عــلماء کوردستان_الـعراق

17/05/2026

بە زمانی ئاماژە ئەمەوێت سوپاسی گەورە و بچوکتان بکەم ، سوپاس بۆ ئەو هەموو دوعا و خەمخۆریی و وەفایەتان .. ئەمەی من تاقیکردنەوەی خوایە ان شاء اللە تێ ئەپەڕێت و جارێکی تر دێمەوە خزمەتتان 🫡

16/05/2026

بۆ دەستنیشانکردنی کۆمەڵێک مامۆستای ئاینی (زانایانی شەریعەت) وەک مورشید یان ڕێبەری ئاینی بۆ گەشتی حەج، بۆ ئەوەی بتوانن بە باشترین شێوە خزمەتی حاجیان بکەن و حەجەکەیان هاوتای سوننەت بێت

16/05/2026

نە خۆشێکەی من چییە ، بۆ چی ناتوانم قسە بکەم ؟

بسم الله الرحمن الرحيم

ئەم برایەتان لە ئێوارەی ڕۆژی جەژنەوە لە پڕ قوڕگم توشی ئازارێکی زۆر قورس بوو ، ئازارەکەم بە شێوەیەک بوو ، وەک بڵێی پارچەیە ئاگرە قوڕگم ئەسوتێنێ ، زۆر گوێم نەداپێی تەنها حەپی ئلتیهاب و ئازارم بە کار ئەهێنا ، ئەوە بوو بۆ هەر شەوی جەژن بەسەیارەی خۆمان سەفەری عومرەم کرد ، ئەو ١٠ ڕۆژەی لە عومرە بووم وە هەتا هاتمەوە ، ئازارم بە هیچ ئازار شکێنێ ناشکا..

کە هاتمەوە کوردوستان سەردارنی چەندین دکتۆری باشم کرد ، سەرەتا دکتۆر ( ئەیوب باقر ) خوا بیپارێزێت دوو جار نازووری بۆکردم هیچ دەرنەکەوت ، پاشان تیشکی CT SCAN یان بۆ کردم ، لێرەدا دکتۆرەکان هەستیان بە گرفتێ کرد لە لای ڕاستی قوڕگم دروست بووبێ ، پاشان تیشکی سۆنەر Neck Doppler ultrasound بۆ کردم ، زياتر ئەم پشکنینە بۆ دەماری مل ئەکرێت ، ئاخر پشکنین MRl یان بۆ کردم ، لەم پشکنینە دەرکەوت توشی هەوکردنی کڕکڕاگە (Chondritis) و ئەستووربوون (Edema) لە لای ڕاستی ئەو کڕکڕاگەیەدا هەیە کە پێی دەوترێت "کڕکڕاگەی دەرەقی ، ئەوەی تا ئێستا هەیە الحمد للە نیشانەی خراپی وەک ژێرپەجەم نییە .

دوای ئەوەی هەموو شت لە پشکنینەکان بەم جۆرە ڕوون بۆوە ، کردمیانە سەر جارەسەر و علاج …
وە پیان ڕاگەیاندم کە نابێت قسە بکەیت تا ئەوکاتەی باش ئەبیت ، من هەموو ڕێنمایەکانم جوان جێ بە جێ کرد ، لە ئێستادا الحمد للە ئازارم کەمترە ، بەڵام ناتوانم قسە بکەم دەنگم بە حاڵ دەردێت ، ئەمڕۆش لەسەر راسپاردەی کاک دکتۆر عبدالواحد و ستافەکەی پشکنینێکی ترم بۆ ئەکەن ، چاوەرێی رەحمی خوای گەورەم ، ئەگەریش لێرە چارە نەکرێم پێشنیاری چەند دکتۆرێکیان بۆ کردووم لە ( ئوردن ) و ( تورکیا ) بەلام من گومانی باشم بە اللە هەیە کە ئەم ئازار و ناڕەحەتی قسە نەکردنەم نەهێلێت و شیفام بدات ..

