មន្ទីរទេសចរណ៍ខេត្តពោធិ៍សាត់ Pursat Provincial Department of Tourism

02/06/2026

ថ្ងៃទី៣១​ ខែឧសភា​ ដល់​ ០១​ ខែមិថុនា​ ឆ្នាំ២០២៦​ គណៈកម្មការអប់រំ​ យុវជន​ កីឡា​ ធម្មការ​ សាសនា​ វប្បធម៌​ វិចិត្រសិល្បៈ​ និងទេសចរណ៍​ នៃរដ្ឋសភា​(គណៈកម្មការទី៧) បានធ្វេីដំណេីរទស្សនកិច្ចស្វែងយល់សក្តានុពលទេសចរណ៍​ នៅឃុំ​អូរសោម​ ស្រុកវាលវែង​ ខេត្តពោធិ៍សាត់​ ។

01/06/2026

ព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦
មន្ត្រីរាជការ​ និងមន្ត្រីជាប់កិច្ចសន្យា​ នៃមន្ទីរទេសចរណ៍ខេត្តពោធិ៍សាត់ បានចូលរួមគោរពទង់ជាតិនៃព្រះរាជាណាចក្រកម្ពុជា​🇰🇭​
#ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍
#ទេសចរណ៍រីកលូតលាស់ក្នុងសន្តិភាព
#បុគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់
#ទស្សនារដូវកាលបៃតងកម្ពុជា

30/05/2026

កម្ពុជាត្រូវបានដាក់បញ្ចូលក្នុងបញ្ជីទេសចរណ៍បៃតងពិភពលោក “Travel Green List™ 2026” របស់ទស្សនាវដ្តីល្បីឈ្មោះចក្រភពអង់គ្លេស

=======================
កម្ពុជាត្រូវបានដាក់បញ្ចូលទៅក្នុងបញ្ជីទេសចរណ៍បៃតង “Travel Green List™ 2026” របស់ទស្សនាវដ្តី Wanderlust ក្នុងនាមជាគោលដៅទេសចរណ៍មួយក្នុងចំណោមគោលដៅតែពីរគត់នៅអាស៊ីអាគ្នេយ៍ រួមជាមួយប្រទេសហ្វីលីពីនផងដែរ ដែលត្រូវបានទទួលស្គាល់ចំពោះការធ្វើទេសចរណ៍ប្រកបដោយការទទួលខុសត្រូវ និងនិរន្តរភាព ។
Wanderlust The Travel Green List គឺជាបញ្ជីឈ្មោះ ឬពានរង្វាន់ប្រចាំឆ្នាំ ដែលរៀបចំឡើងដោយ Wanderlust ដែលជាទស្សនាវដ្តីធ្វើដំណើរ (Travel Magazine) ដ៏ល្បីល្បាញ និងចំណាស់ជាងគេមួយរបស់ចក្រភភពអង់គ្លេស។

យោងតាមក្រសួងទេសចរណ៍ ដំណើរការនៃការទទួលស្គាល់កម្ពុជា ជាសកលនៅក្នុងបញ្ជីទេសចរណ៍បៃតងប្រចាំឆ្នាំ២០២៦នេះ គឺមានដំណើរដើមទងបន្តពីកាលពីខែវិច្ឆិកា ឆ្នាំ២០២៥ ទស្សនាវដ្តីទេសចរណ៍ដ៏ល្បី និងបោះពុម្ពច្រើនជាងគេនៅប្រទេសអង់គ្លេស និងតំបន់អឺរ៉ុប Wanderlust Magazine សន្យាជួយផ្សព្វផ្សាយពីសក្តានុពលទេសចរណ៍កម្ពុជាឱ្យកាន់តែទូលំទូលាយដល់ប្រជាជនអង់គ្លេស និងពិភពលោក ។ ការសន្យានេះ បានធ្វើឡើងក្នុងជំនួបពិភាក្សាការងារ រវាង ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ជាមួយលោកស្រី Lyn Hughes សហស្ថាបនិកទស្សនាវដ្តី Wanderlust ទស្សនាវដ្តីទេសចរណ៍ដ៏ល្បីចាប់តាំងពីឆ្នាំ១៩៩៣ មក និងមានអ្នកអាននាំមុខគេនៅក្នុងប្រទេសអង់គ្លេស និងទ្វីបអឺរ៉ុប ។ លោកស្រី សហស្ថាបនិកទស្សនាវដ្តី Wanderlust បានសន្យាជួយផ្សព្វផ្សាយពីសក្តានុពលទេសចរណ៍កម្ពុជាដ៏សំបូរបែបដល់ប្រជាជនអង់គ្លេស និងពិភពលោក។

