រដ្ឋបាលស្រុកកោះអណ្ដែតខេត្តតាកែវ

01/06/2026

រសៀល​ថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស. ២៥៧០​ ត្រូវ​នឹង ថ្ងៃទី១ ខែមិថុនា ឆ្នាំ២០២៦
​ លោក​ ភួន​ ឈីម​ អភិបាល​ នៃ​គណៈ​អភិបាល​ស្រុក​ រួម​និង​សហការី​អញ្ជើញ​ជួប​សំណេះសំណាល​សួរ​សុខទុក្ខ​ ជាមួយ​ក្រុម​ប្រឹក្សា​ឃុំ​ ស្មៀនឃុំ​ នាយ​ប៉ុស្តិ៍​រដ្ឋបាល​ឃុំ​ ប្រធាន​មណ្ឌល​សុខភាព​ នាយក​សាលា​ទាំង៥​ ប្រធាន អនុប្រធាន​ និង​សមាជិក​ភូមិ​ ក្នុង​ឃុំពេជសារ​ សរុប​ប្រមាណ​ជាង៧០នាក់៕

30/05/2026

ព្រឹក​ថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ព.ស. ២៥៧០​ ត្រូវ​នឹង ថ្ងៃទី៣០ ខែឧសភា ឆ្នាំ២០២៦
​ លោក​ ភួន​ ឈីម​ អភិបាល​ នៃ​គណៈ​អភិបាល​ស្រុក​ និង​ជា​ប្រធាន​គណៈ​បញ្ជាការ​ឯកភាព​រដ្ឋបាល​ស្រុក​ បាន​ដឹកនាំ​កម្លាំង​គណៈ​បញ្ជាការ​ឯកភាព​រដ្ឋបាល​ស្រុក​ រួម​មាន​ លោក​អភិបាល​រង​ស្រុក​ លោក​មេបញ្ជាការ​កង​រាជ​អាវុធហត្ថ​ស្រុក​ លោក​អធិការ​រង​នគរបាល​ស្រុក​ ប្រធាន​ អនុប្រធាន​ការិយាល័យ​ អង្គភាព​ជំនាញ​ពាក់ព័ន្ធ​ សហការ​ជាមួយ​អាជ្ញាធរ​ឃុំ​ពេជសារ​ ចុះ​ធ្វើ​រដ្ឋបាល​ចំហ​ ស្ថិត​នៅឃុំពេជសារ​ ស្រុក​កោះអណ្ដែត​៕

29/05/2026

រសៀល​ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវ​នឹង ថ្ងៃទី២៩ ខែឧសភា ឆ្នាំ២០២៦
​ លោក​ ភួន​ ឈីម​ អភិបាល​ នៃ​គណៈ​អភិបាល​ស្រុក​ និង​សហការី​អញ្ជើញ​ជួប​សំណេះសំណាល​សួរ​សុខទុក្ខ​ ជាមួយ​ក្រុម​ប្រឹក្សា​ឃុំ​ មន្ត្រី​រាជការ​ អាជ្ញាធរ​ នាយក​សាលា​ ឃុំ​ក្រពុំឈូក​ និង​ឃុំ​ព្រៃយុថ្កា​។ ក្នុង​ឱកាស​នោះ​ដែរ​លោក​អភិបាល​ស្រុក​បាន​មាន​មតិ​ផ្ដាំផ្ញើ​ទៅ​ដល់​អាជ្ញាធរ​មូលដ្ឋាន​អោយ​យកចិត្ត​ទុកដាក់​លេីបញ្ហា​ សន្តិសុខ​សណ្តាប់​ធ្នាប់​ ល្បែង​ស៊ីសង​ អនាម័យ​បរិស្ថាន​ ការ​ផ្ដល់​សេវា​ជូន​ប្រជាពលរដ្ឋ​ -ល-៕

29/05/2026

ព្រឹក​ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវ​នឹង ថ្ងៃទី២៩ ខែឧសភា ឆ្នាំ២០២៦
រដ្ឋបាល​ស្រុក​កោះអណ្ដែត​បាន​រៀប​ចំ​កិច្ច​ប្រជុំ​ក្រុម​ប្រឹក្សា​ស្រុក​ អាណត្តិ​ទី​៤​ លេីកទី២៤​ ក្រោម​អធិបតីភាព​
​ លោក​ នាង​ ស៊ន​ ប្រធាន​ក្រុម​ប្រឹក្សា​ស្រុក​ លោក​ ភួន​ ឈីម​ អភិបាល​នៃ​គណៈ​អភិបាល​ស្រុក​ និង​​មាន​សមាសភាព​អញ្ជើញ​ចូលរួមពី​ លោក​ លោកស្រី​ សមាជិក​ក្រុម​ប្រឹក្សា​ស្រុក​ លោក​ លោកស្រី​ អភិបាល​រង​ស្រុក​ លោក​ លោកស្រី​ នាយក​ នាយក​រង​រដ្ឋបាល​ស្រុក​ លោក​មេបញ្ជាការ​កង​រាជ​អាវុធហត្ថ​ស្រុក​ លោក​មេបញ្ជាការ​ផ្នែក​សឹង​រង​ស្រុក​ លោក​អធិការ​រង​នគរបាល​ស្រុក​ លោក​ លោកស្រី​ ប្រធាន​ការិយាល័យ​/អង្គភាពជុំវិញស្រុក​ លោក​ លោកស្រី​ មេឃុំ​ទាំង​៦៕

