មន្ទីរផែនការខេត្តកែប Department of Planning of Kep

24/08/2026

សេចក្តីជូនដំណឹង ស្តីពីការប្រើប្រាស់រូបសញ្ញា និងក្បាលលិខិតថ្មីរបស់ក្រសួងផែនការ

តេឡេក្រាម៖ https://go.gov.kh/mop/telegram
#ក្រសួងផែនការ
#ក្រុមការងារព័ត៌មាននិងបណ្តាញទំនាក់ទំនងសង្គមរបស់ក្រសួងផែនការ

06/08/2026

ព្រឹក ថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦

នាយកដ្ឋាន ស្ថិតិគណនេយ្យជាតិ វិទ្យាស្ថានជាតិស្ថិតិ នៃក្រសួងផែនការបានរៀបចំពិធីប្រកាសផ្សព្វផ្សាយលទ្ធផល គណនេយ្យជាតិខេត្តកែបឆ្នាំ២០២៥​ ដើម្បីដាក់ជូនសាធារណជន និងមន្ទីរ អង្គភាពជុំវិញខេត្តប្រើប្រាស់ ជាផ្លូវការ ក្រោមអធិបតីភាព ឯកឧត្តម ណោ វ៉ាន់ឌី នាយកវិទ្យាស្ថានជាតិស្ថិតិ និង លោក អុឹម បញ្ញារិទ្ធិ អភិបាលរងខេត្ត តំណាង ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្ត នៅសាលប្រជុំតូចសាលាខេត្ត ដោយ​មាន​ការ​អញ្ញើញ​ចូលរួម​ពី​ លោក​ លោកស្រី​ដំណាង​មន្ទីរ​ អង្គភាព​ជុំវិញ​ខេត្ត​ ក្រុង​ ស្រុក​ និង​មន្ត្រី​មន្ទីរ​ផែនការ​សរុប​ ៦០នាក់​ ស្រី​ ​១៥​នាក់​៕

#មន្ទីរផែនការខេត្តកែប

06/08/2026

23/02/2026

ថ្ងៃទី​២២​ ខែ​កុម្ភៈ​ ឆ្នាំ​២០២៦​ លោក​ គង់​ សាវ៉ាត​ ប្រធានមន្ទីរផែការ​ខេត្ត​កែប​ បានដឹកនាំមន្ត្រី​រាជការ​មន្ទីរផែនការ​ទាំងអស់​ ចូលរួម​​​រំលែក​ទុក្ខ​ ​និងនាំយក​ថវិកា​មួយ​ចំនួន​ទៅ​ប្រគល់​ជូនគ្រួសារ​សព​ ​កញ្ញា​ សួង​ គន្ធី​ អនុប្រធាន​ការិយាល័យ​ប្រជាជន​ និង​អភិវឌ្ឍ​ នៃ​មន្ទីរផែនការខេត្ត ដែល​បាន​ទទួល​មរណភាព កាល​ពី​វេលា​ម៉ោង​ ០០:៣០នាទី​យប់ ត្រូវនឹងថ្ងៃ​អាទិត្យ​ទី​២២​ ខែ​កុម្ភៈ​ ឆ្នាំ​២០២៦​​ ដោយរោគាពាធ។
ពិធី​បុណ្យ​បានរៀបចំនៅគេហដ្ឋានសព​ ស្ថិត​នៅភូមិ​អូរក្រសារ​ សង្កាត់​អូរក្រសារ​ ក្រុង​កែប​ ខេត្ត​កែប​។​

#មន្ទីរផែនការខេត្តកែប​

11/12/2025

ញត្តិថ្កោលទោស​ ការឈ្លានពានដោយប្រដាប់អាវុធរបស់ថៃមកលើអធិបតេយ្យនៃព្រះរាជាណាចក្រកម្ពុជា

