Ўзбекистоннинг Ўш шаҳридаги Бош консулхонаси

  • Home
  • Kyrgyzstan
  • Osh
  • Ўзбекистоннинг Ўш шаҳридаги Бош консулхонаси

Ўзбекистоннинг Ўш шаҳридаги Бош консулхонаси 🇺🇿🇰🇬Oʻzbekistonning Oʻsh shahridagi Bosh konsulxonasining rasmiy sahifasi

Наманганда Қирғиз Республикасининг тадбиркорлари билан G2B ва B2B учрашувлари ўтказилдиАввал хабар берганимиздек, Наманг...
06/08/2026

Наманганда Қирғиз Республикасининг тадбиркорлари билан G2B ва B2B учрашувлари ўтказилди

Аввал хабар берганимиздек, Наманган вилоятига Ўзбекистон Республикасининг Қирғиз Республикасидаги Ўш шаҳри Бош консули Зафарбек Аҳмедов бошчилигидаги 30 нафар фаол тадбиркордан иборат делегация ташриф буюрган эди.

Ташрифнинг якуний қисмида вилоят Инвестициялар ва ташқи савдо бошқармаси мажлислар залида делегация аъзолари, маҳаллий тадбиркорлар ҳамда тегишли ташкилотлар ва идоралар вакиллари иштирокида G2B (давлат ва бизнес) ҳамда B2B (бизнесдан бизнесга) форматларида музокаралар ташкил этилди.

Учрашувларда икки ҳудуд ўртасида савдо-иқтисодий алоқаларни янада кенгайтириш, қўшма инвестиция лойиҳаларини амалга ошириш, экспорт-импорт ҳажмини ошириш, саноат, қишлоқ хўжалиги, қурилиш материаллари, ҳунармандчилик ва туризм соҳаларида ҳамкорликни мустаҳкамлаш масалалари муҳокама қилинди.

Музокаралар давомида тадбиркорлар ўзаро ҳамкорлик алоқаларини йўлга қўйиш, истиқболли лойиҳаларни биргаликда амалга ошириш юзасидан фикр алмашиб, қатор келишувларга эришдилар.

Мазкур ташриф Ўзбекистон ва Қирғиз Республикаси ўртасидаги дўстона муносабатлар, шунингдек, ҳудудлараро савдо-иқтисодий ҳамкорликни янада ривожлантиришда муҳим қадам бўлди.

Наманганда Ўш шаҳри делегацияси билан ҳамкорликнинг янги имкониятлари муҳокама қилиндиНаманган вилоятига Ўзбекистон Респ...
06/08/2026

Наманганда Ўш шаҳри делегацияси билан ҳамкорликнинг янги имкониятлари муҳокама қилинди

Наманган вилоятига Ўзбекистон Республикасининг Қирғиз Республикасидаги Ўш шаҳри Бош консули Зафарбек Аҳмедов бошчилигидаги 30 нафар фаол тадбиркорлардан иборат делегация ташриф буюрди. Ташриф доирасида икки ҳудуд ўртасидаги савдо-иқтисодий, инвестициявий ва ишбилармонлик алоқаларини янада ривожлантиришга қаратилган қатор учрашувлар ташкил этилди.

Дастлаб вилоят Инвестициялар ва ташқи савдо бошқармаси мажлислар залида Наманган вилояти ҳокимининг ўринбосари Окибжон Инамов ҳамда делегация аъзолари иштирокида учрашув бўлиб ўтди. Унда икки томонлама ҳамкорликнинг бугунги ҳолати ва истиқболлари муҳокама қилиниб, савдо айланмасини кенгайтириш, қўшма инвестиция лойиҳаларини амалга ошириш, саноат кооперациясини ривожлантириш ҳамда тадбиркорлар ўртасидаги ҳамкорликни янада фаоллаштириш масалалари юзасидан фикр алмашилди.