29/05/2026

រដ្ឋបាល​ស្រុក​កោះអណ្ដែត​ ព្រឹក​ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ព.ស. ២៥៧០​ ត្រូវនឹង ថ្ងៃទី២៩ ខែឧសភា ឆ្នាំ២០២៦​
គោរព​ទង់​ជាតិ​នៃ​ព្រះ​រាជា​ណាចក្រ​កម្ពុជា

28/05/2026

ឃុំរមេញ​ ស្រុក​កោះអណ្ដែត​ ខេត្ត​តាកែវ​ផ្លូវ​លេខ​129E

26/05/2026

26/05/2026

ថ្ងៃអង្គារ ១០កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវ​នឹងថ្ងៃទី២៦ ខែឧសភា ឆ្នាំ២០២៦
​ លោក​ ភួន​ ឈីម​ អភិបាល​ នៃ​គណៈ​អភិបាល​ស្រុក​ រួម​និង​សហការី​អញ្ជើញ​ជួប​សំណេះសំណាល​សួរ​សុខទុក្ខ​ ជាមួយ​ក្រុម​ប្រឹក្សា​ឃុំ​ ស្មៀនឃុំ​ នាយ​ប៉ុស្តិ៍​រដ្ឋបាល​ឃុំ​ ប្រធាន​មណ្ឌល​សុខភាព​ នាយក​សាលា​បឋមសិក្សា​ទាំង៤​ ប្រធាន អនុប្រធាន​ និង​សមាជិក​ភូមិ​ ក្នុង​ឃុំ​ព្រៃ​ខ្លា​ សរុប​ប្រមាណ​ជាង៦០នាក់។ បន្ទាប់​មក​លោក​អភិបាល​ស្រុក​ បាន​ចុះ​សួរសុខទុក្ខ​និង​យក​អំណោយ​របស់​អនុសាខា​កាកបាទក្រហម​កម្ពុជា​ស្រុក​កោះអណ្ដែត​ ជូនដល់​ប្រជាពលរដ្ឋ​ដែល​មាន​ជីវភាព​ខ្វះខាត​១គ្រួសារ​ ឈ្មោះ​ គល់​ ម៉ាច​ (ប្ដី)​ ឈឹម​ រ៉ាំ​ (ប្រពន្ធ)​ ស្ថិត​នៅ​ភូមិ​កែវ​កាំភ្លើង​ ឃុំព្រៃខ្លា​ ស្រុក​កោះអណ្ដែត​ អំណោយ​រួមមាន​ អង្ករ​២៥គីឡូក្រាម​ ឃីត១កញ្ចប់​ ថវិកា​ ៤០,០០០៛៕

26/05/2026

ព្រឹក​ថ្ងៃអង្គារ ១០កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវ​នឹង ថ្ងៃទី២៦ ខែឧសភា ឆ្នាំ២០២៦
​ លោក​ ភួន​ ឈីម​ អភិបាល​ នៃ​គណៈ​អភិបាល​ស្រុក​ និង​សហការី​អញ្ជើញ​ចូលរួម​រំលែក​ទុក្ខ​ជាមួយ​គ្រួសារ​សព​ ឈ្មោះ​ កង​ កាន​ ដែល​ជា​សមាជិក​សមាគម​អតីត​យុទ្ធ​ជន និង​និវត្ត​ជន​កម្ពុជា​ ខេត្ត​តាកែវ​ ដែល​ទទួល​មរណភាព​កាល​ពី​ថ្ងៃ​ទី​១៤​ ខែ​ឧសភា​ ឆ្នាំ​២០២៦​ នៅ​គេហដ្ឋាន​ភូមិ​ត្រពាំង​កក់​ ឃុំ​ធ្លាប្រជុំ​ ស្រុក​កោះអណ្ដែត​ និង​បាន​នាំ​យក​ថវិកា​មរណៈ​សង្គ្រោះ​របស់​ សម្ដេច​មហាបវរធិបតី​ ហ៊ុន​ ម៉ាណែត​ និង​ លោក​ជំទាវ​បណ្ឌិត​ ពេជ្រ​ ចន្ទមុន្នី​ ចំនួន​ ៤លានរៀល​ អង្ករ​២៥គីឡូក្រាម​ ឃីត២កញ្ចប់៕

25/05/2026

រសៀល​ថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ព.ស. ២៥៧០​ ត្រូវ​នឹង ថ្ងៃទី២៥ ខែឧសភា ឆ្នាំ២០២៦
​ លោក​ ភួន​ ឈីម​ អភិបាល​ នៃ​គណៈអភិបាលស្រុក​ និង​សហការី​បានអញ្ជើញ​ចុះ​ជួប​សំណេះ​សំណាល​សួរ​​សុខ​ទុក្ខគ្រួសាររបស់វីរៈកងទ័ពឈរជើងនៅប្រាសាទតាមាន់ ឈ្មោះ ខេង មាស នៅភូមិព្រៃធំ ឃុំពេជសារ ស្រុកកោះអណ្តែត ខេត្តតាកែវ។​ ក្នុងឱកាសនោះផងដែរលោកអភិបាលស្រុក​ បាន​ឧបត្ថម្ភ​នូវ​សម្ភារៈ​មួយ​ចំនួន​ និងថវិកា​ 150,000៛។
បន្ទាប់មកលោកអភិបាលស្រុក​ បានអញ្ជើញចុះពិនិត្យមើលស្ថានភាព ប៉ុស្តិ៍ប្រចាំការ២៤ម៉ោង និងរដ្ឋបាលឃុំពេជសារផងដែរ៕