តេឡេក្រាម៖ https://t.me/mop_gov_kh
#ក្រសួងផែនការ

11/12/2025

រដ្ឋបាលខេត្តកែប សេចក្តីអំពាវនាវ ដើម្បីបុព្វហេតុមនុស្សធម៌ និងចូលរួម គាំទ្រលើកទឹកចិត្តដល់វីរកងទ័ពជួរមុខកម្ពុជា ដែលបាននិង កំពុងការពារ យ៉ាងអង់អាចក្លាហាននូវបូរណភាពទឹកដី និងសេចក្តីសុខក្សេមក្សាន្ត ប្រជាជនកម្ពុជាទាំងមូល រដ្ឋបាលខេត្តកែប បានរៀបចំទទួលអំណោយ គ្រប់ប្រភេទ (ដូចជាថវិកា ស្បៀងអាហារ គ្រឿងឧបភោគ បរិភោគ ថ្នាំពេទ្យ និងសម្ភារៈនានា) ដើម្បីនាំយកទៅចែកជូនដល់វីរកងទ័ពជួរមុខ និងបងប្អូនប្រជាពលរដ្ឋ ជនភៀសសឹក នៅតាមបណ្តោយព្រំដែនកម្ពុជា- ថៃ ។

02/12/2025

ព្រឹកថ្ងៃអង្គារទី២ ខែធ្នូ ឆ្នាំ២០២៥ មន្ទីរផែនការខេត្ត បានសហការជាមួយវិទ្យាស្ថានជាតិស្ថិតិ នៃក្រសួងផែនការ រៀបចំវគ្គបណ្ដុះបណ្ដាលស្ដីពី "ស្ថិតិ​គណនេយ្យ​ជាតិ​ និង​សន្ទស្សន៍​ថ្លៃ​ទំនិញ​ប្រេីប្រាស់​"​ ក្នុង​គោលបំណង​ពង្រឹង​សមត្ថភាព​មន្រ្តី​មន្ទីរ​ផែនការ​ និង​មន្ត្រី​ជំនាញ​ពី​មន្ទីរ​ អង្គភាពពាក់ព័ន្ធ​ជុំវិញ​ខេត្ត​ លេី​ជំនាញ​ស្ថិតិ​គណនេយ្យ​ជាតិ​ និង​សន្ទស្សន៍​ថ្លៃ​ទំនិញ​ប្រេីប្រាស់​ ដោយ​ប្រើប្រាស់​ទិន្នន័យ​រដ្ឋបាល​ អង្កេត​ ជំរឿន​ និង​ថ្លៃ​ទំនិញ​ទី​ផ្សារ​ថ្នាក់​ខេត្ត​ ដោយ​ប្រព្រឹត្តិ​ទៅ​ចាប់​ពី​ថ្ងៃ​ទី​២​ ដល់​ថ្ងៃ​ទី​៤​ ខែធ្នូ​ ឆ្នាំ​២០២៥​ នៅ​សាលប្រជុំ​មន្ទីរ​ផែនការ​ខេត្ត​ ក្រោម​អធិបតីភាព​ឯកឧត្ដម​ កែវ​ ចិត្រា​ ប្រធាន​នាយកដ្ឋាន​ស្ថិតិ​គណនេយ្យ​ជាតិ​ វិទ្យាស្ថានជាតិ​ស្ថិត​ នៃ​ក្រសួង​ផែនការ​ និង​មាន​ការ​ចូលរួម​ពី​សិក្ខាកាម​សរុប​ ៤០រូប​ ស្រី​ ១៣រូប​។



#មន្ទីរផែនការខេត្តកែប

21/10/2025

ព្រឹក​ថ្ងៃ​អង្គារ​ទី​២១​ ខែ​តុលា​ ឆ្នាំ​២០២៥
មន្ទីរផែនការខេត្តកែប​ សហការ​ជាមួយ​វិទ្យាស្ថាន​ជាតិ​ស្ថិតិ​ នៃ​ក្រសួង​ផែនការ​ បាន​បេីកវគ្គ​បណ្ដុះបណ្ដាល​ ស្ដីពី​មូលដ្ឋាន​គ្រឹះ​ស្ថិតិ​អនុវត្តន៍​ នៅ​ថ្នាក់​ក្រោម​ជាតិ​ ក្នុង​គោលបំណង​លេីក​កម្ពស់​សមត្ថភាព​ និង​ពង្រឹង​ចំណេះ​ដឹង​ផ្នែក​ស្ថិតិ​ដល់​មន្រ្ដី​ពាក់ព័ន្ធ​នៅ​ថ្នាក់​ក្រោម​ជាតិ​ ក្រោម​អធិបតីភាព​ឯកឧត្ដម​ ទ្រី​ ឬទ្ធា​ នាយក​វិទ្យាស្ថាន​ជាតិ​ស្ថិតិ​ និង​មាន​ការ​អញ្ជើញ​ចូល​រួម​ពីលោក​ លោកស្រី​ សមាជិក​ សមាជិកា​ សរុប​ប្រមាណ​ ៤៥រូប​។

