គណបក្សប្រជាជនកម្ពុជា ឃុំប្រាសាទ

15/08/2026

នាថ្ងៃអាទិត្យ ១១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែសីហា ឆ្នាំ២០២៦ លោក អេង សុភា ប្រធាននាយកដ្ឋានសេវាធនាគារ នៃធនាគារជាតិនៃកម្ពុជា បានដឹកនាំសមាជិកក្រុមការងារ ចុះសួរសុខទុក្ខ សំណេះសំណាល និងនាំយកប្រសាសន៍ផ្តាំផ្ញើសួរសុខទុក្ខ ព្រមទាំងអំណោយដ៏ថ្លៃថ្លារបស់លោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា ជូនដល់ប្រជាពលរដ្ឋដែលមានជីវភាពខ្វះខាត និងកំពុងជួបការលំបាក ចំនួន ៣គ្រួសារ ដែលរស់នៅក្នុងភូមិប្រាសាទ ភូមិបន្ទាយយោមរាជ និងភូមិត្នោតជុំ ឃុំប្រាសាទ​ ស្រុកសន្ទុក​ ខេត្តកំពង់ធំ។

អំណោយដែលបាននាំយកមកជូនរួមមាន គ្រឿងឧបភោគ បរិភោគ និងថវិកាមួយចំនួន ដើម្បីចូលរួមសម្រាលបន្ទុកជីវភាព និងការលំបាករបស់បងប្អូនប្រជាពលរដ្ឋ។ ក្នុងចំណោមគ្រួសារទាំង ៣ មាន ១គ្រួសារ ជាគ្រួសារស្ត្រីមេម៉ាយដែលកំពុងមានជំងឺធ្ងន់ធ្ងរ និងជាភរិយារបស់អតីតយោធិន។

16/07/2026

នាព្រឹកថ្ងៃអាទិត្យ ១៣ រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែកក្កដា ឆ្នាំ២០២៦ លោក ប៊ុន ពិសិដ្ឋ តំណាង ឯកឧត្តម គីមទី កោមលី អនុប្រធានទី១ ក្រុមការងារ ចុះមូលដ្ឋានឃុំប្រាសាទ បានដឹកនាំសមាជិកក្រុមការងារ ចុះជួបសួរសុខទុក្ខ និងនាំយកស័ង្កសីចំនួន ១០សន្លឹក ដែលជាអំណោយដ៏ថ្លៃថ្លារបស់លោកជំទាវបណ្ឌិត ជា សិរី អគ្គទេសាភិបាល ធនាគារជាតិនៃកម្ពុជា ជូនដល់អ្នកមីង សឿ ភឿន (ស្រី្តមេម៉ាយ) ដែលដំបូលផ្ទះមានសភាពចាស់ទ្រុឌទ្រោម នៅភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំ។

16/07/2026

នាថ្ងៃអាទិត្យ ១៣រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែកក្កដា ឆ្នាំ២០២៦ ឯកឧត្តម គីមទី កោមលី អគ្គនាយកប្រតិបត្តិការ បានដឹកនាំក្រុមការងារអគ្គនាយកដ្ឋានប្រតិបតិ្តការ ចូលរួមក្នុងពិធីដាំកូនឈើ ចំនួន ៣៥០ដើម នៅសាលាបឋមសិក្សាបន្ទាយយោមរាជ ដែលស្ថិតនៅក្នុងឃុំប្រាសាទ ស្រុកសន្ទុក ខេត្តកំពង់ធំ។ កម្មវិធីក៏មានការចូលរួមពីលោកអភិបាលរងស្រុកសន្ទុក សមាជិកក្រុមប្រឹក្សាឃុំប្រាសាទ ប្រជាពលរដ្ឋ លោកគ្រូអ្នកគ្រូ និងសិស្សានុសិស្សសរុបប្រមាណ២០០នាក់។

