25/05/2026
ស្រុកព្រៃនប់៖ អនុវត្តតាមបទបញ្ជាយ៉ាងម៉ឺងម៉ាត់លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ នៅវេលាម៉ោង១៨ និង ០០នាទី ថ្ងៃទី២៣ ខែឧសភា ឆ្នាំ២០២៦ លោកវរសេនីយ៍ត្រី ម៉ែន វណ្ណា មេបញ្ជាការមូលដ្ឋានកងរាជអាវុធហត្ថស្រុកព្រៃនប់ បញ្ចេញកម្លាំងជំនាញចុះបង្រ្កាបមុខសញ្ញាពាក់ព័ន្ធករណីជួញដូរនឹងរក្សាទុកដោយខុសច្បាប់នូវសារធាតុញៀន នៅចំណុចបន្ទប់ស្នាក់នៅកម្មករសំណង់ ស្ថិតក្នុងភូមិចំការកៅស៊ូ ឃុំជើងគោស្រុកព្រៃនប់ ខេត្តព្រះសីហនុ និងឃាត់ខ្លួនជនសង្ស័យចំនួន ០៦នាក់ រួមនឹងវត្ថុតាងមួយចំនួន។
ក្នុងប្រតិបត្តិការបង្រ្កាបនេះ កម្លាំងជំនាញកងរាជអាវុធហត្ថ បានចាប់ដកហូតវត្ថុតាងបទល្មើសរួមមាន÷
- ម្សៅក្រាមសថ្លា ចំនួន ១៧កញ្ចប់តូច ទម្ងន់២,៨០ក្រាម(ទាំងសម្បក), ទូរសព្ទ ចំនួន ០៦គ្រឿង, ដបជក់ចំនួន ០៣, ខ្សៀជក់ ០៥, ដែកកេះ ចំនួន ០២ដើម, សម្បកថង់វេចខ្ចប់មួយចំនួន។
បច្ចុប្បន្នជនសង្ស័យរួមនឹងវត្ថុតាងខាងលើ ត្រូវបានបញ្ជូនទៅការិយាល័យប្រឆាំងគ្រឿនញៀន បញ្ជាការដ្ឋានកងរាជអាវុធហត្ថខេត្តព្រះសីហនុ ដើម្បីបន្តនីតិវិធីតាមផ្លូវច្បាប់៕
#បញ្ជាការដ្ឋានកងរាជអាវុធហត្ថខេត្ថព្រះសីហនុ
#មូលដ្ឋានកងរាជអាវុធហត្ថស្រុកព្រៃនប់
