05/06/2026
ខេត្តកណ្ដាល ចូលរួមពិព័រណ៍ពាណិជ្ជកម្ម ទិញបៀន-អានយ៉ាង ឆ្នាំ២០២៦ នៅខេត្តអានយ៉ាង ប្រទេសវៀតណាម
+++++++++++++++++
ខេត្តអានយ៉ាង៖ នៅថ្ងៃទី៤ ខែមិថុនា ឆ្នាំ២០២៦ ឯកឧត្តម ខុន សេរីរដ្ឋា ភិបាលរងខេត្តកណ្ដាល បានដឹកនាំមន្ទីរពាណិជ្ជកម្ម និងអាជីវករ អញ្ជើញចូលរួមជាគណៈអធិបតីក្នុងពិធីបើក «ពិព័រណ៍ពាណិជ្ជកម្ម ទិញបៀន-អានយ៉ាង ឆ្នាំ២០២៦» (Tịnh Biên - An Giang 2026) ដែលប្រារព្ធធ្វើឡើងនៅសួនឧស្សាហកម្ម ស៊ូន តូ សង្កាត់ទិញបៀន ខេត្តអានយ៉ាង នៃសាធារណរដ្ឋសង្គមនិយមវៀតណាម។ ដែលពិពណ៌ពាណិជ្ជកម្មនេះដែរ មានការអញ្ជើញចូលរួមពីប្រទេសចំនួន៣ រួមមាន៖ ប្រទេសកម្ពុជា ប្រទេសឡាវ និងប្រទេសវៀតណាម។
មានប្រសាសន៍ក្នុងពិព័រណ៍ពាណិជ្ជកម្មនេះដែរ ឯកឧត្តម ខុន សេរីរដ្ឋា អភិបាលរងខេត្តកណ្ដាល បានមានប្រសាសន៍ថា ពិពណ៌នេះធ្វើឡើងដើម្បីជំរុញទំនាក់ទំនងសហប្រតិបត្តិការលើវិស័យពាណិជ្ជកម្មរវាងប្រទេសទាំង៣ កម្ពុជា ឡាវ និងវៀតណាម ហើយក្នុងនេះដែរខេត្តកណ្ដាល បាននាំមកនូវអាជីវករ សហគ្រាស ចំនួន៤មុខទំនិញ ដើម្បីបង្កើននូវឱកាសថ្មីៗរវាងអាជីវករ ខេត្តកណ្តាល និងអាជីវករទាំងអស់បានផ្សារភ្ជាប់ទំនាក់ទំនង ជំរុញទំហំពាណិជ្ជកម្មឱ្យកាន់តែប្រសើរឡើងបន្ថែមទៀត។
ឯកឧត្តម ខុន សេរីរដ្ឋា អភិបាលរងខេត្តកណ្ដាល បានបញ្ជាក់បន្ថែមថា ទំហំពាណិជ្ជកម្មរវាងខេត្តកណ្ដាល និងខេត្តអានយ៉ាង មានទំហំសេដ្ឋកិច្ចប្រមាណ ១ប៊ីលានដុល្លារ ក្នុងឆ្នាំ២០២៥ ហើយនឹងខិតខំបន្តពង្រីកទំហំពាណិជ្ជកម្មនេះ ឱ្យមានការកើនឡើងបន្ថែមទៀតសម្រាប់បន្តបន្ទាប់។
ឯកឧត្តមអភិបាលរងខេត្តកណ្ដាល បន្ថែមថា ក្នុងនាមខេត្តជាប់ព្រំដែនជាមួយខេត្តអានយ៉ាង ខេត្តកណ្តាលប្តេជ្ញារក្សានូវ ចំណងសាមគ្គីភាព មិត្តភាពជាប្រពៃណី សហប្រតិបត្តិការលើគ្រប់វិស័យជាមួយខេត្តអានយ៉ាង ដើម្បីចូលរួមចំណែកជំរុញការអភិវឌ្ឍសេដ្ឋកិច្ច សង្គម និងភាពរុងរឿងជូនដល់ប្រជាជននាពេលអនាគត។
ប្រភព៖ រដ្ឋបាលខេត្តកណ្តាល
