ឧទ្យាន ឫស្សីត្រឹប- Russey Treb Park

04/06/2026

ការអភិរក្សធម្មជាតិ មិនមែនជាការការពារព្រៃឈើសម្រាប់ថ្ងៃនេះតែប៉ុណ្ណោះទេ តែជាការបង្កើតនូវកេរដំណែល សម្រាប់មនុស្សជំនាន់ក្រោយ
💚🇰🇭🌳

04/06/2026

🌿 យើងដាំកូនឈើពេលនេះមិនប្រាកដថាបានជ្រកម្លប់ តែអ្នកជំនាន់ក្រោយនឹងទទួលផលពីវា
#ឧទ្យានតេជោសែនឫស្សីត្រឹប

04/06/2026

🌧️🌿 រដូវវស្សាដ៏ត្រជាក់ត្រជុំ កំពុងនាំមកនូវប្រភពជីវិតថ្មីដល់មនុស្ស សត្វ និងរុក្ខជាតិគ្រប់ប្រភេទ។ សំណើមនៃភ្លៀងធ្លាក់បានធ្វើឱ្យព្រៃព្រឹក្សា និងវាលស្មៅប្រែជាពណ៌បៃតងខ្ចី ស្រស់បំព្រង ពោរពេញដោយភាពរស់រវើក។

សម្រាប់សត្វព្រៃ 🦌🐗 ទឹកភ្លៀងនាំមកនូវចំណី និងជម្រកកាន់តែសម្បូរបែប។

សម្រាប់រុក្ខជាតិ 🌿🌳 វាជាពេលវេលានៃការលូតលាស់ បញ្ចេញពន្លកថ្មី ផ្ការីក និងផ្លែផ្កាដ៏សម្បូរបែប។

ចំណែកមនុស្សវិញ ក៏ទទួលបានអត្ថប្រយោជន៍ពីធនធានធម្មជាតិ និងភាពត្រជាក់ត្រជុំស្រស់ស្រាយដែលរដូវនេះបានប្រទានជូន។

ធម្មជាតិបានបង្ហាញឱ្យយើងឃើញថា ភ្លៀងមិនត្រឹមតែនាំមកនូវទឹកប៉ុណ្ណោះទេ ប៉ុន្តែនាំមកនូវក្តីសង្ឃឹម ការចាប់ផ្តើមថ្មី និងការបន្តនៃវដ្តជីវិតសម្រាប់សត្វលោកទាំងមូល💚🌧️🌿

#ឧទ្យានតេជោសែនឫស្សីត្រឹប

#រដូវវស្សា
#ប្រភពជីវិត


🌧️🌿🦌🐗💚🇰🇭

04/06/2026

សូមអបអរសាទរចំពោះលទ្ធផលដ៏ល្អសម្រាប់បរិស្ថានកម្ពុជានិងពិភពលោក 🌍🪐🌳 #សហគមន៍និងធម្មជាតិ #ឧទ្យានតេជោសែនឫស្សីត្រឹប

ភ្នំពេញ៖ អង្គការសហប្រជាជាតិ (UN) បានប្រកាសគាំទ្រយុទ្ធសាស្ត្រហិរញ្ញប្បទាន NDC 3.0 របស់ក្រសួងបរិស្ថាន។ ភាគីទាំងពី....

04/06/2026

សូមគាំទ្រផលិតផលក្នុងស្រុក💪🇰🇭🙏 #ឧទ្យានតេជោសែនឫស្សីត្រឹប

នៅសល់​ ៩ថ្ងៃទៀត​ " ពិព័រណ៍​ទុរេន​ "​ ខេត្ត​ត្បូងឃ្មុំ​ ចាប់ផ្តេីមហេីយ​ កុំភ្លេច​អញ្ជើញ​មក​ភ្លក្ស​ដោយ​ឥតគិតថ្លៃ​ ។

04/06/2026

🙏🌿 សូមម្ចាស់ទឹកដី និងវត្ថុស័ក្តិសិទ្ធិទាំងឡាយ ដែលថែរក្សាភូមិឋាននេះ មេត្តាជួយបីបាច់ថែរក្សា និងប្រសិទ្ធពរជ័យដល់ក្រុមការងារ ប្រជាសហគមន៍ និងដៃគូពាក់ព័ន្ធទាំងអស់នៅតំបន់ឧទ្យានតេជោសែនឫស្សីត្រឹប🙏🙏🙏

សូមឱ្យគ្រប់គ្នាទទួលបាននូវសេចក្តីសុខសាន្ត សុខភាពល្អ កម្លាំងកាយមាំមួន បញ្ញាភ្លឺថ្លា និងស្មារតីរឹងមាំ ដើម្បីបន្តបំពេញភារកិច្ចប្រកបដោយការទទួលខុសត្រូវខ្ពស់ ក្នុងបុព្វហេតុអភិរក្សធនធានធម្មជាតិ ជីវចម្រុះ និងបេតិកភណ្ឌវប្បធម៌-ប្រវត្តិសាស្ត្រដ៏មានតម្លៃរបស់ជាតិ។

សូមឱ្យកិច្ចខិតខំប្រឹងប្រែង💪💪ទាំងឡាយក្នុងការអភិវឌ្ឍ និងអភិរក្សនៅទីនេះ ទទួលបានជោគជ័យជាបន្តបន្ទាប់ រួមចំណែកលើកកម្ពស់ជីវភាពសហគមន៍ ការអប់រំបរិស្ថាន ការស្រាវជ្រាវវិទ្យាសាស្ត្រ និងវិស័យទេសចរណ៍ធម្មជាតិប្រកបដោយចីរភាព ស្របតាមគោលនយោបាយ និងភារកិច្ចដែលរាជរដ្ឋាភិបាលបានប្រគល់ជូន។

