Токтогул райондук Аялдар кеңеши

16/08/2026

2026-ж, 15-август күнү Токтогул райондук китепканасында "Токтогул кайрыгынын-1" альманах китебинин бет ачаары болуп өттү.

Китептин ачылуу аземине китепкана жамааты,"Токтогул кайрыктары-1" китебинин авторлору, Токтогул райондук жана шаардык Аялдар кеңешинин төрайымдары, "Энелер тилеги" тобунун мүчөлөрү катышышты.

Китептин авторлору чыгармаларынан окуп, катышуучуларга эргүү тартуулашты жана авторлордун айрым чыгармаларына обон жазылып, аткаруучулар тарабынан тартууланып, катышуучулардын маанайын жогорулатуу менен сыйлыктар тапшырылды

13/08/2026

13/08/2026

12-август 2026-ж., Ош шаарында "Аярлуу топтогу жаш аялдардын экономикалык туруктуу өнүгүүсү, укуктарын жана мүмкүнчүлүктөрүн кеңейтүү жана коргоо" (SEDEP) долбоорунун жыйынтыктоочу иш-чарасы болуп өттү.

Иш-чарага Европалык Союздун КРсындагы өкүлдөрү, КРнын Ош, Жалал-Абад, Баткен облустарынын Ыйгарым укуктуу өкүлдөрү, райондук мамлекеттик администрациясынын жана айыл өкмөттөрүнүн өкүлдөрү, SEDEP долбоорунун башкаруу комитетинин мүчөлөрү, медиа конкурсунун финалист тери жана жеңүүчүлөрү, жергиликтүү туризм багытындагы, креативдүү индустрияны өндүрүүчү ишкер айымдар катышты.

Иш-чаранын жүрүшүндө аялзатына арналган кыргыз улуттук кийимдеринин көргөзмөсү болуп, концерттик программа менен коштолду.

Жыйынтыгында долбоор өз максатына жеткендиги аныкталып,катышуучулар тарабынан долбоордун экинчи этабы дагы кайталануусун суранышты, себеби аярлуу топтогу аялдардын экономикалык туруктуу өнүгүүсү, укуктарын жана мүмкүнчүлүктөрүн кеңейтүү жана коргоо жашоосунда чоң стимул берерин белгилешти.

09/08/2026

"Биримдик Кербени" иш-чарасында Токтогул райондук Аялдар кеңешинин мүчөлөрү өз активдүүлүгүн көрсөтүү менен айырмаланышты.

09/08/2026

2026-жылдын 8-августунда Токтогул районунун Итагар жайлоосунда Дүйнөлүк көчмөндөр оюндарынын алкагында "Биримдик Кербен" жүрүшү 40 күндүк улуттук көчтүн сапарын улоо салтанаты болуп өттү.

"Биримдик Кербенин" Токтогул райондук мамлекеттик администрациясынын башчысы-акимдин орун басары К.Аттокуров баштаган топ тосуп алышты. Иш-чаранын жүрүшүндө улуттук кол өнөрчүлөрдүн мастер-класстары көрсөтүлүп, көчмөн калктын жашоо турмушу чагылдырылды жана концерттик программа менен коштолду.

Кыргыз журтчулугуна ынтымак-ырашкерликти, өнүгүп - өсүүнү, дүйнө элин таң калтырган тарыхый бийиктик тилеп, ак жол каалоо менен улуу көчтү улаган сапарга бата берүү аземи менен аяктады.

03/08/2026

Бүгүн Токтогул райондук маданият үйүндө көп балалуу энелерге "Баатыр Эне", "Эне даңкы" мамлекеттик сыйлыктарын тапшыруу аземи болуп өттү. Иш-чарага Токтогул райондук мамлекеттик администрациясынын башчысы – аким Самаев Урматбек Обозбекович катышып, энелерди куттуктады.

Салтанаттын жүрүшүндө Токтогул району боюнча 49 энеге «Баатыр эне» ордени, ал эми 26 энеге «Эне даңкы» медалы тапшырылды.

Аким өз сөзүндө энелердин үй-бүлөнү бекемдөөдө жана татыктуу муунду тарбиялоодогу орду өзгөчө экенин белгилеп, сыйлык ээлерине бекем ден соолук, бакубат турмуш жана үй-бүлөлүк бакыт каалады.

Иш-чаранын жүрүшүндө Токтогул райондук Аялдар кеңешинин төрайымы Ч.С.Суракматова өз куттуктоо сөзүндө аялзатынын коомдогу жана балдарды тарбиялоодогу орду жана балдар кыргыз мамлекетинин бүтүндүгүн, биримдигин сактай турган, кыргыз улутунун түпкүлүгүн даңктай турган уул-кыздардын бактылуу энелеринен болушун тилеп өттү.

Иш-чаранын соңунда Токтогул райондук маданият бөлүмү тарабынан концерттик программа тартууланып, майрамдык маанай менен жыйынтыкталды.

12/06/2026

Бүгүн Токтогул райондук маданият үйүнүн алдында КРнын Президентинин 2024-жылдын 18-декабрындагы Жарлыгы менен бекитилген КРнын "Улуттук дем-дүйнөлүк бийиктик" уңгу жолуна арналган, "Уңгу жол - заман талабы" аталышындагы иш-чара болуп өттү.

Иш-чараны ырчы, актриса, КРнын эмгек сиңирген артисти, Токтогул райондук маданият үйүнүн мыкты кызматкери Г.Сартмырзаеванын жетектөөсү менен Токтогул райондук Аялдар кеңешинин "Энелер тилеги" тобу биргелешип өткөрүштү.

"Нарк-улут уңгусу" демекчи, кыргыз элинин улуттук наркы - бул жашоодогу элибиздин жүрүм турум эрежелеринин сакталышы экенин айгинелешти.

Иш-чаранын жүрүшүндө Токтогул райондук Аялдар кеңешинин төрайымы Ч.Суракматова жана Токтогул райондук маданият үйүнүн директору Борсокеева Турсункан эжекелер өз куттуктоо сөздөрүндө уңгу жолдун негизги багыттары, КРнын тарыхы, мамлекеттик тил, тарбия маселелери, (этнопедагогика) кыргыз философиясынын баалуулуктары, ата-бабадан келе жаткан нарктуулук, курчап турган чөйрөнү коргоо, кыргыз жаранын негизги баалуулуктарын сактоону кийинки муунга татыктуу өткөрүп, туура багыт берүү экендигин белгилешти. Келген конокторго "Энелер тилеги" тобунун концерттик программасы тартууланып, майрамдык маанай, шаң алып келди.