ks sajith panthirikkara

01/04/2026

Jai hanuman 🙏

28/03/2026

കടിയങ്ങാട് കഴിഞ്ഞ ദിവസം ഏകദേശം 2300 ലിറ്റർ ഡീസൽ, ട്രക്കിൽ പ്രത്യേകമായി ഒരുക്കിയ രഹസ്യ ടാങ്കുകളിൽ ഒളിപ്പിച്ച് കടത്തുന്നതിനിടെ, പമ്പ് മാനേജരും ഡ്രൈവറും ഉൾപ്പെടെ 3 പേർ പോലീസ് പിടിയിലായി.

ഈ സംഭവം ഒരു ഒരു സംഘടിത ഇന്ധന മാഫിയയുടെ പ്രവർത്തനമാണ്. 2300 ലിറ്റർ ഡീസൽ വരെ രഹസ്യ ടാങ്കുകളിൽ ഒളിപ്പിച്ച് കടത്തുന്നത് കേവലം ഒരു വ്യക്തിയുടെ ബുദ്ധി അല്ല, ഒരു സിസ്റ്റം കൃത്യമായി ഇതിൻ്റെ പിന്നിൽ പ്രവർത്തിക്കുന്നതിന്റെ തെളിവാണ്!

കുറഞ്ഞ നികുതിയുള്ള പ്രദേശങ്ങളിൽ നിന്ന് ഇന്ധനം ശേഖരിച്ച്, രഹസ്യമായി വാഹനങ്ങളിലാക്കി കൊണ്ടുപോകുകയും, അത് അനധികൃതമായി വിതരണം ചെയ്യുന്നതും വെറുമൊരു സാമ്പത്തിക കുറ്റകൃത്യം മാത്രമല്ല, രാജ്യത്തിന്റെ നിയമ വ്യവസ്ഥയ്ക്കും ഭരണ സംവിധാനത്തിനുമെതിരെയുള്ള വെല്ലുവിളിയാണ്.

ഇതിൻ്റെ ഏറ്റവും ഭയപ്പെടുത്തുന്ന വശം - ഈ കള്ളക്കടത്ത് നടക്കുന്ന റൂട്ടുകൾക്ക് സമീപം സ്കൂളുകളും, ജനവാസ പ്രദേശങ്ങളും ഉള്ളതാണ്. ഈ വാഹനങ്ങൾ പരിശോധിക്കാനും നിയന്ത്രിക്കാനും ബാധ്യതയുള്ള അധികാരികൾ എന്ത് ചെയ്യുകയായിരുന്നു?
കണ്ടിട്ടും കാണാത്തതായി നടിക്കുകയായിരുന്നോ?
ഒരു അനധികൃത ഡീസൽ ടാങ്ക് പൊട്ടിത്തെറിച്ച് ഒരു ദുരന്തമുണ്ടായാൽ അതിനാര് ഉത്തരവാദിത്തം ഏറ്റെടുക്കും?

കള്ളക്കടത്തിനുപയോഗിച്ച വാഹനത്തിന് സുരക്ഷിതമായി ഇന്ധനം കൊണ്ടുപോകാനാവശ്യമായ അടിസ്ഥാന സുരക്ഷാ സംവിധാനങ്ങൾ പോലുമുണ്ടായിരുന്നില്ല!

-ശരിയായ ടാങ്ക് സംവിധാനങ്ങൾ,
-ലീക്ക് പ്രൊട്ടക്ഷൻ,
-ഫയർ സേഫ്റ്റി സംവിധാനങ്ങൾ

ഇവ ഒന്നും ഇല്ലാതെ,
ഒരു ടൈം ബോംബ് പോലെ ഇവ റോഡിലൂടെ സഞ്ചരിക്കുകയായിരുന്നു!

ഇത് വെറും നിയമലംഘനം അല്ല.
ജനങ്ങളുടെ ജീവൻ നേരിട്ട് അപകടത്തിലാക്കുന്ന അതിരൂക്ഷമായ അനാസ്ഥ ആണ്. നിയന്ത്രിക്കേണ്ടവർ തന്നെ കണ്ണടയ്ക്കുകയാണോ? അല്ലെങ്കിൽ അവരും ഇതിൽ മൗനമായി പങ്കാളികളാവുകയാണോ?