សូមឱ្យទឹកដីដ៏ពិសិដ្ឋនេះ បន្តជាទីជម្រកនៃជីវិតមនុស្ស សត្វ និងជីវៈចម្រុះ ជាប្រភពនៃចំណេះដឹង ជាកន្លែងនៃក្តីសង្ឃឹម និងជាមរតកដ៏មានតម្លៃសម្រាប់កូនចៅជំនាន់ក្រោយតរៀងទៅ។ 💚🇰🇭🌿

#ឧទ្យានតេជោសែនឫស្សីត្រឹប
#អភិរក្សនិងអភិវឌ្ឍន៍
#សហគមន៍និងធម្មជាតិ
#បេតិកភណ្ឌធម្មជាតិ

🌳🙏🇰🇭💚

03/06/2026

🌳🚶🚶💚

03/06/2026

ត្រួតពលត្រៀមហែក្បែន 💚🇰🇭

03/06/2026

ដំណក់ទឹកដោះគោស្រស់ឫស្សីត្រឹប និងមោទនភាពជាតិ 🇰🇭🥛💚

ទឹកដោះគោស្រស់មួយដំណក់ៗ ដែលក្រុមបច្ចេកទេសនៃឧទ្យានតេជោសែន ឫស្សីត្រឹប បានផលិតឡើងនេះ កើតចេញពីគំនិតផ្តួចផ្តើមរបស់ ឯកឧត្តមបណ្ឌិតសភាចារ្យ សុខ ទូច ក្នុងបំណងជំរុញឲ្យកម្ពុជាមានផលិតផលជាតិផ្ទាល់ខ្លួន កាត់បន្ថយការពឹងផ្អែកលើការនាំចូលពីបរទេស និងពង្រឹងអធិបតេយ្យភាពជាតិ ទាំងផ្នែកសេដ្ឋកិច្ច សន្តិសុខស្បៀង និងសុខភាពប្រជាពលរដ្ឋ។

ទឹកដោះគោស្រស់បរិសុទ្ធមួយដំណក់ៗនេះ មិនមែនកើតឡើងដោយចៃដន្យឡើយ ប៉ុន្តែកើតចេញពីការប្តេជ្ញាចិត្ត ការខិតខំប្រឹងប្រែង និងការអត់ធ្មត់របស់ក្រុមការងារ អ្នកជំនាញ និងសហគមន៍ ដែលបានរួមគ្នាជម្នះគ្រប់ឧបសគ្គ និងការលំបាកនានា។ ជាពិសេស ការប្រឈមមុខនឹងការមិនយល់ដឹង ការមើលស្រាល និងការរិះគន់មួយចំនួន ដែលខ្វះមូលដ្ឋាននៃស្មារតីគាំទ្រផលិតផលជាតិ។

សព្វថ្ងៃនេះ យើងបានយល់កាន់តែច្បាស់ថា ប្រសិនបើកម្ពុជាមានសមត្ថភាពផលិតដោយខ្លួនឯង មិនថាទឹកដោះគោ បន្លែ ត្រី សាច់ ឬផលិតផលកសិកម្មផ្សេងៗនោះទេ ប្រទេសយើងនឹងកាន់តែមានភាពរឹងមាំ និងមិនងាយរងសម្ពាធ ឬការមាក់ងាយពីបរទេសឡើយ។

ការគាំទ្រផលិតផលជាតិ មិនមែនគ្រាន់តែជាការទិញទំនិញមួយមុខប៉ុណ្ណោះទេ ប៉ុន្តែជាការគាំទ្រការងាររបស់ប្រជាពលរដ្ឋខ្មែរ ការគាំទ្រកសិករ ការគាំទ្រសេដ្ឋកិច្ចជាតិ និងការពារមោទនភាពជាតិ។ ផ្ទុយទៅវិញ ការលួចនាំចូល ឬការបំផ្លាញទំនុកចិត្តលើផលិតផលជាតិ ដើម្បីផលប្រយោជន៍ផ្ទាល់ខ្លួនតិចតួច គឺជាការប៉ះពាល់ដល់មនសិការ និងឧត្តមប្រយោជន៍រួមរបស់ជាតិ។

ដូច្នេះ សូមយើងរួមគ្នាដាំបណ្តុះ និងពូនជ្រំស្មារតីជាតិនិយមប្រកបដោយបញ្ញា គាំទ្រផលិតផលជាតិ និងលើកកម្ពស់សមត្ថភាពផលិតរបស់កម្ពុជា ឲ្យកាន់តែរឹងមាំពីមួយថ្ងៃទៅមួយថ្ងៃ។

ពីព្រោះ “ផលិតផលជាតិ” មិនមែនត្រឹមតែជាទំនិញនោះទេ
ប៉ុន្តែជាបេះដូងនៃអធិបតេយ្យភាព សេដ្ឋកិច្ច និងមោទនភាពរបស់ជាតិខ្មែរ។ 🇰🇭💪🥛🌱

#ផលិតផលជាតិ
#ទឹកដោះគោឫស្សីត្រឹប
#មោទនភាពជាតិ
#គាំទ្រផលិតផលខ្មែរ
#អធិបតេយ្យភាពជាតិ

03/06/2026

«ផ្កាព្រៃមិនរីកដើម្បីឱ្យគេសរសើរទេ តែរីកដើម្បីបំពេញតួនាទីរបស់ខ្លួនក្នុងធម្មជាតិ។ មនុស្សក៏ដូចគ្នា គឺមានតម្លៃដោយសារការធ្វើល្អ មិនមែនដោយសារការធ្វើឲ្យលេចធ្លោដោយអំពើអាក្រក់នោះឡើយ»។

#ផ្កាព្រៃ
#សម្រស់ធម្មជាតិ
#ជីវចម្រុះ