هەلویست-ئاکرێ

04/06/2026

ئەڤرۆ ل پێشانگەها پەرتووکێن کوردی ل هەڤلێرێ، دەمێ من سەرەدانا دەزگەهەکێ چاپ و بەلاڤکرنێ یێ تایبەت ب پەرتوکێن بادینی کری، دیتنا ڕەوشا وان جهێ مخابنی و سەر ڕاوەستانێ بوو. بەرپرسێن دەزگەهێ دیارکر کو پێشوازیەکا کێم ل بەرهەمێن وان دهێتە کرن و خاندەڤان کێمتر بەرەڤ پەرتووکێن بادینی ڤە دهێن. پێخەمەت پشتەڤانیێ، من دوو پەرتووک ژێ کرین، هەرچەندە دویر بوون ژ بواری من یێ تایبەت.

​ژبۆ ڤێ چەندێ، گەلەک یا فەرە ئەکادیمی، خاندەڤان، سازیێن زانستی و ڕەوشەنبیر و تەڤایا کەسێن خودان شیان ل دەڤەرا بادینان، سەرەدانەکا پێشانگەهێ بکەن؛ داکو ژ نێزیک ئاستێ ئەڤرۆ یێ پەرتووکخانا بادینی ببینن و ببنە پشتەڤان بۆ زەنگینکرن و گەشەپێدانا وێ.

صالح زاهێر زێباری

04/06/2026

سەیرە د ڤی وەلاتی دا!
بەرپرسێن مەزن معاشێن خۆ ژ عێراقێ وەردگرن و کەهرەبێ ژی دفرۆشنێ...!
​بەس بۆ هاولاتیێن سادە نابیت مووچێ خۆ ڕاستەوخۆ ژ بەغدا وەربگرن دا کو سەرێ هەر هەیڤەکێ مووچە یێ وان مسۆگەر بیت!

هەتا کەنگی دێ وەلاتی باجا ڤان یاریان دەت؟

02/06/2026

27/05/2026

إِنَّا‌‌ لِلّهِ‌‌ ‌وَإِنَّـا‌‌ إِلَيْهِ‌‌ ‌رَاجِعونَ‌‌
​ب خەم و کۆڤانەکا مەزن، ئەڤرۆ دەیکا مامۆستا بەدەل بەرواری چوو بەردلۆڤانیا خودێ.
بناڤێ دەستەیا رێڤەبرنا ڕەوتا هەلویست ل قەزا ئاکرێ، پرسە و هەڤخەمیا خۆ ئاراستەی ماموستا و ئەندام پەرلەمان (بەدەل بەرواری) دکەین ب بۆنەیا کۆچی داویا دەیکا وی.
ژ خودایێ مەزن و دلۆڤان دخازین کو دەرگەهێ رەحمەتا خۆ بۆ بکەتەڤە و ب بەهەشتا خۆ یا بەرین شاد بکەت.
​
​جهێ پرسێ: مزگەفتا سەیدو – دهۆک
تێبینی: دێ سبە ڕێکەڤتی ٢٨\٥\٢٠٢٦ ئێکەم رۆژا تازیێ بیت.

26/05/2026

پرۆژێ ڕۆناهی ل ئاکرێ شکەستن ئینا، دێ مالیدە دووبارە زڤڕنەڤە!

​پرۆژێ ڕۆناهی یێ سەرۆکێ حکومەتێ (مەسرور بارزانی)، دوو هەیڤا بەرگە نەگرت.
ئەڤڕۆ ل باژێرێ ئاکرێ ئامادەکاری دهێتە کرن بۆ دووبارە هەلکرنا مالیدێن ئەهلی.
​ #ئاکرێ

25/05/2026

زڤڕینا پارتی بۆ بەغدا؛ ژبەر خەما مووچەیە یان ژ ترسا مایەپوچبوونێ؟

​پارتی دەمێ هەست پێ کری کو مەترسی ل سەر بەرژەوەندیێن وێ یێن ئابووری هەیە، دووبارە زڤڕیڤە بۆ بەغدا.
​نەک بتنێ پرسا مووچەی و ڕەوشا خەلکی، بەلکو ترسا ژ دەستدانا شادەمارێن گرنگ یێن دارایی بوو؛ ژ گومرکا ئیبراهیم خەلیل بگرە هەتا کۆرەک تیلیکۆم و نەفتێ.
​ڕاستیا تال بۆ پارتی ئەوە: پارتی باش دزانیت کو ئەگەر سەرچاوەیێن وێ یێن دارایی بهێنە سنووردارکرن, ئەو کار و کریارێن ل ڕابردوویدا بۆ دهاتنە کرن دێ هێنە سنووردارکرن.

25/05/2026

کوردایەتیا هەوە باش!
​نوکە ململانێ یا (پارتی و ئێکەتیێ) گەهشتیە وێ قۆناغێ کو (پارتی) دڤێت پتر ژ (ئێکەتیێ) خۆ نێزیکی (سونەیێن توندڕەو و حەشدا شەعبی و گرۆپێن درۆن هاڤێژ) بکەت!
هەمان وەختیش دا (ئێکەتی) هەوڵا تێکشکاندنا پارتی ددەت...
​ئەنجام: هەر لایەنەک کار بۆ هندێ دکەت یێ دی بشکێنیت، و قوربانی ژی دۆزا نیشتمانی و مللەتە!

​ چ کوردینی؟ چ نیشتمانپەروەری؟
​پارتی و ئێکەتیێ باوەری ب چ چەمکێن دەولەتداریێ نینە،
باوەریا وان تنێ ب:
🔴​حوکمرانیا حزبی
🔴​سوپایێ حزبی
🔴​هێزێن ئەمنییێن حزبی
🔴​دادگەهێن حزبی
​🔴جوگرافیا حزبی هەیە
​ب چ ڕەنگان باوەریا وان ب هندێ نینە کو حکومەتا هەرێمێ ببیتە قەوارەکێ ڕاستەقینە، خودان سوپا و ئیدارەکا باش و نیشتمانی بۆ حوکمرانیێ.
​ب ڕاستی، ئەڤە دوو بەڵایێن مەزنن.

​عەلی حەمە ساڵح

23/05/2026

«پەیاما سەرەخۆشی و هەڤخەمیێ»
إِنَّا‌‌ لِلّهِ‌‌ ‌وَإِنَّـا‌‌ إِلَيْهِ‌‌ ‌رَاجِعونَ‌‌

بناڤێ دەستەیا رێڤەبرنا ڕەوتا هەلویست ل قەزا ئاکرێ، پرسە و هەڤخەمیا خۆ ئاراستەی بەرپرسێ ڕەوتا هەلویست (هۆگر ذكري رشيد) دکەین ب بۆنەیا کۆچی داویا مامی وی یێ هێژا دکتۆر (غائب رشيد ابراهيم).
ژ خودایێ مەزن و دلۆڤان دخازین کو دەرگەهێ رەحمەتا خۆ بۆ بکەتەڤە و ب بەهەشتا خۆ یا بەرین شاد بکەت.
​پرسە: ناحیا دارەتوو
​هۆل: عاصم ئاغا گۆران