សាលាបឋមសិក្សា អនុវត្តន៍គរុកោសល្យ Aknouwat Koroukosal Primary School

12/09/2026

គណៈគ្រប់គ្រង សាលាបឋមសិក្សាអនុវត្តន៍គរុកោសល្យ ខេត្តសៀមរាប មានកិត្តិយសសូមជម្រាបជូនដំណឹងដល់ លោក លោកស្រី ដែលជាមាតាបិតា និងអ្នកអាណាព្យាបាលសិស្សទាំងអស់ឱ្យបានជ្រាបថា សាលានឹងរៀបចំទទួលចុះឈ្មោះសិស្សថ្នាក់ទី១ (ថ្មី) សម្រាប់ឆ្នាំសិក្សា ២០២៦-២០២៧ តាមព័ត៌មានលម្អិតដូចសេចក្ដីជូនដំណឹងខាងក្រោម

22/08/2026

22/07/2026

គណៈគ្រប់គ្រងសាលាសូមថ្លែងអំណរគុណយ៉ាងជ្រាលជ្រៅចំពោះ លោកនាយកមជ្ឈមណ្ឌលអប់រំបច្ចេកទេសមិត្តភាពកម្ពុជា-ជប៉ុន ដែលតែងតែផ្តល់កិច្ចសហការ និងគាំទ្របន្ទប់កុំព្យូទ័រសម្រាប់សិស្សានុសិស្សប្រឡង

22/07/2026

ដំណើរការប្រឡងប្រចាំខែកក្កដា សម្រាប់សិស្សថ្នាក់ទី៣ ដោយប្រើប្រាស់ថ្នាលបឋម PLP

សៀមរាប៖ នាថ្ងៃទី១៤ ខែកក្កដា ឆ្នាំ២០២៦ សាលាបឋម​សិក្សាអនុវត្តន៍គរុកោសល្យ​បាន​រៀប​ចំការ​តេស្ត​វាស់វែង​សមត្ថភាព​ប្រចាំ​ខែកក្កដា សម្រាប់​សិស្ស​ថ្នាក់ទី៣ លើមុខវិជ្ជា ភាសាខ្មែរ និង គណិតវិទ្យា ដោយ​អនុវត្តផ្ទាល់នៅលើ «ថ្នាលបឋម PLP» ដើម្បី​វាស់វែង​សមិទ្ធកម្ម​ស្រប​តាម​​សូចនាករ​ទី៦ និងទី៧ នៃ​គម្រោង​កិច្ចព្រមព្រៀង​ប្រចាំ​ឆ្នាំ២០២៦។

សកម្មភាពនេះត្រូវបានបែងចែកជា​ពីរវេន (ព្រឹក និងរសៀល) ដោយ​ក្នុង​មួយ​ក្រុម​មានសិស្ស​ចូលរួមចំនួន ២០នាក់។ កម្មវិធី​​បានប្រព្រឹត្ត​ទៅយ៉ាង​រលូន ក្រោម​កិច្ចខិតខំ​ប្រឹងប្រែង និង​ការ​ចូលរួម​យ៉ាង​​សកម្មពី​សំណាក់​គ្រូICT គ្រូបន្ទុកថ្នាក់ទាំងអស់។ ជាពិសេស ការប្រឡង​នេះ​អាច​សម្រេចទៅបាន ដោយសារ​​មាន​ការ​សម្របសម្រួល​យ៉ាងយកចិត្តទុកដាក់​លើផ្នែកបច្ចេកទេស ព្រមទាំង​ការអនុញ្ញាត​ប្រើប្រាស់​បន្ទប់កុំព្យូទ័រ​ពីសំណាក់ លោក ង៉ោ សុមេធា សមាជិកទី១ នៃគណៈកម្មការ​គ្រប់គ្រងសាលា​រៀន (គ.គ.ស.) ទទួលបន្ទុក «តេស្តវាយ​តម្លៃសមត្ថភាព​សិស្ស និងការបង្រៀន» និងជា នាយក មជ្ឈមណ្ឌលអប់រំបច្ចេកទេសមិត្តភាពកម្ពុជា-ជប៉ុន"ទំព័រផ្លូវការ" ​។

