بەرێوبەرایەتی کاروباری پاراستنی تەندروستی هەولێر

  • Home
  • Iraq
  • Irbil
  • بەرێوبەرایەتی کاروباری پاراستنی تەندروستی هەولێر

بەرێوبەرایەتی کاروباری پاراستنی تەندروستی هەولێر Contact information, map and directions, contact form, opening hours, services, ratings, photos, videos and announcements from بەرێوبەرایەتی کاروباری پاراستنی تەندروستی هەولێر, Public & Government Service, Irbil.

پەیامی پیرۆزبایی بەڕێوەبەرایەتی کاروباری پاراستنی تەندروستی هەولێر بەبۆنەی هاتنی جەژنی پیرۆزی قوربانەوە...بەناوی خودای گ...
26/05/2026

پەیامی پیرۆزبایی بەڕێوەبەرایەتی کاروباری پاراستنی تەندروستی هەولێر بەبۆنەی هاتنی جەژنی پیرۆزی قوربانەوە...

بەناوی خودای گەورە و میهرەبان...
بەبۆنەی هاتنەوەی جەژنی پیرۆزی قوربان،جوانترین و گەرمترین پیرۆزبایی ئاڕاستەی سەرجەم حاجیانی ماڵی خودا و پزیشکان،کارمەندان و فەرمانبەران و تەواوی ستافی ماندوونەناسی بەڕێوەبەرایەتییەکەمان و ناوەندە تەندروستییەکانی دیکە و تەواوی موسڵمانانی کوردستان و جیهان دەکەین.
لەم بۆنە پیرۆزەدا،سوپاس و پێزانینی قووڵی خۆمان ئاڕاستەی یەکە یەکەی ئێوەی بەڕێز دەکەین کە هەمیشە لەسەنگەری پێشەوەی پاراستنی تەندروستی کۆمەڵگەدان و تەنانەت لەڕۆژانی جەژن و پشووەکانیشدا لەپێشکەشکردنی خزمەتگوزاری بەردەوامن.
له‌خوای گه‌وره‌ داواكارین ئه‌م جه‌ژنه‌ ببێتە مایه‌ی خێر و خۆشی،سه‌قامگیری و لەشساغی بۆ هەمووان،هیوای سەرکەوتن و بەردەوامی بۆ سەرجەم لایەک دەخوازین لەئەرکە پیرۆزەکانتاندا.
جەژنتان پیرۆز و هەمیشە لەخۆشی و تەندروستییەکی باشدا بژین.

ڕاگەیاندنی بەڕێوەبەرایەتی کاروباری پاراستنی تەندروستی هەولێر

نەخۆشی کۆلێرا چییە و چۆن بڵاودەبێتەوە؟کولێرا نەخۆشییەکى بەکتریایی توندە کە تووشى کۆئەندامى هەرسى مرۆڤ دەبێت لەڕێگەى چوون...
25/05/2026

