Arabella

28/12/2019

الأمطار ترسم الحب في احدى شوارع منطقة حوارة في محافظة اربد 💙💙

#رومانسية

14/03/2019

لمثل أولئك ترفع القبعات تحية واحترام
#منقول

اربد: مرتبات المباحث المرورية يتراجعون عن مخالفة سير ليتبرعوا بالدم لابنة السائق
👇👇👇
أوقفت إحدى دوريات المباحث المرورية سائقًا كان قد ارتكب مخالفة مرورية وسط مدينة اربد ظهر اليوم الثلاثاء ، لكن أفراد الدورية تراجعوا عن تحرير مخالفة سير بحقه بعد أن رآه يجهش بالبكاء.

ويبدو أن مشاعر الإنسانية تحركت بشدة لدى أفراد الدورية، الذين أيضًا أثار فضولهم رؤية السائق يبكي، وعند سؤاله عن السبب، قال إن ابنته تصارع الموت في مستشفى الملك عبدالله المؤسس، وإنه يحاول جمع أكبر عدد من الأشخاص للتبرع بالدم لابنته، بعد تدهور صحتها.

وقال والد الشابه أروى بأنه طلب أفراد الدورية منه رقم هاتفه ومواصلة طريقه إلى المستشفى، بعد التراجع عن توجيه مخالفة ضده، ليتفاجأ بعدها باتصال من أحد ضباط قسم مباحث المرورية إقليم الشمال ليبلغه بأنه تم الايعاز إلى كافة دوريات المباحث المرورية بالتوجة إلى مستشفى الملك عبدالله المؤسس للتبرع بالدم لابنته في المستشفى.

وأعرب والد الشابه أروى عن شكره واعتزازه في جهاز الأمن العام وعلى رأسهم جلالة الملك عبدالله الثاني ابن الحسين، مؤكداً أن ما قام به مرتبات قسم المباحث المرورية يجسد المعنى الحقيقي لمقولة ”الشرطة في خدمة الشعب“.

04/03/2019

فضيت و خربت الحارة يا ابو عواد ...
ام عواد ماتت من زمن ... و لو عاشت لليوم ..كانت رح تموت حسرة على إبنها عواد ...
عواد زينة شباب "حارة ابو عواد" .. المرض أتعبه و أبعده ..و ما بنعرف هو اللي بعد عن الحارة و إلا اهل الحاره نسيوه ..و نسيو سواليفه و ضحكاته.
و مرزوق ... إييييه... راح مع الطيبين اللي راحو ... كمان مرزوق مات .. و دكانته عشعشت ... و يمكن غرقت مع محلات البلد في عمان .. و اتنثرت علب البلابيف و البسكوت ابو ورقه حمراء .. و دفتر الديون ضل ع تسكيرته ..
و سمعه ... سمعه الوجع ساكن في قلبه مع كل تنهيده.. على خالته و إلا إبن خالته.. و في صدرة الف غصة و غصة على الحارة و أهلها ..
و لما يفكر أنه يفرح ... و يتذكر زمان .. ما في صوت يغني معه (يا كاتبا كتابك ...هل فكرت بالمهر؟؟؟).. لأنه مرزوق الهندي كمان ترك سمعه..
الحارة مهجورة ... و أهلها منهم التعبان ... و منهم الشقيان .. و منهم الفقران .. و منهم المديون .. و المريض ..
كانو برغم كل شي مبسوطين .. اللقمة تلف ع الكل .. و دفتر ديون مرزوق ما بسجل اكثر من "نيرتين"... الحياة كانت بسيطة ..
و قمة الرفاهية طاولة في قهوة سمعه
و أزكى اكل برا البيت .. في مطعم ابو الخل ...
هيك كانت حياااتهم ...
و الضحكة كانت ما تغيب .. و النفوس طيبه و راضيه ..
شو صار يا ابو عواد ...؟؟
شو صار ؟؟
هالحكي و انت أيامها ماسك السلم بالعرض .. و عامل عنتر بن شداد .. و بتنصح الخلق و تصلح بينهم ... و ما كنا نسمع و لحتى وصلنا للي وصلناه ..
بس واضح ... إنه انت تعبت .. و مليت ...
و اختصرت سنين العمر كلها و كل شي صدفته و ما عجبك ... و حكيت .. ( شي غاد) ..
اليوم .. ابو عواد في ذمة الله .. رحل الرجل اللي كنا نفكره و احنا صغار أنه موجود في كل حارة من حارتنا و بيوتنا و نسأل عنه؟؟ و نستنى سهرة كل ليلة خميس .. و نشوف اخبار الحارة...
اليوم .. ما في حارة ... و لا ابو عواد