🫆سوپاس و دەست خۆشی :
خوشکان و برایانم : بە خوا ئێستا کە ئەنوسم بە چاوی فرمێسک و گریانەوە ئەنوسم :
سوپاسی گەورە و بچوکتان ئەکەم ، کە لە خمی مندا بوونە ، بە خوا من چاکەی ئێوەم پێ نادرێتەوە … سوپاس بۆ ئەوەی بە پۆستێک یان کۆمێنتێک بەژدار بووە لەم خەمەی مندا .. دەستی ئەو پیر و بە تەمەنانە ماچ ئەکەم کە بە فرمێسکەوە ئەهاتن دوعایان بۆ ئەکردم ..
سوپاس بۆ ئەو هەموو دکتۆر و خەستەخانانەی دەرگایان بۆ کردمەوە .. بە خوا ناو و کەسایەتیێکان هێندە زۆرن ناتوانم ناوی هەموویان بهێنم .. سوپاسی گەورە و بچوکتان ئەکەم قوربانی هەمووتان بم
تخوا گەردنم ئازاد بکەن ،ئەگەر بچوکترین خەم و خەفەتتان بۆم خواردووە ، ئێوە منتان قەرزار باری خۆتان کرد ، هەتا ئەو ڕۆژەی ئەمرم خەمخۆریی ئێوەم لە چاودا ئەبێت .

براتان : سۆران عبدالكريم
16/5/2026 سلێمانی

15/05/2026

خوای گەورە شیفات بدات مامۆستا گیان دڵگران بووم بەو هەواڵە
مامۆستا سۆران توانای قسەکردنی نەماوە
تکایە دوعای بۆ بکەن

15/05/2026

فێربوون یەکێکە لە پیرۆزترین و بەھادارترین کارەکان کە مرۆڤ ئەنجامی بدات، هەم لە ڕووی ئایینی و هەم لە ڕووی مرۆیی و کۆمەڵایەتییەوە. پاداشتی فێربوون تەنیا بۆ قیامەت نییە، بەڵکو لە دونیاشدا کاریگەری ڕاستەوخۆی هەیە.
​لێرەدا گرنگترین پاداشت و سوودەکانی فێربوون دەخەینە ڕوو:
​١. پاداشتی ئایینی و مەعنەوی
​لە ئایینی ئیسلامدا، فێربوون وەک عیبادەت ئەژمار دەکرێت. پێغەمبەر (د.خ) دەفەرموێت: "هەرکەسێک ڕێگەیەک بگرێتە بەر بۆ فێربوونی زانست، خودا ڕێگەی بەهەشتی بۆ ئاسان دەکات."
​بەرزبوونەوەی پلە: زانایان و فێربووان لە لای خودا پلەیەکی بەرزیان هەیە.
​خێری بەردەوام: ئەو زانستەی فێری دەبیت و دواتر بە خەڵکی دەڵێیتەوە، دەبێتە "سەدەقەی جاریە" و پاداشتەکەی دوای مردنیش بۆت دەمێنێتەوە.
​٢. گەشەکردنی کەسایەتی و ڕۆشنبیری
​فراوانبوونی دیدگا: فێربوون یارمەتیت دەدات جیهان بە شێوەیەکی قووڵتر ببینی و لە ڕووداوەکان تێبگەیت.
​بڕوا بەخۆبوون: هەرچەندە زیاتر بزانیت، بڕوات بە تواناكانی خۆت زیاتر دەبێت و لە کاتی گفتوگۆدا بەهێزتر دەردەکەویت.
​باشترکردنی بڕیاردان: مرۆڤی فێربوو دەتوانێت بە عەقڵ و مەنتیق بڕیار بدات نەک تەنیا بە سۆز.
​٣. سوودە کۆمەڵایەتی و ئابوورییەکان
​ڕێزی کۆمەڵایەتی: کۆمەڵگە هەمیشە بە چاوی ڕێزەوە سەیری ئەو کەسانە دەکات کە خاوەن زانست و زانیارین.
​هەلی کار و بژێوی: فێربوونی لێهاتوویی نوێ (وەک زمان، تەکنەلۆژیا، یان پیشەیەک) دەبێتە هۆی باشترکردنی ئاستی بژێوی و بەدەستهێنانی داهاتی حەڵاڵ و باشتر.
​٤. تەندروستی عەقڵی
​پاراستنی مێشک: توێژینەوەکان دەریدەخەن کە بەردەوامبوون لە فێربوون مێشک چالاک دەهێڵێتەوە و ئەگەری تووشبوون بە نەخۆشییەکانی وەک ئەلزەهایمەر کەمدەکاتەوە.
​کورتەیەک:
فێربوون کلیلی هەموو دەرگاکانی سەرکەوتنە. مرۆڤی فێربوو وەک مۆمێکە کە هەم خۆی ڕووناک دەکاتەوە و هەم دەوروبەریشی. هیچ کاتێک درەنگ نییە بۆ دەستپێکردنی فێربوونی شتێکی نوێ.
بـــاتــاسی حوجرە PRESS

