កំណាព្យក្នុងចិត្តអ្នក

កំណាព្យក្នុងចិត្តអ្នក Contact information, map and directions, contact form, opening hours, services, ratings, photos, videos and announcements from កំណាព្យក្នុងចិត្តអ្នក, Phnom Penh.

03/06/2021

រនោច​ថ្ងៃ​ត្រង់​

ឈាម​ស្រស់​ហូរស្រោច​ ស្នាដៃ​អសោច​ រនោច​ខ្លោចផ្សា​
រាស្ត្រ​រស់​បង់ពន្ធ​ ទម្ងន់​អាជ្ញា​ រង្វាន់​រាជការ​
ជូន​គ្រាប់​សំណ​ ។

បញ្ញវន្ត​ចូលស្នូក​ កាសែត​គរគោក​ ទៅ​ដាំ​ដេីមគ
សេក​ជេីងជាប់ខ្សែ​ ចាំតែ​បន្ទរ​ ទន្សាយ​មេភរ
បោក​យាយ​សុី​ចេក​ ។
០៣​ មិថុនា​ ២០២១
ស៊ូ​ ខេមរិន្ទ​ កវីនិពន្ធ​ខ្មែរ

យប់​នេះ​អាន​កំណាព្យ​អង់គ្លេស@កំណាព្យ​ក្នុងចិត្ត​អ្នក
13/08/2019

យប់​នេះ​អាន​កំណាព្យ​អង់គ្លេស

@កំណាព្យ​ក្នុងចិត្ត​អ្នក

#បងលាស្នេហា... បង​គ្មាន​ដុល្លារ​ជីវ៉ា​ជ្រើស​គេបង​គ្មាន​អ្វី​ទេ​សម​អូន​មិន​ស្នេហ៍គ្រួសារ​អូន​មាន​មិន​សម​បង​ដែរទោះ​ស្មោះ​...
11/08/2019

#បងលាស្នេហា...

បង​គ្មាន​ដុល្លារ​ជីវ៉ា​ជ្រើស​គេ
បង​គ្មាន​អ្វី​ទេ​សម​អូន​មិន​ស្នេហ៍
គ្រួសារ​អូន​មាន​មិន​សម​បង​ដែរ
ទោះ​ស្មោះ​បាន​តែ​ពាក្យ​ដៀល​ផ្ដាសា​។

ទៅ​ចុះ​ត្រាណត្រើយ​បង​សូម​សាទរ
លើក​ដៃ​ជូនពរ​ឱ្យ​អូន​សុខា
កុំ​ឱ្យទុក្ខ​សោកដូច​បង​ឡើយ​ណា
បង​លា​ស្នេហា​ លា​ឆ្ងាយ​អូន​ហើយ។

@កំណាព្យ​ក្នុង​ចិត្ត​អ្នក

#អូនបានសុខហើយ... អូនបាន​សុខ​ហើយ​បង​សែន​សប្បាយបាន​ដឹង​ឆោមឆាយ​រីករាយ​នឹង​គេបែក​បង​ជា​កម្ម​មិន​មែន​គូរ​ទេជូនពរ​មាសមេ​សុខសា...
10/08/2019

#អូនបានសុខហើយ...

អូនបាន​សុខ​ហើយ​បង​សែន​សប្បាយ
បាន​ដឹង​ឆោមឆាយ​រីករាយ​នឹង​គេ
បែក​បង​ជា​កម្ម​មិន​មែន​គូរ​ទេ
ជូនពរ​មាសមេ​សុខសាន្ត​រៀង​អើយ។

បង​សូម​រស់​ឆ្ងាយ​លែង​ហ៊ាន​ប្រាថ្នា
ពេល​ដែល​ដឹង​ថា​អូន​ស្មគ្រ​គេ​ហើយ
បន្ត​ទៀត​ចុះ​ណា​ស្រស់​ត្រាណត្រើយ
គេ​ក្បែរ​កៀក​កើយ​កុំ​គិត​ដល់​បង​។

@កំណាព្យ​ក្នុងចិត្ត​អ្នក

#សូមបានសុខចុះ... បង​ផ្ញើ​បេះដូង​លើ​ទ្រូងសម្ងាត់អូន​ចេញ​ទៅ​បាត់​ស្ងាត់​គ្មាន​ដំណឹងមិន​យល់​ហេតុ​អ្វី​ស្រី​ធ្វើ​បែប​ហ្នឹងប...
08/08/2019

#សូមបានសុខចុះ...

