វិទ្យាស្ថានពហុបច្ចេកទេសខេត្តកំពង់ស្ពឺ

22/06/2026

#វិទ្យាស្ថានពហុបច្ចេកទេសខេត្តកំពង់ស្ពឺ
សូម​ស្វាគមន៍​ អង្គការ​ពន្លឺ​សម្រាប់​ប្រជាជាតិ​(Light For All Organization) ក្នុងការ​ចូលរួម​សកម្មភាព​បណ្តុះបណ្តាល​ជំនាញ​បច្ចេកទេស

16/06/2026

16/06/2026

អបអរសាទរទិវាជាតិអប់រំបណ្ដុះបណ្ដាលបច្ចេកទេសនិងវិជ្ជាជីវៈ លើកទី៩
ក្រោមប្រធានបទ «TVET ផ្ដល់ជំនាញការងារ និងប្រាក់ចំណូល»
កម្មវិធីកិច្ចពិភាក្សាស្តីពី«ការចូលរួមចំណែកពី
វិស័យឯកជនលើមាគ៌ាការងារសម្រាប់កម្លាំងពលកម្មជំនាញបញ្ជាក់ដោយយន្តការការទទួលស្គាល់ជំនាញដែលមានពីមុន(RPL)»

🤝 វិស័យឯកជន និង TVET៖ រួមកម្លាំងគ្នាបើកផ្លូវអនាគត និងផ្តល់តម្លៃដល់បទពិសោធន៍ពិត តាមរយៈយន្តការវាយតម្លៃផ្អែកលើសមត្ថភាពការទទួលស្គាល់ជំនាញឬការសិក្សាដែលមានពីមុន(RPL) 🚀
វិស័យឯកជន គឺជាក្បាលម៉ាស៊ីនមិនអាចខ្វះបាន ក្នុងការជំរុញមាគ៌ាអាជីពរបស់កម្លាំងពលកម្មកម្ពុជា។ តាមរយៈយន្តការការទទួលស្គាល់ជំនាញដែលមានពីមុន(RPL) បងប្អូនកម្មករនិយោជិត និងបងប្អូនអតីតពលករខ្មែរមកពីប្រទេសថៃ ដែលមានចំណេះដឹង និងជំនាញការងារជាក់ស្តែងរាប់ឆ្នាំ ប៉ុន្តែគ្មានសញ្ញាបត្រ ឥឡូវនេះអាចទទួលបានការវាយតម្លៃដើម្បីប្រែក្លាយបទពិសោធការងារនិងចំណេះជំនាញជាក់ស្តែងទៅជាលិខិតទទួលស្គាល់ជំនាញផ្លូវការដែលបងប្អូនអាចយកទៅប្រើប្រាស់បានក្នុងការទទួលបានឱកាសការងារនិងប្រាក់ចំណូលខ្ពស់ជាងមុន
🏗 ការចូលរួមរបស់វិស័យឯកជននាំមកនូវ៖
🎯 ការកំណត់ស្តង់ដារ៖ ធានាថាការវាយតម្លៃស្របតាមតម្រូវការទីផ្សារការងារជាក់ស្តែង។
💼 ឱកាសរីកចម្រើន៖ ជួយឱ្យបុគ្គលិកទទួលបានការដំឡើងតួនាទី ប្រាក់ខែ និងមាគ៌ាការងារច្បាស់លាស់។
📈 ភាពប្រកួតប្រជែង៖ បង្កើនផលិតភាពការងារ និងភាពរឹងមាំសម្រាប់អាជីវកម្មផ្ទាល់។
✨ ការគាំទ្ររបស់វិស័យឯកជនក្នុងយន្តការការទទួលស្គាល់ជំនាញដែលមានពីមុន(RPL) គឺជានិរន្តរភាពនៃការអភិវឌ្ឍធនធានមនុស្សនៅកម្ពុជា៕

15/06/2026

អបអរសាទរទិវាជាតិអប់រំបណ្ដុះបណ្ដាលបច្ចេកទេសនិងវិជ្ជាជីវៈ លើកទី៩
ក្រោមប្រធានបទ «TVET ផ្ដល់ជំនាញការងារ និងប្រាក់ចំណូល»

កម្មវិធីកិច្ចពិភាក្សាស្តីពី«TVET ផ្តល់ជំនាញ ការងារ និងប្រាក់ចំណូល» ផ្តោតទៅលើវិស័យយានយន្ត
🚗TVET ជំនាញពិត ជីវិតប្រសើរ! ជ្រើសរើសរៀនជំនាញយានយន្តជាមួយ TVET 🛠
យុគសម័យនេះ បច្ចេកវិទ្យាយានយន្តកំពុងដើរទៅមុខយ៉ាងលឿន! ប្រសិនបើអ្នកមានចំណូលចិត្តចំពោះគ្រឿងម៉ាស៊ីន ឡាន ឬម៉ូតូ កុំទុកឱ្យក្តីស្រមៃនៅត្រឹមការគិត។ មកចាប់យកជំនាញបច្ចេកទេស និងវិជ្ជាជីវៈ (TVET) ផ្នែកយានយន្ត ដើម្បីក្លាយជាអ្នកជំនាញពិតប្រាកដ។
🎯 រៀនលឿន៖ ផ្ដោតលើការអនុវត្តផ្ទាល់ ៨០%។
💼 ការងារស្រាប់៖ ទីផ្សារការងារត្រូវការអ្នកបច្ចេកទេសយានយន្តគ្រប់ពេល។
🚀 អនាគតវែងឆ្ងាយ៖ អាចធ្វើជាប្រធានជាង អ្នកគ្រប់គ្រងការ៉ាស់ ឬបើកអាជីវកម្មផ្ទាល់ខ្លួន។
💡 ឈប់បារម្ភពីរឿងអត់ការងារធ្វើ មកបង្កើតឱកាសដោយខ្លួនឯងជាមួយ TVET!

15/06/2026

អបអរសាទរ ទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ លើកទី៩ ក្រោមប្រធានបទ “ TVET ផ្តល់ជំនាញ ការងារ និងប្រាក់ចំណូល ” នៅវិទ្យាស្ថានពហុបច្ចេកទេសខេត្តកំពង់ស្ពឺ ក្រោមអធិបតីភាព ឯកឧត្ដមបណ្ឌិត ជាម ច័ន្ទសោភ័ណ អភិបាល នៃគណ:អភិបាលខេត្តកំពង់ស្ពឺ ដែលមានអ្នកចូលរួមប្រមាណ ២,១៣៥នាក់។