Шундан сўнг делегация аъзолари Наманган вилоятида фаолият юритаётган йирик саноат корхоналари — "ART SOFT TEX", "FAZMAN TEXTILE" ҳамда "Gidro Plast", "Мегатон", "Мумтоз"  ҳамда "Art Ceramics" корхоналари фаолияти билан танишди. Меҳмонларга корхоналарнинг ишлаб чиқариш қувватлари, экспорт салоҳияти, замонавий технологиялар асосида ташкил этилган иш жараёнлари ҳамда инвестиция имкониятлари ҳақида батафсил маълумот берилди.

Ташриф давомида делегация Тўрақўрғон туманидаги “Фаввора” оилавий дам олиш маскани ҳудудида жойлашган хайвонот боғини ҳам кўздан кечирди. Меҳмонлар бу ерда яратилган замонавий инфратузилма, сайёҳлар учун ташкил этилган қулай шарт-шароитлар ва туризм салоҳияти билан яқиндан танишдилар.

Мазкур ташриф Наманган вилояти ва Қирғиз Республикасининг Ўш шаҳри ўртасидаги ўзаро ишонч ва дўстликка асосланган муносабатларни янада мустаҳкамлаш, иқтисодий ҳамкорликни кенгайтириш ҳамда янги қўшма лойиҳаларни амалга ошириш йўлидаги муҳим қадам бўлди.

Oʻzbekiston Respublikasi Prezidenti Shavkat Mirziyoyev rafiqasi bilan birga davlat tashrifi bilan Qirgʻizistonga keldi. ...
30/07/2026

Oʻzbekiston Respublikasi Prezidenti Shavkat Mirziyoyev rafiqasi bilan birga davlat tashrifi bilan Qirgʻizistonga keldi. “Issiqkoʻl” xalqaro aeroportida oliy martabali mehmonlarni Qirgʻiz Respublikasi Prezidenti Sadir Japarov va uning rafiqasi kutib oldi.
—
Президент Республики Узбекистан Шавкат Мирзиёев вместе с супругой прибыл с государственным визитом в Кыргызстан. В международном аэропорту «Иссык-Куль» высоких гостей встретили Президент Кыргызской Республики Садыр Жапаров с супругой.

Hurmatli fuqarolar!🇺🇿2026 yil 27 may kuni (chorshanba) O‘zbekiston Respublikasida Qurbon Hayiti (Iyd al-Adha) bayrami ni...
26/05/2026

Hurmatli fuqarolar!

🇺🇿2026 yil 27 may kuni (chorshanba) O‘zbekiston Respublikasida Qurbon Hayiti (Iyd al-Adha) bayrami nishonlanishi munosabati bilan hamda O‘zbekiston Respublikasi Prezidentining tegishli farmoniga asosan, 2026 yil 28 va 29 may kunlari (payshanba va juma) qo‘shimcha dam olish kuni etib belgilangan.
Shu sababli, Bosh konsulxonada konsullik qabuli 2026 yil 1 iyun kunidan boshlab davom ettiriladi.

🇷🇺В связи с празднованием в Республике Узбекистан 27 мая 2026 года (среда) Курбан-байрам (Iyd al-Adha), а также в соответствии
с Указом Президента Республики Узбекистан,
28 и 29 мая 2026 года (четверг и пятница) объявлены дополнительными выходными днями.
В этой связи прием по консульским вопросам в Генеральном консульстве будет возобновлен
1 июня 2026 года (понедельник).

🇬🇧Due to the celebration of Eid al-Adha (Qurban Bayram) in the Republic of Uzbekistan on May 27, 2026 (Wednesday), and in accordance with the Decree of the President of the Republic
of Uzbekistan, 28 and 29 May 2026 (Thursday and Friday) have been declared additional non-working days.
In this regard, consular reception at the Consulate General will resume on June 1, 2026 (Monday).

Қирғизистонда “Салом Ўш–2026” VII Халқаро сайёҳлик фестивали бўлиб ўтдиҚирғизистоннинг Ўш вилояти Қора-Сув туманида “Сал...
26/05/2026

Қирғизистонда “Салом Ўш–2026” VII Халқаро сайёҳлик фестивали бўлиб ўтди

Қирғизистоннинг Ўш вилояти Қора-Сув туманида “Салом Ўш–2026” VII Халқаро сайёҳлик фестивали ташкил этилди, деб хабар бермоқда “Дунё”АА мухбири.

