គណបក្សជំនាន់ថ្មី/New Generation Party

04/06/2026

ប្រភព÷វិទ្យុខ្មែរប៉ុស្តិ៍(KPR)

នៅថ្ងៃទី០៤ ខែមិថុនា ឆ្នាំ២០២៦នេះ គណបក្សជំនាន់ថ្មី បានរៀបចំពិធីមីទ្ទិញយ៉ាងគគ្រឹកគគ្រេង ដើម្បីអបអរសាទរខួបអនុស្សាវរីយ៍លើកទី២ នៃការបង្កើតឡើងគណបក្សជាផ្លូវការរបស់ខ្លួន។

ពិធីនេះត្រូវបានធ្វើឡើងក្រោមអធិបតីភាព លោកមាជ សុវណ្ណារ៉ា ប្រធានគណបក្សជំនាន់ថ្មី និងរួមទាំងវត្តមានរបស់ថ្នាក់ដឹកនាំជាន់ខ្ពស់ សមាជិក សមាជិកា និងសកម្មជនបក្សរាប់រយនាក់ ក្នុងគោលបំណងបូកសរុប
សមិទ្ធិផលការងាររយៈពេល ២ឆ្នាំកន្លងមក និងដាក់ចេញនូវទិសដៅនយោបាយថ្មីៗសម្រាប់នាពេលអនាគត ៕

រាយការណ៍ដោយ ៖ រិទ្ធិ រាជ

04/06/2026

03/06/2026

ប្រភព÷វិទ្យុខ្មែរប៉ុស្តិ៍(KPR)

មេដឹកនាំគណបក្សជំនាន់ថ្មី លោក មាជ សុវណ្ណារ៉ា បានបង្ហាញនូវគោលនយោបាយស្នូលរបស់បក្ស ដោយបានដាក់ចេញនូវយុទ្ធសាស្ត្រផ្តោតលើអាទិភាពក្រសួងចំនួន៣ ដែលលោកថាគឺជាកម្លាំងចលករដ៏មានឥទ្ធិពលក្នុងការធ្វើឱ្យប្រទេសជាតិមានភាពរឹងមាំ ខ្លាំងក្លា ព្រមទាំងអាចធានាបាននូវការការពារអធិបតេយ្យភាព និងបូរណភាពទឹកដីយ៉ាងពិតប្រាកដ ៕ ០៣ ០៦ ២០២៦

រាយការណ៍ដោយ ៖ រិទ្ធិ រាជ

02/06/2026

ប្រភព÷វិទ្យុខ្មែរប៉ុស្តិ៍

ប្រធានគណបក្សជំនាន់ថ្មី លោក មាជ សុវណ្ណារ៉ា នៅថ្ងៃទី២ ខែមិថុនា ឆ្នាំ២០២៦នេះបានទៅបង្ហាញមុខសារជាថ្មីទៀត នៅស្នងការដ្ឋាននគរបាលខេត្តបាត់ដំបង តាមការបង្គាប់របស់តុលាការខេត្តរតនគិរីដែលចោទប្រកាន់ពីបទ «ញុះញង់ឱ្យមានការរើសអើង» រឿងលោកអធ្ថាធិប្បាយ ករណីកម្មករខ្មែរ និងកម្មករយួនមានប្រាក់ខែខុសគ្នានៅចំការចេកស្រុកលំផាត កាលពីឆ្នាំ២០២៣ ។

លោក មាជ សុវណ្ណារ៉ា ចាត់ទុកថា នេះជារឿងអយុត្តិធម៌ និងបានស្នើតុលាការខេត្តរតនគិរីទម្លាក់បទចោទ ដើម្បីឱ្យលោកមានសេរីភាពពេលពេញលេញឡើងវិញ ៕ ០២ ០៦ ២០២៦

រាយការណ៍ដោយ ៖ រិទ្ធិ រាជ

02/06/2026

លោក មាជ សុវណ្ណារ៉៖«អ្វីៗវាមានដែនកំណត់នៃទីបញ្ចប់ ពីព្រោះទង្វើល្អរបស់ខ្ញុំ គឺការការពារពូជសាសន៍ខ្មែររបស់ខ្ញុំជាមុន មិនអាចជាតិសាសន៍ណាមកជិះជាន់ គាបសង្កត់ និងកេងប្រវញ្ចបានឡើយ នៅលើទឹកដីមាតុភូមិកម្ពុជា» ។

ដូចជាករណីតុលាការខេត្តរតនគីរី បានចោទប្រកាន់រូបខ្ញុំទាក់ទងទៅនឹង «បទញុះញង់ឱ្យមានការរើសអើង» ខណៈខ្ញុំបាននិយាយជុំវិញរឿងកម្មករខ្មែរនៅចំការចេកក្នុងស្រុកលំផាត់ បានទទួលប្រាក់ឈ្នួល ខុសពីកម្មករយួន? ដោយស្នើឱ្យក្រសួងការងារជួយចុះពិនិត្យមើលផង តើជាការពិតដូចដែលការអះអាងរបស់កម្មករខ្មែរបានប្រាប់ទេ? ។

