພັນກຳມະບານແຂວງ, ມີທ່ານ ບຸນເສັງ ພິລາວັນ ຮອງເລຂາຄະນະພັກຮາກຖານ, ທ່ານ ສົມພອນ ດີລິວົງ ປະທານກຳມະບານຮາກຖານ, ມີບັນດາແຂກຮັບເຊີນຈາກຮາກຖານອ້ອມຂ້າງ ແລະ ສະມາຊິກກຳມະບານເຂົ້າຮ່ວມ.
ໃນພິທີ ສົມພອນ ດີລິວົງ ໄດ້ຂຶ້ນຜ່ານບົດສະຫຼຸບກ່ຽວກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າໃນໄລຍະຜ່ານມາ ເຊິ່ງທ່ານໄດ້ລາຍງານໃຫ້ຮູ້ວ່າ ກຳມະບານຮາກຖານພະແນກສຶກສາທິການ ແລະ ກິລາແຂວງ ມີຄະນະປະທານ 3 ທ່ານ ຍິງ 1 ທ່ານ, ມີສະມາຊິກກໍາມະບານທັງໝົດ 93 ສະຫາຍ, ຍິງ 36 ສະຫາຍ; ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ສາມາດປະເມີນຜົນໂດຍລວມໄດ້ 97% ຈັດຢູ່ໃນປະເພດດີເດັ່ນ, ໄດ້ຮັບໃບຢັ້ງຢືນຮັບຮອງເປັນກຳມະບານ 5 ເປັນເຈົ້າ ຄັ້ງທີ 1 ສະໄໝທີ IX ປະຈໍາປີ 2025, ເພື່ອຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ໃຫ້ມີຄຸນນະພາບດີກວ່າເກົ່ານັ້ນທາງ ກໍາມະບານຮາກຖານພະແນກສຶກສາທິການ ແລະ ກິລາແຂວງຍັງໄດ້ກຳນົດທິດທາງແຜນການແຂ່ງຂັນ, ຄາດໝາຍສູ້ຊົນ ຈາກນັ້ນຕາງໜ້າສະມາຊິກກຳມະບານໄດ້ຂຶ້ນຈັບມືເພື່ອສືບຕໍ່ຈັດຕັ້ງປະຕິບັດເນື້ອໃນຂໍ້ແຂ່ງຂັນໃນສົກປີຕໍ່ໜ້າຕື່ມອີກ.
ໂອກາດດັ່ງກ່າວ ທ່ານ ບຸນທະວີ ຜົນສະຫວັດ ໄດ້ມີຄໍາເຫັນໂອລົມຕໍ່ພິທີ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ທີ່ທາງກໍາມະບານຮາກຖານພະແນກສຶກສາທິການ ແລະ ກິລາແຂວງ ຍາດມາໄດ້ໃນໄລຍະຜ່ານມາ ພ້ອມທັງໃຫ້ຮັກສາມູນເຊື້ອອັນດີງາມຂອງຕົນໄວ້ຕະຫຼອດໄປ ແລະ ທ່ານຍັງໄດ້ເນັ້ນໜັກໃຫ້ຄະນະນຳກຳມະບານຕ້ອງເປັນແບບຢ່າງນຳໜ້າ ເອົາໃຈໃສ່ສຶກສາອົບຮົມໃຫ້ສະມາຊິກກຳມະບານໃຫ້ຮັບຮູ້ ແລະ ເຂົ້າໃຈເຖິງລະບຽບກໍາມະບານ, ພາລະບົດບາດ, ສິດ ແລະ ໜ້າທີ່ຂອງຕົນ ເອົາໃຈໃສ່ໃນການປະຕິບັດວຽກງານວິຊາສະເພາະ ຕິດພັນກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ໃຫ້ມີຄຸນນະພາບສູງໄປເລື່ອຍໆ.
----------------------
ຂ່າວ: ສຸພາມິດ ບົວລະພາ
#ຂ່າວສານສະຫະພັນກໍາມະບານແຂວງຫຼວງພະບາງ
#ວຽກງານຂະບວນການແຂ່ງຂັນ
#ກຳມະບານຮາກຖານພະແນກສຶກສາແຂວງ

ສະຫະພັນກໍາມະບານເມືອງປາກອູ ປາຖະກະຖາວັນກຳມະກອນສາກົນ ຄົບຮອບ 140 ປີ------------------------------ ໃນຕອນເຊົ້າວັນທີ 7 ພຶດສະພາ ...
13/05/2026