نەخۆشی کۆلێرا چییە و چۆن بڵاودەبێتەوە؟

کولێرا نەخۆشییەکى بەکتریایی توندە کە تووشى کۆئەندامى هەرسى مرۆڤ دەبێت لەڕێگەى چوونە ژوورەوەى بەکتریاى"Vibrio cholerae" بۆ ناو گەدە و ڕیخۆڵەکان،ئەوەش وادەکات مرۆڤ بەخێرایی تووشی سکچوون و ڕشانەوەیەکى توند ببێت.
ئەم نەخۆشییە،لە خۆراک و ئاوی پیسبووەوە بەڕێگەی خواردن و خواردنەوە دەگوازرێتەوە،ماوەی گەشەکردنی بەکتریاکە لە ناو جەستەدا لە دوو کاتژمێر تا پێنج ڕۆژ دەخایەنێت.
نیشانەکانى نەخۆشی کۆلێرا:
1 سکچوونێکى توند،کە لە شێوەى ئاوى برنجە و بۆنێکی ناخۆشی هەیە.
2 ڕشانەوەیەکی زۆر.
ئەم دوو نیشانەیە وادەکەن نەخۆشەکە بڕێکی زۆری ئاو و خوێی لەش لە ماوەیەکی کەمدا لەدەستبدات، کە دەبێتە هۆی لاوازبوونی گورچیلەکانی.بۆیە پێویستە بەخێرایی ئەو بڕە ئاوە بگەڕێندرێتەوە بۆ جەستە لەڕێگەی دەمارەکانەوە"موغەزی"یان خواردنەوەی بڕێکی باشی شلەمەمەنی و گیراوەی دژە وشکبوونەوە (ORS).
چارەسەری نەخۆشی کۆلێرا:
1 خواردنەوەی ڕێژەیەکی زۆر شلەمەنی بۆ قەرەبووکردنەوەی ئەو شلەیەی جەستە لەدەستیداوە.
2 خواردنی شلەمەنی سووک،سووپ و ئەو خۆراکانەی دەوڵەمەندن بەماددە کانزاییەکان.
3 پێدانی دەرمانی تایبەت"دژە زیندەگی - Antibiotics"تەنها لەلایەن پزیشکی پسپۆڕەوە. (تێبینی: بەهیچ شێوەیەک دەرمانی ڕاگرتنی سکچوون بەبێ پرسی پزیشک بەکارمەهێنە).
چۆنیەتی بڵاوبوونەوەی نەخۆشی کۆلێرا:
1 خواردن و خواردنەوەیەك کە پیسبووبێت بەبەکتریای (Vibrio cholerae).
2 پیسبوونى ئاوى خواردنەوە بە پاشەڕۆى مرۆڤی تووشبوو.
3 چوونە ژوورەوەى بەکتریاکە ڕاستەوخۆ لەڕێگەى بەکارهێنانى دەست یان کەلوپەلی پیس بۆ ناودەم.
4 گواستنەوەی لە ڕێگەی مێش و مێرووەکانەوە لە شوێنە پیسەکانەوە بۆ سەر کەلوپەل و خۆراک.

ڕێنماییەکانی خۆپاراستن لە کۆلێرا:
یەکەم: بۆ ئەو کەسانەی تووشی کۆلێرا بوون:
1 جیاکردنەوەی کەسی تووشبوو لە ئەندامانی دیکەی خێزان لەکاتی بەکارهێنانی تەوالێت و کەلوپەلدا.
2 پاککردنەوە و ڕشتنی بەردەوامی کەلوپەل و جلوبەرگەکانی نەخۆشەکە.
3 لابردن و پاککردنەوەی پاشماوەکانی نەخۆشەکە بەشێوەیەکی تەندروست.
دووەم: بۆ ئەو کەسانەی تووشی نەخۆشییەکە نەبوون:
1 گرنگیدانی تەواو بە پاکوخاوێنی کەسی و دەستشۆردنی بەردەوام بە ئاو و سابوون.
2 دابینکردنی ئاوی خاوێن و دڵنیا بۆ خواردنەوە،یان کوڵاندنی ئاو پێش بەکارهێنانی.
3 خۆپاراستن لەخواردنی ئەو سەوزانەی کە گومانی پیسبوونیان لێدەکرێت.
4 بەکارنەهێنانی خواردن و خواردنەوەی سەردانەپۆشراوی سەر شەقام و عارەبانەکان.

‎

کۆبوونەوەیەک بۆ تاوتوێکردنی ڕێنمایی و ڕێکارەکانی ڕێگریکردن لە نەخۆشییەکانی تای خوێنبەربوون و سکچوونی توندی کۆلێرا ئەنجام...
25/05/2026

کۆبوونەوەیەک بۆ تاوتوێکردنی ڕێنمایی و ڕێکارەکانی ڕێگریکردن لە نەخۆشییەکانی تای خوێنبەربوون و سکچوونی توندی کۆلێرا ئەنجامدرا...

ئەمڕۆ دووشەممە ٢٥ـی٥ـی٢٠٢٦ بەسەرپەرشتی بەڕێز"د.چەتۆ محمدامین'بەڕێوەبەری گشتی تەندروستی هەولێر/بەکالەت"و بەئامادەبوونی بەڕێزان"د.بێریڤان عەدنان یاسین'بەڕێوەبەری کاروباری پاراستنی تەندروستی هەولێر و لایەنە پەیوەندیدارەکان،لێژنەی باڵای بەرەنگاربوونەوەی"سکچوونی توند-کۆلێرا و تای خوێنبەربوون"کۆبووەوە.