ហើយនៅទីបញ្ចប់ត្រូវបានការចោទប្រកាន់ពីតុលាការរតនគីរី ឱ្យមាន ការតាមចាប់ខ្លួនខ្ញុំ កាលពីខែកញ្ញា ឆ្នាំ២០២៣ ខណៈរូបខ្ញុំបានចេញ~ចូលកម្ពុជា ក្នុងនាមជាអតីតមន្រ្តីអង្គការអន្តរជាតិមួយមានមូលដ្ឋាននៅអាមេរិក គឺវិទ្យាស្ថានស្រាវជ្រាវគោលនយោបាយ IPR ។

បន្ទាប់ពីថ្ងៃចូលខ្លួនបំភ្លឺ ជាមួយលោកមេធាវី សឺន ជុំជួន នៅតុលាការខេត្តរតនគីរី ដែលជាថ្ងៃសវនាការចោទសួរដោះបណ្តឹងការចាប់ខ្លួន នៅថ្ងៃទី៧ ខែតុលា ឆ្នាំ២០២៤ ដោយត្រូវបានចៅក្រមសម្រេចមិនឃុំខ្លួន ក្រៅពីត្រូវគោរពកាតព្វកិច្ច ៤ចំណុច៖
ក•មិនធ្វើសកម្មភាពញុះញង់ឱ្យមានការរើសអើង ។
ខ•មិនត្រូវផ្លាស់ប្តូរលំនៅដ្ឋាន គ្មានការជូនដំណឹង ។
គ•ត្រូវចូលបង្ហាញខ្លួនតាមការកំណត់ ២ខែម្តង ។
ឃ•ត្រូវឆ្លើយតបនឹងដីកាកោះហៅ ដែលចាត់តាំងដោយចៅក្រមស៊ើបសួរ ៕ ០២ ០៦ ២០២៦

01/06/2026

ប្រភព÷វិទ្យុខ្មែរប៉ុស្តិ៍(KPR)

លោក មាជ សុវណ្ណារ៉ា ប្រធានគណបក្សជំនាន់ថ្មី បានលើកឡើងពីចក្ខុវិស័យរបស់គណបក្សជំនាន់ថ្មី ទៅនឹងករណីយកិច្ចនៃការគ្រប់គ្រងជាតិ គឺការស្វែងរក និងការរក្សាសុភមង្គលជូនប្រជារាស្រ្តខ្មែរ ក្រោមសម្បជញ្ញៈ«មន្រ្តីធ្វើការដើម្បីបម្រើរាស្រ្ត រាស្រ្តធ្វើការដើម្បីបម្រើជាតិ»។

ក្នុងន័យនេះ ដើម្បីសម្រេចឱ្យដល់ទិសដៅនេះ កាតព្វកិច្ចដ៏ចម្បងរបស់ការគ្រប់គ្រងប្រទេសជាតិ ត្រូវចែកជាវិស័យធំៗរួមមាន ពន្ធដារ ប្រាក់ខែ រាជធម៌ និងមន្រ្តី៕ ០១ ០៦ ២០២៦

រាយការណ៍ដោយ ៖ រិទ្ធិ រាជ

01/06/2026

លោក ដួង ច័ន្ទលីដេត ប្រធានប្រតិបត្តិគណបក្សជំនាន់ថ្មីខេត្តបាត់ដំបង

សកម្មភាពលើកស្លាកគណបក្សជំនាន់ថ្មីខេត្តបាត់ដំបង ក្រោមការដឹកនាំដោយលោក មាជ សុវណ្ណារ៉ា ប្រធានគណបក្ស នារសៀលថ្ងៃទី០១ ខែមិថុនា ឆ្នាំ២០២៦ ៕

01/06/2026

គណបក្សជំនាន់ថ្មី៖បញ្ចប់នូវវប្បធម៌សងសឹក និងមានឯងអត់អញ មានអញអត់ឯង ដោយដាក់ជំនួសវិញនូវ«មានខ្ញុំក៏មានអ្នកដែរ~មានអ្នកក៏មានខ្ញុំដែរ ជាតិរួមខ្មែរតែមួយ» !

