بە کولتوورکردنی خوێندنەوە

13/04/2026

دکتۆر ناسر کاتوزیان (باوکی یاسای ئێران):

​١. دەربارەی زیندان و دادپەروەری:
​پڕبوونی زیندانەکانی وڵاتێک، نیشانەی چەسپاندنی دادپەروەری نییە؛ بەڵکوو تەنیا نیشاندەری نەخۆشبوونی ئەو وڵاتەیە کە دەبێ چارەسەر بکرێت.
​٢. دەربارەی ڕەخنەگرتن و دادوەری:
​نابێت کەموکوڕییەکانی کەسانی تر بە پەنجەیەکی پیس نیشان بدەین؛ ئەو کەسەی لەسەر خەڵک بڕیار دەدات و دادوەرییان دەکات، دەبێت خۆی پاک و بێگەرد بێت.
​٣. دەربارەی دەسەڵات و پارە:
​کەسێک دەسەڵات بە پارە بکڕێت، دادپەروەرییش بە پارە دەفرۆشێت؛ ئەو دەسەڵاتەی لەناکاو و بێ زەحمەت بەدەست دێت، ئاسەواری وێرانکەرتری هەیە لەو سەروەتەی کە بە بێ ماندووبوون دێتە کایەوە.

07/04/2026

ساڵی 1951 کاتێک بڕیار بوو پێشبڕکێی بەناوبانگی پاسکیل‌سواریی "تۆڕی سوید" بەڕێوە بچێت، پیاوێکی تەمەن 66 ساڵ بە ڕیشێکی سپی و چاویلکەیەکی ئەستوورەوە خۆی گەیاندە شوێنی دەستپێکی پێشبڕکێکە. خۆی وەک "گوستاف هوکانسۆن" ناساند، بەڵام بەرپرسانی پێشبڕکێکە ڕێگەیان پێ نەدا بەشداری بکات؛ بە بڕوای ئەوان، هوکانسۆن بۆ پێشبڕکێیەکی ئاوا سەخت زۆر پیر بوو.

پیاوەکە نائومێد نەبوو. لەگەڵ ئەوانی تر دەستی پێ کرد؛ بە شێوەیەکی ناڕەسمی، بێ ژمارەی بەشداربوون و بە پاسکیلێکی پێکەنیناوییەوە لەچاو ئەوانی تر. هوکانسۆن تەواوی ڕێگەی 1764 کیلۆمەتریی پێشبڕکێکەی لە ماوەی شەش ڕۆژدا بڕی و ڕۆژێک زووتر لە هەموو بەشداربووە ڕەسمییەکان گەیشتە هێڵی کۆتایی. پاسکیل‌سوارە پیشەگەرەکان شەوان پشوویان دەدا، بەڵام هوکانسۆن شەو و ڕۆژ دەڕۆیشت. کاتێک وێنەکانی لە ڕۆژنامە و گۆڤارە سویدییەکاندا بڵاوکرایەوە، هەمووان ئاشقی بوون. ئەو بوو بە هێمای ئەوەی کە "هیچ کاتێک بۆ هیچ کارێک درەنگ نییە."

کاتێک بەناوبانگ بوو، خەڵک زانییان کە پێشتر شۆفێری پاس بووە و لەگەڵ هاوسەرەکەی، کە سەرپەرشتیی کافێیەکی دەکرد، ژیاوە. هەروەها زانییان کە لە تەمەنی 42 ساڵیدا کێوەکانی سویدی بە پاسکیل بڕیوە. تا تەمەنی 100 ساڵیش هەر بەردەوام بوو لە بەشداریکردن لە پێشبڕکێ جیاجیاکانی پاسکیل‌سواریدا و دواجار لە تەمەنی 102 ساڵیدا کۆچی دوایی کرد. هوکانسۆن دەیگوت: «کاتێک باوەڕت بە شتێک هەبێت، قاچەکان خۆیان ڕێگاکە دەدۆزنەوە.»

07/04/2026

20/07/2024

له‌ ڕاستیدا ئێمه‌ چاوه‌ڕوانی گه‌ڕانه‌وه‌ی هیچ كه‌سێك نین، ته‌نها چاوه‌ڕوانی گه‌ڕانه‌وه‌ی خۆمانین كه‌ له‌گه‌ڵ ئه‌ودا رۆیشتووه‌.

02/01/2024

حەسرەتی ئەو وشانەی کە نەمان بیستن

14/12/2023

ڕۆژێکیان عارفێک ژمارەیەک خەڵکی لە دەوری خۆی کۆکردبووەو باسی خودای بۆ دەکردن. باسی شەریعەت و تەریقەت و زانست و حەقیقەتی بۆ دەکردن.

خەڵکەکەی ئامادە دەکرد بۆ وەڵامدانەوەی ئەو پرسیارانەی کە حەزرەتی حەق دەربارەی ژیانیان لێیان دەپرسێت. سەبارەت خۆشەویستان و بە پەرستش و نوێژ و ڕۆژوو و هتد.

دەروێشێک بەلایاندا تێدەپەڕی، ڕووی لە خەڵکەکە کرد و وتی:

خوای گەورە هەموو ئەمانە ناپرسێت، تەنها یەک پرسیار دەکات: من لەگەڵ تۆ بووم، تۆ لەگەڵ کێ بوویت؟

30/10/2023

کچ: دەمەوێ گەورەبم، تا گەورە نەبیت، دەبێت بۆ هەمووشتێک مۆڵەت وەرگری.