បង​ផ្ញើ​បេះដូង​លើ​ទ្រូងសម្ងាត់
អូន​ចេញ​ទៅ​បាត់​ស្ងាត់​គ្មាន​ដំណឹង
មិន​យល់​ហេតុ​អ្វី​ស្រី​ធ្វើ​បែប​ហ្នឹង
ប្រសិន​អូន​ខឹង​ម្ដេច​មិន​វាចា។

ស៊ើប​ដឹង​ការពិត​វរមិត្រ​មាន​គេ
ទើប​ជ្រួល​ចិត្ត​រេ​ប្រែ​ផ្លាស់​សាវ៉ា
សម្ដែង​ស្មោះ​សរ​តាម​ពិត​ឫស្យា
ក្បត់​ផិត​សង្សារ​ហ៊ឺហា​នឹង​គេ។

សូម​បាន​សុខ​ចុះ​បើ​អស់​និស្ស័យ
កុំ​នឹក​អាល័យ​កើត​ក្ដី​ងាករេ
ទោះ​បង​ឈឺ​ខ្លាំង​វា​មិន​អី​ទេ
សំខាន់​មាសមេ​អូន​មាន​ក្ដី​សុខ។

@កំណាព្យ​ក្នុង​ចិត្ត​អ្នក

#កលល្បិច... កំណាព្យ​កាកី​ផ្ញើ​ទៅ​ស្រី​ម្នាក់ដែល​ធ្លាប់​ជឿជាក់​ថា​ជា​មនុស្ស​ល្អតែ​ធាតុ​ពិត​នាង​អប្រិយ​ដល់​កយក​ចិត្ត​ស្មោ...
06/08/2019

#កលល្បិច...

កំណាព្យ​កាកី​ផ្ញើ​ទៅ​ស្រី​ម្នាក់
ដែល​ធ្លាប់​ជឿជាក់​ថា​ជា​មនុស្ស​ល្អ
តែ​ធាតុ​ពិត​នាង​អប្រិយ​ដល់​ក
យក​ចិត្ត​ស្មោះ​សរ​គេ​ទៅ​ជាន់​ឈ្លី។

ល្បិច​កល​មាន​ស្នៀត​ឆ្លៀត​ធ្វើ​មិន​ដឹង
ធ្វើ​ល្ងង់​អ៊ីចឹង​ហេតុ​អ្វី​នារី
មើល​សម្បក​ក្រៅ​សក្តិ​សម​សោភី
តែ​ស្នេហ៍​វក់វី​ចែក​ប្រុស​ច្រើន​គ្នា។

ម្ដេច​ក៏​ចិត្ត​ស្រី​អប្រិយ​ទុរយស
ឱ្យ​ប្រុស​រងគ្រោះ​ឱប​ក្ដី​វេទនា
បើ​ចង់​ជ្រើស​គេ​ប្រាប់​ត្រង់​នឹង​គ្នា
កុំ​ប្រើ​មាយា​មាន​ល្បិច​ដូច​នេះ។

@កំណាព្យ​ក្នុងចិត្ត​អ្នក

#ពិសពុល​មនុស្ស​ល្ងង់​អាច​ពន្យល់​ ឬ​ប្រាប់​ផ្លូវ​បាន​ តែ​បើ​មនុស្ស​ដែល​ធ្វើ​ល្ងង់​ ហើយ​លាក់​បាំង​ដោយ​ល្បិច​ពុល​ នោះ​អ្នក...
06/08/2019

#ពិសពុល​

មនុស្ស​ល្ងង់​អាច​ពន្យល់​ ឬ​ប្រាប់​ផ្លូវ​បាន​ តែ​បើ​មនុស្ស​ដែល​ធ្វើ​ល្ងង់​ ហើយ​លាក់​បាំង​ដោយ​ល្បិច​ពុល​ នោះ​អ្នក​នឹង​ក្លាយ​ជា​ជា​ជន​រងគ្រោះ។ មេរៀន​ជីវិត​មាន​ច្រើន​ណាស់​ តែ​មេរៀន​ខ្លះ​វា​នឹង​ធ្វើ​ឱ្យ​អ្នក​ឈឺចាប់​ពេញ​មួយ​ជីវិត​រាល់​ពេល​ដែល​នឹក​ឃើញ។

អ្នក​ពិស​ពុល​ពេក​ហើយ​ ដែល​បោក​ប្រាស់​ការ​ទុក​ចិត្ត​របស់​ខ្ញុំ។ ខ្ញុំ​តែង​ស្រឡាញ់​ និង​ឱ្យ​តម្លៃ​អ្នក​គ្មាន​លក្ខខណ្ឌ​ តែ​អ្នក​បែរ​ជា​យក​វា​ទៅ​ជាន់​ឈ្លី។ គេ​ល្អ​ប៉ុនណា​ ទើប​ធ្វើ​ឱ្យ​អ្នក​ផ្លាស់​ប្តូរ​ចិត្ត​លឿន​ម្ល៉េះ? ខ្ញុំ​ត្រឹម​ជា​អ្នក​ដទៃ​ ត្រឹម​ជា​មនុស្សល្ងង់​ខ្លៅ​ម្នាក់​ ដែល​មើល​មិន​ដឹង​សូម្បី​តែ​ការ​បោកប្រាស់​របស់​អ្នក។

អរគុណ​មេរៀន​ជីវិត​ដ៏​ឈឺចាប់​មួយ​នេះ​ ខ្ញុំ​គួរ​តែ​ឆ្លាត​ជាង​នេះ!

@កំណាព្យ​ក្នុងចិត្ត​អ្នក

Address

Phnom Penh

Telephone

+85592238935

Website

Alerts

Be the first to know and let us send you an email when កំណាព្យក្នុងចិត្តអ្នក posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to កំណាព្យក្នុងចិត្តអ្នក:

Shortcuts

Share