Khov Chhay

01/06/2026

ការបកស្រាយរបស់ខ្ញុំគ្រាន់តែពន្យល់ពីករណីហេតុអីការបូកពិន្ទុរបស់ចៅក្រមមួយរូប ឃើញស្មើគ្នា៩៧ទល់៩៧។
តែខ្ញុំមិនបានកាត់សេចក្តី ឬគាំទ្រការកាត់សេចក្តីការប្រកួតរបស់ បឺត សង្ឃឹម និង ធន់ស៊ីហុង ថាខាងណាឈ្នះឬចាញ់នោះឡើយ។ ការកាត់សេចក្តីគឺជាឆន្ទានុសិទ្ធិរបស់ចៅក្រម ដែលជាអ្នកជំនាញ ខ្ញុំមិនលូកលាន់លើការងារជំនាញឡើយ។
ក្នុងករណីនេះ បើសិនជាភាគីម្ខាងទៀត មិនអស់ចិត្តនឹងលទ្ធផលកាត់សេចក្តីរបស់ចៅក្រម អាចដាក់ពាក្យបណ្តឹងមកសហព័ន្ធ ដើម្បីពិនិត្យលើការប្រកួតឡើងវិញ។
យ៉ាងណាមិញ ចំពោះខ្ញុំ ឃើញថាគូនេះប្រកួតជក់ចិត្តណាស់ កីឡាករទាំង២សុទ្ធតែល្អដូចគ្នា បើមានការជួបគ្នាម្តងទៀតក្នុងលក្ខណៈដណ្តើមខ្សែក្រវាត់ណាមួយ គឺពិតជាទស្សនីយភាពដ៏ជក់ចិត្តមិនខាន ខ្ញុំគាំទ្រអោយមានជំនួបម្តងទៀត។
ចុងក្រោយ ខ្ញុំសូមគោរពអរគុណពុកម៉ែ បងប្អូនទាំងអស់ដែលតែងតែយកចិត្តទុកដាក់តាមដាន គាំទ្រ បញ្ចេញមតិយោបល់ ស្ថាបនាកែលម្អ ដល់វិស័យកីឡាអត្តសញ្ញាណជាតិ មរតកដូនតាមួយនេះ តាំងពីដើមរហូតមក។ 🙏🙏🙏

31/05/2026

ខ្ញុំសូមបកស្រាយពន្យល់ពីករណីដែលចៅក្រមបូកពិន្ទុចេញមកស្មើគ្នា៖

ការប្រកួតកីឡាប្រដាល់គុនខ្មែរ ចៅក្រមម្នាក់ៗត្រូវរកអោយឃើញលទ្ធផលឈ្នះឬចាញ់ក្នុងទឹកនីមួយៗ និងលទ្ធផលឈ្នះឬចាញ់សរុបទាំង3ឬ5ទឹករបស់កីឡាករម្នាក់ៗ មិនអាចផ្តល់លទ្ធផលស្មើបានទេ មានតែគណៈវិនិច្ឆ័យទេដែលអាចសម្រេចអោយលទ្ធផលស្មើបានក្នុងករណីប្រកួតមិត្តភាព។
ក្នុងករណីខ្លះការបូកពិន្ទុចៅក្រមអាចស្មើគ្នា ប៉ុន្តែលទ្ធផលមិនអាចស្មើគ្នាទេ ដូចជាករណីមាន "វាយអោយរាប់ ឬព្រមានកាត់ពិន្ទុ"។
ឧទាហរណ៖
ករណីប្រកួត5ទឹក
ទឹក1 ក្រហម 20 ខៀវ 19
ទឹក2 ក្រហម 20 ខៀវ 18 (រាប់ម្តង)
ទឹក3 ក្រហម 19 ខៀវ 20
ទឹក4 ក្រហម 19 ខៀវ 20
ទឹក5 ក្រហម 19 ខៀវ 20
សរុបពិន្ទុ ក្រហម 97 ទល់ ខៀវ 97 (ស្មើពិន្ទុ)

បើទោះជាពិន្ទុស្មើគ្នា ប៉ុន្តែសរុបលទ្ធផលគឹ ក្រហមឈ្នះដោយមានអទិភាពវាយខៀវរាប់ ពាក្យសាមញ្ញគេហៅថា ឈ្នះ1រាប់ (អទិភាពអាចមានប្រៀបតែក្នុងករណីស្មើពិន្ទុ បើពិន្ទុលើស គេលែងគិតអទិភាពហើយ)។

30/05/2026

ថ្ងៃសុក្រ ទី២៩ ខែឧសភា ឆ្នាំ ២០២៦ ខេត្តកោះកុង

ខ្ញុំបាទ បានចូលរួមពិធីក្រុងពាលី ត្រៀមពិធីសម្ពោធដាក់អោយប្រើប្រាស់ជាផ្លូវការ ស្តូបអនុស្សាវរីយ៍នយោបាយឈ្នះ ឈ្នះ កោះកុង ក្រោមអធិបតីភាព សម្តេចពិជ័យសេនា ទៀ បាញ់ និងលោកជំទាវ។

