ទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិ សន្តិសុខលម្ហសមុទ្រ

05/09/2026

ឧត្តមនាវីទោ លី ហួត មេបញ្ជាការ ទីបញ្ជាការជួរមុខ ព្រមទាំងនាយនាវី នាយនាវីរង ពលនាវិក និងមន្ត្រីស្ថាប័នគន្លឹះ សូមគោរពជូនពរ ឯកឧត្តម ឧត្តមនាវីឯក ទៀ សុខា មេបញ្ជាការកងទ័ពជើងទឹក អនុប្រធានប្រចាំការ និងជាអគ្គលេខាធិការ នៃគណៈកម្មាធិការជាតិសន្តិសុខលម្ហសមុទ្រ ក្នុងឱកាសថ្ងៃខួបកំណើតគម្រប់ ៤៥ឆ្នាំ ឈានចូល ៤៦ឆ្នាំ។

យើងខ្ញុំសូមគោរពជូនពរជ័យ បវរសួស្តីសិរីវឌ្ឍនា វិបុលសុខជូនឯកឧត្តម សូមមានសុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ ជន្មាយុយឺនយូរ និងសូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមព្រះអង្គតាមជួយបីបាច់ថែរក្សា ប្រទានពរជ័យ សិរីសួស្តី ជ័យមង្គលគ្រប់ប្រការ ជូនដល់ឯកឧត្តម និងលោកជំទាវ ព្រមទាំងក្រុមគ្រួសារ សូមបានប្រកប ដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

04/09/2026

31/08/2026

ឧត្តមនាវីទោ លី ហួត មេបញ្ជាការ ទីបញ្ជាការជួរមុខ ព្រមទាំងនាយនាវី នាយនាវីរង ពលនាវិក និងមន្ត្រីស្ថាប័នគន្លឹះ សូមផ្ញើសារលិខិតជូនពរ គោរពជូនឯកឧត្ដម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិសន្តិសុខលម្ហសមុទ្រ ក្នុងឱកាសដ៏សិរីមង្គលថ្លៃថ្លានៃពិធីខួបកំណើតគម្រប់៤៦ ឈានចូល៤៧ឆ្នាំ ដែលនឹងប្រព្រឹត្តទៅនាថ្ងៃទី៣១ ខែសីហា ឆ្នាំ២០២៦។

ក្នុងឱកាសប្រកបដោយជ័យមង្គលនៃពិធីខួបកំណើតគម្រប់៤៦ ឈានចូល៤៧ឆ្នាំ របស់ឯកឧត្តម ឧបនាយករដ្ឋមន្ត្រី ដែលនឹងប្រព្រឹត្តទៅនៅថ្ងៃទី៣១ ខែសីហា ឆ្នាំ២០២៦ តាងនាម មេបញ្ជាការ មេបញ្ជាការរង នាយនាវី នាយនាវីរង ពលនាវិក និងមន្ត្រីស្ថាប័នគន្លឹះ មានសេចក្តីសោមនស្សរីករាយយ៉ាងក្រៃលែង សូមបួងសួងដល់វត្ថុស័ក្តិសិទ្ធិទាំងឡាយក្នុងលោក គុណព្រះរតនត្រ័យ កែវទាំងបី និងទសបារមីទេវតាថែរក្សាឆ្នាំថ្មី សូមព្រះអង្គប្រោសប្រទាននូវសព្ទសាធុការពរ ដ៏បវរមហាប្រសើរ ជូនឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិសន្តិសុខលម្ហសមុទ្រ សូមប្រកបដោយសុខភាពល្អបរិបូរណ៍ កម្លាំងកាយមាំមួន ប្រាជ្ញាឈ្លាសវៃ ជន្មាយុយឺនយូរ សម្រេចបានជោគជ័យថ្មីៗ ថែមទៀត ក្នុងការដឹកនាំក្រសួងការពារជាតិ រួមចំណែកជាមួយរាជរដ្ឋាភិបាលកម្ពុជា ក្នុងការការពារ កសាង និងអភិវឌ្ឍប្រទេសជាតិ នាំមកនូវវឌ្ឍនភាព និងភាពសម្បូររុងរឿងជូនជាតិមាតុភូមិនៃយើង។

ក្នុងឱកាសដ៏ប្រពៃនេះ យើងខ្ញុំទាំងអស់គ្នា សូមប្រសិទ្ធពរជ័យ សិរីមង្គល វិបុលសុខ បវរមហាប្រសើរ ជូនឯកឧត្តម ឧបនាយករដ្ឋមន្ត្រី និងលោកជំទាវ ព្រមទាំងបុត្រ សូមប្រកបដោយពរទាំងឡាយប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ។

