ຫ້ອງການສາທາລະນະສຸກ-ໂຮງໝໍເມືອງຄຳເກີດ

31/03/2026

ຂໍຂອບໃຈຢ່າງສຸງມາຍັງບໍລິສັດໄຟຟ້ານ້ຳເທີນ2 ທີ່ໄດ້ມາມອບເຫຼົ້າ 70°C ຈຳນວນ 40 ຕຸກ ຫຼື 800 ລິດ ໃຫ້ຫ້ອງການສາທາ+ໂຮງໝໍເມືອງ ເພື່ອໃຫ້ນຳໃຊ້ເຂົ້າໃນວຽກງານປິ່ນປົງຄົນເຈັບທີ່ມາປີ່ນປົວຢູ່ໂຮງໝໍເມືອງ ແລະ ສຸກສາລາທັງ 10 ແຫ່ງ, ຂໍອວຍພອນແດ່ທຸກທ່ານທີ່ກ່ຽວຂ້ອງຈົ່ງມີສຸຂະພາບແຂງແຮງ ໂຊກດີມີໄຊຕະຫຼອດໄປ.

17/02/2026

ຂອບໃຈຢ່າງສຸງມາຍັງບໍລິສັດໄຟຟ້ານ້ຳເທີນ2ຈຳກັດທີ່ມອບເຄື່ອງກວດເລືອດ19P ມຸນຄ່າ 130ລ້ານກີບໃຫ້ໂຮງໝໍເມືອງຄຳເກີດ ເພື່ອມາຮັບໃຊ້ກວດເລືອດວິເຄາະພະຍາດໃຫ້ແກ່ຄົນເຈັບຜູ້ມາບໍລິການ ຂໍອວຍພອນໄຊແດ່ບໍລິສັດ, ຜູ້ອຳນວຍການ ແລະພາກສ່ວນທີ່ກ່ຽວຂ້ອງ ລວມເຖີງພະນັກງານທຸກທ່ານຈົ່ງຈະເລີນໃນໜ້າຂື້ນໄປເລື້ອຍໆ, ມີພາລານາໄມສົມບຸນ, ປາສະຈາກໂລກໄພໄຂ້ເຈັບ ໂຊກໝານຕະຫຼອດໄປເດີ ຫວັງຢ່າງຍີ່ງວ່າຈະໄດ້ຮັບການຊ່ວຍເຫຼືອສະໜັຍສະໜຸນຈາກທ່ານຕໍ່ໄປອີກ ຂໍຂອບໃຈຢ່າງສຸງ.

25/12/2025

ພິທີເປີດຈຸດຈ່າຍຢາ ARV ຕ້ານໄວລັດ HIV ຂອງໂຮງໝໍເມືອງຄຳເກີດໄດ້ເປີດຂື້ນຢ່າງເປັນທາງການໃນຄັ້ງວັນທີ25ທັນວາ2025 ຢູ່ໂຮງໝໍເມືຶງຄຳເກີດ ຊື່ງມີການນຳຂັ້ນເມືອງ, ພະແນກສາທາແຂວງ ພ້ອມຫ້ອງການກ່ຽວຂ້ອງ ແລະແພດໝໍເຂົ້າຮ່ວມຢ່າງພ້ອມພຽງ

08/12/2025

ໃນວັນທີ 8 ທັນວາ 2025 ໜ່ວຍພັກໂຮງໝໍເມືອງຄຳເກີດໄດ້ເປີດກອງປະຊຸມບັນດຳເນີນຊີວິດການເມືອງກວດກາໜ່ວຍພັກປອດໃສ,ເຂັ້ມແຂງ, ໜັກແໜ້ນ ປະຈຳປີ2025 ຂອງຕົນຂື້ນພາຍໃຕ້ການເປັນປະທານຂອງສະຫາຍ ທະນູສັກ ໄຊພັກດີ ເລຂາໜ່ວຍພັກ ພ້ອມດ້ວຍຄະນະໜ່ວຍພັກ ແລະ ສະມາຊິກພັກສົມບຸນເຂົ້າຮ່ວມຢ່າງພ້ອມພຽງ.