30/05/2026

27/05/2026

អបអរសាទរ ពិធីសម្ពោធស្តូបអនុស្សាវរីយ៍នយោបាយឈ្នះ ឈ្នះ កោះកុង
កម្មវិធីប្រកួតកីឡាប្រដាល់គុនខ្មែរ
នៅថ្ងៃទី៣០ខែឧសភា ឆ្នាំ២០២៦ ចាប់ពីម៉ោង ១៨.០០តទៅ នៅស្តូបអនុស្សាវរីយ៍នយោបាយឈ្នះ ឈ្នះ កោះកុង ។
ដោយ​មាន​ការ​ផ្សាយផ្ទាល់លេីកញ្ចក់ទូរទស្សន៍​ BTV News និងគេហ:ទំព័រសហព័ន្ធ​កីឡា​ប្រដាល់គុន​ខ្មែរ​ និង​ផេក​ ដៃគូ​អភិវឌ្ឍន៍​ផ្សេង​ៗទៀត​ ។

#សហព័ន្ធកីឡាប្រដាល់គុនខ្មែរ #អ្នកគាំទ្រកីឡាប្រដាល់គុនខ្មែរ #ខេត្តកោះកុង

21/05/2026

21/05/2026

20/05/2026

18/05/2026

ប្រទេសកម្ពុជាជាប់លេខ១ ជាប្រទេសដែលមានបរិស្ថានធម្មជាតិដ៏ល្អបំផុតនៅលើពិភពលោក

ប្រទេសកម្ពុជា ត្រូវបានចាត់ថ្នាក់ជា ប្រទេសដែលមានបរិស្ថានធម្មជាតិល្អលេខ១ នៅលើពិភពលោក នៅឆ្នាំ២០២៦ ក្នុងការស្ទង់មតិ និងចំណាត់ថ្នាក់សកល ដោយ U.S. News & World Report។ របាយការណ៍ខាងលើនេះ បានវាយតម្លៃ លើកិច្ចខិតខំប្រឹងប្រែងរបស់កម្ពុជា ដែលបានថែរក្សាតុល្យភាពយ៉ាងល្អរវាងការអភិវឌ្ឍ និងការការពារបរិស្ថាន ក្នុងនោះមានគ្រប់គ្រងបរិស្ថាបានល្អ ផ្តល់ខ្យល់អាកាសល្អ ការគ្រប់គ្រងធនធានធម្មជាតិ និងការអភិរក្សជីវចម្រុះ ប្រកបដោយនិរន្តភាព។

ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានរដ្ឋមន្ត្រីក្រសួងបរិស្ថាន បានមានប្រសាសន៍ថា ជាកិត្តិយសណាស់ចំពោះភាពជោគជ័យនេះ របស់ប្រជាជននិងប្រទេសកម្ពុជា លើវិស័យបរិស្ថាននិងធនធានធម្មជាតិ នៅលើឆាកអន្តរជាតិ។ ឯកឧត្តមរដ្ឋមន្រ្តីបន្ថែមថា ប្រទេសកម្ពុជាត្រូវបានចាត់ថ្នាក់ជាប្រទេសដែលមានបរិស្ថានធម្មជាតិ ដ៏ល្អជាងគេបំផុតនៅលើពិភពលោក បានឆ្លុះបញ្ចាំងពីកត្តាស្នូល ដែលបានដឹកនាំការពារ និងរៀបចំគ្រឹះវិស័យបរិស្ថានបានយ៉ាងល្អប្រសើរ របស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី ប្រធានព្រឹទ្ធសភា និងជាអតីតនាយករដ្ឋមន្រ្តី នៃព្រះរាជាណាចក្រកម្ពុជា។

សមិទ្ធផលការងារ និងកិត្យានុភាពទាំងនេះ គឺជាកេរមរតកដ៏មានតម្លៃ ដែលបន្តវេនមកដល់រាជរដ្ឋាភិបាល អាណត្តិទី៧ ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបាននិងកំពុងបន្តអនុវត្ត «យុទ្ធសាស្ត្របញ្ចកោណ» ដំណាក់កាលទី១ ដែលជានិច្ចកាលតែងតែផ្តល់ការគាំទ្រ ដឹកនាំ និងតម្រង់ទិសដ៏ខ្ពង់ខ្ពស់ ក្នុងការជំរុញកិច្ចការពារបរិស្ថាន និងការអភិវឌ្ឍប្រកបដោយចីរភាពនៅកម្ពុជា និងបានបង្កើតបានសមិទ្ធផលថ្មីៗ លើវិស័យបរិស្ថាននិងធនធានធម្មជាតិ ឱ្យទទួលបានជោគជ័យបន្តទៀត។

ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន

"យុទ្ធសាស្ត្រចក្រាមានសសរស្ដំបី ភាពស្អាត ភាពបៃតង និងចីរភាព។ ភាពស្អាតមានសសរស្ដំបីដែរ នោះគឺភាពស្អាតក្នុងខ្លួន ភាពស្អាតក្រៅខ្លួននៅក្នុងប្រទេសកម្ពុជា និងភាពស្អាតលើឆាកអន្តរជាតិ។ នៅពេលនេះភាពស្អាតទាំបីកំពុងលេចចេញជារូបរាងហើយ។ លទ្ធផលនេះជាស្នាដៃនៃកិច្ចប្រឹងប្រែងការពារ និងការថែរក្សាបរិស្ថានធម្មជាតិកម្ពុជារបស់សម្តេចអគ្គមហាសេនាបតីតេជោ និងបន្តដោយសម្តេចមហាបវរធិតី ហ៊ុន ម៉ាណែត ។" មានប្រសាសន៍លើកឡើងបន្ថែម ឯកឧត្តមបណ្ឌិត អ៊ាង សុផល្លែត។

សូមបញ្ជាក់ថា យោងតាមរបាយការណ៍សិក្សាស្រាវជ្រាវរបស់ U.S. News & World Report និងបានផ្សាព្វផ្សាយតាមគេហទំព័រ SEA Infographics បានបង្ហាញថាកម្ពុជាជាប្រទេសដែលមាន បរិស្ថានធម្មជាតិ ដ៏ល្អជាងគេបំផុតនៅលើពិភពលោក និងដូចគ្នាដែរ ប្រទេសកម្ពុជាត្រូវបានចាត់ថ្នាក់ជាប្រទេសដែលមានបរិស្ថានធម្មជាតិ ដ៏ល្អជាងគេបំផុតនៅក្នុងក្នុងតំបន់អាស៊ីអាគ្នេយ៍ផងដែរ។

ប្រទេសកម្ពូជា មានការគ្រប់គ្រងតំបន់ការពារធម្មជាតិរហូតដល់៧៣តំបន់ និងមានផ្ទៃដីជាង ៧លានហិកតា (ប្រមាណ ៤១% នៃផ្ទៃដីប្រទេស) ដែលជាកត្តាធ្វើឱ្យព្រៃឈើ ត្រូវបានការពារនិងអភិរក្សដោយការពង្រឹងការអនុវត្តច្បាប់តឹងរឹង សម្រប់ទីជម្រកសត្វព្រៃ និងជីវៈចម្រុះ។

ក្រសួងបរិស្ថាន បានខិតខំប្រឹងប្រែងសហការជាមួយក្រសួង ស្ថាប័នពាក់ព័ន្ធ សមត្ថកិច្ចគ្រប់ប្រភេទ រដ្ឋបាលថ្នាក់ក្រោមជាតិ និងអាជ្ញាធឬមូលដ្ឋានគ្រប់លំដាប់ថ្នាក់ រួមទាំងសហគមន៍តំបន់ការពារធម្មជាតិ និងដៃគូសហការជាតិ និងអន្តរជាតិ រួមគ្នាដើម្បីវិស័យបរិស្ថាននិងធនធានធម្មជាតិនៅកម្ពុជា ត្រូវបានធានាដើម្បីការរស់នៅប្រកបដោយចីរភាពស្របតាមគោលនយោបាយនិងយុទ្ធសាស្រ្តរបស់រាជរដ្ឋាភិបាល ក្នុងនោះតាមរយៈការពង្រឹង និងពង្រីកបន្ថែម ការអនុវត្ត «យុទ្ធសាស្ត្រចក្រាវិស័យបរិស្ថាន» ដែលផ្តោតលើភាពស្អាត ភាពបៃតង និងចីរភាព។

ជាមួយគ្នានេះ កម្ពុជាបាននិងកំពុងជំរុញការដាំស្តារព្រៃឈើ ក្នុងនោះក្រសួងបរិស្ថានបានជំរុញសកម្មភាពបណ្តុះ និងចែកកូនឈើជូនប្រជាពលរដ្ឋដាំ យ៉ាងតិចចំនួន១លានដើម ដែលមិនត្រឹមតែស្តារព្រៃឈើ និងបង្កើនគម្របបៃតងប៉ុណ្ណោះទេ ប៉ុន្តែថែមទាំងជួយកសាងភាពធន់ទៅនឹងការប្រែប្រួលអាកាសធាតុ និងបង្កើនសេដ្ឋកិច្ចសហគមន៍ ព្រមទាំងឆ្លើយតបនឹងគោលដៅកម្ពុជា ជាប្រទេសអព្យាក្រឹតកាបូន នៅឆ្នាំ២០៥០៕