10/05/2026

سوپاس نامەیەک لەبنەمالەی خوالێخۆشبوومامۆستا(مەلا تاجەددین سورچی)

بەناوی خوای گەورەومیھرەبان

بەپێویستی دەزانین دوای کۆتایی ھاتنی پرسەی باوکی خۆشەویستمان
(مەلاتاجەددین سورچی ) بەناوی بنەمالەکەمان سوپاس وپێزانینمان ئاراستەی ھەمووئەوبەرێزانە لە مامۆستایانی ئایینی وشێخانی تەریقەت بەرپرسانی حزبی و حکومی و سەربازی وکەسایەتییەکۆمەلاتیەکان بکەین ، کەلەمەراسیمی بەخاک سپاردن وپرسەکەماندا بەشداربوون چ لەمزگەوت یانیش لەمالەوە،یان بەپەیوەندی تەلەفۆن لەگەلماندا ھاوخەم بوون ،ھەروەھا سوپاس و پیزانینی تایبەتمان ھەیە بۆ خزمان و جيرانەکانمان لەرۆژانی پرسە لەگەلمان دابوون وخزمەتێکی زۆری میوانەکانیان کرد ،بە دلنیایەوەدڵنەوایی و هاوخەمی ھەموولایەک بووە مایەی سێبووری و ئارامیمان و لە خەم و خەفەتمان کەمی کردوە، داواکارین لەخوای گەورەپاداشتی بەخێری ھەموولایەک بداتەوە وگیانی پاکی باوکمان بە بەهەشتی بەرین شاد بکات وھەموولایەک لە خەم و خەفەت و کۆستی دیکە بەدوور بگرێت...

لەگەل رێزی زۆرمان ...

انالله وانااليه راجعون

ملا مظفر سورچى لەجیاتی
بنەمالەی خوالێخوش بێت
مامۆستا(مەلاتاج الدين سورچی )
١٠-٥-٢٠٢٦

28/04/2026

بسم اللە الرحمن الرحیم
ئەقل، دین و سنوری ڕەخنە…

َ (الدِّينَ عِندَ اللَّهِ الْإِسْلَامُ)

لە ڕووداوەکانی ژیاندا، مردنی هەر کەسێک،هەرچۆنێک بیرکردنەوە و هەڵوێستی جیاوازی هەبێت،هۆکاری بیرکردنەوەیەکی قوڵە بۆ مرۆڤ. کۆچی دوایی نووسەر و ڕەخنەگری کورد فاروق ڕەفیق، کە ناسراو بوو بە ڕەخنە و هەڵوێستە توندەکانی دژی دین، دەبێتە دەرفەتێک بۆ گفتوگۆیەکی زانستی و ئارام، نە شەڕێکی هەستیار و تاوانبارکردن

ئەقڵ و وەحی هاوکاری یەکترن. ئەقڵ ڕێگایە، وەحی ڕووناکیە. ئەگەر ڕێگا هەبێت بەبێ ڕووناکی، مرۆڤ لە تاریکیدا دەمێنێتەوە؛ ئەگەر ڕووناکی هەبێت بەبێ ڕێگا، ناتوانێت بگاتە بە مەبەست….