ഒരു സാമൂഹ്യ-രാഷ്ട്രീയ പ്രവർത്തകനെന്ന നിലയിൽ താഴെ പറയുന്ന നടപടികൾ ഞാൻ ഉടൻ സ്വീകരിക്കുന്നതാണ്. ഈ വിഷയത്തിൽ എനിക്ക് മൗനം പാലിക്കാനാകില്ല!

1. HPCL അടക്കമുള്ള ദേശീയ ഇന്ധന കമ്പനികൾക്ക് പരാതി നൽകി വിതരണ ശൃംഖലയിലെ ദുരുപയോഗം അന്വേഷിക്കാൻ ആവശ്യപ്പെടും.

2. ED-യ്ക്ക് പരാതി നൽകി ഈ കള്ളക്കടത്തിന് പിന്നിലെ സാമ്പത്തിക ഇടപാടുകളും കള്ളപ്പണ ബന്ധങ്ങളും പരിശോധിക്കാൻ ആവശ്യപ്പെടും.

3. കേന്ദ്ര പെട്രോളിയം മന്ത്രാലയത്തോട് ഇടപെടൽ ആവശ്യപ്പെടുത്തി അതിർത്തികളിലൂടെ നടക്കുന്ന ഇന്ധന കള്ളക്കടത്ത് തടയാൻ ശക്തമായ നടപടി ആവശ്യപ്പെടും.

4. സംസ്ഥാന വകുപ്പുകൾക്കും പോലീസിനും എഴുതി അറിയിച്ച് സ്ഥിരമായ പരിശോധനയും റൂട്ടുകളുടെ നിരീക്ഷണവും ഉറപ്പാക്കാൻ ആവശ്യപ്പെടും.

കെ എസ് സജിത്ത് പന്തിരിക്കര
RPI (A) - Kerala State Youth Wing President

03/03/2026

നൂറു വർഷങ്ങൾക്ക് മുകളിൽ പഴക്കമുള്ള ജാനകിവയൽ പ്രദേശത്തെ ക്ഷേത്രവും അതുമായി ബന്ധപ്പെട്ട ആചാരങ്ങളും ഈ നാടിന്റെ കാർഷിക സംസ്കാരത്തോടും പാരമ്പര്യത്തോടും ചേർന്നുനിൽക്കുന്നവയാണ്. ഇവിടുത്തെ ഉത്സവം വർഷങ്ങളായി തെയ്യക്കോലങ്ങൾ കെട്ടി മുത്തപ്പൻ, കുട്ടിച്ചാത്തൻ, ഗുളികൻ എന്നിവരുടെ ആരാധന സമാധാനപരമായി നടന്നുവരികയായിരുന്നു.

എന്നാൽ കഴിഞ്ഞ ചില വർഷങ്ങളായി ഉണ്ടായ നിയമപ്രശ്നങ്ങളും സ്ഥലത്തെ ചൊല്ലിയുള്ള അവകാശവാദ തർക്കങ്ങളും കാരണം ഈ ഉത്സവം മുടങ്ങിയിരിക്കുകയാണ്. ഇതുമായി ബന്ധപ്പെട്ട കേസുകളും സാമ്പത്തിക ബാധ്യതകളും നേരിട്ടത് ഇവിടുത്തെ സാധാരണ വിശ്വാസികളായ നാട്ടുകാരായിരുന്നു. ഉത്സവം നടത്തിയാൽ പന്തിരിക്കരയിൽ വർഗീയ പ്രശ്നങ്ങൾ ഉണ്ടാകുമെന്ന തരത്തിലുള്ള ചില പ്രസ്താവനകളും, കഴിഞ്ഞ വർഷങ്ങളിലുണ്ടായ നിയമപ്രശ്നങ്ങളും സാമ്പത്തിക ബാധ്യതകളുമാണ് ക്ഷേത്ര ഭാരവാഹികളും പ്രദേശത്തെ സാധാരണ വിശ്വാസികളിലും ആശങ്ക സൃഷ്ടിക്കുന്നത്.

