28/02/2022
दृष्टीचा छुपा चोर : काचबिंदू
डोळ्याने पाहिलेली दृश्य माहिती ऑप्टिक नर्व्हद्वारे आपल्या मेंदूपर्यंत पोहचत असते. डोळ्यातील अतिरिक्त द्रवामुळे डोळ्याचा दाब वाढतो व ऑप्टिक नर्वला हानी पोहोचते. यालाच काचबिंदू बोलले जाते.
दरवर्षीप्रमाणे यावर्षी देखील 6 ते 12 मार्च 2022 दरम्यान जागतिक काचबिंदू सप्ताह साजरा केला जात आहे.
यनिमित्त ग्लोबल आय हॉस्पिटल, पिंपळे सौदागर येथे 1 ते 31 मार्च महिनाभर मोफत काचबिंदू निदान शिबीर आयोजित केले आहे.
काचबिंदू हा अंधत्वाच्या महत्वाच्या करणापैकी एक आहे. काचबिंदू मुळे गेलेली नजर शक्यतो परत येत नाही. वेळीच उपचार न केल्यास काचबिंदूमुळे हमखास अंधत्व येऊ शकते. त्यामुळे काचबिंदू होऊ नये आणि झाल्यास डोळ्याला जास्त इजा होऊ नये यासाठी प्रयत्न करणे आवश्यक आहे.
वेळोवेळी नेत्रतज्ञाकडून तपासणी केल्यास आणि काचबिंदूचे लवकर निदान झाल्यास येणारे अंधत्व टाळता येऊ शकते.
जगामध्ये जवळपास 8 कोटी लोक काचबिंदूचे रुग्ण आहेत. विशेष म्हणजे यापैकी निम्म्या लोकांना आपल्याला काचबिंदू हा विकार आहे हेच माहित नसते. विकसनशील देशात हे प्रमाण अजून जास्त असण्याची शक्यता आहे. याचे कारण म्हणजे काचबिंदूची लक्षणे सुरवातीला दिसत नाहीत.
वय वाढण्यासोबत तसेच घरामध्ये कोणाला काचबिंदू असल्यास काचबिंदू होण्याची शक्यता जास्त असते. मधुमेह, रक्तदाब इ आजार असणाऱ्या व्यक्तिमध्ये देखील काचबिंदू होण्याची शक्यता जास्त असते.
डोळ्याचा दाब तपासण्यासाठी टोनो मेट्री तसेच दृष्टी नष्ट होतेय का पाहण्यासाठी पेरिमेट्री या तपासण्या केल्या जातात, ज्या ग्लोबल आय मध्ये उपलब्ध आहेत.
जागतिक काचबिंदू सप्ताह हे काचबिंदूकडे लक्ष वेधण्यासाठी उचललेलं एक पाऊल आहे. लोकांनी वेळेवर डोळे तपासणी करून आपल्याला काचबिंदू आहे की नाही याची जाणीव करून घ्यावी. लवकर निदान लवकर उपचार केल्यास भविष्यामध्ये येणारे अंधत्व टाळता येऊ शकते.
डॉ बबन डोळस
वरिष्ठ नेत्रतज्ञ
ग्लोबल आय, पिंपळे सौदागर
नित्यसेवा हॉस्पिटल, सांगवी
8800668455
