لقی 10 ـی پارتی دیموکراتی کوردستان

02/06/2026

لە بەردەوامیی پێگەیاندنی کادیراندا..

بە چاودێری بەڕێز (بڵند ئیسماعیل)، ئەندامی کۆمیتەی ناوەندی و بەرپرسی لقی ١٠ـی پارتی، بە ئامادەبوونی هەریەک لە کارگێڕانی لق ”جادر عەزیز” بەرپرسی بەشی پێگەیاندن و ڕۆشنبیری و ڕاگەیاندن “فەرمان حوسێن”بەرپرسی بەشی پەیوەندییەکان، هاوکات، “فەرهاد فەرحۆ” بەرپرسی لیژنە ناوچەی سۆران و بەرپرسی ڕێکخراو و ئەندامان هەمان سنووری لیژنە ناوچە، سێمینارێکی تایبەت بە ناونیشانی "بنەماکانی سەرکردایەتی" لەلایەن ڕاهێنەر “د. بارزان سەباح” مامۆستای زانکۆ پێشکەش کرا، وا بڕیارە ئەم سمینارە بۆ ماوەی مانگێک بەردەوام بێت و سەرجەم لیژنە ناوچەکان تیاییدا بەشداربن.

سێشەممە 1ـی 6ـی 2026

27/05/2026

پەیامی سەرۆك بارزانی بەبۆنەی جەژنی پیرۆزی قوربان

بەناوی خودای بەخشندە و میهرەبان

بە بۆنەی هاتنەوەی جەژنی پیرۆزی قوربانەوە، پیرۆزبایی خۆم ئاراستەی موسڵمانانی كوردستان و عێراق و هەموو جیهان دەكەم. پیرۆزبایی تایبەتیش ئاراستەی خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی خۆشەویستی كوردستان دەكەم. لەو بۆنە پیرۆزەدا لە خودای گەورە داواكارم خێر و خۆشی و ئاسوودەیی بۆ هەموو خەڵكی كوردستان و جیهان بەدی بهێننێت.

هەروەها لەو ساتە هەستیار و چارەنووسسازەدا پەیامم بۆ لایەن و هێزە سیاسییەكانی كوردستان ئەوەیە كە هەموو لایەك بیر لە بەرژەوەندییەكانی خەڵكی كوردستان بكەنەوە و بەرژەوەندییە باڵاكانی گەلەكەمان لەسەرووی ئامانج و بەرژەوەندیی بەرتەسك دابنێن و واز لەو ململانێیە بێ ئەنجامە و، ئەو خۆخۆرییە بێنن كە ماوەیەكە پڕۆسەی سیاسیی هەرێم بەدەستیەوە دەناڵێنێت. داوا دەكەم لەدوای جەژنی پیرۆزی قوربان لایەنە سیاسییەكانی هەرێم بە دڵسۆزی و هەستی نیشتیمانپەروەرانەوە بەیەكەوە كۆببننەوە و ئەو چەقبەستووییە سیاسییە چارەسەر بكەن و كۆتایی بەم دۆخە نالەبارە سیاسییە بهێنن. ئەمە ئەركێكی ویژدانی و نەتەوەیی و نیشتیمانییەو پێویستە هەموو لایەك بە هەستی بەرپرسیارێتییەوە مامەڵەی لەگەڵدا بكەن و بگەڕێنەوە سەر ڕێگەی ڕاست.

هیوادارم ئەم جەژنە دەستپێكێك بێت بۆ باشتربوونی بارودۆخی هەرێمی كوردستان و تێپەڕبوونی گرفتە سیاسییەكان و هەروەها بەرقەراربوونی ئاشتی و ئارامی و سەقامگیری لە ناوچەكەمان و سەرانسەری جیهان.

جەژنتان پیرۆز بێت و هەمیشە لە خۆشی و سەلامەتیدا بن.