ഈ സാഹചര്യത്തിലാണ് പ്രദേശത്തെ വിശ്വാസികൾ ഒരുമിച്ച് എന്നെ സമീപിച്ച്, സമാധാനപരമായി അവരുടെ പാരമ്പര്യ ആചാരങ്ങൾ വീണ്ടും ആരംഭിക്കാനും, ക്ഷേത്രോത്സവം നടത്താനും ആവശ്യമായ പിന്തുണ ഉറപ്പാക്കണമെന്ന് അഭ്യർത്ഥിച്ച് കത്ത് സമർപ്പിച്ചത്.

നിലവിലെ കോടതിവിധിയുടെ പശ്ചാത്തലത്തിൽ ക്ഷേത്രത്തിലെ ആചാരങ്ങളും ഉത്സവവും സമാധാനപരമായി നടത്തുന്നതിന് നിയമപരമായ വിലക്കോ നിരോധനമോ ഇല്ലാത്തതിനാൽ, വർഷങ്ങളായി മുടങ്ങിയിരുന്ന ജാനകിവയൽ ക്ഷേത്രോത്സവം 2026 മാർച്ച് 27, 28, 29
തീയതികളിൽ സമാധാനപരമായി നടത്താൻ തീരുമാനിച്ചിരിക്കുകയാണ്.

നിയമപരമായും ഭരണഘടന ഉറപ്പുനൽകുന്നതുമായ അവകാശത്തിന്റെ അടിസ്ഥാനത്തിൽ ഓരോ സമൂഹത്തിനും അവരുടെ മതപരമായ ആചാരങ്ങളും ഉത്സവങ്ങളും സമാധാനപരമായി നടത്താനുള്ള അവകാശം ഉണ്ട്. ജാനകിവയൽ ക്ഷേത്രോത്സവവും നിയമപരമായും സമാധാനപരമായ രീതിയിലുമാണ് നടത്തപ്പെടുക.

ഈ ഉത്സവം ആരെയും എതിര്‍ക്കാനോ ഭിന്നിപ്പിക്കാനോ അല്ല. നമ്മുടെ നാടിൻറെ സംസ്കാരം സമാധാനപരമായും നിയമപരമായും മുന്നോട്ട് കൊണ്ടുപോകാൻ വേണ്ടിയാണ്. നമ്മുടെ നാടിൻ്റെ ഐക്യവും സൗഹൃദവും സംരക്ഷിച്ചുകൊണ്ട്, പരസ്പര ബഹുമാനത്തോടും ഒത്തൊരുമയോടും കൂടി ഈ ഉത്സവം വിജയകരമായി നടത്താൻ ഞാൻ ആത്മാർത്ഥമായി മുന്നോട്ട് നിൽക്കുന്നു. ഈ നാടിന്റെ സമാധാനവും ഐക്യവും നിലനിർത്താൻ പന്തിരിക്കരയിലും സമീപ പ്രദേശങ്ങളിലും ഉള്ള നല്ലവരായ ജനങ്ങളുടെ ഹൃദയപൂർവ്വമായ പിന്തുണയും സഹകരണവും പ്രതീക്ഷിക്കുന്നു.