Ушбу нуфузли тадбирда Хитой, Озарбайжон, Россия, Қозоғистон, Тожикистон ва Туркманистондан келган соҳа вакиллари ҳамда йирик туроператорлар иштирок этди.

Анжуманнинг очилиш маросимида Қирғизистон расмийларидан Президентнинг Ўш вилоятидаги ваколатли вакили Аманкан Кенжебаев, Ўш шаҳри мэри Жанар Акаев, Вазирлар Маҳкамаси ҳузуридаги Туризмни ривожлантириш агентлиги директори ўринбосари Эрденет Касимов, Савдо-саноат палатаси раиси Темир Сариев ва бошқа расмий доиралар, дипломатик корпус ва ОАВ вакиллари қатнашди.

Фестивалда Ўзбекистон делегацияси таркибида Фарғона вилояти ҳокимининг туризм масалалари бўйича ўринбосари Хуршиджон Ахмедов, Андижон вилояти ҳокими ўринбосари Махамаджон Нишонов, Наманган вилояти ҳокимлиги масъуллари, маҳаллий ОАВ ва етакчи сайёҳлик компаниялари вакилларидан иборат делегация фаол иштирок этди.

Тадбирда сўз олган Ўш шаҳри мэри Жанар Акаев ўз нутқида жорий йилнинг май ойида Ўзбекистоннинг тарихий шаҳарларига борганини мамнуният билан эслаб, у ерда туристлар учун яратилган замонавий шарт-шароитлар қўшни мамлакатлар учун ҳақиқий намуна эканлигига эътибор қаратди.

Тадбирда иштирок этган мамлакатимиз бош консули Зафарбек Ахмедов ўз чиқишида ўтган 2025 йил якунларига кўра Ўзбекистонга энг кўп сайёҳ айнан қардош Қирғизистондан (3,3 миллион нафар) ташриф буюрганини алоҳида қайд этиб, бугунги кунда ушбу кўрсаткични бир неча баробарга ошириш учун икки томонлама улкан имкониятлар мавжудлигига эътибор қаратди.

Фестивалнинг амалий натижаси сифатида, Ўзбекистондан ташриф буюрган “Dilrabo travel”, “Savanna turizm”, “Vodiy sayyoh” каби туристик компаниялар Қирғизистоннинг “Osh destination”, “Osh trips”, “Munduz tourist” туризм ташкилотлари билан ҳамкорликни ривожлантириш ва ўзаро сайёҳлар оқимини кўпайтириш бўйича 5 та муҳим меморандум имзоланди.

Икки кунлик тадбир давомида туристик кўргазмалар, миллий таомлар фестивали, халқ амалий санъати ярмаркалари ва концерт дастурлари ташкил этилиди.

Ўзбекистон бош консули Қирғизистон Халқ депутатлари Ўш шаҳар кенгаши спикери билан учрашув ўтказдиУчрашувда икки мамлака...
21/05/2026

Ўзбекистон бош консули Қирғизистон Халқ депутатлари Ўш шаҳар кенгаши спикери билан учрашув ўтказди

Учрашувда икки мамлакат ўртасидаги дўстона муносабатларни янада мустаҳкамлаш, ҳудудлараро ҳамкорликни ривожлантириш ҳамда бир қатор лойиҳаларни амалга ошириш масалаларига алоҳида эътибор қаратилди.

Хусусан, сўнгги йилларда Ўзбекистон ва Қирғизистон ўртасида сиёсий, иқтисодий ҳамда маданий-гуманитар соҳалардаги самарали ҳамкорлик алоқалари хусусида фикр алмашилди. Икки давлат раҳбарлари томонидан олиб борилаётган очиқ ва конструктив сиёсат минтақа барқарорлиги, ўзаро ишонч ва яхши қўшничилик муносабатларини мустаҳкамлашга хизмат қилаётгани эътироф этилди.