28/08/2026

ថ្ងៃសុក្រ ទី២៨ ខែសីហា ឆ្នាំ២០២៦ វេលាម៉ោង ០៨:៣០នាទី ឧត្ដមនាវីទោ លី ហួត មេបញ្ជាការ ទីបញ្ជាការជួរមុខ បានដឹកនាំ នាយនាវី នាយនាវីរង ទីបញ្ជាការជួរមុខ និងមន្ត្រីស្ថាប័នគន្លឹះ អញ្ជើញចូលរួមស្ដាប់កិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈប្រព័ន្ធបញ្ជូនរូបភាព និងសំទ្បេង (Zoom Meeting) នៅទីបញ្ជាការជួរមុខ (កោះព្រាប)។

24/08/2026

ថ្ងៃចន្ទ ទី២៤ ខែសីហា ឆ្នាំ២០២៦ វេលាម៉ោង ០៧:០០នាទី ឧត្ដមនាវីត្រី គង់ សុផា មេបញ្ជាការរង ប្រចាំបញ្ជា ទីបញ្ជាការជួរមុខ ដឹកនាំមន្ត្រីទីបញ្ជាការជួរមុខ គោរពទង់ជាតិ នៃព្រះរាជាណាចក្រកម្ពុជា នៅទីបញ្ជាការជួរមុខ (កោះព្រាប)។

18/08/2026

ស្ថានភាពធាតុអាកាសនៅព្រះរាជាណាចក្រកម្ពុជា ថ្ងៃទី១៨ ខែសីហា ឆ្នាំ២០២៦ សម្ពាធទាបដែលកើតមាននៅលើសមុទ្រចិនខាងត្បូងមានឥទ្ធិពលលើរបបខ្យល់មូសុងនិរតី ហើយបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ស្ថានភាពបែបនេះធ្វើឱ្យ៖
+តំបន់មាត់សមុទ្រ
-សីតុណ្ហភាពអប្បបរមា ២៥°C
-សីតុណ្ហភាពអតិបរមា ៣៥°C
-ខ្យល់បក់មកពីទិសនិរតី និងអាគ្នេយ៍មានល្បឿនមធ្យម ៧ម៉ែត្រ/វិនាទី
-ខ្យល់កន្រ្តាក់ល្បឿនមធ្យម ៦ ទៅ ១០ម៉ែត្រ/វិនាទី
-រលកសមុទ្រមានកម្ពស់មធ្យមអប្បបរមា​ ០,៥ម៉ែត្រ និងកម្ពស់មធ្យមអតិបរមា​ ១.៧៥ម៉ែត្រ​
-ខេត្តកោះកុង ព្រះសីហនុ កំពត កែបមានភ្លៀងធ្លាក់ជាមួយផ្គររន្ទះ និងខ្យល់កន្រ្តាក់គ្របដណ្ដប់លើផ្ទៃដី៤០% ។

ទីបញ្ជាការជួរមុខ អគ្គលេខាធិការដ្ឋាននៃគណៈកម្មាធិការជាតិសន្តិសុខលម្ហសមុទ្រ សូមជូនដំណឹងដល់បងប្អូនទាំងអស់ ជាពិសេសបងប្អូនប្រជានេសាទ និងអ្នកដំណើរតាមសមុទ្រទាំងអស់ សូមមេត្តាបង្កើនការប្រុងប្រយ័ត្នឱ្យបានខ្ពស់បំផុត។

ករណីមានហេតុការណ៍ផ្សេងៗកើតឡើងដោយជាយថាហេតុ សូមធ្វើការទាក់ទងតាមរយៈប្រព័ន្ធទំនាក់ទំនងដូចខាងក្រោម៖
+ខេត្តព្រះសីហនុ
-អង្គភាពទីបញ្ជាការជួរមុខ លេខទូរស័ព្ទ0319000666 ឬតាមរយៈE-mail: [email protected]
-ស្នាក់ការសន្តិសុខកោះរ៉ុង លេខទូរស័ព្ទ 077299550
-ស្នាក់ការសន្តិសុខកោះតាង លេខទូរស័ព្ទ0976991787
+ខេត្តកោះកុង
-ស្នាក់ការសន្តិសុខឡាំដាំ លេខទូរស័ព្ទ0979807676
+ខេត្តកំពត
-ស្នាក់ការសន្តិសុខកោះសេះ លេខទូរស័ព្ទ081834382
+ខេត្តកែប
-ស្នាក់ការសន្តិសុខកោះពោធិ៍ លេខទូរស័ព្ទ0967744445

