សាលាអនុគណខណ្ឌកំបូល

04/06/2026

កាលពីរសៀល ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី៣ ខែមិថុនា ឆ្នាំ២០២៦ ។
ភិក្ខុ ស្រ៊ាម សេងហុង តំណាង ព្រះឥន្ទមុនី សុំ សុខា ព្រះគ្រូអនុគណខណ្ឌកំបូល
បាននាំថវិកា របស់ព្រះចៅអធិការទាំង១៨វត្ត នៃសាលាអនុគណខណ្ឌកំបូល សម្រាប់ចូលរួម មូលនិធិជួយទ្រទ្រង់មន្ទីរពេទ្យគន្ធបុប្ផា ក្នុងយុទ្ធនាការ ១នាក់១មុឺនរៀល និងមូលនិធិជួយកងទ័ព តាមរយៈគណៈសង្ឃនាយក ទៅប្រគេនសម្តេចព្រះមង្គលមុនីរង្សី ហ៊ូ ឈីវនាថ ព្រះប្រធានលេខាធិការដ្ឋានគណៈសង្ឃនាយក និងជាព្រះបាឡាត់គណរាជធានីភ្នំពេញ។
សូមអនុមោទនា ។

03/06/2026

#ញត្តិគាំទ្រ
​ សាលាអនុគណខណ្ឌកំបូល សូមសម្តែងនូវការគាំទ្រយ៉ាងពេញទំហឹងចំពោះចំណាត់ការ របស់រាជរដ្ឋាភិបាលកម្ពុជា ក្នុងការផ្ញើលិខិតជូនដំណឹងជាផ្លូវការទៅភាគីថៃ និងអគ្គលេខាធិការអង្គការ សហប្រជាជាតិ ដើម្បីចាប់ផ្តើមដំណើរការយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិ ស្តីពីនីតិសមុទ្រ (UNCLOS) បន្ទាប់ពីការដកខ្លួនរបស់ភាគីថៃពីអនុស្សរណៈយោគយល់គ្នាឆ្នាំ២០០១ ដែលជា មូលដ្ឋានគតិយុត្តិតែមួយគត់សម្រាប់ការចរចាទ្វេភាគីស្វែងរកដំណោះស្រាយដោយសន្តិវិធី លើការទាមទារដែន សមុទ្រត្រួតស៊ីគ្នា រវាងប្រទេសទាំងពីរ។

31/05/2026

តបតាមការនិមន្តរបស់ព្រះតេជគុណ ហួយ ហ្សុង ប្រធានក្រុមប្រឹក្សាព្រះពុទ្ធសាសនាពិភពលោក និងជា ប្រធានពុទ្ធិកសមាគម នៃប្រទេសឥណ្ឌូណេសុី ព្រះឥន្ទមុនី សុំ សុខា ព្រះប្រធានពុទ្ធិកសមាគមកម្ពុជរដ្ឋ និងសហការី និមន្តចូលរួមពិធីប្រកាស វិសាខបូជាអន្តរជាតិ និងផ្សាយនូវសុខសន្តិភាព ដល់មនុស្សជាតិ ក្នុងសកលលោក។
រៀបចំដោយ ៖ ក្រុមប្រឹក្សាព្រះពុទ្ធសាសនាពិភពលោក និងពុទ្ធិកសមាគម នៃប្រទេសឥណ្ឌូណេសុី
នៅទីក្រុងហ្សាកាតា ប្រទេសឥណ្ឌូណេសុី បានបញ្ចប់ដោយបរិបូរណ៍។
Global Vesak Celebration 2570 B.E(31/5/2026)
Global Vesak Day Peace Message Ceremony.
ទីក្រុង ហ្សាកាតា ប្រទេសឥណ្ឌូណេសុី ។
ថ្ងៃអាទិត្យ ១៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី៣១ ខែឧសភា ឆ្នាំ២០២៦