01/12/2025

ຕອນເຊົ້າວັນທີ 1 ທັນວາ 2025 ການນຳເມືອງຄຳເກີດ ນຳໂດຍທ່ານ ກີ່ ຊົງລາຫວ່າງ ກໍາມະການພັກແຂວງ ເລຂາພັກເມຶອງພ້ອມຄະນະລົງຢ້ຽມຢາມຄົນເຈັບຢູ່ໂຮງໝໍເມຶອງຄໍາເກີດ ເນຶ່ອງໃນໂອກາດວັນຊາດທີ່2ທັນວາ ຄົບຮອບ50ປີ

24/11/2025

ໃນຕອນເຊົ້າວັນທີ 24 ພະຈິກ 2025 ຢູ່ທີ່ຫ້ອງປະຊຸມໂຮງໝໍເມືອງຄຳເກີດໄດ້ມີກອງປະຊຸມຮ່ວມຊີວິດພັກປະຈຳເດືອນ ແລະ ພິທີ ປາຖະກະຖາ 2 ວັນປະຫວັດສາດຄື.
1.) ວັນສະຖາປະນາວັນສ້າງຕັ້ງ ສປປລາວ ຄົບຮອບ50ປີ.
2.) ວັນຄ້າຍວັນເກີດປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກ ຄົບຮອບ 105ປີ.
ພາຍໃຕ້ການເປັນປະທານ ແລະໃຫ້ກຽດເລົ່າມູນເຊື້ອສອງວັນດັ່ງກ່າວໂດຍທ່ານ ດຣ.ທະນູສັກ ໄຊພັກດີ ຄະນະຫ້ອງການສາທາເມືອງ, ຜູ້ອຳນວຍການໂຮງໝໍເມືອງ ທັງເປັນເລຂາໜ່ວຍພັກໂຮງໝໍ ຊື່ງມີພະນັກງານແລະສະມາຊິກພັກເຂົ້າຮ່ວມຢ່າງພ້ອມພຽງ.

09/11/2025

ຂອບໃຈຢ່າງສຸງມາຍັງ Mr.ຈົງດົກຮຸນ ຫົວໜ້າທີ່ປຶກສາໂຄງການກໍ່ສ້າງຂົວຕາມທາງເລກ8Aໄດ້ໃຫ້ທີມງານຫ້ອງການຄືທ່ານແກ້ວວັນເພັງ ສີຫາລາດ ຫຼື Tony ຊື່ງເປັນAdmin ຫ້ອງການພາກສະໜາມມາມອບເຄື່ອງໃຊ້ສ່ວນຕົວທີ່ເພິ່ນບໍ່ໄດ້ໃຊ້ແລ້ວໃຫ້ທາງໂຮງໝໍໄວ້ໃຫ້ຄົນເຈັບທີ່ມາບໍລິການໄດ້ນຳໃຊ້: ປະກອບມີໄມ້ຄ້ຳ 2 ອັນ, ລໍ້ຍູ້ 1 ຄັນ