لە کۆتاییدا، مردن و کۆچی دوایی، هەموومان بۆ ڕاستییەکی گەورە دەگەڕێنێتەوە:
مرۆڤ،هەرچۆنێک بیر بکاتەوە،لە کۆتاییدا دەگەڕێتەوە بۆ ئەو ڕاستییەی کە لە دەستی خۆی دەرباز نابێت

خودای گەورە دڵەکانمان بە ڕووناکیی هەق ڕووناک بکات و ڕێگای ڕاستمان پیشان بدات
ملا: غازي باتاسي
٢٠٢٦/٤/٢٨

25/04/2026

چ کارێک بە مندالەکەت دەسپێری 🧎🏃🏃🏇🚴

25/04/2026

25/04/2026

پەیامی مامۆستامحمد خودا پاداشتی بداتەوە

25/04/2026

چیرۆکی شوان و پیاوە جووەکە
​پیاوێکی جوو بە لای گوندێکی موسڵماننشیندا تێپەڕی، ویستی هەندێک گومان و سەرلێشێواوی بخاتە ناو مێشکی زاناکانی ئەو گوندە..!!
​بەڵام پێش ئەوەی بگاتە گوندەکە، شوانێکی موسڵمانی بینی کە خەریکی لەوەڕاندنی مەڕەکانی بوو. جووەکە لەبەردەم خۆیەوە وتی: "با لەم شوانە نەزانەوە دەست پێ بکەم و لە ئایینی ئیسلام بە گومانی بخەم."
​جووەکە خۆی وەک موسڵمانێکی ڕێبوار نیشاندا و بۆ ماوەیەک لەلای شوانەکە دانیشت. پاشان ڕووی کردە شوانەکە و وتی: "ئایا نابینیت ئێمەی موسڵمان لە کاتی لەبەرکردنی قورئاندا تووشی ناڕەحەتییەکی زۆر دەبین؟ چونکە لە سی جزء پێکدێت..!"
​وە هەروەها وتی: "لە قورئاندا ئایەتی وەک یەک (متشابە) زۆرن، باشتر نییە ئەو ئایەتانەی کە وەک یەکن لایانبەرین؟ چونکە بێ سوودن و تەنها دووبارەکردنەوەی قسەن..!!"
​پاشان جووەکە بە زەردەخەنەیەکی فێڵبازانەوە بەردەوام بوو و وتی: "دوای ئەو سڕینەوەیە، بەشەکانی قورئان کەم دەبنەوە و لەبەرکردن و پێداچوونەوەی بۆ ئێمە زۆر ئاسان دەبێت..!!"
​لەو ماوەیەدا شوانەکە بە دیقەتەوە گوێی لە جووەکە گرتبوو، کاتێک قسەکانی تەواو کرد، شوانەکە وتی: "قسەکانت زۆر جوان و قایلکەرن..!!"
​جووەکە زۆر دڵخۆش بوو، چونکە وابیریکردەوە کە شوانەکە کەوتە ناو تەڵەکەیەوە..
​بەڵام شوانە لادێییەکە قسەکانی تەواو کرد و وتی: "بەڵام پرسیارێکم هەیە، ئایا لە جەستەی تۆدا شتی وەک یەک نییە کە بێ سوود بن؟ وەک دوو دەست، دوو پێ، دوو گوێ و دوو چاو..؟"
​"باشە بۆچی ئەو زیادانە نابڕیت کە وەک یەکن، بۆ ئەوەی کێشت سووک بێت و جەستەت سوود لەو خواردنە وەربگرێت کە دەیخۆیت، لە جیاتی ئەوەی خواردنەکەت بۆ شتانێک بڕوات لە جەستەتدا کە دووبارەن؟"
​"هەروەها حەساوەش دەبیت لە هەڵگرتنی شتی وەک یەک لە جەستەتدا کە هیچ سوودێکیان نییە لەبەر ئەوەی تەنها دووبارەبوونەوەن...!!"
​لێرەدا جووەکە یەکسەر هەستا و کەلوپەلەکانی کۆکردەوە و بە ڕووخسارێکی ڕەش و تێکشکاوەوە گەڕایەوە، لە کاتێکدا هەستی بە پەشیمانی و بێئومێدییەکی زۆر دەکرد.
​لەبەر خۆیەوە دەیوت: "وەڵام و فکری شوانێکیان منی دەمبەسەر کرد، ئەی دەبێت وەڵامی زاناکانیان چۆن بێت...؟"
​خوایە.. لە ئایینەکەماندا شارەزامان بکەیت و لەسەر ڕێگای ڕاست جێگیرمان بکەیت.