22/04/2026
زانیاریی ورد لەبارەی خیانەتێكی قوباد تاڵەبانی
شەوی دووشەممە 6ی نیسان درونەكانی ئێران پەلاماری ماڵی شەهید موسا ئەنوەریان لە گوندی زەرگەزەویی ناوچەی زرارەتی دا كە لە ئەنجامدا خۆی و موژدەی خێزانی شەهید بوون. بەپێی زانیاریی پشتڕاستكراو و سەت لە سەت ئەو پەلامارە لە ئەنجامی خیانەتێکی تری سەرانی یەكێتی لەدژی كوردستان ئەنجام دراوە. شەخسی قوباد زانیاریی بە سوپای پاسداران داوە كە گوندی زەرگەزەوی و دەوروبەری شوێنی كۆگا و جبەخانەی ئەمەریكییەكانە و ماڵی شەهید موسا شوێنی كۆبوونەوە و مانەوەی ئەفسەرە ئەمەریكییەكانە و ئەحداسیاتی وردی ئەو ماڵەی بە سوپای پاسداران داوە بۆ ئەوەی بۆردومانی بكەن.
ئەوە لە حاڵێكدایە كە قوباد لای خۆی وای مەزندە كردبوو كە بەشێك لە چەك و جبەخانەی پێشمەرگە لەو ناوچانەیە. قوباد ئەو شەڕەی نێوان ئەمەریكا و ئێرانیشی بە دەرفەت زانیوە كە هەر چۆنێك بێت لەو سنوورە زەبرێك بەر هێزەكانی پێشمەرگە بكەوێت. بۆ ئەوەی قەناعەت بە ئێرانیەكان بهێنێت بۆ بوردومانكردنی ئەو سنوورە، شەخسی خۆی بە سوپای پاسدارانی گوتوە كە جبەخانەی ئەمەریكیەكان لەو گوندەیە و ئەو ماڵەشی وەك شوێنی مانەوەی ئەفسەرە ئەمەریكییەكان دیاری كردووە و ئەحداسیاتی پێداون بۆ ئەوەی سوپای پاسداران بە درۆن پەلاماری بدات.
ئەوە خیانەتێکی گەورە و بێباکییەکی بێشەرمانەیە کەسێک لە سەرکردایەتی حزبێکی کوردی بێت ئاوا دژی وڵات و هاووڵاتیان بێت و گوێ بە هیچ بەها و پێوەرێک نەدات.
پێویستە لایەنە سیاسیەکان و حکوومەت و لایەنە پەیوەندیدارەکان هەڵوەستەیەک لەسەر ئەم ناپاکیە بکەن و ڕێوشوێنی پێویست بۆ سزادانی بگیرێتە بەر. نابێ ئەو تاوانە وا بە ئاسانی بەسەر قوباد تاڵەبانیدا دەرباز بێت.
