P VUTHY KH

P VUTHY KH ផុសផ្នត់គំនិត​ ភាពជោគជ័យ​ គោលដៅ​ ព្យាយាម​

#យោងតាមការសិក្សាបង្ហាញថា_អ្នកពាក់អាវខ្មៅ_គឺជាមនុស្សឆ្លាតវៃ_ស្មោះត្រង់_ទាក់ទាញ_និងមានទំនុកចិត្ត ពីខ្ញុំ​ 𝑃 𝑉𝑈𝑇𝐻𝑌 𝐾𝐻_...
24/07/2020

#យោងតាមការសិក្សាបង្ហាញថា_អ្នកពាក់អាវខ្មៅ_គឺជាមនុស្សឆ្លាតវៃ_ស្មោះត្រង់_ទាក់ទាញ_និងមានទំនុកចិត្ត
ពីខ្ញុំ​ 𝑃 𝑉𝑈𝑇𝐻𝑌 𝐾𝐻_____::

តោះអាន! #គួរធ្វើយ៉ាងណាកុំឲ្យអ្នកបាក់ទឹកចិត្ត ?មានរូបមានទុក្ខ ជារឿងដែលមនុស្សគ្រប់រូបនៅលើលោកនេះជៀសមិនផុត។ ជីវិត...
24/07/2020

តោះអាន! #គួរធ្វើយ៉ាងណាកុំឲ្យអ្នកបាក់ទឹកចិត្ត ?
មានរូបមានទុក្ខ ជារឿងដែលមនុស្សគ្រប់រូបនៅលើលោកនេះជៀសមិនផុត។ ជីវិតគឺជាទុក្ខការរស់នៅ​ប្រចាំថ្ងៃ រមែងជួបបញ្ហា មិនថាបញ្ហាតូច ឬធំនោះទេ។ យ៉ាងណាមិញ អ្នកត្រូវតែដោះស្រាយបញ្ហាទាំង​អស់នោះ ជួប​រឿងមួយ ដោះរឿងមួយ ទើបមិនធ្វើឲ្យជីវិតអ្នកស្មុគស្មាញហើយឈានទៅដល់ការបាក់ទឹកចិត្តបាន ។

កើតមកជាមនុស្ស មានបញ្ហាជាច្រើនដែលអាចឲ្យអ្នកមានសម្ពាធ ហើយឈានទៅដល់ការ​បាក់ទឹកចិត្ត។ ប៉ុន្តែ អ្នកត្រូវរៀបចំផ្លូវចិត្តរបស់អ្នកឲ្យរឹងមាំ ត្រៀមខ្លួនទទួលយករឿងដែលអាចកើត​ឡើងក្នុងជីវិតរបស់អ្នក ជាពិសេសត្រូវរៀនទទួលស្គាល់ការពិត ស្គាល់ឲ្យច្បាស់ពីចំណុចខ្លាំង​ និងចំណុចខ្សោយរបស់ខ្លួនឯង ។

កត្តាសំខាន់មួយទៀត គឺការធ្វើខ្លួនអ្នកឲ្យរីករាយ ហើយផ្តល់កម្លាំងចិត្តដល់ខ្លួនឯង រៀនញញឹមពេញ​ចិត្តនូវអ្វីដែលខ្លួនមាន រៀនត្រេកអរ ជាមួយសេចក្តីសុខរបស់អ្នកដទៃ រៀនគិតវិជ្ជមាន និងមានភាព​សុទិដ្ឋិនិយម វាសុទ្ធសឹងតែជាថ្នាំយ៉ាងមានប្រសិទ្ធភាព ដែលនាំឲ្យអ្នកជៀសឆ្ងាយពីការបាក់ទឹកចិត្ត ៕
​ ពីខ្ញុំ​ 𝑃 𝑉𝑈𝑇𝐻𝑌 𝐾𝐻_______

យើងគ្មានម៉ាស៊ីនគិតលុយ ដែលអាចគណនាតម្លៃមនុស្សធម៌នោះទេ ។គ្មានការខាតបង់ទ្រព្យសម្បត្តិណា ព្រោះតែការដាក់ទាននោះឡើយ ។ គ្មានអំពើល...
23/07/2020

យើងគ្មានម៉ាស៊ីនគិតលុយ ដែលអាចគណនាតម្លៃមនុស្សធម៌នោះទេ ។
គ្មានការខាតបង់ទ្រព្យសម្បត្តិណា ព្រោះតែការដាក់ទាននោះឡើយ ។