30/05/2026

ព្រះឥន្ទមុនី សុំ សុខា ព្រះវិន័យធររាជធានីភ្នំពេញ ព្រះអនុគណខណ្ឌកំបូល និងជា ព្រះប្រធានពុទ្ធិកសមាគមកម្ពុជរដ្ឋ ។
និមន្ត ចូលរួមថ្លែងសារអំពីគុណតម្លៃ នៃ វិសាខបូជាអន្តរជាតិ និងផ្សាយនូវសុខសន្តិភាព ដល់មនុស្សជាតិ ក្នុងសកលលោក។
នៅទីក្រុងហ្សាកាតា ប្រទេសឥណ្ឌូណេសុី ។
Global Vesak Celebration 2570 B.E.
Global Vesak Day Peace Message Ceremony.
Venue: Buddhist Building Indonesia - Cultural Auditorium.
Vihara Mahavira Graha Pusat
Jakarta, Indonesia.

ថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី៣០ ខែឧសភា ឆ្នាំ២០២៦

28/05/2026

ព្រះមន្ត្រីសង្ឃវត្តអង្គបឹងចក តំណាងព្រះបញ្ញារតនាញាណ រាជ តុល ព្រះរាជាគណៈថ្នាក់កិត្តិយស គណៈមហានិកាយ នៃព្រះរាជាណាចក្រកម្ពុជា ជំនួយការសាលាអនុគណខណ្ឌកំបូល ព្រះចៅអធិការវត្តអង្គបឹងចក បាននិមន្តចូលរួមកម្មវិធី អប់រំសីលធម៌ តាមបែបព្រះពុទ្ធសាសនា ដល់សិស្សានុសិស្ស នៃសាលាបឋមសិក្សាអង្គបឹងចក ។

រៀបចំដោយ ៖ លោកគ្រូនាយក លោកគ្រូ អ្នកគ្រូ នៃសាលាបឋមសិក្សាអង្គបឹងចក។

ប្រារព្ធធ្វើ ៖ បរិវេណសាលាបឋមសិក្សាអង្គបឹងចក ។
_________________________

ថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែឧសភា ឆ្នាំ២០២៦

27/05/2026

ព្រះសីលទេព​ អុឹម​ សែន​ ព្រះសមុហ៍អនុគណខណ្ឌកំបូល​ តំណាងដ៏ខ្ពង់ខ្ពស់ព្រះឥន្ទមុនី​ សុំ​ សុខា​ ព្រះវិន័យធរគណរាជធានីភ្នំពេញ​ និងជាព្រះគ្រូអនុគណខណ្ឌកំបូល​ បាននិមន្តចូលរួមកិច្ចប្រជុំស្តីពី​ ការចូលរួមជួយទ្រទ្រង់មូលនិធិគន្ធបុប្ផាកម្ពុជាក្នុងយុទ្ឋនាការ”១មុឺនរៀល​ ១មុឺននាក់”
# ក្រោមព្រះអធិបតីភាពដ៏ខ្ពង់ខ្ពស់សម្តេចព្រះពុទ្ធជ័យមុនី​ ឃឹម​ សន​ សម្តេចព្រះសង្ឃនាយករងទី៣​ និងជាសម្តេចព្រះមេគណរាជធានីភ្នំពេញ
ថ្ងៃពុធ​ ១១កេីត​ ខែជេស្ឋ​ ឆ្នាំមមី​ អដ្ឋស័ក​ ព.ស.​ ២៥៧០​
ត្រូវនឹងថ្ងៃទី២៧​ ខែឧសភា​ ឆ្នាំ២០២៦
======================

25/05/2026

20/05/2026

ព្រះឥន្ទមុនី សុំ សុខា ព្រះរាជាគណៈថ្នាក់ចត្វា ឧត្តមទីប្រឹក្សាគណៈសង្ឃនាយក សមាជិកលេខាធិការដ្ឋានគណៈសង្ឃនាយក នៃព្រះរាជាណាចក្រកម្ពុជា ព្រះវិន័យធរគណរាជធានីភ្នំពេញ ព្រះគ្រូអនុគណខណ្ឌកំបូល ព្រះចៅអធិការវត្តភ្នៀតសិម្ពលី និងជា ព្រះប្រធានពុទ្ធិកសមាគមកម្ពុជរដ្ឋ ។
បានបេីកកិច្ចប្រជុំប្រចាំខែ​តាមរយ:​ Zoom Meeting
ស្តីពីការគ្រប់គ្រងវត្តអារាម និងការងារព្រះពុទ្ធសាសនា ក្នុងខណ្ឌកំបូល ។
ថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី២០ ខែឧសភា ឆ្នាំ២០២៦