17/08/2026

ថ្ងៃចន្ទ ទី១៧ ខែសីហា ឆ្នាំ២០២៦ វេលាម៉ោង ០៨:៣០នាទី ឧត្ដមនាវីទោ លី ហួត មេបញ្ជាការ ទីបញ្ជាការជួរមុខ បានដឹកនាំ នាយនាវី នាយនាវីរង និងមន្រ្តីស្ថាប័នគន្លឹះ ចូលរួមកិច្ចប្រជុំឆ្លងសេចក្តីព្រាងរបាយការណ៍បូកសរុបលទ្ធផលការងារប្រចាំសប្តាហ៍ របស់អគ្គលេខាធិការដ្ឋាន គ.ជ.ស.ស. ក្រោមអធិបតីភាព ឯកឧត្តម ឧត្តមសេនីយ៍ឯក សៅ ច័ន្ទតារា អគ្គលេខាធិការរង នៃគណៈកម្មាធិការជាតិសន្តិសុខលម្ហសមុទ្រ តាមប្រព័ន្ធបញ្ជូនរូបភាព និងសម្លេងZoom នៅបន្ទប់ប្រជុំ ទីបញ្ជាការជួរមុខ(កោះព្រាប) ។

17/08/2026

ថ្ងៃចន្ទ ទី១៧ ខែសីហា ឆ្នាំ២០២៦ វេលាម៉ោង ០៧:០០នាទី ឧត្ដមនាវីទោ សៅ ចាន់ មេបញ្ជាការរង ទីបញ្ជាការជួរមុខ ដឹកនាំមន្ត្រីទីបញ្ជាការជួរមុខ គោរពទង់ជាតិ នៃព្រះរាជាណាចក្រកម្ពុជា នៅទីបញ្ជាការជួរមុខ (កោះព្រាប)។

12/08/2026

11/08/2026

ដោយបានការអនុញ្ញាតដ៏ខ្ពង់ខ្ពស់ពី ឧត្តមនាវីទោ លី ហួត មេបញ្ជាការ ទីបញ្ជាការជួរមុខ អគ្គលេខាធិការដ្ឋាននៃគណៈកម្មាធិការជាតិសន្តិសុខលម្ហសមុទ្រ នៅថ្ងៃទី១១ ខែសីហា ឆ្នាំ២០២៦ វេលាម៉ោង ១៣:២០នាទីរសៀល ឧត្តមនាវីទោ ហែម សុខេង អនុប្រធាននាយកដ្ឋានផ្គត់ផ្គង់ប្រចាំបញ្ជា បានចាត់ វរនាវីទោ ហាស់ ប៊ុនថន អនុប្រធានការិយាល័យ ប្រចាំការ ទីបញ្ជាការជួរមុខ ដឹកនាំកម្លាំងចំនួន ០៤រូប ប្រើប្រាស់អូប័រ RIHB ចំនួន ០១គ្រឿង ចេញអន្តរាគមន៍ជួយសង្គ្រោះប្រជានេសាទ ០១នាក់ ដែលលិចទូកត្រង់ចំណុចនិយាមកាlat:10°40'12"N Long:103°30'42"E ចម្ងាយប្រមាណ ២០០ម៉ែត្រ ខាងជើងកោះព្រាប។ ប្រតិបត្តិការជួយសង្គ្រោះបានប្រព្រឹត្តទៅដោយជោគជ័យ និងប្រកបដោយសុវត្ថិភាព។
ជនរងគ្រោះឈ្មោះ សែម សុខន ភេទប្រុស អាយុ ៤២ឆ្នាំ មុខរបរនេសាទ រស់នៅភូមិទំនប់រលក សង្កាត់១ ក្រុងព្រះសីហនុ ខេត្តព្រះសីហនុ។

តាមការបំភ្លឺ របស់ជនរងគ្រោះបានឱ្យដឹងថាទូកនេសាទជាប្រភេទទូកកន្ទុយវែងខ្នាតតូច បំពាក់ម៉ាស៉ីនសាំង កម្លាំង៨.៥សេះ ត្រូវបានលិចដោយសារចុងទុយោបូមទឹកបត់ចូលក្នុងទូក បណ្តាលឱ្យទឹកហូរចូល និងបានលិចតែម្តង ព្រមទាំងបាត់បង់សម្ភារមួយចំនួន។ បច្ចុប្បន្នជនរងគ្រោះមានសុវត្ថិភាព និងកំពុងស្វែងរកមធ្យោបាយស្រង់ទូកឡើងវិញ។