គ្មានអំពើល្អណា ដែលមិនមានការតបស្នងនោះទេ ។
បើគ្មានអ្នកមើលឃើញ យ៉ាងហោចណាស់ ក៏ទទួលបានការរីករាយក្នុងចិត្តដែរ ។
ពីខ្ញុំ​ P VUTHY KH______

បើយើងសង្កេតមើលសង្គមសព្វថ្ងៃហាក់ដូចជាត្រូវបានពុលជាមួយរឿងរ៉ាវបីយ៉ាង៖កុមារ៖ ហាក់ញៀនជាមួយស្មាតហ្វូន ហ្គាម រហូតមិននិយាយស្តី ភ...
13/07/2020

បើយើងសង្កេតមើលសង្គមសព្វថ្ងៃហាក់ដូចជាត្រូវបានពុលជាមួយរឿងរ៉ាវបីយ៉ាង៖

កុមារ៖ ហាក់ញៀនជាមួយស្មាតហ្វូន ហ្គាម រហូតមិននិយាយស្តី ភ្លេចបាយភ្លេចទឹក បើមិនឱ្យគឺយំ ដើម្បីឱ្យឈប់យំទាល់តែបានលេងទូរស័ព្ទ ជាឧទាហរណ៍។ ម្យ៉ាងទៀត ពួកគាត់អាចទទួលឥទ្ធិពលអវិជ្ជមានមួយចំនួនពីវា ជាពិសេសសុខភាព។ វ័យដែលត្រូវស្រឡាញ់ការសិក្សា បែរជាញៀនជាមួយស្មាតហ្វូនទៅវិញ។ តើទំពាំងនេះ អាចក្លាយជាឬស្សីល្អបានទេ?

វ័យជំទង៖ វ័យត្រូវក្រេបចំណេះវិជ្ជា បទពិសោធន៍ល្អៗស្ទើតែ៨០% ដើម្បីត្រៀមខ្លួនជាឬស្សីដ៏រឹងមាំសម្រាប់ប្រទេសជាតិ តែបែរជាត្រូវបានពុល រឿងសប្បាយច្រៀងរាំ ផឹកស៊ី និងញៀនហ្គេមយ៉ាងផុសផលស្ទើគ្រប់កន្លែងទាំងអស់ និងមិនសូវផុសផលរៀនសូត្រដូចច្រៀងរាំ ផឹកស៊ីសោះ។ តើធនធានដ៏មុតស្រួច និងក្លាយជាអ្នកដឹកនាំខ្លាំងពូកែ សម្រាប់ជាតិកើតឡើងយ៉ាងម៉េចទៅ?

មនុស្សចាស់៖ ត្រូវបានគេបំពុលលេងឆ្នោត និងល្បែងភ្នាល់ផ្សេងៗ។ តើក្មេងៗជំនាន់ក្រោយនឹងទទួលបទពិសោធន៍ដឹកនាំជីវិត និងប្រទេសជាតិដ៏ល្អ និងជាក់ស្តែងដូចម្តេច បើម្នាក់ៗអង្គុយចាំស្តាប់តែ ប៉ុសិ៍ A និង Bដូច្នោះ? ចាំថាវ័យនេះជាវ័យត្រូវផ្ទេរចំណេះដឹង បទពិសោធន៍មួយជីវិតរបស់គាត់សម្រាប់យុវជនជំនាន់ក្រោយ ដើម្បីជាប្រទីបបំភ្លឺផ្លូវក្នុងការដឹកនាំជីវិត និងប្រទេសជាតិ។
បញ្ជាក់៖ មិនមានបំណងបន្ទោសនរណាម្នាក់ និងលើកជើងខាងណាឡើយ គ្រាន់តែបញ្ចេញទស្សន:មួយជ្រុងរបស់ខ្ញុំ។ សត្រូវរបស់ខ្ញុំពេលនេះគឺ ភាពអវិជ្ជា និងភាពក្រីក្រ។

រួមគ្នាគិត និងធ្វើទាំងអស់គ្នា ដើម្បីជាតិយើងមួយនេះ!
​ ពីខ្ញុំ​ 𝑃 𝑉𝑈𝑇𝐻𝑌 𝐾𝐻........