کۆبوونەوەکە بە مەبەستی ئامادەکاری بوو بۆ ئەم قۆناغە کە سەرەتای گەشەکردنی نەخۆشییەکانە،تێیدا جەختکرایەوە سەر ڕێنماییکردنی هاووڵاتیان بۆ خۆپارێزی لەو ئاوانەی کە سەرچاوەکانیان پاک نین. هەروەها لەگەڵ هاتنی جەژنی قوربانی پیرۆزدا،ڕێنمایی پێویست بۆ پڕۆسەی قوربانیکردن لە تەوەرەکانی کۆبوونەوەکەدا تاوتوێ کرا.
سەبارەت بە تیمەکانی"چاودێریی پێداویستی پزیشکی، تاقیگەیی،دەرمانی چارەسەر،پشکنینی ئاوی بیرەکان و پشکنینی تانکەری ئاوی خواردنەوە"بڕیاردرا بەگشتاندنی ڕێنماییەکان و هۆشیارکردنەوەی هاووڵاتیان لە ڕێگەی بەشی ڕاگەیاندن،هۆبەی بەهێزکردنی تەندروستی و سۆشیاڵ میدیاوە،لەگەڵ بڵاوبوونەوەی ڕێنماییەکانی خۆپارێزی لەشوێنە گشتییەکان،چێشتخانەکان و شوێنە گەشتیارییەکان.
لەکۆتایی کۆبوونەوەکەدا،بەڕێز بەڕێوەبەری گشتی، ئەندامانی لێژنەکە و بەشە پەیوەندیدارەکانی ڕاسپارد بۆ جێبەجێکردنی ڕێکار و ڕێنماییەکان

‎

25/05/2026

هاوڵاتیانی خۆشەویست ....
بۆ دووربوونت لەنەخۆشی تای خوێن بەربوون
تکایە ڕەچاوی ڕێنماییەکانی خۆپارێزی بکە🔻

هەمیشە لەپێناو خزمەتکردنی ئێوەدا بەردەوامین.



#کوردستان #هەولێر #خۆپاراستن #تەندروستی

24/05/2026

پاراستنی تەندروستی منداڵانی ئەمڕۆ،زامنی کۆمەڵگەیەکی تەندروست و بەهێزی بەیانییە.
هەمیشە لەپێناو خزمەتکردنی ئێوەدا بەردەوامین.


‎ #کوتان #هەولێر

بەمەبەستی بەرزکردنەوەی ئاستی هۆشیاری و دڵنیابوون لەتەندروستی نەوەکانمان،"هۆبەی کوتان و هۆبەی ڕۆشنبیری و پتەوکردنی تەندرو...
24/05/2026

بەمەبەستی بەرزکردنەوەی ئاستی هۆشیاری و دڵنیابوون لەتەندروستی نەوەکانمان،"هۆبەی کوتان و هۆبەی ڕۆشنبیری و پتەوکردنی تەندروستی سەر بە بەڕێوەبەرایەتی کاروباری پاراستنی تەندروستی هەولێر"بەهاوکاری و پاڵپشتی هەمەلایەنەی ڕێکخراوی"یونیسێف UNICEF "خولێکی ڕاهێنانی تایبەت بەڕێوەدەبات بەناونیشانی"هەڵمەتی هۆشیاری تەندروستی بۆ بەرزکردنەوەی خواست،دروستکردنی متمانە و دڵنیابوون لە وەرگرتنی خزمەتگوزاری کوتانی ڕۆتینی لەکاتی خۆیدا بۆ بەخێوکەرانی منداڵانی خوار تەمەن پێنج ساڵان".
ئامانجی سەرەکی خولەکە بریتییە لەبەهێزکردنی تواناکانی کارمەندانی تەندروستی لەبواری گەیاندنی پەیامی هۆشیاری،داڕشتنی پلانی گونجاو بۆ دۆزینەوە و چاودێریکردنی ئەو منداڵانەی لەکوتانی ڕۆتینی دواکەوتوون و دروستکردنی پردی متمانە لەنێوان دایکان و باوکان و سەنتەرە تەندروستییەکان،لەپێناو پاراستنی منداڵان لە نەخۆشییە گواستراوەکان.

پاراستنی تەندروستی منداڵانی ئەمڕۆ،زامنی کۆمەڵگەیەکی تەندروست و بەهێزی بەیانییە.
هەمیشە لەپێناو خزمەتکردنی ئێوەدا بەردەوامین.