ក្នុងជំនួបកាលណោះ ឯកឧត្តមរដ្ឋមន្រ្តី បានអញ្ជើញលោកស្រី និងសហការី មកទស្សនកិច្ចនៅកម្ពុជា ដើម្បីជ្រាបកាន់តែច្បាស់ពី សក្តានុពលទេសចរណ៍កម្ពុជា ដើម្បីជួយផ្សព្វផ្សាយឱ្យកាន់តែទូលំទូលាយដល់ប្រជាជនអង់គ្លេស និងពិភពលោកទាំងមូល៕
ការដាក់បញ្ចូលក្នុងបញ្ជីនេះ បានផ្ដោតសំខាន់លើគោលដៅទេសចរណ៍ និងគំនិតផ្តួចផ្តើមនានាដែលជំរុញដល់ការអភិរក្សបរិស្ថាន និងគាំទ្រដល់សហគមន៍មូលដ្ឋាន ។ ក្នុងចំណោមសមិទ្ធផលលេចធ្លោរបស់កម្ពុជា រួមមាន រមណីយដ្ឋានតង់បោះជំរំជួរភ្នំក្រវាញ ស្ថិតក្នុងឧទ្យានជាតិបុទុមសាគរ ដែលទទួលបានការកោតសរសើរយ៉ាងខ្លាំងចំពោះបដិសណ្ឋារកិច្ចដែលផ្សារភ្ជាប់នឹងការអភិរក្ស និងកិច្ចខិតខំប្រឹងប្រែងការពារព្រៃទឹកភ្លៀង ។

ជាមួយគ្នានេះដែរ ប្រទេសកម្ពុជាក៏ត្រូវបានបង្ហាញខ្លួននៅក្នុងការធ្វើដំណើរពិសេសដែលមាន ១៥ទំព័ររបស់ទស្សនាវដ្តី Wanderlust ដែលរំលេចពីជីវៈចម្រុះ វប្បធម៌ និងបទពិសោធន៍ធ្វើដំណើរដ៏ពិតប្រាកដនៅក្នុងព្រះរាជាណាចក្រកម្ពុជា។ ការទទួលស្គាល់ជាអន្តរជាតិនេះ ធ្វើឡើងចំពេលដែលកម្ពុជាស្ថិតក្នុង «រដូវកាលបៃតង» (Green Season) ដែលជាពេលវេលាធ្វើឱ្យទេសភាពធម្មជាតិទូទាំងប្រទេសប្រែជាមានភាពស្រស់បំព្រង និងខៀវស្រងាត់បំផុត។

👉 ចូលគ្រុប តេលេក្រាម ៖ https://t.me/theonemediakhmer
====================
ចុះផ្សាយ 28/05/2026 ដោយ THE ONE
#ព័ត៌មានជាតិ #សេដ្ឋកិច្ច #ព័ត៌មានអន្តរជាតិ #ព័ត៌មានថ្មីៗ

29/05/2026

28/05/2026

Osaom Unseen 🌿🍀🏕️ What’s your vibe for the next exploration?
📷 Capturing the art of nature by the Pursat Provincial Tourism Department.