باوک: گەورەش بیت، دەبێت مۆڵەت وەرگری، بۆ یەک پاروە نان دەبێت لە هەر کەس و ناکەسێک مۆڵەت وەرگری، با خۆت گەورەبیت تێدەگەیت

27/09/2023

ھیچ شتێك لە دونیادا لە نوسینی ڕۆمانێك سەختتر نییە، ھەموو ئیشێكی دیكەی دونیا لە نوسینی ڕۆمان ئاسانترە. تا دوا وشە دەنوسیت نازانیت ئاخۆ ڕۆمانێكت نوسیوە یان نا. ھەندێجار تا چەند سەد لاپەڕەیك دەنوسم و توڕیدەدەم...

سەختترین شت لە ئەدەبدا ڕازیكردنی خۆتە، نەوەك ئەوانی دی. ئەوە گەورەترین گرفتی من بووە. لەوەش بترازێت مرۆڤ پێویستی بە كاتێكی زۆرە، مرۆڤ گەر ھەموو كاتی تەرخان نەكات بۆ نوسین، ناتوانێت ڕۆمان بنوسێت. بەڵام لە ھەلومەرجی سەختی ژیان و دابینكردنی زیندەگیدا ناتوانین وابكەین...

من بەردەوام خەونی زۆر و كاتی كەمم ھەبووە. ھەوڵدەدەم بنوسم، دڵنیام تا بژیم و توانای سەرسامبوونم ھەبێت دەنوسم. گرنگ ئەوەیە مرۆڤ لەژێر ھیچ ھەلومەرجێكدا ئەو سانسۆرە ستاتیكییەی سەر خۆی لانەبات.

ھەر كاتێك دەست بە نوسینی ھەر تێكستێك دەكەم، وەك ئەوە وایە لەسەرەتاوە دەست پێبكەمەوە، بەو ڕۆحییەتە دەنوسم كە ئەوە یەكەم ئیشی منە، بۆ من گرنگ نییە ئەوەی پێشتر نوسیومە شاكار بووە یان نا... ھەمیشە ئەوە گرنگە كە بەیانی دەینوسم، ھەمیشە لە سەرەتا دەترسم و دەستم دەلەرزێت، چەندەھا جار توڕیدەدەم و دەست پێدەكەمەوە، تا دواجار یەكێك لە سكێچەكان قەناعەتم پێدەكات...

خۆشترین سات لە ژیانی مندا ئەو ساتەیە كە ھەستدەكەم ڕێگا ڕاستەكە و بیرۆكە ڕاستەكەم دۆزیوەتەوە. ئەو لەزەتی دۆزینەوەیە لە ھەموو پاداشتەكانی دونیا گەورەترە، ھەموو خەڵاتی سەر ئەم ئەستێرەیەم بدەنێ، بە ئەندازەی ئەو ساتە خۆشحاڵم ناكات، كە ھەستدەكەم بیرۆكەیەكی قەشەنگ لە دڵمدا درەوشاوەتەوە و ئێستا دەتوانم بیھێنمە زمان و بینوسم... بۆ ئەو خۆشییەیە دەنوسم... بۆ ئەو سەرسامییە دەنوسم، كە ئەوە نەما، نوسین مانای نامێنێت.

"بەختیار عەلی"
لە چاوپێكەوتنێكدا

27/09/2023

هەژاری، نەفەرێک بوایە دەمکوشت.
ئیمامی علی

26/09/2023

ژیانی ئێمەش هەر بەوشێوەیەیە، هێشتا وەرزی گەڵاڕێزان نەگەیشتووە. بەڵام درەنگ یان زوو دەگات. هەندێ لەوگەڵایانەی هێشتا زەردنەبوون و خۆیان بە سەوزی دەنوێنن، لە لقی دارەکان دەکەونە خوارەوە، هەندێکی تریشیان تا کۆتا ڕۆژەکانی پایز، دەنووسێن بەدارەکانەوە، تا ئەوکاتەی باران بەزۆری هێز لە لقی درختەکانیان دەکاتەوە.

کاتێک بتەوێت لەم بابەتە وردبیتەوە و ڕابمێنی، تێدەگەیت، هەردوو ڕێگاکە یەک شتە. واتە جیابوونەوەو کەوتنە خوارەوە، یان مانەوە بە لقی درختەکان و هەوڵدان بۆ مانەوەیەکی زیاتر.

ئەنجام جیاوازییەکەی هەر ئەوەیە، ئەوانەی کە خۆیان جیادەبنەوەو دەکەونە خوارەوە، بە چریکە و نەوای با سەما دەکەن، ئارام ئارام دەکەونە سەر زەوی، ئەوانەشی کە قامچی باران لێیان دەکاتەوە، تەنانەت دەرفتی کۆتا بینینیش لە دەست دەدەن.

ڕۆمانی (کۆتا سەمای گەڵا)
فریده شجاعی.

23/09/2023

ئاکامی وابەستەبوون بە مۆبایل!🤦

پیاوێک لە بەڕازیل ویستی ئەوە بەو ژنە بڵێت کە زۆر سەرقاڵبوون بە مۆبایلەوە، دەبێتە هۆی ئەوەی کە بەنرخترین شت لە ژیاندا کە مناڵەکەتە، لەدەست بدەیت.