លោក មាជ សុវណ្ណារ៉ា ប្រធានគណបក្សជំនាន់ថ្មី អមដំណើរដោយលោក ជៀប ចំរើន ប្រធានគណៈកម្មាធិការនាយក លោកណាប់ ប៊ុនរី នាយកខុទ្ទកាល័យ រួមនឹងថ្នាក់ដឹកនាំ និងសកម្មជន ដែលមានលោកដួង ច័ន្ទលីដេត ប្រធានប្រតិបត្តិគណបក្សជំនាន់ថ្មីខេត្តបាត់ដំបង ចូលរួមនាំគ្នាលើកស្លាកគណបក្សជំនាន់ថ្មី ខ្នាតធំមួយផ្ទាំងដែលមានទទឹងទំហំ ២,៤០ ម៉ែត្រ និងកម្ពស់៣,២០ម៉ែត្រ នៅរសៀលថ្ងៃទី០១ ខែមិថុនា ឆ្នាំ២០២៦ នេះ ។

ស្លាកនេះឧបត្ថម្ភដោយលោក វិសាល សក្តិ តំណាងក្រុមការងារគណបក្សជំនាន់ថ្មី នៅសហរដ្ឋអាមេរិក មានទីនៅម្តុំផ្លូវចូលក្រុងបាត់ដំបង ផ្លូវបំបែកជាមួយផ្លូវ High way ផ្លូវជាតិលេខ៥ មកទិសខាងខេត្តបន្ទាយមានជ័យ ៕

01/06/2026

មាជ សុវណ្ណារ៉ា៖ចក្ខុវិស័យបក្សជំនាន់ថ្មី ទៅនឹងករណីយកិច្ចនៃការគ្រប់គ្រងគឺការស្វែងរក និងការរក្សាសុភមង្គលជូនប្រជារាស្រ្ត ក្រោមសម្បជញ្ញៈ«មន្រ្តីធ្វើការដើម្បីបម្រើរាស្រ្ត រាស្រ្តធ្វើការដើម្បីបម្រើជាតិ»។

ក្នុងន័យនេះ និង ដើម្បីសម្រេចឱ្យដល់ទិសដៅនេះ កាតព្វកិច្ចដ៏ចម្បងរបស់ការគ្រប់គ្រង ត្រូវចែកជាវិស័យធំៗ ដូចជា៖
១/•ពន្ធដារ៖ ពន្ធដារជាប្រភពនៃឃ្លាំងទ្រព្យ និងជាអាហាររបស់ប្រទេសជាតិ។
ប្រជាកសិករ ទៅនឹងដីធ្លីបង្កបង្កើនផល ប្រភពចំណូលទ្រទ្រង់ជីវភាព និងមានលទ្ធភាពបង់ពន្ធជូនរដ្ឋ ។ហើយចំណូលពន្ធច្រើនឬតិច រវាងរដ្ឋនិងរាស្រ្ត ត្រូវតែពឹងពាក់គ្នា ក្នុងភារកិច្ចជួយបំពេញសេចក្តីខ្វះខាតជូនប្រជារាស្រ្ត ។

២/• ប្រាក់ខែ៖ ត្រូវជូនប្រាក់ខែដល់មន្រ្តីរាជការឱ្យបានទៀងទាត់ និងឱ្យបានគ្រប់គ្រាន់សម្រាប់សេចក្តីត្រូវការជាមូលដ្ឋាន ដោយគិតពីមន្រ្តីថ្នាក់ទាបបំផុតជាមុន គឺការចំណាយទៅលើការទ្រទ្រង់ជីវភាព សម្លៀកបំពាក់ សុខភាព
លំនៅដ្ឋាន និងការកម្សាន្ត ។ល។ និង។ល។
ជីវភាពរាជការត្រដាបត្រដួស ជាប្រភពនៃអំពើពុករលួយ ការកេងប្រវញ្ច ចោរកម្ម ហឹង្សា អវិជ្ជា ការខ្វះសណ្តាប់ធ្នាប់ និងការបែកបាក់សាមគ្គី ។ល។
ករណីយកិច្ចចម្បងទាំងពីរនេះ ត្រូវតែអនុវត្តឱ្យបានជាដាច់ខាត ដោយត្រូវ យល់ថា«ភាពឧត្តុង្គឧត្តមរបស់ប្រជារាស្រ្ត ជាភាពឧត្តុង្គឧត្តមរបស់ព្រះមហាក្សត្រ ឬមេដឹកនាំជាតិ»។ដោយយើងមិនអាចហៅភាពឧត្តុង្គឧត្តមបានទេ បើភាពឧត្តុង្គឧត្តមត្រូវរុំព័ទ្ធដោយទុរ្ភិក្ស ឬដោយភាពដុនដាបរហេមរហាម ឬដោយទាសកម្ម ហើយនេះក៏មិនអាចឱ្យកើតភាពសាមគ្គីជាតិបានដែរ ។