#មន្ទីរផែនការខេត្តកែប​

17/09/2025

ព្រឹកថ្ងៃទី១៧ ខែកញ្ញា ឆ្នាំ២០២៥ លោក គង់ សាវ៉ាត ប្រធានមន្ទីរផែនការខេត្ត បានសម្របសម្រួលសិក្ខាសាលាសមាហរណកម្មកម្មវិធីវិនិយោគបីឆ្នាំរំកិលស្រុក ឃុំ ឆ្នាំ(២០២៦-២០២៨) នៅថ្នាក់ស្រុក ក្រោមអធិបតីភាព លោក អ៉ឹម បញ្ញារិទ្ធិ អភិបាលរង នៃគណៈអភិបាលខេត្ត ព្រមទាំងមានការ​អញ្ជើញ​ចូលរួមពី ក្រុមប្រឹក្សាស្រុក តំណាងគណ:កម្មាធិការនានារបស់ក្រុមប្រឹក្សាស្រុក គណៈអភិបាលស្រុក ក្រុមការងារកសាងផែនការស្រុក ថ្នាក់ដឹកនាំមន្ទីរ អង្គភាព ទីចាត់ការនានាក្នុងខេត្ត មេឃុំ​ ស្មៀន កងកំលាំងទាំងបី ជនបង្កោលទទួលបន្ទុកស្រ្តី និងកុមារ គ ផ ថ ឃុំ សមាគមក្រុមប្រឹក្សាស្រុក តំណាងអង្គការសង្គមស៊ីវិល និងវិស័យឯកជន មេភូមិ ប្រជាពលរដ្ឋ សរុបចំនួន ៩៧រូប។

#មន្ទីរផែនការខេត្តកែប

16/09/2025

ព្រឹកថ្ងៃទី១៦ ខែកញ្ញា ឆ្នាំ២០២៥ លោក គង់ សាវ៉ាត ប្រធានមន្ទីរផែនការខេត្ត បានសម្របសម្រួលសិក្ខាសាលាសមាហរណកម្ម​ កម្មវិធីវិនិយោគបីឆ្នាំរំកិលក្រុង សង្កាត់ ឆ្នាំ(២០២៦-២០២៨) នៅថ្នាក់ក្រុង ក្រោមអធិបតីភាព លោក អ៉ឹម បញ្ញារិទ្ធិ អភិបាលរង នៃគណៈអភិបាលខេត្ត ព្រមទាំងមានការ​អញ្ជើញ​ចូលរួមពីរ ក្រុមប្រឹក្សាក្រុង តំណាងគណ:កម្មាធិការនានា​ របស់ក្រុមប្រឹក្សាក្រុង គណៈអភិបាលក្រុង ក្រុមការងារកសាងផែនការក្រុង ថ្នាក់ដឹកនាំមន្ទីរ អង្គភាព ទីចាត់ការនានាក្នុងខេត្ត ចៅសង្កាត់ ស្មៀន កងកំលាំងទាំងបី ជន​បង្គោល​ទទួលបន្ទុកស្រ្តី និងកុមារ គ ផ ថ សង្កាត់ សមាគមក្រុមប្រឹក្សាសង្កាត់ តំណាងអង្គការសង្គមស៊ីវិល និងវិស័យឯកជន មេភូមិ សរុបចំនួន ៩២រូប។

#មន្ទីរផែនការខេត្តកែប​