គណៈគ្រប់គ្រងសាលា លោកគ្រូអ្នកគ្រូ និងសិស្សានុសិស្សទាំងអស់ សូម​សម្តែង​នូវ​សេចក្តី​សោមនស្ស​រីករាយ និងសូម​ថ្លែង​អំណរគុណ​យ៉ាងជ្រាលជ្រៅ​បំផុត ចំពោះទឹកចិត្តសប្បុរស និង​ការលះបង់ដ៏ថ្លៃថ្លារបស់ លោកនាយក ដែល​តែងតែ​ជួយ​ជ្រោមជ្រែង និងគាំទ្រ​ដល់​កិច្ចការ​សិក្សា​របស់​សិស្សានុសិស្ស​នា​ពេលនេះ និង​កន្លងមក។ 💻✨

————————


#ការប្រឡងប្រចាំខែ #ថ្នាលបឋមPLP #សាលារៀន #ការអប់រំបច្ចេកវិទ្យា

🔔YouTube
https://www.youtube.com/channel/UCVvReNPMpBsOCmkeZ8MGI1w

22/07/2026

🚲 អំណោយសប្បុរសធម៌កង់ចំនួន ១គ្រឿង

ខេត្តសៀមរាប៖ នាថ្ងៃពុធ ទី២២ ខែកក្កដា ឆ្នាំ២០២៦ គណៈគ្រប់គ្រងនៃសាលាបឋមសិក្សាអនុវត្តន៍គរុកោសល្យ បានប្រគល់អំណោយជាកង់ចំនួន ១គ្រឿង ជូនដល់កុមារី ស៊្រុន ស្រីដាវ សិស្សរៀននៅថ្នាក់ទី១ «ក» ដែលមានជីវភាពខ្វះខាត ដើម្បីឱ្យប្អូនស្រីមានកង់ជិះមកសាលារៀនផ្ទាល់ខ្លួន និងជួយសម្រួលដល់ការធ្វើដំណើរប្រចាំថ្ងៃរបស់ប្អូន។

អំណោយកង់មួយគ្រឿងនេះ គឺជាទឹកចិត្តសប្បុរសធម៌ដ៏ថ្លៃថ្លារបស់សប្បុរសជនជនជាតិឥណ្ឌូនេស៊ីមួយរូប ដែលលោកស្រីបាននាំយកមកបរិច្ចាគជូនដល់សាលារៀនដោយផ្ទាល់ មុនពេលលោកស្រីត្រូវធ្វើដំណើរត្រឡប់ទៅកាន់ប្រទេសកំណើតវិញ។

តាងនាមឱ្យគណៈគ្រប់គ្រងសាលា លោកគ្រូ អ្នកគ្រូ និងសិស្សានុសិស្សទាំងអស់ យើងខ្ញុំសូមសម្តែងនូវអំណរគុណយ៉ាងជ្រាលជ្រៅ និងសូមកោតសរសើរដោយស្មោះចំពោះទឹកចិត្តសប្បុរសធម៌ដ៏ប្រពៃរបស់លោកស្រី។ ទន្ទឹមនឹងនេះ សាលាក៏សូមថ្លែងអំណរគុណយ៉ាងជ្រាលជ្រៅផងដែរ ចំពោះលោកគ្រូឧទ្ទេសនៃសាលាគរុកោសល្យ និងវិក្រឹតការខេត្ត ដែលបានជួយផ្តល់ព័ត៌មាន និងសម្របសម្រួលរហូតកិច្ចការនេះបានសម្រេចជាស្ថាពរ។

សាលាបឋមសិក្សាអនុវត្តន៍គរុកោសល្យ សូមជូនពរលោកស្រី និងក្រុមគ្រួសារ ព្រមទាំងលោកគ្រូឧទ្ទេស សូមជួបប្រទះតែសេចក្តីសុខ សេចក្តីចម្រើន និងជោគជ័យគ្រប់ភារកិច្ច។ 🙏✨

————————



🔔YouTube
https://www.youtube.com/channel/UCVvReNPMpBsOCmkeZ8MGI1w