៣/•រាជធម៌៖ គឺជាកត្តាកំណត់យ៉ាងធំទីមួយ សម្រាប់ឱ្យការគ្រប់គ្រងអាចទទួលជោគជ័យ«ព្រហ្មវិហារធម៌» លើប្រជារាស្រ្ត នឹងធ្វើឱ្យប្រជារាស្រ្តមានសុភមង្គល ហើយធ្វើឱ្យប្រទេសជាតិស្គាល់សេចក្តីចម្រើនរុងរឿងជាប្រាកដ ។
ព្រហ្មវិហារធម៌ គឺជាប្រភពឱ្យកំណើត និងឱ្យរីកសាយនូវសាមគ្គី និងប្រជាធិបតេយ្យ ហើយក៏ត្រូវជាសម្បត្តិរបស់មនុស្សគ្រប់រូបដោយមិនមានការលើកលែងឡើយ។
«ព្រះមហាក្សត្រ ឬអ្នកដឹកនាំ ជាទ្រព្យសម្បត្តិរបស់ប្រជារាស្រ្ត ហើយចំពោះប្រជារាស្រ្ត ព្រះមហាក្សត្រឬអ្នកដឹកនាំរដ្ឋ គឺជាទេវតា ប៉ុន្តែចំពោះព្រះមហាក្សត្រឬអ្នកដឹកនាំរដ្ឋវិញ ប្រជារាស្រ្តជាតំណាងនៃទេវតា»។
ករណីកិច្ចរបស់ព្រះមហាក្សត្រឬអ្នកដឹកនាំរដ្ឋ គឺការគ្រប់គ្រងប្រជារាស្រ្តរបស់ព្រះអង្គឬខ្លួនផ្ទាល់ ឱ្យបានប្រកបដោយ សេចក្តីសុខចម្រើន ។

៤/•មន្រ្តី៖ ដែលសុទ្ធតែជាអ្នកមានចំណេះដឹង ចង់ចាំនូវក្បួួនច្បាប់តម្រាទៅនឹងនីតិរដ្ឋ ដោយមានអាកប្បកិរិយាថ្លៃថ្នូរ ប្រើសម្តីសំដៅគួរសមទៅរកគ្នា រវាងមន្រ្តីទៅមន្រ្តី មិនមើលងាយគ្នា មិនរើសអើងគ្នា និងរវាងមន្រ្តី និងរាស្រ្ត ដោយមិនប្រកាន់វណ្ណៈ ពណ៌សម្បុរ ប្រកបដោយសីលធម៌ និងគុណធម៌ តាមតួនាទីនិងកាតព្វកិច្ច«មន្រ្តីបម្រើរាស្រ្ត ពោលគឺការមិនក្បត់សម្តី ឬការមិនក្បត់ពាក្យសន្យា» ។
មន្រ្តីគឺត្រូវចាប់យកសេចក្តីស្មោះត្រង់នឹងគ្នា ដែលជាការញុំាងសាមគ្គីឱ្យស្ថិតនៅរឹងមាំ និងរស់រវើកជារៀងរហូត នៃករណីកិច្ចរបស់ខ្លួនជាមន្រ្តីរាជការស្មោះត្រង់នឹងជាតិប្រជា ៕

31/05/2026

ប្រភព៖វិទ្យុខ្មែរប៉ុស្តិ៍ (KPR)

នៅក្នុងសង្វៀននយោបាយកម្ពុជា លោក មាជ សុវណ្ណារ៉ា គឺជាឥស្សរជនមួយរូបដែលបានឆ្លងកាត់របត់ និងព្រឹត្តិការណ៍សំខាន់ៗជាច្រើន ពីសកម្មជននយោបាយដ៏លេចធ្លោ អតីតមន្រ្តីជាន់ខ្ពស់នៃអតីតគណបក្សសង្គ្រោះជាតិ CNRP និងបានឆ្លងកាត់បទពិសោធន៍ និងការសាកល្បងជាច្រើន នៅក្នុងឆាកនយោបាយទាំងក្នុង និងក្រៅប្រទេសរហូតមកដល់បច្ចុប្បន្ន លោកបានដើរតួនាទីជាប្រធាន «គណបក្សជំនាន់ថ្មី»។

តើខ្សែជីវិត និងដំណើរការតស៊ូនយោបាយរបស់លោក មានរឿងរ៉ាវអ្វីខ្លះនៅពីក្រោយ? តើលោកមានទស្សនវិស័យបែបណាសម្រាប់​ការដឹកនាំគណបក្សថ្មីមួយនេះ? ។

ជាបន្តសូមទស្សនាវីដេអូផ្លូវការខាងក្រោម ទៅនឹងការលាតត្រដាងនូវព័ត៌មានជាក់លាក់ ចាប់តាំងពីការចាប់ផ្តើម នៃជីវិតនយោបាយ រហូតដល់ការបង្កើតបេសកកម្មថ្មី នាពេលបច្ចុប្បន្នដូចតទៅ៖

រាយការណ៍ដោយ៖ រិទ្ធិរាជ
បច្ចេកទេសដោយ៖ ភីរិន ជិនសុវណ្ណ