البقاء لله ..،

20/09/2018

01/09/2018

قصة عنترة مع اربد

هاظ لما عنترة طلب ايد عبلة من أبوها.👳👸.....
طلب منو عمه مهر لعبلة تنكة زيت زيتون صافي..📦.
ومتل ما بتعرفوا بالصحرا زيتون مافي..🌳🌳....

جاب البلاد ...وشاف العباد.🚵..
وسأل الناس الكرام ..☺..
حتى وصل الى الاردن...😍

وقالوله ما الك إلا اربد أرض الخير والزيتون.😍🌳🌳....

ولما دخل عروس الشمال قام وقف..😛.
وبسرعة عرف يتصرف....
واحتراماً لاهلها ترجل عن جواده....🐎🚶
وقال بيت شعر مفاده:

أنا الذي قطع الصحارى في الليالي 🌘🌘
لا تأخذني لومة لائم ولا أبالي....
جئتك يا اربد والشوق يسبقني
وفي أرضك يا اربد سأحط رحالي😁..

وبعد ان استقبله أهل اربد
قال يا سادة يا كرام
قالوله اطلب وإتمنى طلبك عنا....😰😰.

قلهم بدي تنكة زيت زيتون مهر لعبلة...👸
ولحتى أسكت عمي ومرتو الهبلة...😝

قالوله بنضيفك عنا ثلاث ليالي...🌘🌘🌘
وبعدها طلبك مجاب يا غالي... 😍

أول يوم الصبح..
جابوله فطور حمص مع لحمه من عند ياسين الفوّال ،🍲🍜 وعالغدا احلى سدر منسف
والعشا قلاية بندوره بلحمه بلديه .🍅🍅🐑🐑....
وثاني يوم افطر زيت وزعتر وبندورة ولبنه وجبنه😉
والغدا نوعين، طنجرة مقلوبة و مكموره أصليه 👏👏

قام أخونا عجبتو العيشة الهنية....👌👌
ونسي الصحرا والبرية....
وتعلق أبو الفوارس في اربد وكرم أهلها..❤❤❤.
ونثر قصيدة مطلعها:

يا عبلُه على حبك سامحيني
ففي اربد ضالتي وحنيني
قد كنتُ أخطأت في حبك مرة
وقد أحببت عليك اربد فاعذريني

وتجوز رسميه من الشونه الشماليه

وهيك خلصت سيرة أبو الفوارس...

وترك عبلة عم تستنى (التنكة)
وبلا عبلة وبلا بطيخ....

ولما نزل المقدوس وذاقه وشاف البكمات محمله بندوره وبطيخ ..
إرتخت مفاصله وباع فرسه واشترى نص دونم وسكن بشارع الحصن..........................................