Ўш шаҳар кенгаши спикери Болот Баетов Ўзбекистон билан азалий дўстлик ришталари мавжудлигини таъкидлаб, бу алоқаларни янги босқичга олиб чиқиш учун кенг имкониятлар мавжуд эканини билдирди.

Шунингдек, Наманган вилоятида ўтказиладиган 65-Халқаро гуллар фестивалида Ўш шаҳар кенгаши вакилларининг ҳам қатнашиши маълум қилинди.

Turkiy davlatlar tashkilotining norasmiy sammiti doirasida Oʻzbekiston Respublikasi Prezidenti Shavkat Mirziyoyev va Qir...
15/05/2026

Turkiy davlatlar tashkilotining norasmiy sammiti doirasida Oʻzbekiston Respublikasi Prezidenti Shavkat Mirziyoyev va Qirgʻiz Respublikasi Prezidenti Sadir Japarovning uchrashuvi boʻlib oʻtdi.
—
На полях проходящего неформального саммита Организации тюркских государств состоялась встреча Президента Республики Узбекистан Шавката Мирзиёева и Президента Кыргызской Республики Садыра Жапарова.

Икки томонлама ҳамкорлик истиқболлари муҳокама қилиндиБош консул Зафарбек Ахмедов Қирғиз Республикаси Ташқи ишлар вазирл...
15/05/2026

Икки томонлама ҳамкорлик истиқболлари муҳокама қилинди

Бош консул Зафарбек Ахмедов Қирғиз Республикаси Ташқи ишлар вазирлигининг Ўш, Жалолобод, Баткен вилоятлари бўйича ваколатхонаси раҳбари Мээримбек Апишов билан учрашди.

Учрашув давомида мамлакатларимиз чегараолди ҳудулари ўртасидаги ҳамкорликнинг истиқболли йўналишлари муҳокама қилинди.

Хусусан, яқинда бўлиб ўтиши кутилаётган “Салам-Ош!” халқаро туризм фестивалида Ўзбекистон вакилларининг иштироки, назорат-ўтказиш пунктлари фаолияти ҳамда ҳудудлараро ҳамкорлик бўйича имзоланган йўл хариталарининг ижроси юзасидан фикр алмашилди.

Бош консулхона матбуот хизмати

Тошкент ва Ўш ўртасида илк авиақатнов йўлга қўйилдиШу йилнинг 1 апрель куни “Centrum Air” авиакомпаниясининг Тошкент–Ўш–...
02/04/2026

Тошкент ва Ўш ўртасида илк авиақатнов йўлга қўйилди

Шу йилнинг 1 апрель куни “Centrum Air” авиакомпаниясининг Тошкент–Ўш–Тошкент йўналиши бўйича илк авиарейс амалга оширилди.

Ўш халқаро аэропортида Ўзбекистон ҳаво кемаси анъанавий сув аркаси билан тантанали равишда кутиб олинди.

Илк рейснинг ўзида Тошкентдан 98 нафар йўловчи учиб келган бўлса, Ўшдан 141 нафар йўловчи Ўзбекистон пойтахтига йўл олди. Диққатга сазовор жиҳати шундаки, йўловчилар орасида Ўзбекистон ва Қирғизистон фуқароларидан ташқари Туркия, Хитой ва Корея Республикасидан келган сайёҳлар ҳам борлиги ушбу йўналишнинг халқаро туристик жозибадорлигини кўрсатди.

Парвозлар “Airbus A320” замонавий самолётларида ҳафтасига икки марта – чоршанба ва шанба кунлари амалга оширилади. Яқин келажакда рейслар сонини 4 тагача ошириш режалаштирилган.

Address

Абсамата Масалиева 3а
Osh
723500

Opening Hours

Monday 10:00 - 16:00
Tuesday 10:00 - 16:00
Wednesday 10:00 - 16:00
Thursday 10:00 - 16:00
Friday 10:00 - 16:00

Website

Alerts

Be the first to know and let us send you an email when Ўзбекистоннинг Ўш шаҳридаги Бош консулхонаси posts news and promotions. Your email address will not be used for any other purpose, and you can unsubscribe at any time.

Shortcuts

Share

Category