តោះអាន​👏 ្នកមានដេកតិចជាង_៨ម៉ោង_អ្នកក្រដេកលើសពី_៨ម៉ោង_នេះជារឿងពិត១០0%​ Steve Harveyគឺជាពិធីករ ជាអ្នកគ្រប់គ្រង និងផលិ...
10/07/2020

តោះអាន​👏
្នកមានដេកតិចជាង_៨ម៉ោង_អ្នកក្រដេកលើសពី_៨ម៉ោង_នេះជារឿងពិត១០0%

​ Steve Harveyគឺជាពិធីករ ជាអ្នកគ្រប់គ្រង និងផលិតទូរទស្សន៍ ជាវាគ្មិនលើកទឹកចិត្ត អ្នកនិយាយសាធារណៈ និងជាតារាកំប្លែងផ្នែងខាងលេងពាក្យសម្តី ថែមទាំងជាអ្នកនិពន្ធ ដ៏ល្បីល្បាញម្នាក់ក្នុងសហរដ្ឋអាមេរិក ។ មិនតែប៉ុណ្ណោះតារាល្បីល្បាញរូបនេះ ក៏ជាអ្នកជំនួញដ៏មានឥទ្ធពល និងមានទ្រព្យស្តុកស្តម្ភម្នាក់ផងដែរ ក្នុងពិភពអ្នកជំនួញអាមេរិក។ លោកធ្លាប់បានក្លាយជាបុរសដែលមានប្រជាប្រិយភាពកំពូលលើសគេ ជាប់លេខ ១លើទស្សានាវដ្តី Magazine’s Man ប្រចាំឆ្នាំ ២០១៣ ផងដែរ ។
លោក Steve Harveyបានកើតនៅថ្ងៃទី ១៧ ខែមករា ឆ្នាំ ១៩៥៧ ក្នុងរដ្ឋWest Virginia សហរដ្ឋអាមេរិក ។ លោកបានក្លាយជាតារាកំប្លែងផ្នែងខាងលេងពាក្យសម្តី ថែមទាំងជាអ្នកនិពន្ធ ដ៏ល្បីល្បាញម្នាក់ក្នុងសហរដ្ឋអាមេរិកដោយសារតែលោកជាបុគ្គលម្នាក់អត់ធ្មត់ខ្លាំងទៅលើការផ្លាស់ប្តូរទម្លាប់របស់ខ្លួន ។

​ ភាគច្រើននៅពេលដែលបុរសម្នាក់នេះគាត់ឡើងនិយាយចែករំលែកបទពិសោធន៍ ជោគជ័យក្នុងជីវិតរបស់គាត់ម្តងៗ គាត់តែងតែនិយាយពីទម្លាប់អាក្រក់របស់គាត់ពីមុនៗ ដោយសារតែពីមុនគាត់គឺជាអ្នកក្រ ហើយមានទម្លាប់ខ្ចិល និងទម្លាប់អាក្រក់ច្រើន។
លោកមានថ្ងៃនេះ ហើយអាចរីកចម្រើនដូចពេលនេះគឺដោយសារតែលោកកែទម្លាប់អាក្រក់របស់ខ្លួនចេញ ។ ជាក់ស្តែងលោកធ្លាប់បានលើកឡើងថាពីមុនកាលលោកនៅក្រ គ្មានលុយចាយគ្រប់គ្រាន់ ហើយលោកដេកច្រើនណាស់ក្នុងមួយថ្ងៃៗ ពោលគឺដេកច្រើន ធ្វើការតិច ។ ពេលនោះជីវិតលោកមិនដែលនឹកស្មានថាមានថ្ងៃក្លាយជាបុគ្គលល្បី និងមានទ្រព្យច្រើនដូចថ្ងៃនេះឡើយ ។

​ ប៉ុន្តែមិនយូរប៉ុន្មានលោកបានកែទម្លាប់ដេកច្រើន មកដេកតិចវិញ ដោយសារតែមិត្តរបស់លោកម្នាក់ បានស្តីបន្ទោសលោកថា (អ្នកមានដេកតិចជាង ៨ម៉ោង អ្នកក្រដេកលើសពី ៨ម៉ោង) ។ លោកក៏បានយកពេលពីមុនលោកចំណាយទៅលើការដេកយកទៅធ្វើអ្វីផ្សេងដែលមានប្រយោជន៍ មានដូចជារៀនជំនាញ និងធ្វើការងារបន្ថែមជាដើម។ ដោយសារការផ្លាស់ប្តូរទម្លាប់នេះហើយ លោកក៏បានផ្លាស់ប្តូរជីវិត ក្លាយជាពិធីករ ។
ពេលលោកក្លាយជាពិធីករ លោកបានជួបជាមួយអ្នកមានៗ មហាសេដ្ឋីកំពូលៗជាច្រើនហើយលោកក៏បានសួរពួកគេបញ្ជាក់បន្ថែមថា (អ្នកមានដេកតិចជាង ៨ម៉ោង អ្នកក្រដេកលើសពី ៨ម៉ោង ន) វាជាការពិតដែរឬ ទេ? ។

