17/02/2026
Söfnin í Fjarðabyggð eru jafn ólík og þau eru mörg. Sjóminjasafn Austurlands á Eskifirði geymir gagnmerkar heimildir um atvinnusögu landsmanna. Íslenska stríðsárasafnið á Reyðarfirði er merk heimild um hernám landsins og síðari heimsstyrjöldina. Safnið Fransmenn á Íslandi segir sögu franskra skútusjómanna á Fáskrúðsfirði. Í Safnahúsinu á Norðfirði, eru þrjú og ekki síður áhugaverð söfn til húsa. Náttúrugripasafnið á Norðfirði lýsir náttúru Austurlands. Sjóminja- og smiðjumunasafn Jósafats Hinrikssonar snýr að hand- og iðnverki fyrri tíðar. Á jarðhæð Safnahússins er svo Myndlistarsafn Norðfirðingsins Tryggva Ólafssonar.