ສະຫະພັນກໍາມະບານເມືອງປາກອູ ປາຖະກະຖາວັນກຳມະກອນສາກົນ ຄົບຮອບ 140 ປີ
------------------------------
ໃນຕອນເຊົ້າວັນທີ 7 ພຶດສະພາ 2026, ຢູ່ທີ່ຫ້ອງປະຊຸມໃຫຍ່ເມືອງປາກອູ, ໄດ້ຈັດພິທີປາຖະກະຖາວັນກໍາມະກອນສາກົນ ຄົບຮອບ 140 ປີ (1 ພຶດສະພາ 1886 - 1 ພຶດສະພາ 2026). ໃຫ້ກຽດເຂົ້າຮ່ວມເປັນປະທານພິທີ ແລະ ປາຖະກະຖາໂດຍ ສະຫາຍ ທ່ານ ແກ້ວລາສີ ວັນນະວົງ ຮອງເລຂາພັກເມືອງ ປະທານກວດກາພັກ-ລັດເມືອງ, ມີສະຫາຍ ຕີບ ຈັນທະວົງ ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງ, ມີຄະນະບໍລິຫານງານສະຫະພັນກໍາມະບານເມືອງ, ພະນັກງານອາວຸໂສບໍານານ, ສະມາຊິກກໍາມະບານຈາກຮາກຖຖານໃນທົ່ວເມືອງ ເຂົ້າຮ່ວມ.
-------------------------------
#ຂ່າວສານສະຫະພັນກໍາມະບານແຂວງຫຼວງພະບາງ
#ສະຫະພັນກໍາມະບານເມືອງປາກອູ
#ປາຖະກະຖາ
#ວັນກຳມະກອນສາກົນຄົບຮອບ140ປີ

ສະຫະພັນກໍາມະບານເມືອງປາກແຊງ ປາຖະກະຖາວັນກຳມະກອນສາກົນ ຄົບຮອບ 140 ປີ------------------------------ ໃນຕອນເຊົ້າວັນທີ 30 ເມສາ 2...
06/05/2026

ສະຫະພັນກໍາມະບານເມືອງປາກແຊງ ປາຖະກະຖາວັນກຳມະກອນສາກົນ ຄົບຮອບ 140 ປີ
------------------------------
ໃນຕອນເຊົ້າວັນທີ 30 ເມສາ 2026, ຢູ່ທີ່ຫ້ອງປະຊຸມໃຫຍ່ເມືອງປາກແຊງ, ໄດ້ຈັດພິທີປາຖະກະຖາວັນກໍາມະກອນສາກົນ ຄົບຮອບ 140 ປີ (1 ພຶດສະພາ 1886 - 1 ພຶດສະພາ 2026). ໃຫ້ກຽດເຂົ້າຮ່ວມເປັນປະທານພິທີ ແລະ ປາຖະກະຖາໂດຍ ສະຫາຍ ບຸນມີ ຄຸນນະຂັນຕີ ຮອງເລຂາພັກເມືອງ ປະທານກວດກາພັກ-ລັດເມືອງ, ມີສະຫາຍ ສີສະໝຸດ ພົງສະຫວັດ ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງ, ມີຄະນະບໍລິຫານງານສະຫະພັນກໍາມະບານເມືອງ, ພະນັກງານອາວຸໂສບໍານານ, ສະມາຊິກກໍາມະບານຈາກຮາກຖຖານໃນທົ່ວເມືອງ ເຂົ້າຮ່ວມ.
ໂອກາດດັ່ງກ່າວຍັງໄດ້ປະກາດຢັ້ງຢືນເມືອງປາກແຊງ ເປັນສະຫະພັນກໍາມະບານເມືອງ 5 ເປັນເຈົ້າ ປະຈໍາປີ 2025 ຕື່ມອີກ.
-------------------------------
ຂ່າວ+ພາບ: ພິມພາ
#ຂ່າວສານສະຫະພັນກໍາມະບານແຂວງຫຼວງພະບາງ
#ສະຫະພັນກໍາມະບານເມືອງປາກແຊງ
#ປາຖະກະຖາ
#ວັນກຳມະກອນສາກົນຄົບຮອບ140ປີ
--------------------------------

ສະຫະພັນກໍາມະບານເມືອງງອຍ ປາຖະກະຖາວັນກຳມະກອນສາກົນ ຄົບຮອບ 140 ປີ------------------------------ ໃນຕອນເຊົ້າວັນທີ 29 ເມສາ 2026...
05/05/2026

ສະຫະພັນກໍາມະບານເມືອງງອຍ ປາຖະກະຖາວັນກຳມະກອນສາກົນ ຄົບຮອບ 140 ປີ
------------------------------
ໃນຕອນເຊົ້າວັນທີ 29 ເມສາ 2026, ຢູ່ທີ່ຫ້ອງປະຊຸມໃຫຍ່ເມືອງງອຍ, ໄດ້ຈັດພິທີປາຖະກະຖາວັນກໍາມະກອນສາກົນ ຄົບຮອບ 140 ປີ (1 ພຶດສະພາ 1886 - 1 ພຶດສະພາ 2026). ໃຫ້ກຽດເຂົ້າຮ່ວມເປັນປະທານພິທີ ແລະ ປາຖະກະຖາໂດຍ ສະຫາຍ ຄຳເພັດ ຈັນທຸມມາ ຄະນະປະຈຳພັກເມືອງ ປະທານແນວລາວສ້າງຊາດເມືອງ ຜູ້ຊີ້ນໍາອົງການຈັດຕັ້ງມະຫາຊົນ, ມີສະຫາຍ ຄຳຈັນ ວົງຄູນ ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງ, ມີຄະນະບໍລິຫານງານສະຫະພັນກໍາມະບານເມືອງ, ພະນັກງານອາວຸໂສບໍານານ, ສະມາຊິກກໍາມະບານຈາກຮາກຖຖານໃນທົ່ວເມືອງ ເຂົ້າຮ່ວມ.
-------------------------------
ຂ່າວ+ພາບ: ເພັດສະໝອນ
#ຂ່າວສານສະຫະພັນກໍາມະບານແຂວງຫຼວງພະບາງ
#ສະຫະພັນກໍາມະບານເມືອງງອຍ
#ປາຖະກະຖາ
#ວັນກຳມະກອນສາກົນຄົບຮອບ140ປີ
--------------------------------