12/05/2026

ព្រះវិន័យសំវរ​ រិន​ សុផុន​ ឥន្ទប្បញ្ញោ​ ព្រះចៅអធិការវត្តធម្មវិបស្សនារាម(តាភេម)​ សង្កាត់​កំបូល​ ខណ្ឌ​កំបូល​ រាជធានីភ្នំពេញ​។
━━━━━━━━ ༻❀༺ ━━━━━━━━
និមន្តដឹកនាំគណៈកម្មការ និងអាចារ្យវត្ត ចុះសួរសុខទុក្ខផ្ទាល់ដល់លំនៅឋាន ឧបាសក យឹម ស៊ន ដែលជាសមាជិកគណៈកម្មការវត្តធម្មវិបស្សនារាម កំពុងមានអាពាធ (ជំងឺ) សម្រាកព្យាបាលនៅផ្ទះ​។

ក្នុង​ឱកាសនេះ​ ព្រះបិតា​បានសម្តែងនូវព្រះទ័យអាណិតស្រឡាញ់ និងការយកចិត្តទុកដាក់ខ្ពស់ចំពោះពុទ្ធបរិស័ទដែលធ្លាប់បានបូជាកម្លាំងកាយចិត្តក្នុងការបម្រើព្រះពុទ្ធសាសនាកន្លងមក។

សូមបុណ្យកុសលជួយទ្រទ្រង់ដល់ឧបាសក ឱ្យឆាប់បានជាសះស្បើយពីរោគាព្យាធិ មានសុខភាពល្អបរិបូរណ៍ កម្លាំងមាំមួន និងមានជន្មាយុយឺនយូរវែង។
សូមអនុមោទនា!

ថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែឧសភា ឆ្នាំ២០២៦

12/05/2026

ព្រះឥន្ទមុនី សុំ​ សុខា​ ព្រះឥន្ទមុនី សុំ សុខា ព្រះរាជាគណៈថ្នាក់ចត្វា ឧត្តមទីប្រឹក្សាគណៈសង្ឃនាយក សមាជិកលេខាធិការដ្ឋានគណៈសង្ឃនាយក នៃព្រះរាជាណាចក្រកម្ពុជា ព្រះវិន័យធរគណរាជធានីភ្នំពេញ ព្រះគ្រូអនុគណខណ្ឌកំបូល ព្រះចៅអធិការវត្តភ្នៀតសិម្ពលី និងជា ព្រះប្រធានពុទ្ធិកសមាគមកម្ពុជរដ្ឋ ។
បានចាត់តាំង ព្រះភិក្ខុ ថាល់ វណ្ណារ៉ូ និង ឧបាសក ជាសុគន្ធី
សមាជិក គណៈកម្មការ វត្តភ្នៀតសិម្ពលី
បាននាំយកទេយ្យទានរួមមាន៖
-អង្ករ៥០គីឡូក្រាម
-ទឹកបរិសុទ្ធ ១កេស
-ភេសជ្ជៈ ១កេស
-បច្ច័យចំនួន ១០ ម៉ឺនរៀល
-ស្លាដក ចំនួន៥ ប្រដាប់
-បន្លុង ១ ប្រដាប់
ចូលរួម​ចែករំលែកទុក្ខ​ ក្នុងពិធីបុណ្យ​សព​ លោកស្រី ជុំ ឃ្លី
ភូមិចុងថ្នល់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ។
សូមឧទ្ទិសបុណ្យកុសល​ ជូនចំពោះ​ បដិសន្ធិវិញាណ​ របស់​ លោកស្រី ជុំ ឃ្លី សូុមបាន​ទៅកាន់សុគតិភព​ កុំបីឃ្លៀង
ឃ្លាតឡេីយ​ ។
ថ្ថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ព.ស. ២៥៧០
ត្រូវនឹងថ្ងៃទី១២ ខែឧសភា ឆ្នាំ២០២៦