មន្ទីរកសិកម្ម រុក្ខាប្រមាញ់ និងនេសាទ ខេត្តកណ្តាល

15/07/2026

នៅព្រឹក ថ្ងៃ ពុធ ១កើត ខែទុតិយាសាឍ ឆ្នាំ មមី អដ្ឋស័ក ព.ស.២៥៧០ ត្រូវនឹងថ្ងៃទី ១៥ ខែកក្កដា ឆ្នាំ២០២៦
ឯកឧត្តម កែវ អូម៉ាលីស្ស រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានបើកកិច្ចប្រជុំបង្កើនការយល់ដឹង និងផ្សព្វផ្សាយផ្តល់ពត៌មាន ស្ដីពីគម្រោង លើកកម្ពស់ជីវភាពប្រកបដោយប្រសិទ្ឋិភាពសេដ្ឋកិច្ច ដើម្បីកាត់បន្ថយភាពងាយរងគ្រោះ និងពង្រឹងភាពធន់ ( EMPOWER ) នៅសាលាស្រុកខ្សាច់កណ្ដាល មានការចូលរួមដោយ លោក លឹម ងួនគ្រុយ អនុប្រធានទទួលបន្ទុករួម មន្ទីរកសិកម្ម រុក្ខាប្រមាញ់ និងនេសាទ ខេត្តកណ្តាល លោក អែតដា ដូរ៉ាមី អភិបាលរង នៃគណៈអភិបាលស្រុកខ្សាច់កណ្ដាល លោកនាយក-នាយករងរដ្ឋបាលស្រុក ប្រធាន អនុប្រធាន និងមន្ត្រីការិ.ល័យកសិកម្មធនធានធម្មជាតិ និងបរិស្ថានស្រុក មន្ត្រីកសិកម្មឃុំទាំង ១២ឃុំ មន្ត្រីអង្គភាពគ្រប់គ្រងគម្រោង (PMU) មន្ត្រីមន្ទីរកសិកម្ម លោក លោកស្រី មេឃុំសន្លុង វិហារសួគ៌ ស៊ីធរ ជ័យធំ និងឃុំកោះចូរ៉ាម និងលោក លោកស្រីមេភូមិគ្រប់ភូមិ សរុបចំនួន ៥៨នាក់។

06/07/2026

សេចក្ដីជូនដំណឹង ស្ដីពីការដេញថ្លៃឈ្នួលដាយត្រី ដាយត្រីលេញ និងដាយបង្កង សម្រាប់ឲ្យធ្វើអាជីវកម្មក្នុងរដូវនេសាទ ឆ្នាំ២០២៦-២០២៧ និងឆ្នាំ ២០២៧-២០២៨។

27/06/2026

កម្មវិធី ASPIRE-AT សូមជូនដំណឹងដល់សហគមន៍កសិកម្ម និងសហភាពសហគមន៍កសិកម្ម សូមជ្រាបថា កម្មវិធីមានលទ្ធភាពផ្តល់មធ្យោបាយបង្កើន ឬ កែលម្អផលិតកម្ម ការគ្រប់គ្រង និងការធ្វើពាណិជ្ជកម្មផលិតផលកសិកម្ម ដូចជា ឃ្លាំង លានហាលសម្ងួត អគារប្រមូលផ្តុំ សម្ភារបរិក្ខារសម្រាប់វេចខ្ចប់ ប្រព័ន្ធស្រោចស្រពកម្រិតកសិដ្ឋាន ផ្សារសហគមន៍ ផ្លូវថ្នល់ភ្ជាប់កសិដ្ឋានជាដើម ។

ASPIRE-AT is pleased to announcing the Second-Round calling and inviting Producer Organizations (POs), Agricultural Cooperatives (ACs), and Union of Agriculture Cooperatives (UACs) who have not applied and/or submitted their proposal and application which requesting for: warehouse, drying pad, collection center, packaging facility, irrigation facility, community market, or access road, etc.


—————
ASPIRE-AT Channel:
ទីផ្សារផលិតផលកសិកម្ម_ASPIRE-AT|TikTok|FacebookPage |Facebook Group |Messenger Broadcast |Website |YouTube |Twitter |Linkedin |Instagram |បណ្ណាល័យកសិកម្ម

