26/08/2026
کۆنگرەی ڕۆژنامەوانی لە هەولێر…
بە پێویستی دەزانین ڕایبگەیەنین: دوای نزیکەی ٢٤ ڕۆژ لە کاری بەردەوام و دوور لە چاوی کامێرا، و ئەنجامدانی زیاتر لە ٢٠ کۆبوونەوەی ڕاستەوخۆ و ئۆنلاین؛
وە لە ڕێگەی زنجیرەیەک سەردانەوە بۆ لای بەڕێزان: یەکگرتوی ئیسلامی، بزوتنەوەی گۆڕان، کۆمەڵی دادگەری، ڕەوتی هەڵوێست، حزبی شوعی کوردستان، زەحمەتکێشانی کوردستان، دامەزراوەی ماس، هەروەھا چەند گروپ و کەسایەتییەکی ناڕازی،
لە پێناو ئەوەی بتوانین جیاوازی و ناکۆکییەکان بخەینە لاوە و بە یەکدەستی بەرگری لە مافەکانی خەڵک بکەین؛
بۆ ئەمەش گرانی و بەردەوام بەرزبونەوەی نرخی (سوتەمەنی و بانزین)مان کردە دەستپێکی کارەکانمان.
سەرئەنجام، بۆ یەکەم جار توانرا نزیکەی ١٠ لایەن پێکەوە کێشە و هۆکارەکانی بەرزبونەوەی نرخی سوتەمەنی و چارەسەرەکانی ئەم قەیرانە لە کۆنگرەیەکی ڕۆژنامەنووسی لە هەولێری پایتەخت بخەینە ڕوو…
قەیرانەکان و پێداویستییەکانی کۆمەڵگە کاری زیاتری دەوێت، خواستی ئێمەش لەوە زیاترە، بەڵام پێمان وایە هەمووان لەوە تێدەگەن کە بەربەستەکان کەم نین!
با لەوەش دڵنیابین؛ هیچ ڕێگایەک نییە بۆ چارەسەری کێشەکان و بە پەرتەوازەیی هیچ ناکرێت.
تاکە ڕێگا پێکەوەبوون و گێڕانەوەی هیوا و متمانەیە بۆ گەلەکەمان.
بەردەوامی و سەرخستنی ئەم کاروانی پێکەوەبوونە، پێویستی بە جدیەتی زیاتری لایەنەکان هەیە لە ئاستی: سیاسی، مێدیایی و جەماوەریدا.
ژمارەیەک چالاکوانی سیاسی و مەدەنی
٢٦ی ٨ی ٢٠٢٦
کۆمەڵێک وێنەی سەردانەکان لە کۆمێنتە