مسعود بارزانی

9ی زیلحەججەی 1447ی كۆچی
26ی ئایاری 2026

26/05/2026

26/05/2026

بە چاودێری هەڤاڵ “بڵند ئیسماعیل”، یادی ٥٠ هەمین ساڵیادی شۆڕشی گوڵان لە لقی 10ـی پارتی دیموکراتی کوردستان بەشکۆیەکی تایبەت بەرز ڕاگیرا، بۆ ڕێزلێنان لە خەبات و قوربانییەکانی پێشمەرگە و بەردەوامی پەیامی شۆڕش.

25/05/2026

شۆڕشی گوڵان، هیوای نوێ و پەیامی یەکڕیزی بۆ گەلی کوردستان…

لەژێر چاودێری بەڕێز “بڵند ئیسماعیل” ئەندامی کۆمیتەی ناوەندی و بەرپرسی لقی 10ـی پارتی، و بە ئامادەبوونی “هەڵگورد شێخ نەجیب” سەرپەرشتیاری ئیدارەی سۆران، و ژمارەیەکی بەرچاو لە بەرپرسانی حزبی، حکومی، ئەمنی و لەشکری و پێشمەرگە دێرینەکان، یادەوەری شۆڕشی گوڵان بە دروشمی “شۆڕشی گوڵان، رەتکردنەوەی واقعێکی داسەپاو” بەشانازییەوە بەرز ڕاگیرا.

لە میانی مەراسیمدا جەخت لەسەر ئەوە کرایەوە کە شۆڕشی گوڵان درێژەپێدەری شۆڕشی ئەیلوول بوو، بە ڕێنوێنی باوکی ڕۆحی نەتەوەیی، مەلا مستەفا بارزانی، و لە قۆناغێکی سەختدا بە ڕابەرایەتی سەرۆک مسعود بارزانی و کاک ئیدریس، هیوای نوێی بە گەلی کوردستان بەخشی و پەیامی یەکڕیزی و خۆڕاگری چەسپاند.

هەروەها لە چوارچێوەی ئەم یادە مەزنەدا، پانێڵێکی زانستی لەلایەن مامۆستایانی زانکۆ پێشکەش کرا، لەگەڵ پێشانگای وێنە دەگمەنەکانی شۆڕش و پێشاندانی دیکۆمێنتارێک سەبارەت بە سەرهەڵدان و سەرکەوتنەکانی شۆڕشی گوڵان.

لە کۆتایی مەراسیمەکەشدا، وێنەی یەکەم شەهیدی شۆڕشی گوڵان لەلایەن بەڕێز بەرپرسی لق پێشکەش بە بەڕێز “ئومێد سەید عبدوڵڵا” کوڕی شەهید سەید عبدوڵڵا کرا.

دووشەممە ٢٥ـی گوڵان

25/05/2026

ڕواندز سەدەی “زاری کرمانجی” بە دیدارێکی زانستی و هونەری بەرز ڕاگیرا….

بە ئامادەبوونی بەڕێز “بڵند ئیسماعیل” ئەندامی کۆمیتەی ناوەندی و بەرپرسی لقی ١٠ـی پارتی و هەڵگورد شێخ نەجیب سەرپەرشتیاری ئیدارەی سۆران، شوان محمد بەرپرسی لقی ٢٦ و خاتوو کوردستان موکریانی و ژمارەیەک لە بەرپرسانی حزبی و ئیداری، دیداری ١٠٠ ساڵەی “زاری کرمانجی” حوسێن حوزنی موکڕیانی، پێشەنگی گوتاری کوردی، لە ڕواندز بەڕێوەچوو.

لە چوارچێوەی دیدارەکەدا پانێڵێکی زانستی، بڕگەی هونەری و لادانی پەردە لەسەر پەیکەری ناوبراو پێشکەش کرا. هەروەها شەقامێک بە ناوی حوسێن حوزنی موکڕیانی کرا و لەلایەن بەڕێز بەرپرسی لق، تاجە گوڵینەی ڕێز و وەفا، پێشکەش کرا.

