មន្ទីរទេសចរណ៍ខេត្តពោធិ៍សាត់ Pursat Provincial Department of Tourism

04/09/2026

The Ministry of Tourism has reiterated that it maintains 24-hour emergency telephone services for domestic and international tourists, consolidating contact numbers for immigration problems, security incidents and urgent medical assistance.

👉🔗 Full Story: https://phnompenhpost.com/national/tourism-ministry-reissues-24-hour-emergency-hotline-guidance-for-tourists/

02/09/2026

សេចក្តីជូនដំណឹង ស្តីពីលេខទំនាក់ទំនងរហ័សសម្រាប់ភ្ញៀវទេសចរក្នុងពេលទស្សនាព្រះរាជាណាចក្រកម្ពុជា។

ANNOUNCEMENT On Emergency Contact Numbers for Tourists Visiting the Kingdom of Cambodia.

02/09/2026

ទំនប់ដំណាក់ឈើក្រំ 🪷

31/08/2026

ថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦
មន្ត្រីរាជការ​ និងមន្ត្រីជាប់កិច្ចសន្យា​ នៃមន្ទីរទេសចរណ៍ខេត្តពោធិ៍សាត់ បានចូលរួមគោរពទង់ជាតិនៃព្រះរាជាណាចក្រកម្ពុជា​🇰🇭​
#ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍
#ទេសចរណ៍រីកលូតលាស់ក្នុងសន្តិភាព
#បុគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់
#ទស្សនារដូវកាលបៃតងកម្ពុជា

30/08/2026

29/08/2026

ពិធីបិទវគ្គបណ្តុះបណ្តាល «ជំនាញឆុងកាហ្វេ (Barista Skill)» និងចែកវិញ្ញាបនបត្រជូនសិក្ខាកាម នៅខេត្តពោធិ៍សាត់
នារសៀលថ្ងៃទី២៨ ខែសីហា ឆ្នាំ២០២៦​នៅសាលបណ្ឌិត ថោង ខុន នៃមន្ទីរទេសចរណ៍ខេត្តពោធិ៍សាត់ បានរៀបចំពិធីបិទវគ្គបណ្តុះបណ្តាលលើ «ជំនាញឆុងកាហ្វេ (Barista Skill)» និងពិធីប្រគល់វិញ្ញាបនបត្រជូនដល់សិក្ខាកាមសរុបចំនួន ១២រូប (ស្រី ១០រូប) ដែលបានបញ្ចប់វគ្គសិក្សាដោយជោគជ័យ។
ពិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម អ៊ុយ សុធាវី អភិបាលរង នៃគណៈអភិបាលខេត្តពោធិ៍សាត់ តំណាងដ៏ខ្ពង់ខ្ពស់​ ឯកឧត្តម​ ខូយ​ រី​ដា​ អភិបាលនៃគណៈអភិបាលខេត្តពោធិ៍សាត់​ ព្រមទាំងមានការអញ្ជើញចូលរួមពី​ លោកប្រធានមន្ទីរទេសចរណ៍ខេត្តពោធិ៍សាត់​ លោកស្រី គ្រុយ ស្រីនាង គ្រូបង្គោលមកពីក្រុមហ៊ុន ជី ប៊ី អេស (Gourmet Beverage Service - GBS)​ ព្រមទាំងក្រុមការងារបច្ចេកទេសនៃក្រុមហ៊ុន GBS និងមន្ត្រីរាជការនៃមន្ទីរទេសចរណ៍ខេត្តជាច្រើនរូបទៀត។
​ គោលបំណងសំខាន់នៃការរៀបចំវគ្គបណ្តុះបណ្តាលនេះ រួមមាន៖
​ ១. លើកកម្ពស់សមត្ថភាព និងជំនាញវិជ្ជាជីវៈ៖ ពង្រឹងចំណេះដឹង បច្ចេកទេស និងជំនាញជាក់ស្តែងលើការឆុងកាហ្វេ (Barista) ប្រកបដោយស្តង់ដារ និងគុណភាពខ្ពស់។
​ ២.បង្កើតឱកាសការងារ និងប្រាក់ចំណូល៖ បង្កើនឱកាសការងារ និងរៀបចំសិក្ខាកាម ឱ្យមានជំនាញពិតប្រាកដ ដើម្បីអាចប្រកបរបរផ្ទាល់ខ្លួន ឬបំពេញការងារក្នុងវិស័យបដិសណ្ឋារកិច្ច។
​ ក្នុងឱកាសនោះដែរ គណៈអធិបតីក៏បានសម្តែងនូវការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់សិក្ខាកាមទាំងអស់ និងបានផ្តាំផ្ញើឱ្យយកចំណេះដឹងដែលទទួលបានទៅអនុវត្តឱ្យកើតជាប្រយោជន៍ជាក់ស្តែង ដើម្បីចូលរួមចំណែកអភិវឌ្ឍន៍វិស័យទេសចរណ៍ក្នុងខេត្តឱ្យកាន់តែរីកចម្រើនបន្ថែមទៀត។

#ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍
#ទេសចរណ៍រីកលូតលាស់ក្នុងសន្តិភាព
#បុគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់
#ទស្សនារដូវកាលបៃតងកម្ពុជា

28/08/2026

កិច្ចប្រជុំរដ្ឋមន្រ្តីទេសចរណ៍កម្ពុជា ឡាវ និងវៀតណាម (CLV) ត្រូវបានរៀបចំឡើងជាប្រវត្តិសាស្ត្រលើកដំបូង នៅទីក្រុងហូជីមិញ សាធារណរដ្ឋសង្គមនិយមវៀតណាម នាថ្ងៃទី២៦ ខែសីហា ឆ្នាំ២០២៦។ ក្នុងកិច្ចប្រជុំនវ ភាគីទាំងបីបានឯកភាពបន្តជំរុញការអនុវត្តចក្ខុវិស័យ«ដំណើរកម្សាន្តម្តង បីគោលដៅ» តាមរយៈការរៀបចំកញ្ចប់ទេសចរណ៍រួម«ដំណើរកម្សាន្តម្តង បីគោលដៅ» ដែលជាការជំរុញការតភ្ជាប់ការធ្វើដំណើរ និងការដឹកជញ្ជូនរវាងប្រទេសទាំងបី។

លម្អិត៖ https://kh.cc-times.com/posts/30620

28/08/2026

ជំនួបពិភាក្សា និងសម្តែងការគួរសម រវាងមន្ទីរទេសចរណ៍ខេត្តពោធិ៍សាត់ និងទីភ្នាក់ងារស្វីសសម្រាប់ការអភិវឌ្ឍន៍ និងកិច្ចសហប្រតិបត្តិការ (SDC)
ថ្ងៃទី២៧ ខែសីហា ឆ្នាំ២០២៦ នៅសាលសន្តិភាពនៃមន្ទីរទេសចរណ៍ខេត្តពោធិ៍សាត់ លោកប្រធានមន្ទីរទេសចរណ៍ខេត្ត ព្រមទាំងមន្ត្រីរាជការ បានទទួលជួបប្រជុំ និងសម្តែងការគួរសម ជាមួយលោកស្រី Sonja Elmer Dettelbacher ប្រធានទីភ្នាក់ងារស្វីសសម្រាប់ការអភិវឌ្ឍន៍ និងកិច្ចសហប្រតិបត្តិការ (SDC) អាណត្តិថ្មី ព្រមទាំងសហការី។
ជំនួបពិភាក្សាដំណើរទស្សនកិច្ចសិក្សានេះ ត្រូវបានរៀបចំឡើងស្របតាមគោលការណ៍ណែនាំស្តីពីការផ្លាស់ប្តូរសមាសភាព និងអាណត្តិការងាររបស់បុគ្គលិកនៃទីភ្នាក់ងារ SDC រៀងរាល់ ២ ឆ្នាំម្តង ក្នុងក្របខ័ណ្ឌនៃកម្មវិធីអភិវឌ្ឍន៍ជំនាញ (SDP)។
គោលបំណងសំខាន់ៗនៃដំណើរទស្សនកិច្ច៖
-សិក្សាស្វែងយល់ផ្ទាល់៖ ដើម្បីពិនិត្យ និងវាយតម្លៃលើវឌ្ឍនភាពការងារ លទ្ធផលសម្រេចបាន និងបញ្ហាប្រឈមនាពេលកន្លងមក ក្នុងការអនុវត្តគម្រោងផ្សេងៗ។
-ពង្រឹងកិច្ចសហប្រតិបត្តិការ៖ ដើរតួជាស្ពានចងភ្ជាប់ទំនាក់ទំនង និងពង្រឹងភាពជាដៃគូឱ្យកាន់តែរឹងមាំ រវាងមន្ទីរទេសចរណ៍ខេត្តពោធិ៍សាត់ និងទីភ្នាក់ងារ SDC សម្រាប់អាណត្តិថ្មីនេះ។
-បង្កើនប្រសិទ្ធភាពការងារ៖ ផ្លាស់ប្តូរយោបល់ និងបទពិសោធន៍ ដើម្បីជួយជំរុញការអភិវឌ្ឍជំនាញ និងវិស័យទេសចរណ៍ក្នុងខេត្តពោធិ៍សាត់ ឱ្យកាន់តែរីកចម្រើន និងមានចីរភាព។
មន្ទីរទេសចរណ៍ខេត្តពោធិ៍សាត់ សូមសម្តែងនូវការស្វាគមន៍យ៉ាងកក់ក្តៅ និងថ្លែងអំណរគុណយ៉ាងជ្រាលជ្រៅចំពោះទីភ្នាក់ងារ SDC ដែលតែងតែជួយគាំទ្រ និងសហការយ៉ាងជិតសិទ្ធនាពេលកន្លងមក ហើយសង្ឃឹមយ៉ាងមុតមាំថា ភាពជាដៃគូនាំមកនូវសមិទ្ធផលថ្មីៗបន្ថែមទៀតជូនប្រជាពលរដ្ឋក្នុងខេត្ត។

#ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍
#ទេសចរណ៍រីកលូតលាស់ក្នុងសន្តិភាព
#បុគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់
#ទស្សនារដូវកាលបៃតងកម្ពុជា

27/08/2026

សក្តានុពលទេសចរណ៍ដ៏សម្បូរបែប សភាពការណ៍ពិត និងកត្តាសុខសុវត្ថិភាពដ៏ល្អរបស់កម្ពុជា ត្រូវបានបង្ហាញក្នុងកម្មវិធី «ផែនទីចង្អុលផ្លូវទេសចរណ៍កម្ពុជា ទៅកាន់ប្រទេសវៀតណាម» ដល់សមាគមទេសចរណ៍វៀតណាម និងប្រតិបត្តិករទេសចរណ៍វៀតណាមនាំមុខល្បីៗ និងធំៗប្រចាំប្រទេសវៀតណាម។ កម្មវិធីនេះត្រូវបានរៀបចំឡើងនៅទីក្រុងហូជីមិញ សាធារណរដ្ឋសង្គមនិយមវៀតណាម នាថ្ងៃទី២៦ ខែសីហា ឆ្នាំ២០២៦។

លម្អិត៖ https://kh.cc-times.com/posts/30605

26/08/2026

មន្ទីរទេសចរណ៍ខេត្តពោធិ៍សាត់ សហការណ៍ជាមួយកម្មវិធីអភិវឌ្ឍន៍ជំនាញ(SDP) នៃអង្គការស្វីសខនថាក់ (Swisscontact) បានរៀបចំបើកវគ្គបណ្តុះបណ្តាលបដិសណ្ឋារកិច្ចកម្ពុជា (HoKa) និងសហការគាំទ្រដោយអ្នកគ្រូបង្គោលពីក្រុមហ៊ុន ជី ប៊ី អេស-Gourmet Beverage Solutions (GBS)
នាព្រឹកថ្ងៃទី ២៦ ខែសីហា ឆ្នាំ ២០២៦ មន្ទីរទេសចរណ៍ខេត្តពោធិ៍សាត់ បានរៀបចំពិធីបើកវគ្គបណ្ដុះបណ្ដាលជំនាញ “ឆុងកាហ្វេកម្រិតមូលដ្ឋាន” ក្រោមអធិបតីភាព លោកប្រធានមន្ទីរទេសចរណ៍ខេត្តពោធិ៍សាត់ ដែលមានការអញ្ជើញចូលរួមពីមន្ត្រីរាជការនៃមន្ទីរទេសចរណ៍ខេត្ត និងសិក្ខាកាមជាប្រតិបត្តិករនិងសេវាករទេសចរណ៍ ។ វគ្គនេះមានរយៈពេល ០៣ ថ្ងៃ ចាប់ពីថ្ងៃទី ២៦ ដល់ថ្ងៃទី ២៨ ខែសីហា ឆ្នាំ ២០២៦ ដោយមានសិក្ខាកាមចូលរួមសរុបចំនួន ១២ រូប ក្នុងនោះស្រី ១០ រូប ។
នោះផ្តោតទៅលើ០៩ ម៉ូឌុលមាន៖
១. ប្រវត្តិកាហ្វេ
២. ការងារខ្ញុំជាបារីស្តា
៣. ប្រភេទនៃគ្រាប់កាហ្វេ
៤. ដំណើរការនៃការធ្វើកាហ្វេ
៥. បញ្ជីរាយឈ្មោះកាហ្វេ
៦. ការប្រើប្រាស់ម៉ាសុីន និងឧបករណ៍ឆុងកាហ្វេ
៧. ការថែទាំម៉ាសុីនកាហ្វេ
៨. ដំណើរការនៃការបើក/បិទហាងកាហ្វេ
៩. អនុវត្តន៍ការឆុងកាហ្វេ