​ គ្រប់បុគ្គលដែលលោក Steve Harvey បានសួរ សំនួរនេះ ពួកគេសុទ្ធសឹងតែឆ្លើយស្រដៀងៗគ្នាថា ពួកគេមិនបានដេកលើសពី ៨ម៉ោងក្នុង ១ថ្ងៃឡើយ ។ ព្រោះអ្នកមានកំពូល និងមហាសេដ្ឋី សុទ្ធសឹងតែមានក្រុមហ៊ុនធំៗ ជំនួញធំៗ និងការងារច្រើនមុខដែលពួកគេត្រូវទទួលខុសត្រូវដូច្នេះពួកគេគ្មានពេលដេកច្រើនដូចយើងអ្នកក្រឡើយ។ ហើយមិនមែនពួកគេក្លាយជាអ្នកមានហើយបានពួកគេដេកតិចនោះទេ គឺពួកគេដេកតិចមុនទើបពួកគេក្លាយជាអ្នកមានតាមក្រោយ ៕
​ ពីខ្ញុំ​ 𝑃 𝑉𝑈𝑇𝐻𝑌 𝐾𝐻.....

តោះអាន​💪😍 #ការប្រជែងគឺជាល្បែងដែលរកអ្នកចាញ់អ្នកឈ្នះមិនឃើញឡើយ បើយើងជាមនុស្សដែលខ្លាំងរឹងមាំហើយនោះ វាអស់អ្វីដែលជាបញ្...
09/07/2020

តោះអាន​💪😍
#ការប្រជែងគឺជាល្បែងដែលរកអ្នកចាញ់អ្នកឈ្នះមិនឃើញឡើយ
បើយើងជាមនុស្សដែលខ្លាំងរឹងមាំហើយនោះ វាអស់អ្វីដែលជាបញ្ហាទៀតហើយ។ យើងអាចប្រកួតប្រជែងជាមួយអ្នកដទៃបានដោយសមត្ថភាព ព្រោះយ៉ាងហោចណាស់វាក៏បានធ្វើឱ្យយើងកាន់តែមានភាពស្វាហាប់ និងរីកចម្រើនផងដែរ។

ប៉ុន្តែប្រសិនបើការប្រកួតនោះធ្វើឱ្យអ្នកឈឺចាប់ និងកើតមានសេចក្តីទុក្ខ តើយើងនៅល្ងង់ខំប្រឹងប្រជែងទៀតធ្វើអ្វី? យើងគួរតែឆ្លៀតរកពេលវេលា និងទីកន្លែងណាមួយសមប្រកបដើម្បីសម្ងំសុខទៅប្រសើរជាជាង ព្រោះថាក្តីប្រាថ្នារបស់ជីវិតយើងមិនមែនឈ្នះចាញ់ឯណា គឺសេចក្តីស្ងប់ទេតើ!។

ការប្រជែង គឺជាល្បែងមួយដែលរកអ្នកឈ្នះ ឬ អ្នកចាញ់មិនឃើញនោះឡើយ។ ដរាបណាយើងដាក់ចិត្តនៅតែលេង គឺនៅតែជួបរឿងចាញ់ឈ្នះមិនលែងនោះទេ។ នេះហើយគឺជាហេតុដែលនាំឱ្យយើងមិនមានសេចក្តីសុខ ព្រោះតែលទ្ធផលមិនស្ថិតស្ថេរ ម្តងយើង ម្តងគេ ម្តងចាញ់ ម្តងឈ្នះ បែបនេះ៕
ពីខ្ញុំ​ 𝑃 𝑉𝑈𝑇𝐻𝑌 𝐾𝐻......

#រៀនគ្រប់គ្រងចិត្តកុំឱ្យមានភាពចង់បានច្រើនហួសហេតុ មនុស្សកើតមកក្នុងលោកនេះ មានការគិតពិចារណា ដឹងថាអ្វីអាក្រក់ អ្វីល្អ (មានវ...
08/07/2020

#រៀនគ្រប់គ្រងចិត្តកុំឱ្យមានភាពចង់បានច្រើនហួសហេតុ
មនុស្សកើតមកក្នុងលោកនេះ មានការគិតពិចារណា ដឹងថាអ្វីអាក្រក់ អ្វីល្អ (មានវិចារណញ្ញាណ)។ ប៉ុន្តែក៏មានមនុស្សមួយចំនួនមិនទាន់ស្គាល់ពីខ្លួនឯងថាជានរណា សូម្បីតែអ្វីដែលចង់ធ្វើក៏មិនដឹងថាត្រឹមត្រូវ ឬមិនត្រឹមត្រូវនោះដែរ ដោយសារតែមិនបានរៀនសិក្សាពីចិត្តខ្លួនថាចង់បានអ្វីឲ្យពិតប្រាកដ ។

