29/12/2025
အကြမ်းဖက်စစ်အုပ်စု၏ အတုအယောင်ရွေးကောက်ပွဲအား ကိုရီးယားနေ တော်လှန်ပြည်သူများက လုံးဝဆန့်ကျင်ငြင်းပယ်ကြောင်း ထုတ်ပြန်ကြေညာချက်
အမှတ် (၂)
ရက်စွဲ၊ ၂၀၂၅ ဒီဇင်ဘာ ၂၈ ရက်
၁။ အကြမ်းဖက်စစ်အုပ်စုက ပြုလုပ်မည့် အတုအယောင်ရွေးကောက်ပွဲကို ကိုရီးယားနေ မြန်မာ နိုင်ငံသားများက လုံးဝ ဆန့်ကျင်ကန့်ကွက်ကြောင်း ကြေညာချက်ကို ၂၀၂၅ အောက်တိုဘာ ၄ ရက်နေ့က ထုတ်ပြန်ခဲ့ပြီး ဖြစ်သည်။ ယင်းကြေညာချက်တွင် စစ်အုပ်စုက ရွေးကောက်ပွဲတခုကို ဟန်ပြလုပ်ပြီး နိုင်ငံတကာသို့ လှည့်ဖြားရန် ကြိုးပမ်းခြင်း၊ တရားဝင်မှု လုံးဝမရှိခြင်း၊ ပြည်သူ့ ဆန္ဒကို မျက်ကွယ်ပြုထားခြင်း၊ ပြည်သူလူထုကို အကြမ်းဖက်တိုက်ခိုက်နေခြင်း စသည့်အချက် တို့ကို အပြည့်အစုံ ရှင်းလင်းဖော်ပြခဲ့ပြီး ဖြစ်သည်။
၂။ ယနေ့တွင် အတုအယောင်ရွေးကောက်ပွဲ အပိုင်း တစ် အဖြစ် မြို့နယ် ၁၀၂ ခုတွင် ကျင်းပမည်ဟု ကြေညာထားသည်။ ၂၀၂၆ ခုနှစ် ဇန်နဝါရီလ ၁၁ ရက်နေ့တွင် အပိုင်း နှစ် အဖြစ် မြို့နယ် ၁၀၀ ၌ ကျင်းပမည်ဟု ကြေညာထားသည်။ ဆက်လက်၍ အပိုင်း သုံး အဖြစ် မြို့နယ် ၇၂ ခုတွင် ကျင်းပ မည်ဟု ဆိုသော်လည်း ရက်စွဲကို ကြေညာနိုင်ခြင်း မရှိသေးပေ။ ထို့ပြင် မြို့နယ် ၅၆ ခုတွင် လုံးဝ ကျင်းပနိုင်ခြင်း မရှိကြောင်း စစ်အုပ်စုက ဝန်ခံထားသည်။ ကြေညာထားသည့် မြို့နယ် ၂၀၂ ခု တွင်လည်း ရပ်ကွက် ၁၆၁ ခုနှင့် ကျေးရွာ ၂,၇၇၀ တွင် အပြည့်အဝ ကျင်းပနိုင်မည် မဟုတ်ဟု ရွေးကောက်ပွဲကော်မရှင်က ဝန်ခံထားသည်။ ထို့ကြောင့် ဤအတုအယောင်ရွေးကောက်ပွဲသည် နိုင်ငံတခုလုံး၏ ၂၁ ရာခိုင်နှုန်းခန့်တွင်သာ ကျင်းပနိုင်ဖွယ်ရှိကြောင်း ထင်ရှားသည်။