28/10/2025

26/09/2025

ພິທີປະກາດພະນັກງານການນຳຮັບອຸດໜູນບຳນານ ແລະ ປະກາດການຈັດຕັ້ງຫ້ອງການສາທາ-ໂຮງໝໍເມືອງຄຳເກີດ, ແຂວງບໍລິຄຳໄຊ ໄດ້ຈັດຂື້ນໃນຕອນເຊົ້າຂອງວັນທີ 25 ກັນຍາ 2025 ທີ່ຫ້ອງປະຊຸມຫ້ອງການສາທາເມືອງ, ພາຍໃຕ້ການເຂົ້າຮ່ວມເປັນປະທານ ແລະ ສັກຂີພະຍານໂດຍທ່ານ ດຣ.ສອນໄຊ ປັນຍານຸວົງ ກຳມະພັກແຂວງ, ຫົວໜ້າພະແນກສາທາລະນະສຸກແຂວງ ແລະ ທ່ານ ບຸນຍົມ ຫຼວງບຸນມາ ຄະນະປະຈໍາພັກເມືອງ, ຮອງເລຂາຄະພັກເມືອງ ຜູ້ຊື້ນຳວຽກງານພັກ-ພະນັກງານ ໃນພິທີຄັ້ງນີ້ຄະນະນໍາຂອງຫ້ອງການສາທາ ແລະ ໂຮງໝໍເຂົ້າຮັບອຸດໜຸນບໍານານມີ: ດຣ.ອ່ອນສີ ສີຈັນທະວົງ ຜູ້ອໍານວຍການໂຮງໝໍເມືອງ, ດຣ.ບຸນທັດ ຄອງມະນີ ຮອງອໍານວຍການໂຮງໝໍເມືອງ ແລະ ດຣ.ຄຳພອນ ແກ້ວມະນີວົງ ຄະນະຫ້ອງການສາທາເມືອງ. ພ້ອມນັ້ນຍັງໄດ້ປະກາດຄະນະນຳຫ້ອງການສາທາເມືອງຊຸດໃໝ່ ແລະ ມອບຮັບໜ້າທີ່ລະຫວ່າງຜູ້ອໍານວຍການໂຮງໝໍເມືອງຜູ້ເກົ່າ ດຣ.ອ່ອນສີ ສີຈັນທະວົງ ແລະ ດຣ.ທະນູສັກ ໄຊພັກດີ ຜູ້ໃໝ່, ເຊີ່ງມີພະນັກງານວິຊາການຫ້ອງການສາທາເມືອງ, ໂຮງໝໍເມືອງ, ສຸກສາລາ 10 ແຫ່ງ ແລະ ແຂກທີ່ຖືກເຊີນເຂົ້າຮ່ວມຢ່າງພ້ອມພຽງ, ພິທີດັ່ງກ່າວໄດ້ປິດລົງໃນຕອນເຊົ້າວັນດຽວກັນ.

09/09/2025

ພິທີປະກາດປັບປຸງການຈັດຕັ້ງຄະນະນໍາຫ້ອງການສາທາລະນະສຸກ+ໂຮງໝໍເມືອງຄໍາເກີດໄດ້ຈັດຂື້ນໃນຕອນເຊົ້າຂອງວັນທີ 9 ກັນຍາ 2025 ທີ່ຫ້ອງປະຊຸມຫ້ອງວ່າການເມືອງຄຳເກີດ ຄວບຄູ່ກັບພິທີປາຖະກະຖາວັນສ້າງຕັ້ງສະຫະພັນນັກຮົບເກົ່າແຫ່ງຊາດ ຄົບຮອບ 23 ປີ(9 ກັນຍາ 2002-9 ກັນຍາ 2025) ພາຍໃຕ້ການເປັນປະທານຂອງ ສະຫາຍ ເພັດສະໃໝ ໄຊຍະທິຈັກ ຄະນະປະຈຳພັກແຂວງ, ເລຂາພັກເມືອງຄຳເກີດ, ໃນພິທີດັ່ງກ່າວໄດ້ຜ່ານຂໍ້ຕົກລົງແຕ່ງຕັ້ງຄື:
1. ແຕ່ງຕັ້ງ ທ່ານ ດຣ. ພານີວອນ ແກ້ວພຸດທະວົງ ກໍາມະການພັກເມືອງ, ຮັກສາການຫົວໜ້າຫ້ອງການສາທາລະນະສຸກເມືອງ ຂື້ນເປັນຫົວໜ້າຫ້ອງການສາທາລະນະສຸກເມືອງ. 2. ແຕ່ງຕັ້ງ ທ່ານ ດຣ. ທະນຸສັກ ໄຊພັກດີ ຫົວໜ້າໜ່ວຍງານປະສູດພະຍາດຍິງໂຮງໝໍເມືອງ ຂື້ນເປັນຮອງຫົວໜ້າຫ້ອງການສາທາລະນະສຸກເມືອງ ແລະ ຄວບຕຳແໜ່ງເປັນຜູ້ອໍານວຍການໂຮງໝໍເມືອງ.
3. ແຕ່ງຕັ້ງທ່ານ ປທ. ອານຸສັກ ລໍວັນໄຊ ຫົວໜ້າໜ່ວຍງານບໍລິຫານສາທາລະນະສຸກຂື້ນເປັນຮອງອໍານວຍ ການໂຮງໝໍເມືອງ. 4. ແຕ່ງຕັ້ງທ່ານໝໍ ນາງ ມະໄລສີ ສົມບັດມູນວົງ, ຫົວໜ້າໜ່ວຍງານບໍລິຫານໂຮງໝໍເມືອງ ຂື້ນເປັນ ຮອງອໍານວຍການໂຮງໝໍເມືອງ.