បើយើងចង់យកឈ្នះចិត្តចង់បាន យើងគួរស្គាល់ថាខ្លួនយើងជានរណា មកពីណា អ្វីដែលយើងប្រថ្នាចង់បាននោះតើនៅចំណុចណា មានប្រយោជន៍ដល់យើងដែរឬទេ ។
ដូច្នេះហើយ យើងគួររៀនស្គាល់ពីខ្លួនឯងជានរណា រម្ងាប់ចិត្តដែលចង់បានហួសហេតុ ដែលធ្វើឲ្យខ្លួនយើងផ្ទាល់មិនអាចគ្រប់គ្រងចិត្តខ្លួនឯងបាន កុំមានការស្រមើលស្រមៃច្រើនពីរឿងដែលមិនអាចទៅរួច គិតអ្វីៗដែលល្អសម្រាប់ចិត្តខ្លួនឯងជាការប្រសើរ នោះហើយយើងអាចកាត់បន្ថយភាពចង់បាន ៕
ពីខ្ញុំ​ P​ VUTHY​ KH​.....

តោះអាន​ .សម្រង់ទស្សនៈទាំង ២០ របស់ឆាវឆាវ....១. អ្នកមិនអាចវាយតម្លៃសៀវភៅមួយក្បាលត្រឹមតែក្របខាងក្រៅរបស់វាបានឡើយ។២. មហិច្ឆតា...
06/07/2020

តោះអាន​ .សម្រង់ទស្សនៈទាំង ២០ របស់ឆាវឆាវ....

១. អ្នកមិនអាចវាយតម្លៃសៀវភៅមួយក្បាលត្រឹមតែក្របខាងក្រៅរបស់វាបានឡើយ។

២. មហិច្ឆតារបស់ខ្ញុំ គ្មាននរណាអាចបញ្ឈប់បាននោះទេ។

៣. ខ្ញុំនៅតែជាខ្ញុំ ហើយខ្ញុំមិនដែលខ្លាចអ្នកដទៃវិនិច្ឆ័យខ្ញុំខុសនោះឡើយ។

៤. ខ្ញុំសុខចិត្តក្បត់ពិភពលោក ក៏មិនឲ្យពិភពលោកក្បត់ខ្ញុំដែរ។

៥. របស់ទ្រព្យប្រើឲ្យអស់តម្លៃ រីឯមនុស្សប្រើឲ្យអស់ពីសមត្ថភាព។

៦. វីរៈបុរសតែមួយគត់នៅក្នុងលោកនេះ នោះគឺរូបអ្នកនិងខ្ញុំ…!

៧. បរាជ័យមានអ្វីគួរឲ្យខ្លាច តែអ្វីដែលគួរឲ្យខ្លាចនោះ គឺចិត្តបរាជ័យ។

៨. អ្នកមានសមត្ថភាព គឺសំខាន់ជាងអ្វីទាំងអស់។

៩. អ្នកពុំអាចធ្វើការធំដោយគ្មានប្រាក់បាននោះទេ ប៉ុន្តែក៏មិនអាចពឹងផ្អែកទៅលើប្រាក់ទាំងស្រុងដែរ។

១០. តាំងពីដើមមក មនុស្សដែលខ្ញុំទុកចិត្តទើបខ្ញុំប្រើ បើសង្ស័យគឺមិនប្រើនោះទេ។

១១. កើតក្នុងសម័យសង្រ្គាមជារឿងអកុសលមែន តែបើអាចកែប្រែសង្គា្រមទៅជាសន្តិភាព នោះជាសំណាងមួយក្នុងរឿងអកុសលទាំងឡាយ។

១២. ការងឿងឆ្ងល់ច្រើនធ្វើឲ្យមនុស្សជោគជ័យ ប៉ុន្តែបរាជ័យក៏មកពីការងឿងឆ្ងល់ច្រើននេះដែរ។

១៣. នៅសម័យសង្រ្គាមមានតែអ្នកខ្លាំងប៉ុណ្ណោះដែលមានសិទ្ធិនិយាយពីគុណធម៌ ចំណែកអ្នកទន់ខ្សោយត្រូវបានបំបិទចោល។

១៤. ចេះខ្មាសគេទើបល្អ ចេះខ្មាសគេទើបក្លាហាន។

១៥. បើវាគង់តែបាត់បង់គួរតែបាត់បង់ទៅដោយមានតម្លៃ។

១៦. បើច្បាប់មិនប្រើចំពោះអ្នកមានអំណាច តើចែងច្បាប់មកធ្វើអ្វី?

