DC Sivasagar

29/10/2026

📢 অসম ৰাজ্যিক এম এছ এম ই (MSME) উৎকৃষ্টতা বঁটা (২০২৬-২৭) লৈ আৱেদন আহ্বান!

​শিৱসাগৰ জিলা উদ্যোগ আৰু বাণিজ্য কেন্দ্ৰৰ (DICC) তৰফৰ পৰা জিলাখনৰ যোগ্য সুক্ষ্ম, ক্ষুদ্ৰ আৰু মজলীয়া উদ্যোগ (MSME) সমূহৰ পৰা 'ৰেম্প অসম' (Raising and Accelerating MSME Performance- RAMP) আঁচনিৰ অধীনত ৰাজ্যিক পৰ্যায়ৰ উৎকৃষ্টতা বঁটাৰ বাবে আৱেদন আহ্বান কৰা হৈছে।

​🏆 বঁটাৰ বিষয়ে কেইটামান গুৰুত্বপূৰ্ণ তথ্য:
​বঁটাৰ শিতানসমূহ: উৎপাদন (Manufacturing), সেৱা (Service), বাণিজ্য (Trade), মহিলা উদ্যোগী, অনুসূচীত জাতি/জনজাতি উদ্যোগী, ৰপ্তানিমুখী গোট আৰু জীৱনজোৰা সাধনা বঁটাকে ধৰি মুঠ ৯ টা মূল শিতানত আৱেদন গ্ৰহণ কৰা হ'ব।

🏆 ​পুৰস্কাৰ: সৰ্বমুঠ ১৫ টা বঁটা প্ৰদান কৰা হ'ব। প্ৰতিটো বঁটাৰ সৈতে আছে ১.৫০ লাখ টকাৰ নগদ ধন, লগতে ট্ৰফী আৰু মানপত্ৰ।

📝​যোগ্যতা: আৱেদনকাৰী ভাৰতীয় নাগৰিক আৰু অসমৰ স্থায়ী বাসিন্দা হ'ব লাগিব। লগতে উদ্যোগটো ১ জুলাই ২০২০-ৰ নিৰ্দেশনা অনুসৰি MSME শ্ৰেণীভুক্ত (Micro, Small, বা Medium) হ'ব লাগিব।

​📝 আগ্ৰহী আৰু যোগ্য উদ্যোগীসকলে প্ৰয়োজনীয় নথিপত্ৰৰ সৈতে সম্পূৰ্ণ আৱেদন পত্ৰ জিলা উদ্যোগ আৰু বাণিজ্য কেন্দ্ৰ (DICC), শিৱসাগৰ কাৰ্যালয়ত জমা দিবলৈ অনুৰোধ জনোৱা হ'ল।

​সবিশেষ তথ্য জানিবলৈ আৰু আৱেদন পত্ৰৰ প্ৰতিলিপিৰ বাবে জিলা উদ্যোগ আৰু বাণিজ্য কেন্দ্ৰৰ কাৰ্যালয়ৰ সৈতে যোগাযোগ কৰিব পাৰে।

​

CMO Assam
MyGov Assam
Directorate of Information and Public Relations, Assam
Dipro Sivasagar