၃။ နိုဝင်ဘာလနှင့် ဒီဇင်ဘာလအတွင်း ပြည်တွင်းပြည်ပရှိ လွတ်လပ်သော အဖွဲ့အစည်းများက လူထုစစ်တမ်း ကောက်ယူရာတွင် ၉၆ ရာခိုင်နှုန်းက “အတုအယောင်ရွေးကောက်ပွဲကို လက်မခံ ဆန့်ကျင်”ကြောင်းထုတ်ပြန်ကြသည်။ ကိုရီးယားနိုင်ငံနေ မြန်မာနိုင်ငံသားများ၏ ရွေးကောက်ပွဲ အပေါ် သဘောထား စစ်တမ်းကောက်ယူရာတွင်လည်း ၉၉ ဒသမ ၉၉ ရာခိုင်နှုန်းက “လက်မခံ ဆန့်ကျင်”ကြောင်း တွေ့ရှိရသည်။ ထို့ပြင် ဒီဇင်ဘာလ ၆ ရက်နေ့မှ ၁၂ ရက်နေ့အထိ ပြုလုပ် ခဲ့သော ပြည်ပကြိုတင်မဲပေးပွဲများ၌၊ နိုင်ငံတကာအနှံ့ရှိ ပြည်ပနေမြန်မာနိုင်ငံသား ၄ သန်းကျော် အနက်တွင် ကြိုတင်မဲထည့်သူ ၅,၀၀၀ ခန့်သာ ရှိကြောင်း သိရှိရသည်။
၄။ ယနေ့ ပြုလုပ်သည့် အပိုင်း တစ် မဲပေးပွဲတွင် ပြည်တွင်းနေ နိုင်ငံသားအများစုက မဲမထည့်ဘဲ သပိတ်မှောက်ကြထားကြပြီး ဖြစ်သည်။ အတင်းအကျပ် ဖိအားပေး ခြိမ်းခြောက်၍ မဲထည့်ခိုင်း လျှင်လည်း ဤရွေးကောက်ပွဲသည် လွတ်လပ်၍ တရားမျှတမှု မရှိကြောင်း ထင်ရှားပေသည်။ ထို့ကြောင့် ပြည်သူလူထု လက်မခံသော ပါဝင်ပူးပေါင်းမှုမရှိသော ဤရွေးကောက်ပွဲမှ ထွက်ပေါ် လာသည့် ရလဒ်အားလုံးသည် စစ်အုပ်စု၏ အလိမ်အညာ အတုအယောင် ကိန်းဂဏန်းများ အသေအချာဖြစ်၍ မည်သည့်ရလဒ်ကိုမျှ လက်ခံမည် မဟုတ်ပေ။ အဆိုပါ ရလဒ်ကို အခြေခံ၍ ဆက်လက် လုပ်ဆောင်လာမည့် စစ်အုပ်စု၏ ဆောင်ရွက်ချက်များကိုလည်း ဆန့်ကျင်သွားမည် ဖြစ်သည်။
၅။ ကုလသမဂ္ဂ၊ ဥရောပသမဂ္ဂ၊ အာဆီယံ အပါအဝင် ကမ္ဘာ့နိုင်ငံအသီးသီးရှိ အစိုးရ၊ လွှတ်တော်နှင့် အရပ်ဘက်အဖွဲ့အစည်း အားလုံးလိုလိုက စစ်အုပ်စု၏ ရွေးကောက်ပွဲကို ယုံကြည်စရာမရှိသော၊ တရားမျှတမှုမရှိသော၊ ဒီမိုကရေစီစံနှုန်းများနှင့်မကိုက်ညီသော “အတုအယောင်”ရွေးကောက်ပွဲ အဖြစ် ကြေညာထားပြီး ဖြစ်သည်။ တချိန်တည်းမှာပင် စစ်အုပ်စု၏ အကြမ်းဖက်မှုများ၊ ပြင်းထန်သည့် ဖိနှိပ်မှုများ၊ ကန့်သတ်ချုပ်ချယ်ထားသည့် ဥပဒေများအောက်တွင် ကျင်းပခြင်း ဖြစ်ပြီး၊ သံသယဖြစ်ဖွယ် အီလက်ထရောနစ်မဲပေးစက်များ၊ စိတ်ကြိုက်ရွေးချယ်ထားသည့် နိုင်ငံရေးပါတီများနှင့် သီးခြားလွတ်လပ်သည့် မီဒီယာနှင့် အဖွဲ့အစည်းများ၏ စောင့်ကြည့်နိုင်မှု ကင်းမဲ့နေသည့် အခြေအနေကိုလည်း နိုင်ငံတကာက ထောက်ပြထားသည်။