១៧. ផឹកស្រាច្រៀងរាំមួយជីវិតមនុស្សមានប៉ុន្មានដង។

១៨. មន្ត្រីឆ្លាតបម្រើម្ចាស់ល្ងង់ ជារឿងមួយគួរឲ្យសោកសង្រេងបំផុតក្នុងលោក។

១៩. អាក្រក់ដូចល្អ, ពុតត្បុតដូចស្មោះត្រង់, គុណធម៌និងចិត្តអាក្រក់មិនអាចមើលតែសម្បកក្រៅបានទេ។

២០. មូលហេតុដែលបាតជើងនិងបាតដៃមនុស្សសជាងមុខ ពីព្រោះវាចេះតែលាក់មុខរហូត។
​ ពីខ្ញុំ​ P​ VUTHY​ KH​....
​ ជួយLike​ និង​Share​ផង​ បាទ....

ស្រមៃឱ្យធំ ទើបអាចសម្រេចកិច្ចការធំៗ និងមានជំនួញវាល់លានក្នុងដៃ៖៙​ មនុស្សគំនិតតូច គិតតូច គ្មានមហិច្ឆតា មិនអាចសម្រេច ឬធ្វើកិ...
04/07/2020

ស្រមៃឱ្យធំ ទើបអាចសម្រេចកិច្ចការធំៗ និងមានជំនួញវាល់លានក្នុងដៃ៖
៙​ មនុស្សគំនិតតូច គិតតូច គ្មានមហិច្ឆតា មិនអាចសម្រេច ឬធ្វើកិច្ចការធំៗបានឡើយ ហើយជីវិតក៏មិនអាចបានធំដុះដាល មានទ្រព្យមហាសាលដែរ តែបើអ្នកចេះគិត មានគំនិត ចង់មានចង់បាន គិតឱ្យធំៗ នោះកិច្ចការងារ ឬការរកស៊ីក៏នឹងធំ រីកដុះដាលតាមហ្នឹងដែរ អ្វីៗ វានឹងកើតឡើងទៅតាមការគិតរបស់យើង។
៙​កុំខ្មាសអ្នកណាដែលយើងមានមហិច្ឆតាធំ មានបំណងចង់មានចង់បាន សំខាន់យើងមិនបម្លែងមហិច្ឆតាឱ្យក្លាយទៅជាការលោភលន់ បំពានទាំងអ្នកដទៃដែលនៅជុំវិញខ្លួន និងបំផ្លាញសេចក្ដីសុខខ្លួនឯង បាត់បង់ពេលវេលាឱ្យក្រុមគ្រួសារ ទៅបានហើយ។
៙​ មនុស្សមានមហិច្ឆតា ទើបមានការអភិវឌ្ឍទៅរកភាពល្អប្រសើរ និងមានបានទៅថ្ងៃមុខ តែបើគិតរាក់ៗ កិតអ្វីដែលសុញ សាំញាំដដែលៗ គ្មានអ្វីដែលអាចបានប្រសើរជាងហ្នឹងឡើយ។

តែកុំភ្លេចថា ការគិតធំ មានមហិច្ឆតាធំទាល់តែយើងមានការខំប្រឹងអនុវត្ត ធ្វើឱ្យសកម្មទើបអចសម្រេច និងដុះដាលបាន មិនមែនបានត្រឹមតែគិតស្រមៃ ចាក់ស្មុគអត់ប្រយោជន៍នោះទេ៕
ពីខ្ញុំ​ P​ VUTHY​ KH​ ....