انتظرونا مع حكاية قيس وليلى في الكرك مع الجميد😄

30/10/2017

السلم الوظيفي لفراط الزيتون

1-اللي بكون على السيبه هذا بكون (مدير manger ) يعني خبره بحدود الخمسطعشر سنه زلمه و افتح ثمك معه .
2-اللي على الشجره بكون ( مساعد assistant ) خبره من 5- 8 سنين ....طبعا هاظ مساعد بالشوؤن الاداريه و بتلاقيه معرش على الشجره مثل ابو سعد .
3- اللي على الارض (جوااااله ) هاظ بكون بعده fresh على الشغله يعني بالمستوى التشغيلي ... بلتعن التلتميس تاعه وهيه اقل درجه في السلم الوظيفي .
4- خبير مد المفارش و خياطة الشوالات طبعا هاظ بكون عنده خبره بالشوؤن اللوجستيه .
5- خبير البهادل ... هاظ بكون عايف الزيتون قبل ما يبلش يفرط
#وسلامتكوا

تنسوش اللي بضل قاعد بجنب بكرج الشاي هاظ متخصص للسوالف والعلاقات الإنسانية .

صباح الخير #للفريطه

04/10/2017

للتذكير موسم_الزيتون
اولا : اللباس الرسمي
1- بجامة قديمة من عصر التنك او غير مستعملة بالعادة
2- بلوزة قديمة ويفضل ان تكون باكمام طويلة
3- بسطار قديم + جرابات جيش او درك
4- كفوف عدد 2 (حسب الرغبه )
ثانيا : المعدات المستعملة
1-مفرش ارضي ( ويكون على الاغلب حصيرة قديمة او شادر سيارة او شوالات مخيطه مع بعضها البعض )
2- سلم او بالعاميه" سيبه ." لغايات قطف الاغصان العاليه والغير دانيه
3-شوالات و علب دهان الحجم الصغير " بالعادة تكون سطول دهان ناشونال لغايات التجميع والتفريغ
4- مشط بلاستيك او خشب ..(للعائلات الراقيه )
ثالثا : نهفات قطاف الزيتون
1- يكثر استعمال الحمام وشرب المياة واحتمال تصلي العصر 3 مرات للتهرب والاستراحات
2- ترمي حبة زيتون ع راس اخوك وتسوي حالك بتقطف ومنسجم بالقطف وبتغني كمان
3- التمتع بالمناظر الخلابه من اعلى الشجرة اذا كنت من الاوزان الخفيفة .
4-تكثر الاهازيج والاغاني خصوصا فترة الصباح عاساس انو في صباح الوطن الجميل .
5 - اللي عندو دوام بصير يداوم اضافي واللي بالجامعه بضيع مصاريه مشان ما يروح مواصلات ويقزدر للدار "والله اعلم ".
.

20/08/2017

لما عنترة طلب ايد عبلة من أبوها......
طلب منو عمه مهر لعبلة تنكة زيت زيتون صافي...
ومتل ما بتعرفوا بالصحرا زيتون مافي......

جاب البلاد ...وشاف العباد...
وسأل الناس الكرام ....
حتى وصل الى الاردن...

وقالوله ما الك إلا اربد أرض الخير والزيتون.....

ولما دخل عروس الشمال قام وقف...
وبسرعة عرف يتصرف....
واحتراماً لاهلها ترجل عن جواده....
وقال بيت شعر مفاده:

أنا الذي قطع الصحارى في الليالي
لا تأخذني لومة لائم ولا أبالي....
جئتك يا اربد والشوق يسبقني
وفي أرضك يا اربد سأحط رحالي..

وبعد ان استقبله أهل اربد
قال يا سادة يا كرام
قالوله اطلب وإتمنى طلبك عنا.....

قلهم بدي تنكة زيت زيتون مهر لعبلة...
ولحتى أسكت عمي ومرتو الهبلة...

قالوله بنضيفك عنا ثلاث ليالي...
وبعدها طلبك مجاب يا غالي...