၆။ ကိုရီးယားအမျိုးသားလွှတ်တော်မှ အာဏာရနှင့် အတိုက်အခံ အမတ်များသည် ဒီဇင်ဘာ ၁၇ ရက်နေ့က "မြန်မာစစ်ကောင်စီ၏ လူ့အခွင့်အရေးချိုးဖောက်မှုများနှင့် တရားမဝင်ရွေးကောက်ပွဲ ကျင်းပရန် ကြိုးပမ်းမှုတို့ကို ရှုတ်ချပြီး၊ ငြိမ်းချမ်းရေးနှင့် ဒီမိုကရေစီ ပြန်လည်ထူထောင်ရေးကို တောင်းဆိုကြောင်း” ထုတ်ပြန်ကြေညာခဲ့သည်။ ထို့ပြင် ကိုရီးယား အရပ်ဘက်အဖွဲ့အစည်းများ ကလည်း ဒီဇင်ဘာ ၂၃ ရက်နေ့က "သွေးစွန်းနေတဲ့ မဲပုံးထဲမှာ ဒီမိုကရေစီ မရှိနိုင်" ဟူသော ခေါင်းစဉ်ဖြင့် အတုအယောင်ရွေးကောက်ပွဲကို ပြင်းပြင်းထန်ထန် ရှုတ်ချခဲ့သည်။
၇။ ဤ အတုအယောင်ရွေးကောက်ပွဲသည် မြန်မာ့နိုင်ငံရေးအကျပ်အတည်းကို ဖြေရှင်းပေးနိုင်မည် မဟုတ်ဘဲ၊ ပြည်သူကိုအကြမ်းဖက်သည့် စစ်ရာဇဝတ်မှုများ ထပ်တိုးပွားလာပြီး၊ စစ်အာဏာရှင် စနစ် သက်ဆိုးရှည်စေရန်သာ ရည်ရွယ်သည်ဖြစ်၍ မြန်မာပြည်သူလူထုသည် နွေဦးတော်လှန် ရေး အောင်ပွဲခံသည်အထိ ဆက်လက်တိုက်ပွဲဝင်နေဦးမည် ဖြစ်သည်။ ကိုရီးယားနိုင်ငံနေ ကျွန်ုပ် တို့သည် မြန်မာနိုင်ငံသားအားလုံး၏ ဆန္ဒနှင့်အညီ အမျိုးသားညီညွတ်ရေးအစိုးရ အပါအဝင် တော်လှန်ရေးအဖွဲ့အစည်းများနှင့် ညီညွတ်စွာ လက်တွဲလျက်၊ တော်လှန်ရေးအလံကို မြဲမြံစွာ ဆုပ်ကိုင်လျက်၊ တော်လှန်ရေးတာဝန်ကို ဆထက်ထမ်းပိုးတိုး၍ ထမ်းဆောင်ပါဝင်ကြမည် ဖြစ်ကြောင်း ကြေညာအပ်သည်။
“အရေးတော်ပုံ အောင်ရမည်”
–စစ်အုပ်စုရွေးကောက်ပွဲ ဆန့်ကျင်ရေး ပူးပေါင်းလှုပ်ရှားမှု ကော်မတီ
===
[성명서] 미얀마 테러 군부 가짜 선거에 대한
재한 미얀마 혁명 시민들의 전면 거부 선언(제2호)
2025년 12월 28일
1. 재한 미얀마 시민들은 미얀마 테러 군부가 실시하려는 가짜 선거를 전면 반대하고 거부한다는 성명을 이미 2025년 10월 4일에 발표한 바 있습니다. 해당 성명을 통해 군부가 선거를 내세워 국제사회를 기만하려 한다는 점, 정당성이 전혀 없다는 점, 민의를 무시하고 국민을 테러 공격하고 있다는 점 등을 상세히 밝히고 설명했습니다.