29/10/2026

মটক স্বায়ত্বশাসিত পৰিষদৰ সাধাৰণ পৰিষদৰ বাবে শিৱসাগৰ জিলাকে ধৰি ৭খন জিলাত সামৰি লোৱা ৩০টা সমষ্টিৰ ভৌগোলিক সীমা নিৰ্ধাৰণ তথা খচৰা তালিকা মটক স্বায়ত্বশাসিত পৰিষদ আইন, ২০২০ (সংশোধিত) আৰু চৰকাৰী নিৰ্দেশনা অনুসৰি প্ৰকাশ কৰা হৈছে৷ ডিব্ৰুগড় জিলাৰ জিলা আয়ুক্ত তথা নিৰ্দিষ্ট কৰ্তৃপক্ষৰ কাৰ্যালয়ৰ পৰা জাৰি কৰা এই খচৰা জাননী অনুসৰি প্ৰয়োজনীয় নিৰ্ধাৰিত সময়সীমা আৰু কাৰ্যসূচীসমূহ তলত উল্লেখ কৰা হ’ল:
• খচৰা প্ৰকাশৰ তাৰিখ: ২৭ অক্টোবৰ, ২০২৬
• দাবী আৰু আপত্তি গ্ৰহণৰ শেষ তাৰিখ: ২ নৱেম্বৰ, ২০২৬
• দাবী আৰু আপত্তি নিস্পত্তিৰ শেষ তাৰিখ: ৪ নৱেম্বৰ, ২০২৬
• চূড়ান্ত প্ৰকাশ: ৫ নৱেম্বৰ, ২০২৬

শিৱসাগৰ জিলাৰ অন্তৰ্গত খচৰা সমষ্টি কেইটা হ’ল:
(১) ২৫ নং পানবেচা-কাথপাৰ
(২) ২৬ নং বানমুখ- বাঢ়ৈটিং আৰু
(৩) ২৭ নং শিৱসাগৰ।

মটক স্বায়ত্বশাসিত পৰিষদ আইন, ২০২০ (সংশোধিত) অনুসৰি পৌৰ এলেকাৰ অন্তৰ্গত হোৱাৰ বাবে শিৱসাগৰ টাউন এই খচৰা তালিকাৰ পৰা বাদ দিয়া হৈছে৷
এনে খচৰা তালিকাৰ ওপৰত যদি কোনো ব্যক্তি, দল-সংগঠন বা ৰাজনৈতিক দলৰ কিবা দাবী, মতামত বা আপত্তি থাকে, তেন্তে তেওঁলোকে নিৰ্ধাৰিত সময়সীমা (২ নৱেম্বৰ, ২০২৬)ৰ ভিতৰত জিলা প্ৰশাসন তথা সংশ্লিষ্ট কৰ্তৃপক্ষক অৱগত কৰিবলৈ অনুৰোধ জনোৱা হ’ল৷ এই সন্দৰ্ভত বিশদ বিবৰণ আৰু তালিকা শিৱসাগৰ জিলাৰ চৰকাৰী ৱেবছাইটত উপলব্ধ হ’ব৷

Directorate of Information and Public Relations, Assam
DIPRO, Sivasagar

29/10/2026

📢 বিত্তীয় অন্তৰ্ভুক্তি পৰিপূৰ্ণতা অভিযান
🗓️ সময়সীমা: ২১.১০.২০২৬ – ৩১.১২.২০২৬

​ভাৰত চৰকাৰৰ বিত্তীয় সেৱা বিভাগৰ উদ্যোগত গাঁও পঞ্চায়ত আৰু নগৰীয় স্থানীয় সংস্থাসমূহত অনুষ্ঠিত হৈছে বিশেষ বিত্তীয় অন্তৰ্ভুক্তি শিবিৰ। প্ৰতিজন নাগৰিকৰ ওচৰলৈ সুবিধা, সজাগতা আৰু সক্ষমতা লৈ যোৱাই এই অভিযানৰ মূল লক্ষ্য।

​✨ শিবিৰত উপলব্ধ গুৰুত্বপূৰ্ণ সেৱাসমূহ:

✓ পিএমজেজেবিৱাই
(​PMJJBY), পিএমএছবিৱাই (PMSBY) আৰু এপিৱাই (APY) - নামভুক্তি

✓ ​পিএমজেজেবিৱাই
(​PMJJBY), পিএমএছবিৱাই (PMSBY) -ত আধাৰ চিডিং

✓ কেচিচি ​(KCC) আৰু পিএমএফবি ৱাই (PMFBY) -ত আবেদন সহায়

✓ ​বৰ্তমানৰ পিএমজেডিৱাই (PMJDY) আৰু অন্য সঞ্চয় একাউণ্টৰ পুনঃ-কেৱাইচি (Re-KYC)