29/05/2026

នាព្រឹកថ្ងៃសៅរ៍ ៧កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦ នៅទីស្នាក់ការគណបក្សប្រជាជនកម្ពុជា ឃុំប្រាសាទ ស្រុកសន្ទុក ខេត្តកំពង់ធំ បានប្រារព្ធពិធីប្រកាសបញ្ចូលសមាជិកថ្មីគណបក្សប្រជាជនកម្ពុជា ចំនួន ២៥២ រូប មកពីឃុំប្រាសាទ ស្រុកសន្ទុក ខេត្តកំពង់ធំ ក្រោមអធិបតីភាព ឯកឧត្តម គីមទី កោមលី អនុប្រធានក្រុមការងារថ្នាក់កណ្តាលចុះមូលដ្ឋានស្រុកសន្ទុក និងជាអនុប្រធានទី១ ចុះមូលដ្ឋានឃុំប្រាសាទ និងលោកប្រធានគណ:កម្មាធិការគណបក្សស្រុកសន្ទុក និងសមាជិក-សមាជិកាបក្សស្រុកសន្ទុក ព្រមទាំងក្រុមការងារគណបក្សធនាគារជាតិចុះមូលដ្ឋានឃុំប្រាសាទ និងយុវជនធនាគារជាតិ សរុបទាំងអស់ ៣១០ រូប។

21/03/2026

ថ្ងៃសៅរ៍ ៣កើត ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២១ ខែមីនា ឆ្នាំ២០២៦ សមាជិកក្រុមការងារគណបក្សនៃនាយកដ្ឋានសេវាធនាគារ នៃធនាគារជាតិនៃកម្ពុជា ចុះមូលដ្ឋានឃុំប្រាសាទ បានចុះសួរសុខទុក្ខគ្រួសារ អ្នកស្រី ភៀង ណន ស្រ្តីមេម៉ាយមានជីវភាពខ្វះខាត ដែលធ្លាប់រងគ្រោះថ្នាក់ចរាចរធ្ងន់ធ្ងរ និងមានកូនស្រីម្នាក់ក្នុងបន្ទុក និងគ្រួសារដែលរងគ្រោះដោយភ្លើងឆេះផ្ទះចំនួន ៣គ្រួសារ កាលពីថ្ងៃទី៦ ខែមីនា ឆ្នាំ២០២៦ នៅភូមិស៊ីវុត្ថា ឃុំប្រាសាទ ស្រុកសន្ទុក ខេត្តកំពង់ធំ។

20/02/2026

19/01/2026

នាព្រឹកថ្ងៃអាទិត្យ ១៥ រោច ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៨ ខែមករា ឆ្នាំ២០២៦ លោក ប្រាក់ សុសេរីវុធ អនុប្រធាននាយកដ្ឋានសេវាធនាគារ នៃអគ្គនាយកដ្ឋានប្រតិបត្តិការ ធនាគារជាតិនៃកម្ពុជា និងជាសមាជិកក្រុមការងារធនាគារជាតិនៃកម្ពុជា ចុះមូលដ្ឋានឃុំប្រាសាទ ស្រុកសន្ទុក ខេត្តកំពង់ធំ បានចុះជួបសំណេះសំណាល សួរសុខទុក្ខ និងពាំនាំអំណោយមួយចំនួន ដល់សមាជិក-សមាជិកា គណបក្សឃុំ និងចូលរួមកិច្ចប្រជុំជីវភាពបូកសរុបប្រចាំខែធ្នូ ឆ្នាំ២០២៥ និងទិសដៅការងារខែមករា ឆ្នាំ២០២៦ របស់គណៈកម្មាធិការគណបក្សប្រជាជនកម្ពុជា ឃុំប្រាសាទ ដែលមានសមាជិក-សមាជិកាចូលរួមសរុបចំនួន ៣០ រូប។

07/01/2026

សាររបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ប្រធានគណបក្សប្រជាជនកម្ពុជា ក្នុងឱកាសរំឭកខួបទី៤៧ នៃទិវាជ័យជម្នះ ៧មករា

Message from Samdech Akka Moha Sena Padei Techo Hun Sen President of the Senate of the Kingdom of Cambodia, President of the Cambodian People’s Party On the Occasion of the 47th Anniversary of the 7 January Victory Day