أول يوم الصبح..
جابوله فطور حمص مع لحمه من عند ياسين الفوّال ، وعالغدا احلى سدر منسف
والعشا قلاية بندوره بلحمه بلديه .....
وثاني يوم افطر زيت وزعتر وبندورة ولبنه وجبنه
والغدا نوعين، طنجرة مقلوبة و مكموره أصليه

قام أخونا عجبتو العيشة الهنية....
ونسي الصحرا والبرية....
وتعلق أبو الفوارس في اربد وكرم أهلها...
ونثر قصيدة مطلعها:

يا عبلُه على حبك سامحيني
ففي اربد ضالتي وحنيني
قد كنتُ أخطأت في حبك مرة
وقد أحببت عليك اربد فاعذريني

وتجوز فوزيه من الشونه الشماليه

وهيك خلصت سيرة أبو الفوارس...

وترك عبلة عم تستنى (التنكة)
وبلا عبلة وبلا بطيخ....

ولما نزل المقدوس وذاقه وشاف البكمات محمله بندوره وبطيخ ..
إرتخت مفاصله وباع فرسه واشترى نص دونم وسكن بشارع الحصن..........................................

14/03/2017

الله يسعدنا ما أحلى لهجتنا الله يديم عزنا .

اقرأ وتأمل ↓↓↓↓↓↓↓ يا رعاك الله ،،

افنch ← خرج عن المعتاد

مليحة /لايقة ← فتاة جميلة

ملاة المصمد ← فتاة سمينة بعض الشيء

ذايح ← شخص وقح

زاعوق ← المطر الشديد

عزاااااا ← علامة تعجب

أغطيطة ← ضباب شديد

قاروط ← ابن شوارع

اندهch ← اندعس

وهرفه ← اسقطه

وهر ← شخص قبيح

خام ← شخص سيء

أني ← أنا

بوط ← حذاء

جلاطة ← طين

منعون حرسي / سرسري ← نصاب

شعشبان / هيطلية ← انواع حلو

ضك ← ضيق

كابوي ← جينز

قلاي ← مقلاة

قزعة ← القليل من الشيء

ئي ← اداة تحكم للاستفزاز

ريحة مي ← القليل من الماء

حسه ← صوته

اقصرله ← اخفضه

انهضله ← ارفعله

بتلبدله / بتخمعله / بتنسنسنه تنسنس ← يصنع له كمين

شق اللفت ← فتاة شديدة البياض

بند ← زر

بندة ← نافذة الباب

مطقم ← شخص متأنق

معنعن ← فخور بنفسه

حيد ← تجنب

لز ← اقترب

بتخطم ← يمشي بحذر

بتنصب ← يحاول التعرف على فتاة

دوك ← انظر

دوك دوك ← انظر بسرعة

شلاتي ← شخص قذر

اندحر ← ابتعد

انعثر ← اغرب عن وجهي

املط ← حقق نجاح

فودس ← أنهى عامه الدراسي

خابية ← زير ماء

خوصة ← سكين

تربة / مجنة ← مقبرة

اعزقه ← ابعده

دشره ← افلته

المزاريب بتشاقح ← كناية عن المطر الشديد

مش حاااق ← لا ارى جيدا

هات حُبة ← اعطني قبلة

روح جاي ← اقترب

اقضب / هاك ← امسك

مchن ← امسك جيدا

حمار ← التراب الاحمر

بتمطق ← يصدر صوت اثناء الاكل

عمنه ← بسبب

قليل خواص ← مهمل وكسلان
👍🏻👍🏻😂😂👌🏻هاظا اني = هذا انا ‘‘‘

09/03/2017

21/10/2016

اللهم إنا نسألك صباحاً يملأ الأجساد عافية، والروح فرحاً، اللهم أرحنا من هموم الدنيا، وأرزقنا التوفيق في جميع أمورنا....
اللهم اغفر لنا وارحمنا واغفر لوالدينا وارحمهم الأحياء منهم والأموات
اللهم اني احتسب يومي هذا لوجهك الكريم
اللهم صل وسلم وبارك على سيدنا محمد وعلى آله وصحبه أجمعين
صباح الخير
جمعه طيبة ومباركة ان شاءالله