✓ ​বাকী থকা একাউণ্টসমূহত চি-কেৱাইচি (C-KYC) অন্তৰ্ভুক্তি

✓ ​নিষ্ক্ৰিয় পিএমজেডিৱাই (PMJDY) একাউণ্ট সক্ৰিয় একাউণ্টলৈ ৰূপান্তৰ

✓ ​নমিনী (Nominee) আপডেট

✓ ​সজাগতা অধিবেশন

✓ ​দাবীহীন জমা ধন নিস্পত্তিৰ বাবে আবেদন

​📍 আপোনাৰ নিকটতম শিবিৰলৈ আহক আৰু এই সেৱাসমূহৰ সুবিধা গ্ৰহণ কৰক!

🙏 অধিক আর্থিক সুৰক্ষা, সবল অন্তৰ্ভুক্তি আৰু শক্তিশালী আর্থিক সক্ষমতা প্ৰদানৰ বাবে আমি প্ৰতিশ্ৰুতিবদ্ধ।

​

CMO Assam
MyGov Assam
Directorate of Information and Public Relations, Assam
DIPRO, Sivasagar

28/10/2026

শিৱসাগৰ জিলা আয়ুক্ত কাৰ্যালয়ৰ চুকাফা সভাকক্ষত মাননীয় জিলা আয়ুক্ত মৃদুল য়াদৱ দেৱৰ অধ্যক্ষতাত ভোটাৰ তালিকাৰ বিশেষ সংক্ষিপ্ত সংশোধন (SSR 2026) -ৰ প্ৰেক্ষাপটত ভোটকেন্দ্ৰসমূহৰ যুক্তিসংগতকৰণ (Rationalisation of Polling Stations) সম্পৰ্কে আজি এখন গুৰুত্বপূৰ্ণ বৈঠক অনুষ্ঠিত হয়।

বৈঠকত নাজিৰাৰ সম-জিলা আয়ুক্ত শ্ৰীমতী প্ৰতিভা মেশ্ৰাম, অতিৰিক্ত জিলা আয়ুক্তত্ৰয় শ্ৰীমতী মীনাক্ষী পেৰ্মে, শ্ৰীমতী সোণতৃষ্ণা ঘৰফলীয়া আৰু শ্ৰীমতী লুকুমণি বড়া, নিৰ্বাচনী বিষয়া শ্ৰী গণেশ চন্দ্ৰ বড়ো প্ৰমুখ্যে স্বীকৃতিপ্ৰাপ্ত ৰাজনৈতিক দলৰ প্ৰতিনিধিসকল উপস্থিত থাকে।

Chief Electoral Officer, Assam
Directorate of Information and Public Relations, Assam
Dipro Sivasagar