2. 미얀마 군부는 오늘 ‘1부’로 총 102개 지역에서 가짜 선거를 실시한다고 발표했습니다. 이어 2026년 1월 11일에는 ‘2부’로 100개 지역에서 실시하고, '3부'로 72개 지역에서 계속하겠다고 했으나 아직 날짜조차 발표하지 못하고 있습니다. 또한 56개 지역에서는 선거를 전혀 실시할 수 없음을 군부 스스로 인정했습니다. 선거관리위원회는 ‘1부’와 ‘2부’ 선거 지역인 202개 지역 중에서도 161개 구와 2,770개 마을에서 선거를 온전히 치를 수 없음을 시인했습니다. 따라서 이 가짜 선거는 전체 국가 영토의 약 21%에서만 겨우 치르게 될 것이라는 점이 명백합니다.
3. 지난 11월과 12월 사이 국내외 독립 단체들이 실시한 여론조사에 따르면, 국민의 96%가 “가짜 선거를 수용하지 않고 반대한다”고 답했습니다. 재한 미얀마 시민들을 대상으로 한 조사에서는 99.99%가 ‘반대 및 거부’ 의사를 밝혔습니다. 또한 12월 6일부터 12일까지 실시된 해외 사전 투표 결과, 전 세계 400여 만 명의 재외국민 중 투표에 참여한 인원은 약 5,000명에 불과한 것으로 파악되었습니다.
4. 오늘 실시된 ‘1부’ 투표에서 대다수의 국내 시민들은 투표를 거부하고 보이콧했습니다. 강압과 위협으로 강제 투표가 진행된다 하더라도, 이 선거가 자유롭고 공정하지 않음은 자명합니다. 그러므로 국민이 거부하고 참여하지 않은 이번 선거에서 도출되는 모든 결과는 군부의 조작된 숫자에 불과하며, 우리는 그 어떤 결과도 인정하지 않을 것입니다. 또한 이러한 결과를 바탕으로 추진되는 군부의 향후 모든 조치에 맞서 싸울 것입니다.
5. 유엔(UN), 유럽연합(EU), 아세안(ASEAN)을 포함한 세계 각국 정부와 의회, 시민사회 단체들은 이미 군부의 선거를 신뢰할 수 없고 불공정하며 민주적 기준에 부합하지 않는 ‘가짜’ 선거로 규정했습니다. 국제사회는 군부의 폭력과 가혹한 탄압, 제한적인 법령 아래에서 선거가 치러지고 있다는 점과 의심스러운 전자투표기 사용, 군부 입맛에 맞춘 정당 선정, 그리고 독립적인 미디어와 단체의 감시 부재를 지적하고 있습니다.
6. 대한민국 국회의 여야 의원들은 지난 12월 17일, “미얀마 군부의 인권 유린과 불법적인 선거 실시 시도를 규탄하며, 평화와 민주주의 회복을 촉구한다”는 성명을 발표했습니다. 또한 한국 시민사회 단체들도 12월 23일, “피 묻은 투표함에 민주주의는 없다”는 제목으로 이번 가짜 선거를 강력히 규탄했습니다.
7. 이 가짜 선거는 미얀마의 정치적 위기를 해결하지 못할 뿐만 아니라, 국민을 향한 전쟁 범죄를 증가시키고 군부 독재의 수명을 연장하려는 목적일 뿐입니다. 미얀마 국민들은 ‘봄의 혁명 ’이 승리할 때까지 계속 투쟁할 것입니다. 우리 재한 미얀마인들은 모든 국민의 뜻에 따라 민족통합정부(NUG)를 포함한 혁명 단체들과 굳건히 연대하여 혁명의 깃발을 높이 들고, 부여된 혁명적 과업을 완수하기 위해 더욱 노력할 것을 선언합니다.
“혁명은 반드시 승리한다!”
미얀마군부선거반대공동행동위원회
