Provinzia de Bulsan - Südtirol

Casa
Italia
Bolzano
Provinzia de Bulsan - Südtirol

Nutizies dala Provinzia de Bulsan y dala Jonta proviziela de nteres per la populazion ladina - www.provinzia.bz.it/usp-ladin www.provinzia.bz.it/usp-ladin

15/06/2026

Nëus chiron njenieres!
Nëus piton stieres a tëmp plën y ndeterminà a Bulsan per la Repartizions Mubiltà, Sanità y Nfrastrutures, per l'Agenzia per l ambient y la scunanza dl tlima y l Ispetorat dl lëur.
Recuisic:
🎓 Laurea de njenieria (almanco 4 ani)
📜 Ejam de Stat per njenieres
🗣 Zertificat de bilinguism C1
Nfurmazions y candidatura: 👉 https://career.provincia.bz.it/it/jobs/ingegneri-e-ingegnere

01/06/2026

L bosch cunserva l'ega coche degun auter luech 🌲 💧 L funziunea coche n resservar naturel y tën plu ega dl L**h de Resia.
L bosch regulea, straverda y dona. L ie chiet, ma essenziel per nosta vita 🌿

29/05/2026

📝Nia plu giut nchin che scumencerà l ejam de maduranza - matura de chëst ann.

ℹ Pra la nuviteies de majera mpurtanza iel danter l'auter la denuminazion, ajache l ejam à inò inuem "Ejam de maduranza - Matura" y la cumpusizion dla cumiscions de ejam. Mudamënc iel nce n con'dl ejam a usc: chësc reverda 4 materies, l ejam ne possa nia unì refudà, scenó vën l ejam de maduranza cunscidrà coche nia passà. Nce la nota de cumpurtamënt à śën na fazion: sce chësta ie sot a 6, ne n'ie l sculé o la sculea nia azetà al ejam a usc.

🎙 "Per la scola dla valedes ladines renfurzea y cunfermea chësta regulamentazion l prinzip dl nseniamënt paritetich: ladin, tudësch y talian ie cumpunëntes che fej pert dl medemo troi furmatif y unirà nce tëutes n cunscidrazion aldò dla mudaliteies dl ejam. Chësta ie na dezijion mpurtanta, ajache la ie de scunanza per la particularità dla scola di luesc dla valedes ladines", auza ora l assessëur provinziel Daniel Alfreider.

Deplù te nosta news:
👉 https://news.provinzia.bz.it/lld/news/la-jonta-provinziela-da-pro-criteres-per-la-matura

(foto: USP/Peter Daldos)

08/05/2026

N lën fej scialdi deplù de cie che n pënsa. 🌲
Ël filtra l'aria, lieia CO2 y produj di per di ossigen assé per 5 nchin a 10 persones.

Chël che l bosch fej, nes tën n vita.
L nes lecorda tant che nosc fla ie lià al bosch.

Povester ie propi śën l mumënt, de tré l fla cun cuscienza.

30/04/2026

Respet uel dì desmustré toleranza, nce ti mumënc ulache l ne ie nia saurì.
👉 Desmostra toleranza!
Toleranza uel dì mëter n descuscion l prim mpuls y traté l auter cun umanità. Propi ti mumënc nia udui dant vëijen tan de respet che on te nëus. Na situazion da uni di desmostra coche na desgrazia possa deventé n sëni de generosità, sce n tol dezijions pensan nce al bën di autri.

15/04/2026

Plu che mez l raion de Südtirol ie curì da bosch 🌲
300 milions de lëns caraterisea nosc habitat: chël ie ntëur a 555 per abitant.
L bosch ie plu che mé na cuntreda.
L ie funtana de vita, reguladëur dl tlima y cumpani chiet de nosta vita da uni di.
L ie fundamentel per nosta ejistënza 🌿

05/04/2026

🐰🌸 Bona Pasca dala Provinzia de Balsan!
Te chisc dis de festa ves audunse da ciafé la ligrëza ti pici momënc dla vita!

03/04/2026

La Jonta provinziela se à danter l auter dat ju cun l spedel de Bulsan y l aumënt dla cuntità di liec ntensifs. L assessëur per la Sanità Hubert Messner nfurmea sun chësta tematica tl video curt Nutizies dala Jonta.

01/04/2026

🎖️ Franz Vittur pëia do l pest 𝐌𝐞𝐫𝐢𝐭 𝐋𝐚𝐝𝐢𝐧 2026. L vën nsci unerà per si lëur coche prim ntendënt de scola ladin y per avëi renfurzà la rujeneda y la cultura ladina.

ℹ Cun l Merit Ladin uelen mustré su meric straurdineres per la nrescida scientifica, la mediazion y la criazion artistica tl ciamp dla rujeneda y cultura ladina. L pest nstës vën crì ora tl cuncors d'ert Ert X Merit Ladin, che vën metù a jì dala Ntendënza y Cultura ladina y dala Lia di Artisć de Südtirol, tulan ite nce urganisazions d'ert ladines.

🎙 "Franz Vittur á rapresenté n punt de referimënt sigü, frëm y competënt por döt le monn dl’istruziun y dla formaziun. Sce la scora ladina é aldedaincö l’anima y la garanzia dl’identité y dla cultura de nosta comunité, ti vá le plü gran mirit dessigü a Vittur, a chël che i ti sporji mi rengraziamënt y mia amiraziun", dij l assessëur Daniel Alfreider.

Deplù te nosta news:
👉 https://news.provinzia.bz.it/lld/news/franz-vittur-peia-do-le-pest-merit-ladin-2026

(📸 USP/Carlo Suani)

21/03/2026

Nchin che l bosch tira l fla, trajons nce nëus l fla. 🌲 🌬️ L bosch sfrëida nosta atmosfera, purifichea l'aria, cunserva l'ega y nes scinca ossigen. L nes straverda dai priculi naturei, lieia CO2 y ie n habitat per truepa sortes de tieres y plantes.
Chël che l bosch fej per nëus ie zënza priesc y à na mpurtanza da nia se nmaginé per nosc daunì.
Ncuei ie l di dl bosch y ulon se rënder cont dl valor che l à per duc nëus.

Indirizzo

Palaz Widmann A Bulsan
Bolzano
39100

Sito Web

http://www.provinzia.bz.it/usp-ladin

Notifiche

Lasciando la tua email puoi essere il primo a sapere quando Provinzia de Bulsan - Südtirol pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.