28/10/2026

অসম চৰকাৰৰ জনস্বাস্থ্য কাৰিকৰী বিভাগৰ মাননীয় মন্ত্ৰী শ্ৰীযুত কৃষ্ণেন্দু পাল মহোদয়ে কালি অসম চৰকাৰৰ বিশেষ মুখ্য সচিব শ্ৰীযুত চৈয়দাইন আব্বাছী, জল জীৱন মিছনৰ পৰিচালন সঞ্চালক শ্ৰীযুত কৈলাশ কাৰ্তিক এন, মুখ্য অভিযন্তা (জনস্বাস্থ্য কাৰিকৰী, পানী) শ্ৰীযুত ভাস্কৰ জ্যোতি শৰ্মা আৰু মুখ্য অভিযন্তা (জনস্বাস্থ্য কাৰিকৰী, অনাময়) শ্ৰীযুত ৰম্য জ্যোতি শৰ্মাৰ উপস্থিতিত শিৱসাগৰ জিলা দলক পুৰস্কৃত কৰে।
​দুৰ্যোগৰ সময়ত বানপানীৰ মোকাবিলা কৰাৰ ক্ষেত্ৰত আগবঢ়োৱা উৎকৃষ্ট সেৱাৰ বাবে জিলা প্ৰশাসন আৰু শিৱসাগৰ জনস্বাস্থ্য কাৰিকৰী সংমণ্ডলৰ বিষয়াসকলক এই বঁটা প্ৰদান কৰা হয়। গুৱাহাটীৰ খানাপাৰাস্থিত অসম প্ৰশাসনিক মহাবিদ্যালয়ত ২৭ আৰু ২৮ অক্টোবৰ, ২০২৬ তাৰিখে অনুষ্ঠিত জল জীৱন মিছন আৰু স্বচ্ছ ভাৰত মিছনৰ দুদিনীয়া ৰাজ্যিক পৰ্যায়ৰ কৰ্মশালাত এখন মানপত্ৰ আৰু এটি স্মাৰক সন্মিলিত এই বঁটাটো শিৱসাগৰ জিলা পৰিষদৰ মুখ্য কাৰ্যবাহী বিষয়া শ্ৰীযুত সতীশ চন্দ্ৰ ঠাকুৰীয়া, জিলা উন্নয়ন আয়ুক্ত শ্ৰীযুত পবিত্ৰ কুমাৰ দাস, কাৰ্যবাহী অভিযন্তা (জনস্বাস্থ্য কাৰিকৰী) শ্ৰীযুত দীপাংকৰ বড়া, সহকাৰী কাৰ্যবাহী অভিযন্তা (জনস্বাস্থ্য কাৰিকৰী) শ্ৰীযুত প্ৰিয়ম প্ৰতিম ভূঞা আৰু আমগুৰিৰ খণ্ড উন্নয়ন বিষয়া শ্ৰীযুত ৰাতুল গগৈয়ে গ্ৰহণ কৰে। 🏆🎉
*****

Hon’ble Minister of Public Health Department Shri Krishnendu Paul today awarded the District Team of Sivasagar in presence of the Special Chief Secretary, Government of Assam Shri Syedain Abbasi; Managing Director of Jal Jeevan Mission Shri Kailash Kartihk N; Chief Engineer (PHE), Water Shri Bhaskar Jyoti Sarma and and Chief Engineer (PHE), Sanitation Shri Ramya Jyoti Sarma.

The award was handed over to the to the officials from District Administration and SIvasagar PHE Division for their outstanding service in terms of flood response during the time of disaster. The award includes a certificate and memento which was received by the Chief Executive Officer of Zila Parishad, Sivasagar Shri Satish Chandra Thakuria; Distict Development Commissioner Shri Pabitra Kumar Das, Executive Engineer (PHE) Shri Dipankar Bora, Assistant Executive Engineer (PHE) Shri Priyam Pratim Bhuyan and Block Development Officer, Amguri Shri Ratul Gogoi during the 2-day State Level Workshop on Jal Jeevan Mission and Swachh Bharat Mission held at Assam Administrative College, Khanapara, Guwahati from October 27 to 28, 2026.

CMO Assam
MyGov Assam
Directorate of Information and Public Relations, Assam
Dipro Sivasagar

27/10/2026

বানপানীৰ ফলত ক্ষতিগ্ৰস্ত কৃষকসকলক কৃষিকাৰ্যৰ সৈতে পুনৰ জড়িত হ’বলৈ উৎসাহিত কৰা আৰু কৃষিভিত্তিক অৰ্থনীতিৰ বিকাশৰ লক্ষ্যৰে আজি শিৱসাগৰত এক বিশেষ কৃষক সভা আৰু পুলি বিতৰণ কাৰ্যসূচী অনুষ্ঠিত হয়। শিৱসাগৰ জিলা কৃষি বিভাগৰ উদ্যোগত আয়োজিত এই কাৰ্যসূচীত শিৱসাগৰ আৰু চৰাইদেউ জিলাৰ বানাক্ৰান্ত কৃষকসকলৰ মাজত আজি ২০ হাজাৰ তামোলৰ পুলি আৰু ২০ হাজাৰ নাৰিকলৰ পুলি বিতৰণ কৰা হয়। পৰৱৰ্তী সময়ত আৰু ৮০ হাজাৰ তামোলৰ পুলি আৰু ৩০ হাজাৰ নাৰিকলৰ পুলি বিতৰণ কৰা হ'ব ।