‎ #کوتان #یونیسێف #هەولێر

کەمپینی هۆشیاری دژی"تای خوێنبەربوون"لە"بنکەی تەندروستی شادی و بنکەی تەندروستی سەرکارێز"بەڕێوەچوو...لەپێناو پاراستنی تەند...
21/05/2026

کەمپینی هۆشیاری دژی"تای خوێنبەربوون"لە"بنکەی تەندروستی شادی و بنکەی تەندروستی سەرکارێز"بەڕێوەچوو...

لەپێناو پاراستنی تەندروستی گشتی و ئاشناکردنی هاونیشتمانیان بەمەترسییەکانی نەخۆشییەکە،بنکەی تەندروستی شادی و بنکەی تەندروستی سەرکارێز کۆبوونەوەیەکی هۆشیارکردنەوەیان بۆ هاونیشتمانیانی سنوورەکەیان ڕێکخست.
لەم کۆبوونەوەیەدا،تیشک خرایە سەر هۆکارەکانی بڵاوبوونەوەی تای خوێنبەربوون،نیشانەکانی و ڕێگاکانی خۆپارێزی لای هاووڵاتیان،بەمەبەستی سنووردارکردن و ڕێگریکردن لەم نەخۆشییە گوازراوەیە.

پاراستنی تەندروستی ئێوە ئامانجی سەرەکی ئێمەیە.

ڕاگەیاندی بەڕێوەبەرایەتی کاروباری پاراستنی تەندروستی هەولێر

سەردانیکردنی بەڕێوەبەر و مافپەروەرانی بەشی یاسایی بەڕێوەبەرایەتی گشتی تەندروستی هەولێر بەمەبەستی پیرۆزبایی دەستبەکاربوون...
21/05/2026

سەردانیکردنی بەڕێوەبەر و مافپەروەرانی بەشی یاسایی بەڕێوەبەرایەتی گشتی تەندروستی هەولێر بەمەبەستی پیرۆزبایی دەستبەکاربوونی بەڕێز"ڕێکان سەباح'وەک لێپرسراوی هۆبەی یاسایی"بەڕێوبەرایەتیمان.

ڕاگەیاندی بەڕێوەبەرایەتی کاروباری پاراستنی تەندروستی هەولێر

نۆژەنکردنەوە و چاککردنی چاڵ و چۆڵییەکانی شەقامی بەردەم بەڕێوەبەرایەتیمان...لەپێناو خزمەتکردنی هاونیشتیمانیان و هاتووچۆکر...
18/05/2026

نۆژەنکردنەوە و چاککردنی چاڵ و چۆڵییەکانی شەقامی بەردەم بەڕێوەبەرایەتیمان...

لەپێناو خزمەتکردنی هاونیشتیمانیان و هاتووچۆکردنێکی ئاسانی شۆفێران بەهەوڵی دەستەی کارگێڕی بەڕێوەبەرایەتیمان و"کاک زانا بەرەکەیی'بەرپرسی بەشی خزمەتگوزاری"،چاڵ و چۆڵییەکانی شەقامی پێش بەڕێوەبەرایەتیمان چاککرایەوە..
سوپاس و پێزانینی خۆمان ئاراستەی بەڕێزان"کاک کارۆخ سەعید خەیات'بەرپرسی لێژنەی ناوچەی شۆڕش"و"بەڕێوەبەرایەتی شارەوانی دوو"دەکەین بۆ هاوکاری و هەماهەنگی لەجێبەجێکردنی کارەکانی نۆژەنکردنەوە و چاککردنی چاڵ و چۆڵییەکانی شەقامی پێش بەڕێوەبەرایەتیمان.

ڕاگەیاندی بەڕێوەبەرایەتی کاروباری پاراستنی تەندروستی هەولێر

چەند ڕێنماییەکی گرنگ بەسەربڕینی ئاژەڵ و بۆ خۆپاراستن لەتای خوێنبەربوون...بۆ پاراستنی خۆت و خێزانەکەت لەمەترسییەکانی تای ...
18/05/2026

چەند ڕێنماییەکی گرنگ بەسەربڕینی ئاژەڵ و بۆ خۆپاراستن لەتای خوێنبەربوون...

