Brunavarnir Skagafjarðar

28/04/2026

Gleðilegt sumar og gulur bíll!

Meðfylgjandi eru myndir frá æfingum slökkviliðsins í apríl, en þema mánaðarins var vatnsöflun og reykköfun. Á síðustu reykköfunaræfingu vetrarins var farið í svokallaðan „reykköfunarfótbolta“ þar sem tveir og tveir reykkafarar voru festir saman með límmbandi. Að taka reykköfun á þennan hátt reynir á samskipti og samhæfingu reykköfunarparsins.

Slökkviliðið sinnir líka sjúkraflutningum í Skagafirði og fengum við nýlega nýjan sjúkrabíl og erum við því með tvo „gula“. Hér fyrir neðan má sjá þá félaga saman.

31/12/2025

Vekjum athygli á neðangreindu.

Tilkynning vegna sinuhættu! ⚠⚠

Slökkviliðsstjórar á öllu Norðurlandi biðla til fólks að fara afar varlega með skotelda og opinn eld í dag, Gamlársdag. Afar þurrt er í veðri, gróður á svæðinu er mjög þurr og því hætta á að ef eldur kemst í sinu getur að breiðst hratt út.

Fólk er beðið um að kveikja ekki eld nærri sinu, kjarri og háu grasi og ekki vera með flugelda þar sem hætta er á að glóð úr þeim geti komið af stað sinubruna.

01/12/2025

1. desember er dagur reykskynjarans. Hvernig er staðan hjá þér og þínum nánustu?

14/10/2025

Óvenju mörg verkefni hafa verið hjá slökkviliðinu undanfarinn mánuð eða svo, ber þar helst að nefna eld í hjólhýsi, eld í rútu og eld í íbúðarhúsnæði og þegar þessi orð eru rituð eru nokkrir starfsmenn okkar að aðstoða Slökkvilið Fjallabyggðar sem hefur verið að berjast við eld í iðnaðarhúsnæði síðan í gærkvöldi. Verkefni tengd sjúkraflutningum hafa líka verið í stóru hlutverki hjá okkur, eins og svo oft áður.

Við fáum líka skemmtilegar heimsóknir á slökkvistöðina og fengum við á dögunum heimsókn frá nemendum og starfsfólki á starfsbraut FNV, þar sem að þau fengu að fara upp í körfubílnum okkar og æfa notkun handslökkvitækja. Meðfylgjandi eru myndir frá heimsókninni.

15/02/2024

Góðan dag.

Hér koma helstu tölfræðimolar slökkviliðsins fyrir árið 2023.

Sjúkraflutningar voru 485, sem er mesti fjöldi sjúkraflutninga á einu ári hjá Brunavörnum Skagafjarðar. Stærsti mánuður ársins var janúar, en í honum voru 55 sjúkraflutningar. Flestir sjúkraflutningar hjá okkur eru frekar tímafrekir, en í tæplega 57% tilfella er farið með sjúkling á Sjúkrahúsið á Akureyri.

Útköll slökkviliðsins voru samtals 28, flest voru þau vegna elds af einhverju tagi í byggingum, eða 6 talsins. Einnig má nefna gróðurelda og vatnsleka sem voru ekki langt undan.

Eldvarnarúttekir, þar sem eldvarnareftirlit fer í fyrirtæki/stofnanir og tekur út brunavarnir, sem og öryggis- og lokaúttektir voru nálægt 200.

Að lokum verður einnig að minnast á þann mikla fjölda fólks sem fékk fræðslu í eldvörnum, að ógleymdum öllum slökkvitækjunum hjá einstaklingum og fyrirtækjum sem voru þjónustuð.

04/07/2023

Eldur kom upp í fjölbýlishúsi á Sauðárkróki í kvöld. Upptökin má rekja til þurrkara, staðsettum á baðherbergi í einni íbúð hússins. Íbúi reyndi að slökkva eldinn með handslökkvitæki án árangurs áður en slökkviliðið kom á vettvang. Greiðlega gekk að slökkva eldinn sem hafði náð að breiðast út í baðherberginu. Reykræsta þurfti íbúðina og stigagang hússins.

Einnig má bæta við að eldur kom upp í iðnaðarhúsi á Sauðárkróki í síðustu viku þar sem rekja má upptök eldsins til bilunar í gömlu loftljósi með þeim afleiðingum að það náði að kveikja eld í plasttunnum sem voru neðan við ljósið. Snarræði starfsmanns í húsinu sem uppgvötaði eldinn og náði að slökkva hann kom í veg fyrir stjórtjón á húsinu. Slökkviliðið reykræsti svo húsið.

Óvenju mikill fjöldi verkefna hefur verið hjá slökkviliðinu það sem af er ári, hvort sem er í sjúkraflutningum eða slökkviliðstengdum verkefnum.

30/12/2022

Við hjá Brunavörnum Skagafjarðar óskum ykkur gleðilegs nýs árs og þökkum það liðna. Förum varlega um áramótin sem og aðra daga.

Meðfylgjandi eru myndir af nýjum bakvaktabíl slökkviliðsins. Á pallinum er lítið en öflugt "One Seven" slökkvikerfi sem nýtist okkur í minni verkefni.

13/12/2022

Slökkviliðið hittist í kvöld á síðustu æfingu ársins. Farið var yfir búnað sjúkra- og slökkvibíla. Einnig var æfð meðferð handslökkvitækja af ýmsum gerðum og beitingu eldvarnateppis. Í lok æfingarinnar var nýtt "One Seven" slökkvikerfi á dælubílnum prófað, meira af því síðar :) Í lokin má bæta að veitingarnar voru ekki af verri gerðinni, þar sem konfektið, smákökurnar og klementínurnar stóðu við sitt.

01/12/2022

1. desember er dagur reykskynjarans, en hann er mikilvægasta öryggistæki heimilisins. Hvernig er staðan hjá þér?

30/11/2022