শিৱসাগৰৰ বৰ্ডিং খেলপথাৰত অনুষ্ঠিত এই কাৰ্যসূচীত অসম চৰকাৰৰ কৃষি, জলসিঞ্চন আৰু সংসদীয় পৰিক্ৰমা বিভাগৰ মাননীয় মন্ত্ৰী শ্ৰী পীযুষ হাজৰীকাই মুখ্য অতিথি হিচাপে অংশগ্ৰহণ কৰে।

অনুষ্ঠানত মাননীয় মন্ত্ৰী শ্ৰী সুশান্ত বৰগোহাঁই, সন্মানীয় বিধায়ক শ্ৰী ময়ূৰ বৰগোহাঁই আৰু শ্ৰী অখিল গগৈ, জিলা আয়ুক্ত শ্ৰী মৃদুল য়াদৱ, অসম চৰকাৰৰ কৃষি বিভাগৰ অতিৰিক্ত সঁচিৱ তথা অসম বীজ নিগমৰ পৰিচালন সঞ্চালক শ্ৰী নয়নজ্যোতি ভাগৱতী, উদ্যান শস্য আৰু খাদ্য সংসাধন বিভাগৰ সঞ্চালক শ্ৰী নৃপেন দাস, জিলা কৃষি বিষয়া শ্ৰী অমৃত শইকীয়াৰ লগতে জিলা প্ৰশাসন আৰু কৃষি বিভাগৰ বিষয়াসকল উপস্থিত থাকে।

অনুষ্ঠানত আয়োজিত কৃষক সভাত কৃষিমন্ত্ৰী গৰাকীয়ে কৃষক ৰাইজৰ সৈতে মত-বিনিময়ো কৰে।

Directorate of Information and Public Relations, Assam
Dipro Sivasagar

27/10/2026

অসম চৰকাৰৰ ৰূপান্তৰ আৰু উন্নয়ন বিভাগে প্ৰস্তুত কৰা "বিকশিত অসম @২০৪৭" (Viksit Assam @2047) তিনিটা স্তম্ভ আৰু ১৫ টা বিষয়বস্তুৰ ওপৰত ভিত্তি কৰি গঠিত এক দৃষ্টিভংগী (Vision), যিখন ৩৪ খন চৰকাৰী বিভাগ, বেচৰকাৰী সংস্থা আৰু অন্যান্য অংশীদাৰসকলৰ সৈতে কৰা বিস্তৃত আলোচনাৰ জৰিয়তে ৰূপ দিয়া হৈছে।

​নাগৰিকসকলৰ আকাংক্ষাসমূহ এই দৃষ্টিভংগীৰ কেন্দ্ৰবিন্দু হোৱাটো নিশ্চিত কৰিবলৈ, তেওঁলোকৰ পৰামৰ্শ আৰু প্ৰত্যাশা গ্ৰহণৰ বাবে “জনমত অসম ২০৪৭” (Jonomot Axom 2047) নামৰ নাগৰিক প’ৰ্টেলটো প্ৰস্তুত কৰা হৈছে। ইয়ে অসমৰ বাবে এক ভৱিষ্যমুখী, পৰিমাপযোগ্য আৰু কাৰ্যকৰী দৃষ্টিভংগী নিশ্চিত কৰিব।

আহক, https://jonomotaxom2047.assam.gov.in/ অথবা সংলগ্ন QR টো স্কেন কৰি পৰ্টেলত পঞ্জীয়ন কৰি উক্ত সমীক্ষা প্ৰক্ৰিয়াত অংশগ্ৰহণ কৰক আৰু আপোনালোকৰ প্ৰমাণ পত্ৰ ডাউনলোড কৰক। 🙏🙏🙏