بۆ پاراستنی خۆت و خێزانەکەت لەمەترسییەکانی تای خوێنبەربوون،تکایە پابەندی ئەم ڕێنماییە تەندروستییانەی خوارەوەبن لەکاتی مامەڵەکردن لەگەڵ ئاژەڵ و گۆشتدا:

👕 ١.بەکارهێنانی جلوبەرگی پارێزەر
لەکاتی سەربڕینی ئاژەڵدا،پێویستە جلوبەرگی تایبەتی خۆپارێزی بەکاربهێنرێت وەک: "پەنجەوانە،پووت،سدریە،دەمامک و کڵاو".
🥩 ٢.مامەڵەی دروست لەگەڵ گۆشت
• نابێت بەشێوەیەکی ڕاستەوخۆ و بێ پەنجەوانە دەست لەگۆشتی سەربڕاو بدرێت،بەتایبەت لەکاتی وردکردنیدا.
• دوای تەواوبوون لەکارەکە،پێویستە دەستەکان بەباشی بەئاو و سابوون بشۆردرێن.
• تەختە و چەقۆی تایبەت بەگۆشت بەکاربهێنرێت و دوای کارکردن پێویستە بەباشی پاکبکرێنەوە.
🧼 ٣.پاککردنەوەی شوێنەکان
پێویستە ئەو ڕووکارانەی کە بەخوێن یان شلەی گۆشتی تازە پیس بوون،بەگیراوەی فاسی ڕوونکراوە بەباشی پاکبکرێنەوە.
🍲 ٤. کوڵاندنی گۆشت
کوڵاندنی گۆشتەکە بەشێوەیەکی زۆر باش و تەواو،دەبێتە هۆی سەلامەتبوونی و ڕێگری دەکات لەتوشبوون بەنەخۆشییەکە.
🚫 ٥. دوورکەوتنەوە لەقەرەباڵغی
خۆت بەدوور بگرە لەدروستکردنی قەرەباڵغی لەکاتی سەربڕینی ئاژەڵدا و هه‌ڵواسینی لەدەرەوەی سەربڕخانە فەرمییەکان.
🗑️ ٦. فڕێدانی پاشماوەکان بەشێوازی تەندروست
پێویستە پاشماوەی سەربڕینی ئاژەڵەکان بخرێتە ناو کیسی تایبەت و حاویەوە،یان بەشێوازێکی تەندروست بسوتێندرێت و فڕێ نەدرێتە سەر شەقام و کۆڵانەکان.
🕷️ ٧. هۆشیاری لەبەرامبەر گەنە"کەنە"
لەکاتی هەستکردن بەبوونی گەنە لەسەر لەش،پێویستە بەبەکارهێنانی کەرەستەی تایبەت"مەقاش"لێبکرێتەوە. نابێت بەهیچ شێوەیەک بەدەستی ڕووت لێبکرێتەوە و پێویستە شوێنەکەش بەباشی پاکبکرێتەوە.

دڵنیایی و تەندروستی بۆ هەمووان
تکایە لای خۆتان بڵاوی بکەنەوە بۆ هۆشیاری گشتی.
#خۆپاراستن

ڕاگەیاندی بەڕێوەبەرایەتی کاروباری پاراستنی تەندروستی هەولێر

ئەمڕۆ یەکشەممە ١٧ـی٥ـی٢٠٢٦ هۆبەی تەندروستی قوتابخانەکان،بەسەرپەرشتی"د.نێرگز سەباح"بەرپرسی هۆبەکە،هەستان بەسەردانیکردنی س...
17/05/2026

ئەمڕۆ یەکشەممە ١٧ـی٥ـی٢٠٢٦ هۆبەی تەندروستی قوتابخانەکان،بەسەرپەرشتی"د.نێرگز سەباح"بەرپرسی هۆبەکە،هەستان بەسەردانیکردنی سەنتەری شادی فێرکاری بۆ پزیشکی خێزانی و لەلایەن بەڕێزان"د.شیلان سەردار و هێرۆ شوکر"ـەوە جەخت کرایەوە لەوەی کە هەموو بنکەیەکی ناو شار پێویستی بەدابینکردنی ژوورێکی تایبەت بەهۆبەی تەندروستی قوتابخانەکان هەیە،بۆ پشکنینی قوتابییانی پۆلی یەکی بنەڕەتی کە لەمەودوا دەست دەکرێت بەتۆمارکردنی قوتابییان.

ڕاگەیاندی بەڕێوەبەرایەتی کاروباری پاراستنی تەندروستی هەولێر

Address

Irbil

Website

Alerts

Be the first to know and let us send you an email when بەرێوبەرایەتی کاروباری پاراستنی تەندروستی هەولێر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category