27/05/2026

រដូវកាលបៃតង និងជារដូវថ្ងៃលិចដ៏ស្រស់ស្អាតនៅឃុំអូរសោម កំពុងតែរង់ចាំបងប្អូនភ្ញៀវទេសចរណ៍ទៅសម្រាកលំហែកំសាន្ត🌿🏕️
📍អូរសោម
📷 មន្ទីរទេសចរណ៍ខេត្តពោធិ៍សាត់ | ថូ សុភារត្ន័

27/05/2026

ឆាយរកា | Chay Roka waterfall 🌿🏕️
📍អូរសោម
📷 មន្ទីរទេសចរណ៍ខេត្តពោធិ៍សាត់ | ថូ សុភារត្ន័

27/05/2026

ជ្រោះសោម | Saom waterfall 🌿🏕️
📍អូរសោម
📷 មន្ទីរទេសចរណ៍ខេត្តពោធិ៍សាត់ | ថូ សុភារត្ន័ | Sony a7c 70-200mm f2.8

26/05/2026

ថ្ងៃទី២៦​ ខែឧសភា​ ឆ្នាំ២០២៦
ជាមួយកិច្ចសហការរបស់ស្នងការនគរបាលខេត្ត រដ្ឋបាលក្រុងពោធិ៍សាត់ មន្ទីរសុខាភិបាល មន្ទីរអធិការកិច្ច​ និងមន្ទីរទេសចរណ៍ទេសចរណ៍ខេត្ត បានធ្វើការចុះផ្សព្វផ្សាយ​៖
-ប្រកាសលេខ​ ១២៤ប្រក​ ស្តីពី​ការដាក់ឲ្យអនុវត្តគោលការណ៍ណែនាំ​ ស្តីពីការរៀបចំទីក្រុងទេសចរណ៍គ្មានផ្សែងបារី​ របស់ក្រសួងទេសចរណ៍​។
​ -អនុវត្តសេចក្តីជូនដំណឹងស្តីពី​ ការចុះផ្សព្វផ្សាយ​ និងបិទស្លាក​ "ហាមជក់បារី"​ តាមមូលដ្ឋានអាជីវកម្ម​ សេវាកម្មទេសចរណ៍ក្នុងក្រុងពោធិ៍សាត់​ ស្របតាមស្មារតីអង្គសិក្ខាសាលាពង្រឹងសមត្ថភាព​ ដេីម្បីរៀបចំក្រុងពោធិ៍សាត់​ ជាទីក្រុងទេសចរណ៍គ្មានផ្សែងបារី​ ក្រោមអធិបតី​ ឯកឧត្តម​ ហោ​ សារុន​ រដ្ឋលេខាធិការក្រសួងទេសចរណ៍​ តំណាងដ៏ខ្ពង់ខ្ពស់​ ឯកឧត្តម​ ហួត​ ហាក់ រដ្ឋមន្ត្រីក្រសួងទេសចរណ៍​ និងឯកឧត្តម​ អ៊ុយ​ សុធាវី​ អភិបាលរង​ នៃគណៈអភិបាលខេត្តពោធិ៍សាត់​ តំណាងដ៏ខ្ពង់ខ្ពស់​ ឯកឧត្តម​ ខូយ​ រីដា​ អភិបាល​ នៃគណៈអភិបាលខេត្តពោធិ៍សាត់​ កាលថ្ងៃទី១៨​ ខែមេសា​ ឆ្នាំ២០២៦​ នៅសណ្ឋាគារពោធិ៍សាត់រីវេីសាយ​។
​ -ផ្សព្វផ្សាយស្តីពីយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា(Online Scams) ដល់សេវាកម្មស្នាក់នៅ​។
​ -ជំរុញដល់មូលដ្ឋានអាជីវកម្ម​ សេវាកម្មទេសចរណ៍​ រៀបចំកន្លែងលាងសម្អាតដៃដេីម្បីកាត់បន្ថយជំងឺឆ្លងផ្សេងៗ។

#ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍
#ទេសចរណ៍រីកលូតលាស់ក្នុងសន្តិភាព
#បុគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់
#ទស្សនារដូវកាលបៃតងកម្ពុជា

26/05/2026

សេចក្តីណែនាំស្តីពី​ ការពង្រឹងសន្តិសុខសុវត្ថិភាព​តាមមូលដ្ឋានអាជីវកម្ម​ សេវាកម្មស្នាក់នៅទេសចរណ៍​

#ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍
#ទេសចរណ៍រីកលូតលាស់ក្នុងសន្តិភាព
#បុគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់
#ទស្សនារដូវកាលបៃតងកម្ពុជា