ສະຫະພັນກໍາມະບານນະຄອນຫຼວງພະບາງ ປາຖະກະຖາວັນກຳມະກອນສາກົນ ຄົບຮອບ 140 ປີ------------------------------ ໃນຕອນເຊົ້າວັນທີ 29 ເມສ...
05/05/2026

ສະຫະພັນກໍາມະບານນະຄອນຫຼວງພະບາງ ປາຖະກະຖາວັນກຳມະກອນສາກົນ ຄົບຮອບ 140 ປີ
------------------------------
ໃນຕອນເຊົ້າວັນທີ 29 ເມສາ 2026, ຢູ່ທີ່ຫ້ອງປະຊຸມໃຫຍ່ນະຄອນຫຼວງພະບາງ, ໄດ້ຈັດພິທີປາຖະກະຖາວັນກໍາມະກອນສາກົນ ຄົບຮອບ 140 ປີ (1 ພຶດສະພາ 1886 - 1 ພຶດສະພາ 2026). ໃຫ້ກຽດເຂົ້າຮ່ວມເປັນປະທານພິທີ ແລະ ປາຖະກະຖາໂດຍ ສະຫາຍ ວິໄລທອງ ມະນີວອນ ຮອງເລຂາພັກນະຄອນ ຜູ້ຊີ້ນໍາອົງການຈັດຕັ້ງມະຫາຊົນ, ມີສະຫາຍ ນາງ ວັນທອງ ຈັນທະວີສຸກ ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານນະຄອນ, ມີຄະນະບໍລິຫານງານສະຫະພັນກໍາມະບານນະຄອນ, ພະນັກງານອາວຸໂສບໍານານ, ສະມາຊິກກໍາມະບານຈາກຮາກຖຖານໃນທົ່ວນະຄອນຫຼວງພະບາງ
-------------------------------
ຂ່າວ+ພາບ: ຈັນທິລາ
#ຂ່າວສານສະຫະພັນກໍາມະບານແຂວງຫຼວງພະບາງ
#ສະຫະພັນກໍາມະບານນະຄອນຫຼວງພະບາງ
#ປາຖະກະຖາ
#ວັນກຳມະກອນສາກົນຄົບຮອບ140ປີ
--------------------------------

ເພື່ອຊົມເຊີຍວັນກຳມະກອນສາກົນຄົບຮອບ 140 ປີໃນຕອນບ່າຍຂອງວັນທີ 30 ເມສາ 2026 ຄະນະປະທານສະຫະພັນກໍາມະບານແຂວງຫຼວງພະບາງ ໄດ້ລົງໄປເຄື...
01/05/2026

ເພື່ອຊົມເຊີຍວັນກຳມະກອນສາກົນຄົບຮອບ 140 ປີ
ໃນຕອນບ່າຍຂອງວັນທີ 30 ເມສາ 2026 ຄະນະປະທານສະຫະພັນກໍາມະບານແຂວງຫຼວງພະບາງ ໄດ້ລົງໄປເຄື່ອນໄຫວຢ້ຽມຢາມໂຮງງານຜະລິດນ້ຳປະປາແຂວງຫຼວງພະບາງ, ນຳພາໂດຍ ທ່ານ ສົມຈີນເທບພະຈັນ ຄະນະບໍລິຫານງານສູນກາງສະຫະພັນກຳມະບານລາວ ປະທານສະຫະພັນກໍາມະບານແຂວງ, ໃຫ້ກຽດຕ້ອນຮັບ ແລະ ນຳພາເບິ່ງຂັ້ນຕອນການຜະລິດນ້ຳປະປາ ໂດຍ ທ່ານ ສຸລິເດດ ທິດາວັນ ອຳນວຍການລັດວິສາຫະກິດນ້ຳປະປາແຂວງ.
--------------------
ຂ່າວ+ພາບ: ສົມໝາຍ ຜົນສະຫວັດ
#ຂ່າວສານສະຫະພັນກໍາມະບານແຂວງຫຼວງພະບາງ
#ໂຮງງານຜະລິດນໍ້າປະປາ
#ນ້ຳປະປາແຂວງຫຼວງພະບາງ

Address

Luang Prabang

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+85671212021

Website

Alerts

Be the first to know and let us send you an email when ຂ່າວສານ ສະຫະພັນກໍາມະບານແຂວງຫຼວງພະບາງ FTULPBNews posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ຂ່າວສານ ສະຫະພັນກໍາມະບານແຂວງຫຼວງພະບາງ FTULPBNews:

Shortcuts

Share

Category