22/12/2025

នាព្រឹកថ្ងៃសៅរ៍ ១កើត ខែបុស្ស ឆ្នាំម្សាញ់ សប្តស័ក ព.ស. ២៥៦៩ត្រូវនឹងថ្ងៃទី២០ ខែធ្នូ ឆ្នាំ២០២៥ លោក អេង សុភា ប្រធាននាយកដ្ឋានសេវាធនាគារ នៃអគ្គនាយកដ្ឋានប្រតិបត្តិការ ធនាគារជាតិនៃកម្ពុជា និងជាអនុប្រធានក្រុមការងារចុះមូលដ្ឋានឃុំប្រាសាទ និងសហការី តំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី អគ្គទេសាភិបាលធនាគារជាតិនៃកម្ពុជា បានអញ្ជើញចុះសួរសុខទុក្ខគ្រួសារកងទ័ពចំនួន ១១ គ្រួសារ និងគ្រួសារភៀសសឹកចំនួន៥៤គ្រួសារ ដោយបាននាំយកគ្រឿងឧបភោគនិងបរិភោគ ដែលរួមមាន អង្ករ មី ទឹកត្រី ទឹកស៊ីអ៊ីវ ស្ករស អំបិល និងថវិកាមួយចំនួន ដែលជាអំណោយដ៏ថ្លៃថ្លារបស់លោកជំទាវបណ្ឌិត ជា សិរី។

03/12/2025

នាព្រឹកថ្ងៃអង្គារ ១២កើត ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី០២ ខែធ្នូ ឆ្នាំ២០២៥ លោក អ៊ុក សារ៉ាត អគ្គនាយករងនៃអគ្គនាយកដ្ឋានប្រតិបត្តិការ ធនាគារជាតិនៃកម្ពុជា និងជាអនុប្រធានក្រុមការងារចុះមូលដ្ឋានឃុំប្រាសាទ ស្រុកសន្ទុក ខេត្តកំពង់ធំ បានអញ្ជើញចូលរួមជាអធិបតីភាព ក្នុងពិធីមិទ្ទីញអបអរសាទរខួបអនុស្សាវរីយ៍លើកទី ៤៧ (២ ធ្នូ ១៩៧៨ - ២ ធ្នូ ២០២៥) ទិវាកំណើត "រណសិរ្សសាមគ្គី សង្រ្គោះជាតិកម្ពុជា” ដែលបច្ចុប្បន្នត្រូវបានប្តូរឈ្មោះជា “រណសិរ្សសាមគ្គី អភិវឌ្ឍន៍មាតុភូមិកម្ពុជា” ដោយមានការចូលរួមពីសមាជិក-សមាជិកា ក្រុមការងារគណបក្ស ស្រុក ឃុំ ប្រជាពលរដ្ឋ និងសិស្សានុ- សិស្សសរុបចំនួន ២០០ នាក់ ។ ២ ធ្នូជាថ្ងៃប្រវត្តិសាស្រ្ត ដែលកម្លាំងអ្នកសេ្នហាជាតិមកពីគ្រប់ទិសទី ទាំងក្នុង និងក្រៅប្រទេស រួបរួមគ្នាក្រោកឈរឡើងប្រកាសបង្កើតរណសិរ្ស ដែលបានដឹកនាំការតស៊ូ រំដោះជាតិ មាតុភូមិ និងប្រជាជនកម្ពុជា ពីគ្រោះមហន្តរាយ និងការកាប់សម្លាប់ នៃរបបកម្ពុជាប្រជាធិតេយ្យ របស់បនប្រល័យពូជសាសន៍ ប៉ុល ពត រហូតទទួលបានជ័យជម្នះជាប្រវត្តិសាស្រ្ត នៅថ្ងៃទី៧ ខែមករា ឆ្នាំ១៩៧៩។ ២ធ្នូ គឺជាមរតកជាអមតៈតជំនាន់ នៃស្មារតីពួតដៃគ្នាបញ្ចប់សង្រ្គាម បង្រួបបង្រួមជាតិ ផ្សះផ្សារជាតិ ឯកភាពជាតិ សម្រាប់មាគ៌ាឆ្ពោះទៅការកសាង និងអភិវឌ្ឍកម្ពុជារុងរឿង ។