#ទុកចិត្តខ្លាំងពេក១. ក្នុងជីវភាពប្រចាំថ្ងៃ មានមនុស្សជាច្រើនឆ្លងកាត់ជីវិតយើង និងមនុស្សខ្លះចូលមកក្នុងជីវិតធ្វើឱ្យយើងមានទំ...
02/07/2020

#ទុកចិត្តខ្លាំងពេក

១. ក្នុងជីវភាពប្រចាំថ្ងៃ មានមនុស្សជាច្រើនឆ្លងកាត់ជីវិតយើង និងមនុស្សខ្លះចូលមកក្នុងជីវិតធ្វើឱ្យយើងមានទំនុកចិត្តយ៉ាងខ្លាំង។ ពេលខ្លះ ហេតុតែទុកចិត្តពេក ដល់ថ្នាក់ហ៊ានឱ្យដឹងរឿងឯកជនភាព រឿងរ៉ាវស្ទើរសព្វគ្រប់បែបយ៉ាង ប៉ុន្តែចុងក្រោយស្ទើរក្អួតឈាមដោយសារមនុស្សទាំងនោះបកមកខាំយើងវិញ យ៉ាងគឃ្លើន។

២.ពេលខ្លះ ទុកចិត្តមិត្តភក្តិពួកម៉ាកខ្លាំងពេក រហូតដល់មិត្តភក្តិខ្លះហ៊ានបោកប្រាស់ បោកបញ្ឆោត ក្រឡុកកូរបង្វិលខួរ ព្រមទាំងហ៊ានក្បត់យើងដោយគ្មានគិតពីមនោសញ្ចេតនារាប់អានគ្នាជាយូរមកហើយ។

៣.ចំណែកខ្លះទៀត ទុកចិត្តសង្សារគូកំណាន់ខ្លាំងពេក ធ្វើឱ្យមោហ៍បាំងលែងខ្វល់ ហ៊ានលះបង់សព្វគ្រប់បែបយ៉ាង លែងយល់អ្វីខុសត្រូវ រហូតធ្វើឱ្យមនុស្សទាំងនោះបោកប្រាស់ អស់ខ្លួនប្រាណ ទ្រព្យសម្បត្តិ ធ្វើឱ្យមានការសោកស្តាយជាពន់ពេក។

៤.អ្វីៗក៏ដោយ មិនមែនមានន័យថាមិនឱ្យទុកចិត្តនោះទេ ប៉ុន្តែកុំឱ្យមានពាក្យថា «ពេក»។ព្រោះអ្វីមិនទៀងនោះទេ មនុស្សអាចកែប្រែ ផ្លាស់ប្តូរគ្រប់កាលៈទេសៈ ដូច្នេះមានតែរៀនសង្កេតមនុស្ស ត្រៀមសតិ ត្រៀមចិត្ត និងទុកចិត្តខ្លួនឯងទើបជាការប្រសើរ។
ពីខ្ញុំ​ P​ VUTHY​ KH​ ....

តោះអាន​! ! ! .....“ជីវិត គឺជាការរៀនពីកំហុស” តើអ្នកធ្លាប់បានឮឃ្លានេះប៉ុន្មានដងមកហើយ? តើវាពិតដែរឬទេ? ប្រាកដណាស់ តែគួរឲ្យស្...
25/06/2020

តោះអាន​! ! ! .....
“ជីវិត គឺជាការរៀនពីកំហុស” តើអ្នកធ្លាប់បានឮឃ្លានេះប៉ុន្មានដងមកហើយ? តើវាពិតដែរឬទេ? ប្រាកដណាស់ តែគួរឲ្យស្ដាយមនុស្សមួយចំនួនប្រើប្រាស់ពេលវេលាស្ទើរតែពេញមួយឆាកជីវិតរបស់ពួកគេទៅហើយបង្កើតកំហុសដដែលៗ រួចពួកគេចាប់ផ្ដើមយកឃ្លាខាងលើមកដោះសារ។ ខាងក្រោមនេះគឺជាមេរៀនជីវិតដ៏សំខាន់ទាំង៣ដែលអ្នកគួរចងចាំជាប់ក្នុងចិត្ត៖
១) ជីវិតរបស់អ្នកមានពេលខ្លីណាស់៖ អ្នកប្រហែលជាភ្លេចហើយមើលទៅ ព្រោះថាអ្នកចូលចិត្តរង់ចាំនេះ រង់ចាំនោះ រង់ចាំស្ទើរតែពេញមួយជីវិតរបស់អ្នកទៅហើយ។ ប្រសិនបើអ្នកចង់ធ្វើអ្វីមួយ អ្នកគួរតែចាប់ផ្ដើមវាឲ្យបានលឿនបំផុត ចាប់ផ្ដើមពីអ្វីដែលអ្នក មិនមែនរង់ចាំទាល់តែអ្នកមានអ្វីមួយ ទើបអ្នកចង់សម្រេចគោលបំណងនោះទេ។ ធ្វើវានៅពេលនេះ ទាន់អ្នកនូវមានឱកាស។
២) រ៉ាប់រងជីវិតរបស់ខ្លួនឯង៖ ២០ឆ្នាំទៅមុខទៀត ជីវិតរបស់អ្នកនឹងទៅជាបែបណាសុទ្ធតែមកពីអ្នកទាំងអស់ អ្នកមានចំណែកដ៏ធំជាងគេក្នុងជីវិតរបស់អ្នក ដូចនេះសូមកុំព្យាយាមបន្ទោសអ្នកដទៃ។ បើអ្នកចង់ជោគជ័យ អ្នកត្រូវតែគិតពិចារណា ហើយចាប់ផ្ដើមអ្វីមួយដែលអ្នកគិតថាអាចនឹងទទួលបានជោគជ័យ។ មានតែអ្នកទេ ដែលមានសិទ្ធិចង្អុលបង្ហាញឲ្យជីវិតរបស់អ្នកទៅជាយ៉ាងណាបាន។
៣) ឲ្យតម្លៃមនុស្សជុំវិញខ្លួន ក៏ដូចជាខ្លួនឯង៖ តើវាមានតម្លៃអ្វីទៅប្រសិនបើអ្នកខំរៀន ឬខំធ្វើការរហូតដល់ភ្លេចមនុស្សជាទីស្រលាញ់របស់ខ្លួន ឬភ្លេចសូម្បីតែខ្លួនឯង? ដូចនេះ មិនថាអ្នកប្រឹងប្រែងយ៉ាងណានោះទេ អ្នកមិនគួរមើលរំលងមនុស្សដែលនៅជុំវិញខ្លួនឡើយ តែបើអ្នកធ្វើមិនបាននោះទេ ចុងក្រោយអ្នកនឹងស្ដាយអស់មួយជីវិត ព្រោះថាពេលវេលាមិនអាចដើរថយក្រោយបាននោះទេ៕
​ ពីខ្ញុំ​ P​ VUTHY​ KH​.....