എന്ന്,
കെ. എസ്. സജിത്ത് പന്തിരിക്കര

05/02/2026

തിരുനാവായ മഹാമാഘം മാഹാമണ്ഡലേശ്വർ സ്വാമി ആനന്ദവനം ഭാരതിയുടെ അസാധാരണ ധൈര്യവും നേതൃത്വവും സാക്ഷ്യപ്പെടുത്തിയ നിമിഷങ്ങളായിരുന്നു.
-
ലക്ഷക്കണക്കിനാളുകൾ പങ്കെടുത്ത ഈ മഹോത്സവം, തുടക്കം മുതൽ തന്നെ ഭരണകൂട പിന്തുണ ലഭിക്കാതെ, ഭരണപര–പരിസ്ഥിതി തടസ്സങ്ങൾ നേരിട്ട ഒരു പരിപാടിയായിരുന്നു. പരിസ്ഥിതി ചട്ടങ്ങളുടെ പേരിൽ മഹാമാഘം നിർത്തിവയ്ക്കാൻ പോലും ശ്രമങ്ങൾ നടന്ന സാഹചര്യത്തിലാണ് ഇത് മുന്നോട്ട് പോയത്.
-
ഉത്തരേന്ത്യയിലെ കുംഭമേളയുമായി ബന്ധപ്പെട്ട അഖാഡാ സംവിധാനത്തിൽ നിന്നു ഉയർന്ന, മാഹാമണ്ഡലേശ്വർ പദവി വഹിക്കുന്ന മുതിർന്ന സന്ന്യാസിയായ സ്വാമി ആനന്ദവനം ഭാരതിയാണ് തിരുനാവായ മഹാമാഘത്തിന്റെ സംഘാടനത്തിന് നേതൃത്വം നൽകിയത്. കേരളത്തിന്റെ മഹാമാഘം കുംഭമേളയുടെ ഗൗരവത്തിലും വ്യാപ്തിയിലും പുനരുജ്ജീവിപ്പിക്കണമെന്ന ദർശനം മുന്നോട്ട് കൊണ്ടുവന്നതും, ദക്ഷിണേന്ത്യയുടെ ചുമതലയോടെ വിവിധ അഖാഡകളെയും സന്ന്യാസി സമുദായങ്ങളെയും ഏകോപിപ്പിച്ച സങ്കീർണ്ണമായ സംഘടനാ ദൗത്യം വിജയകരമായി നിർവഹിച്ചതുമാണ് ഈ മഹോത്സവത്തെ ചരിത്രപരമായി പ്രസക്തമാക്കിയത്.
-
സർക്കാർ അടിയന്തരമായി പിന്തുണ പ്രഖ്യാപിക്കാതെ, പോലീസിന്റെയും സേവാഭാരതിയുടെയും സഹകരണത്തോടെ മാത്രം, പൊതുസുരക്ഷയും പരിസ്ഥിതി ഉത്തരവാദിത്വവും ഉറപ്പുവരുത്തി മഹാമാഘം സംഘടിപ്പിക്കുക എന്നത് അസാധാരണമായ ധൈര്യവും അനുഭവസമ്പത്തും ആവശ്യമായ നേതൃത്വം ആയിരുന്നു.
-
ഭാരതപ്പുഴ തീരത്തെ ഒരുക്കങ്ങൾ തടയുന്നതിനായി സ്റ്റോപ്പ് മെമോ പുറപ്പെടുവിച്ചത്, ഈ മഹോത്സവത്തോട് ഭരണകൂടം അകലംപാലിച്ച നിലപാടിന്റെ വ്യക്തമായ സൂചനയായിരുന്നു. ലക്ഷക്കണക്കിന് ആളുകൾ പങ്കെടുത്ത, ഒരു വലിയ ആത്മീയ–സാംസ്കാരിക സംഗമത്തെ സൗകര്യപ്രദമായി മുന്നോട്ട് നയിക്കാൻ സർക്കാർ തയ്യാറാകാതിരുന്നത് ചോദ്യം ചെയ്യപ്പെടണം. ഇതിൻ്റെ പുറകിലെ രാഷ്ട്രീയ കാഴ്ചപ്പാട് ചോദ്യം ചെയ്യപ്പെടണം.
-
സർക്കാർ സംവിധാനങ്ങളുടെ പിന്തുണകൊണ്ടല്ല, മറിച്ച് ജനങ്ങളുടെ വിശ്വാസവും സംഘാടകരുടെ ദൃഢനിശ്ചയവും കൊണ്ടാണ് മഹമാഘം വിജയിച്ചത്. തിരക്ക് നിയന്ത്രണം, ശുചിത്വം, മെഡിക്കൽ സഹായം, സുരക്ഷാ ക്രമീകരണങ്ങൾ, ഇതെല്ലാം വീഴ്ചകൂടാതെ നടപ്പിലാക്കാൻ ഭരണകൂട സഹായത്തേക്കാൾ ശക്തമായത് മാഹാമണ്ഡലേശ്വർ സ്വാമി ആനന്ദവനം ഭാരതിയുടെ നേതൃത്വമായിരുന്നുവെന്ന് മാധ്യമ റിപ്പോർട്ടുകളും ദൃശ്യങ്ങളും സാക്ഷ്യപ്പെടുത്തുന്നു.
-
അതുകൊണ്ടുതന്നെ, തിരുനാവായ മഹാമാഘം കേരളത്തിന്റെ ആത്മീയ ചരിത്രത്തിൽ ഒരു നിർണായക നിമിഷമായി ഓർക്കപ്പെടും, അതിന് പിന്നിലെ ധൈര്യപൂർണമായ നേതൃത്വവും അതേ ഗൗരവത്തോടെ ഓർക്കപ്പെടണം. ആത്മീയതയും സാമൂഹിക ഉത്തരവാദിത്വവും ഒരുമിച്ച് നയിച്ച ആ മഹാ നേതൃത്വത്തിന് ആദരവോടെ,
-
K S Sajith Panthirikkara
RPI- State Youth Wing President

