31/08/2025
🌹 पारंपरिक गौरी नृत्य स्पर्धा – वाणीपाडा 🌹
दिनांक: 28/08/2025
वार: गुरुवार
वेळ: रात्री 9.30 ते 11.00
वाणीपाडा येथे पारंपरिक गौरी नृत्य स्पर्धा आयोजित करण्यात आली.
आजच्या आधुनिक काळात आपली परंपरा, संस्कृती आणि पारंपरिक नृत्य विस्मरणात चालले आहेत. पुढच्या पिढीला आपली ओळख जपून ठेवण्यासाठी अशा परंपरांचा सन्मान व संवर्धन करणे ही आपली जबाबदारी आहे.
या उद्देशाने बोईसर शिगाव वाणीपाडा येथे ही स्पर्धा घेण्यात आली. स्पर्धेमध्ये गावातील पुरुष, महिला, तरुण तसेच मुले-मुली यांनी उत्साहात भाग घेतला आणि पारंपरिक गौरी नृत्य सादर केले.
नृत्यामध्ये उत्तम वादक, उत्तम गायक, पारंपरिक वेशभूषा आणि उत्तम नर्तक या चार प्रकारच्या बक्षिसांची व्यवस्था करण्यात आली होती.
स्पर्धेत 35 हून अधिक स्पर्धकांनी सहभाग घेतला तर प्रेक्षकांची संख्या 100 पेक्षा जास्त होती.
एक तास चाललेल्या रंगतदार नृत्यस्पर्धेनंतर विजेत्यांना गावातील कार्यकर्त्यांच्या हस्ते बक्षिसे देण्यात आली त्यामध्ये 1)प्रथम क्रमांक( उत्तम गायक)-नवशी विष्णू उंबरकर
2)द्वितीय क्रमांक-पारंपरिक वेशभूषा-पार्वती तांडेल
3)तृतीय क्रमांक -उत्तम वादक -रवींद्र उंबरकर 4)चौथा क्रमांक -उत्तम नर्तक आणि गायक - सुरज सुमडा यांना मिळाले.यानंतर प्रेक्षकांना आपली संस्कृती व परंपरा जपण्याचे महत्त्व सांगण्यात आले.
शेवटी जमलेल्या सर्व प्रेक्षकांचे आणि कार्यकर्त्यांचे मनःपूर्वक आभार मानून कार्यक्रमाचा यशस्वी समारोप करण्यात आला. प्रेक्षकांच्या प्रतिक्रिया अशा होत्या कि त्यांनी त्यांचा गावात प्रथमच अशी स्पर्धा झाली ज्यामधे गावातील पुरुष आणि स्रियानी सहभाग घेतला. नेहमी होणाऱ्या कार्यक्रमामध्ये तरुण मुलेच सहभागी होतात पण आज सर्व स्रिया आणि पुरुष सहभागी झाले होते, काही लोकांना माहित नव्हते बक्षीस मिळणार आहे,त्यांना अंदाजही नसताना त्यांना बक्षीस मिळाले त्यामुळे त्यांना खूप आनंद झाला सर्वांनी एकत्र येऊन स्पर्धेचा आनंद घेतला.
- सुगंधा काठ्या, लोकनायक बिरसा मुंडा डिजिटल लर्निंग सेंटर, शिगाव, सेवा सहयोग फाऊंडेशन.