دووشەممە 25ـی ئایاری 2026

24/05/2026

بە چاودێری بەڕێز “بڵند ئیسماعیل” ئەندامی کۆمیتەی ناوەندی و بەرپرسی لقی ١٠ـی پارتی، و بە ئامادەبوونی بەڕێزان “عبدالرحمن گوانی و محسن سدیق” کارگێڕانی لق و بەرپرسانی لیژنە ناوچەکانی سنووری لق، یەکێتی ئافرەتانی کوردستان ـ ناوەندی سۆران، چالاکییەکی تایبەتی بۆ پەرەپێدانی تواناکانی ئافرەتان و فراوانکردنی هاوبەشییان لە بوارە جیاوازەکاندا بەڕێوەبرد.

ئەم چالاکییە بە مەبەستی پشتگیری و بەهێزکردنی ڕۆڵی ئافرەتان لە کۆمەڵگادا ئەنجامدرا و جەختی لەسەر گرنگی بەشداریی ئافرەتان لە ژیانی کۆمەڵایەتی و پیشەیی کردەوە.

یەکشەممە 24ـی ئایاری 2026

24/05/2026

لەسەر ڕاسپاردەی بەڕێز جەنابی سەرۆک مەسعود بارزانی پرۆژەیەکی خزمەتگوزاری تایبەت بە کریستیانان کە لە لایەن نووسینگەی مەلامستەفا بارزانی جێبەجێکرابوو لە گوندی هاودیان کرایەوە.

23/05/2026

لەسەر ڕاسپاردەی بەڕێز جەنابی سەرۆک مەسعود بارزانی، بەئامادەبوونی بەڕێز (مەلامستەفا بارزانی) قەداسەتی پاتریارک "مار ئاوا"ی سێیەم (پاتریارکی کەنیسەی ڕۆژهەڵاتی ئاشووری) و بەڕێز “بڵند ئیسماعیل” ئەندامی کۆمیتەی ناوەندی و بەرپرسی لقی ١٠ـی پارتی و “هەڵگۆرد شێخ نەجیب” سەرپەرشتیاری ئیدارەی سۆران، پرۆژەیەکی خزمەتگوزاری تایبەت بە کریستیانان لە گوندی هاودیان کرایەوە.

ئەم پرۆژەیە، کە لە ژێر رۆشنای و ڕاسپاردەی بەڕێز جەنابی سەرۆک مەسعود بارزانی و لە سەر ئەرکی بەڕێز مەلامستەفا بارزانی جێبەجێ کراوە پێکهاتووە لە:.

- هۆڵێکی شایستە و مۆدێرن تایبەت بە بۆنەکان.
- یاریگایەکی وەرزشی.
- هۆڵێکی داخراوی وەرزشی.
وەک دیاری و سۆزێکی شکۆدار، پێشکەش بە خوشک و برایانی کریستیانی ڕەسەن و دێرینی گوندی هاودیان کرا.

شەممە 23ـی ئایاری 2026

22/05/2026

بەڕێز (بڵند ئیسماعیل) ئەندامی کۆمیتەی ناوەندی و بەرپرسی لقی 10ـی پارتیمان، بەیاوەری هەڤاڵان “عبدالرحمن گوانی” کارگێڕی لق و “رەئوف عبدوڵڵا” بەرپرسی لیژنە ناوچەی رواندوز، لەگوندی بەرزێوەی قەزای رواندوز، ژمارەیەک سەردان و بەسەرکردنەوەی ئەنجامدا:..

١- سەردانی بەڕێز کاک “حمدئەمین غەفوور”ــی کرد.
٢- سەردانی بەڕێز کاک “ماهیر میرە”ــی کرد.
٣- سەردانی بەڕێز کاک “سەلام مستەفا”ــی کرد.
٤- سەردانی بەڕێز کاک “فارس عەوڵا”ــی کرد.
٥- سەردانی بەڕێز کاک “ئومێد عبدالرحمن”ــی کرد.
٦- سەردانی بەڕێز کاک “تەها ئەحمەد زەرد”ــی کرد.
٧- سەردانی بەڕێز کاک “سۆران قادر ئەحمەد”ــی کرد.
٨- لە شاوێش پەیامی هاوخەمی گەیاندە بنەماڵەی کەسایەتی و فەرماندە، خوالێخۆشبوو کاک “مەلا حەسەن ماونی”