02/06/2026

ថ្ងៃទី ០២ខែ មិថុនា ឆ្នាំ ២០២៦ មន្ទីរកសិកម្ម រុក្ខាប្រមាញ់ និងនេសាទ ខេត្តកណ្ដាល បានរៀបចំកិច្ចប្រជុំបូកសរុបការងារវិស័យកសិកម្មប្រចាំខែ ឧសភា ដឹកនាំដោយ លោក លឹម ងួនគ្រុយ អនុប្រធានទទួលបន្ទុករួមមន្ទីរកសិកម្មខេត្តកណ្ដាល លោក ឃ្លាំង វណ្ណធុល អនុប្រធានមន្ទីរ មានការចូលរួមដោយលោកនាយខណ្ឌរដ្ឋបាលជលផល ខណ្ឌរដ្ឋបាលព្រៃឈើ លោក លោកស្រី ប្រធានការិយាល័យជំនាញទាំង១០
លោក លោកស្រី ប្រធានការិយាល័យកសិកម្ម ធនធានជាតិ និងបរិស្ថាន ស្រុក-ក្រុងទាំង ១៣ និងប្រធាន អនុប្រធាន តំណាងមន្ត្រីកសិកម្មឃុំប្រចាំខេត្ត សរុបចំនួន ២៨នាក់ ស្រី ០៥ នាក់។

08/05/2026

នៅរសៀលថ្ងៃសុក្រ ៧រោច ខែពិសាខ ឆ្នាំ មមី អដ្ឋស័ក ព.ស.២៥៧០ ត្រូវនឹងថ្ងៃទី០៨ ខែឧសភា ឆ្នាំ២០២៦ ថ្នាក់ដឹកនាំមន្ទីរកសិកម្ម បានចូលរួមអបអរសាទរខួបលើកទី១៦៣ ទិវាពិភពលោកកាកបាទក្រហមនិងអឌ្ឍចន្ទក្រហម ៨ ឧសភា ២០២៦ ក្រោមប្រធានបទ"បន្តរួមកម្លាំងគ្នា ដើម្បីមនុស្សធម៌"។

08/05/2026

ថ្ងៃទី ០៨ ខែ ឧសភា ឆ្នាំ ២០២៦ មន្ទីរកសិកម្ម រុក្ខាប្រមាញ់ និងនេសាទ ខេត្តកណ្ដាល បានរៀបចំកិច្ចប្រជុំបូកសរុបការងារវិស័យកសិកម្មប្រចាំខែ មេសា ដឹកនាំដោយ លោក លឹម ងួនគ្រុយ អនុប្រធានទទួលបន្ទុករួមមន្ទីរកសិកម្មខេត្តកណ្ដាល មានការចូលរួមដោយ លោកនាយខណ្ឌរដ្ឋបាលជលផល ខណ្ឌរដ្ឋបាលព្រៃឈើ លោក លោកស្រី ប្រធានការិយាល័យជំនាញទាំង១០
លោកប្រធានការិយាល័យកសិកម្ម ធនធានជាតិ និងបរិស្ថាន ស្រុក-ក្រុងទាំង ១៣ និងតំណាងមន្ត្រីកសិកម្មឃុំទាំង១៣ ស្រុក -ក្រុង សរុបចំនួន ៣៨នាក់ ស្រី ០៦ នាក់។

08/05/2026

20/04/2026

ទូលព្រះបង្គំជាខ្ញុំទាំងអស់គ្នាជាថ្នាក់ដឹកនាំ​ មន្ត្រីរាជការ​ នៃមន្ទីរកសិកម្ម រុក្ខាប្រមាញ់ និងនេសាទ ខេត្តកណ្ដាល សូមលើកហត្ថប្រណមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតារក្សាព្រះមហាស្វេតច្ឆត្រ ព្រះបារមីអតីតព្រះមហាវីរក្សត្រ ព្រះមហាក្សត្រ ព្រះមហាក្សត្រិយានីគ្រប់ព្រះអង្គ ជាទីគោរពសក្ការៈ សូមព្រះរាជមេត្តាអភិបាលថែរក្សា ព្រះករុណា ជាអម្ចាស់ជីវិតលើត្បូងជាទីគោរពសក្ការៈដ៏ខ្ពង់ខ្ពស់បំផុត ឆាប់បានជាសះស្បើយពីព្រះរោគ ព្រមទាំងមានព្រះរាជសុខភាពល្អបរិបូរ​ កម្លាំងពលំមាំមួន ដើម្បីយាងនិវត្តន៍បន្តគង់ប្រថាប់ក្នុងព្រះបរមរាជសម្បត្តិ ជាម្លប់ដ៏ត្រជាក់ត្រជុំរបស់មាតុភូមិកម្ពុជា និងប្រជានុរាស្ត្រខ្មែរគ្រប់រូបនៅទូទាំងព្រះរាជាណាចក្រកម្ពុជា ជាដរាបតរៀងទៅ។

🙏សូមព្រះករុណាជាអម្ចាស់ជីវិតលើត្បូងជាទីគោរពសក្ការៈដ៏ខ្ពង់ខ្ពស់បំផុត ទ្រង់ព្រះមេត្តាប្រោស ទទួលនូវគារវភក្តីដ៏មហាខ្ពង់ខ្ពស់បំផុតពីទូលព្រះបង្គំជាខ្ញុំទាំងអស់គ្នា៕

11/04/2026

11/04/2026