Ambasada e Kosovës në Itali / Ambasciata del Kosovo in Italia

24/06/2026

19/06/2026

Në Presidencën e Rajonit Friuli Venezia Giulia, në prani të Ministres së Industrisë, Ndërmarrësisë, Tregtisë dhe Inovacionit, znj. Mimoza Kusari Lila, u mbajt Country Presentation “Doing Business in Kosova”, një aktivitet i dedikuar promovimit të Kosovës si destinacion për investime, partneritete dhe shkëmbim ekonomik.

Ky aktivitet u bashkëorganizua dhe u mbështet nga institucione të rëndësishme të Kosovës dhe Italisë, përfshirë Ministrinë e Industrisë, Ndërmarrësisë, Tregtisë dhe Inovacionit; Ambasadën e Republikës së Kosovës në Romë; Agjencinë KIESA; Rajonin Friuli Venezia Giulia; SPRINT FVG; Finest S.p.A.; si dhe Dhomat e Tregtisë së Kosovës dhe Venezia Giulia, me pjesëmarrjen e përfaqësuesve të tyre dhe dhjetëra bizneseve nga rajoni.

Gjatë prezantimit, u theksua një nga asetet më të mëdha të Kosovës: kapitali njerëzor. Kosova ka një popullsi të re, dinamike, shumëgjuhëshe, të aftë në teknologji dhe me frymë të fortë sipërmarrëse. Ky potencial njerëzor, i kombinuar me një sektor privat gjithnjë e më aktiv, e bën Kosovën një partner serioz dhe premtues për bizneset italiane që kërkojnë mundësi të reja bashkëpunimi, investimi dhe zgjerimi.

Diskutimet u fokusuan në sektorë strategjikë si ICT, prodhimtaria, agro-ushqimi dhe logjistika — fusha ku Kosova ka potencial të konsiderueshëm zhvillimi dhe ku mund të ndërtohen ura konkrete bashkëpunimi mes kompanive kosovare dhe atyre italiane.

Interesimi i dhjetëra bizneseve pjesëmarrëse dëshmoi se Kosova po njihet gjithnjë e më shumë si një vend me energji, talent, ide inovative dhe mundësi reale për investime. Ngjarje të tilla përbëjnë një hap të rëndësishëm drejt forcimit të lidhjeve ekonomike, institucionale dhe njerëzore mes Kosovës dhe Friuli Venezia Giulia.

Kosova ka njerëz, potencial dhe vizion. Në Trieste, ky potencial u prezantua me krenari dhe me bindjen e fortë se bashkëpunimi ekonomik me Italinë mund të krijojë mundësi të reja për të dyja palët.

18/06/2026

Ministrja Mimoza Kusari Lila:

Në zemër të Triestes, në Itali, qytetit që prej dekadash njihet si një nga qendrat evropiane të kulturës, shkencës dhe inovacionit, e nisa mëngjesin me një takim të veçantë me presidenten e Area Science Park, znj. Caterina Petrillo.

Gjatë takimit, ku isha e shoqëruar nga ambasadorja e Kosovës në Itali, Nita Shala, diskutuam për menaxhimin e parkut, strategjitë e promovimit të inovacionit dhe mundësitë e bashkëpunimit ndërmjet Kosovës dhe Area Science Park për zhvillimin e parqeve kërkimore dhe inovative në vendin tonë, përmes një memorandumi bashkëpunimi.

Vizita në këtë park teknologjik është pjesë e përpjekjeve tona për ngritjen e bashkëpunimit ndërmjet parqeve teknologjike dhe inovative të Kosovës me qendrat më të avancuara evropiane në këtë fushë, si dhe për identifikimin dhe përshtatjen e modeleve më të mira të menaxhimit dhe zhvillimit të tyre.

Area Science Park është një organizatë kombëtare kërkimore që synon zhvillimin e inovacionit dhe ngritjen e kapaciteteve të institucioneve kërkimore në rajonin e Friuli Venezia Giulia. Aktualisht, parku përfshin 49 ndërmarrje, 6 qendra kërkimore dhe 4 laboratorë, me afro 3,000 të punësuar. I themeluar në vitin 1978, presidenti i parë i tij ishte Fulvio Anzellotti.

Kësisoj, po vazhdojmë ta prezantojmë Republikën e Kosovës në qendrat më të rëndësishme evropiane të zhvillimit, kërkimit dhe inovacionit, duke dëshmuar se vendi ynë ofron stabilitet, potencial njerëzor dhe mundësi të shkëlqyera për investime.

Njëkohësisht, po promovojmë kapacitetet e Kosovës për zhvillimin e një ekonomie të bazuar në dije, teknologji dhe inovacion, duke ndërtuar ura bashkëpunimi që krijojnë mundësi të reja për institucionet, bizneset dhe talentet tona.

18/06/2026

Në Presidencën e Rajonit në Trieste, me Ministren Mimoza Kusari Lila, autoritetet e rajonit dhe dhjetra biznese të Kosovës dhe të Rajonit Friuli Venezia Giulia, në Country Presentation Doing Business in Kosova. 🇽🇰🇮🇹

10/06/2026

Ftesë/dokument informimi për pjesëmarrje në Country Presentation për Kosovën në Friuli Venezia Giulia

Linku për plotësimin e të dhënave: https://shorturl.at/L5VPm
Afati për plotësimin e formularit: 14 qershor 2026

09/06/2026

Arrivata a Roma nell’ottobre del 2024, Nita Shala porta con sé un percorso raro nel panorama diplomatico europeo: giurista formata

08/06/2026

Ambasadorja Nita Shala:
Në Ambasadën Estoneze, urova kolegun tim, Ambasadorin Lauri Bambus, me rastin e Ditës së Fitores së Estonisë. Dita e Fitores simbolizon sakrificën, qëndresën dhe dashurinë për liri të popullit estonez. Estonia është një shembull frymëzues i shtetndërtimit, zhvillimit demokratik dhe transformimit digjital, ndërsa marrëdhëniet ndërmjet Estonisë dhe Kosovës mbeten të ndërtuara mbi vlera të përbashkëta: lirinë, pavarësinë, demokracinë dhe orientimin euroatlantik.
Rroftë Estonia!
Rrofshin marrëdhëniet miqësore Estoni–Kosovë!