តោះៗៗ​អាន! ! ! មានកណ្ដុរ១បានអួតប្រាប់មិត្តភក្ដិថា "ខ្ញុំអាចប្រយុទ្ធជាមួយតោបាន" ទើបហ្វូងកណ្ដុរនាំកណ្ដុរនោះទៅរកតោក្នុងព្រៃ...
25/06/2020

តោះៗៗ​អាន! ! !
មានកណ្ដុរ១បានអួតប្រាប់មិត្តភក្ដិថា "ខ្ញុំអាចប្រយុទ្ធជាមួយតោបាន" ទើបហ្វូងកណ្ដុរនាំកណ្ដុរនោះទៅរកតោក្នុងព្រៃ។ ពេលជួបតោ កណ្ដុរក៏ស្រែកថា "នែ! តោហ៊ានប្រយុទ្ធជាមួយខ្ញុំទេ?" តោឮដូច្នេះក៏ដើរចេញទៅ រួចកណ្ដុរក៏សួរទៀតថា "ខ្លាចខ្ញុំឫ?" តោតបវិញថា "ពិតមែនហើយ"។ បន្ទាប់មកតោក៏បន្តដំណើរទៅមុខ ដោយមិនងាកក្រោយឡើយ។ គ្រានោះបណ្ដាសត្វទាំងឡាយដែលបានឃើញហេតុការណ៍នោះ បានសួរតោថា "ហេតុអ្វីបានជាមិនហ៊ានប្រយុទ្ធជាមួយកណ្ដុរ?" តោក៏បានឆ្លើយយ៉ាងសុភាពថា "បើខ្ញុំប្រយុទ្ធជាមួយកណ្ដុរ នោះកណ្ដុរនឹងទទួលកិត្តិយសដែលបានប្រគួតជាមួយរាជសីហ៍ដូចជាខ្ញុំ ចំណែកខ្ញុំវិញនឹងត្រូវអាប់ឱនកិត្តិយសព្រោះតែធ្វើបាបកណ្ដុរតូចតាច"។
ពេលខ្លះក្នុងឋានៈអ្នកជាអ្នកដឹកនាំ អ្នកគួរតែគេចចេញពីរឿងទាំងឡាយណាដែលមិនសមនឹងតម្លៃរបស់អ្នក ព្រោះថាបើនៅតតាំង ទោះឈ្នះក៏គ្មានកិត្តិយសអ្វីដែរ។

ប្រភព៖ ហ្វេកប៊ុក
​ ពីខ្ញុំ​ P​ VUTHY​ KH

Address

Phnom Penh

Website

Alerts

Be the first to know and let us send you an email when P VUTHY KH posts news and promotions. Your email address will not be used for any other purpose, and you can unsubscribe at any time.

Shortcuts

Share