CMO Assam
MyGov Assam
Directorate of Information and Public Relations, Assam
DIPRO, Sivasagar

26/10/2026

26/10/2026

স্বচ্ছতাৰ ক্ষেত্ৰত উৎকৃষ্ট নিদৰ্শন ডাঙি ধৰা অসম ৰাজ্যিক গ্ৰামীণ জীৱিকা অভিযান শিৱসাগৰৰ ডিমৌ উন্নয়ণ খণ্ডৰ শুকানপুখুৰী গাঁও পঞ্চায়তৰ অন্তৰ্গত ৰাইছাই গাঁওৰ প্রার্থনা আত্মসহায়ক গোটৰ মহিলা সকলে পঞ্চায়তৰ অন্তৰ্গত চাৰিওদিশ সামৰি অভিযান চলোৱা বাবে আজি শিৱসাগৰ জিলাৰ সন্মানীয় জিলা আয়ুক্ত মৃদুল য়াদৱ ডাঙৰীয়াই সম্বদ্ধনা জনায় আৰু তেওঁলোকৰ সৈতে মত-বিনিময় কৰে। জিলা আয়ুক্তৰ সৈতে এই কাৰ্যসূচীত অসম ৰাজ্যিক গ্ৰামীণ জীৱিকা অভিযান শিৱসাগৰৰ জিলা প্ৰকল্গ প্ৰৱন্ধক ডাঃ সুৰজ জ্যোতি গগৈকে প্ৰমুখ্য কৰি জিলা আৰু আটাইকেইটা উন্নয়ন খণ্ডৰ খণ্ড প্ৰকল্গ প্ৰৱন্ধকসকল উপস্থিত থাকে।
Directorate of Information and Public Relations, Assam
Dipro Sivasagar

26/10/2026

অসম চৰকাৰে প্ৰদান কৰা সৰ্বোচ্ছ অসামৰিক সন্মান ২০২৫ বৰ্ষৰ "অসম গৌৰৱ" বঁটা লাভ কৰা অসম ৰাজ্যিক গ্ৰামীণ জীৱিকা অভিযান শিৱসাগৰৰ আত্মসহায়ক গোটৰ এগৰাকী সফল উদ্যোগী মহিলা "যশোদা ডেইৰী এণ্ড চুইটছ"ৰ প্ৰতিষ্ঠাতা তনুমায়া সোনাৰ বিশ্বকৰ্মাক অভিনন্দন জনাবলৈ আজি তেওঁৰ প্ৰতিষ্ঠানটিত শিৱসাগৰৰ জিলাৰ সন্মানীয় জিলা আয়ুক্ত মৃদুল য়াদৱ ডাঙৰীয়া উপস্থিত হয়। জিলা আয়ুক্ত মহোদয়ে তনুমায়া সোনাৰ বিশ্বকৰ্মাক এই সফলতাৰ বাবে অভিনন্দন জনোৱাৰ লগতে অনাগত দিনত তেওঁৰ পৰিকল্গনাৰ বিষয়ে বুজ লোৱাৰ লগতে শুভেচ্ছা প্ৰদান কৰে। এই কাৰ্যসূচীত অসম ৰাজ্যিক গ্ৰামীণ জীৱিকা অভিযান শিৱসাগৰৰ জিলা প্ৰকল্গ প্ৰৱন্ধক ডাঃ সুৰজ জ্যোতি গগৈকে প্ৰমুখ্য কৰি জিলা অভিযান পৰিচালনা শাখাৰ বিষয়-ববীয়া তথা শিৱসাগৰৰ আটাইকেটা উন্নয়ণ খণ্ডৰ খণ্ড প্ৰকল্গ প্ৰৱন্ধক সকল উপস্থিত থাকে।

Directorate of Information and Public Relations, Assam
Dipro Sivasagar