22/01/2026

ജനം അല്ലെങ്കിൽ പ്രവർത്തകർ അവർക്ക് അഭിമാനം തോന്നുന്ന നിമിഷമായിരിക്കും
എൻ്റെ പാർട്ടിയുടെ നേതാവിന്റെ സാന്നിധ്യം ❤️
രാജ്യത്തിന്റെ ഏറ്റവും പ്രധാനപ്പെട്ട വകുപ്പ് കൈകാര്യം ചെയ്യുന്ന മന്ത്രി ജനഹൃദയങ്ങളിൽ ഹൃദയമായി മാറുന്നത് ജനത്തിന് അഭിമാനം തന്നെയാണ് അവർക്കിടയിൽ ഒരാളായി
തലയുയർത്തി തലക്കനമില്ലാത്ത
പ്രിയപ്പെട്ട മന്ത്രി dr:ramdas athwala,❤️

19/01/2026

ഒരു സമൂഹത്തിന്റെ മാന്യത, ആ സമൂഹത്തിലെ ഒരംഗത്തെ അവരുടെ അവസാന യാത്രയിൽ എത്രമാത്രം മാനുഷികമായി ആദരിക്കുന്നു എന്നതിലൂടെയാണ് പ്രകടമാകുന്നത്.

പന്തിരിക്കര പ്രദേശത്തെ സാധാരണ ഹിന്ദു കുടുംബങ്ങൾ, സാമ്പത്തികമായും സാമൂഹികമായും പിന്നോക്കം നിൽക്കുന്ന നമ്മുടെ സ്വന്തം ആളുകൾ,
മരണാനന്തര കർമ്മങ്ങൾ നിർവഹിക്കാൻ മതിയായ സൗകര്യങ്ങളില്ലാതെ വർഷങ്ങളായി പ്രായോഗിക ബുദ്ധിമുട്ടുകൾ അനുഭവിക്കുന്ന യാഥാർത്ഥ്യം നേരിട്ട് കണ്ടും മനസ്സിലാക്കിയുമാണ് ഈ വിഷയം ഞാൻ മുന്നോട്ട് കൊണ്ടുവരുന്നത്. ചില വീടുകളിൽ, സ്വന്തം വീട്ടുമുറ്റങ്ങളിൽ തന്നെ ശവസംസ്കാരം നടത്തേണ്ടിവരുന്നത് ഞാൻ നേരിട്ട് കണ്ടതാണ്.

നമ്മുടെ തന്നെ നാട്ടിൽ, മുസ്ലിം സഹോദരങ്ങൾക്കും ക്രിസ്ത്യൻ സഹോദരങ്ങൾക്കും അവരുടെ മതാചാരങ്ങൾ അനുസരിച്ചുള്ള ശ്മശാന–ഖബർസ്ഥാന സൗകര്യങ്ങൾ നിലവിലുണ്ട്.

അതേസമയം,
സാധാരണ ഹിന്ദു ജനവിഭാഗങ്ങളുടെ വലിയൊരു വിഭാഗത്തിനും സ്വന്തമായി ഉള്ളത് ശരാശരി നാല് മുതൽ അഞ്ച് സെന്റ് വരെ മാത്രമുള്ള ഭൂമിയാണ്. ഈ പരിമിതമായ ഭൂമിയിൽ ജീവിതം തന്നെ ബുദ്ധിമുട്ടോടെ മുന്നോട്ടുകൊണ്ടുപോകുന്ന കുടുംബങ്ങൾക്ക്, മരണാനന്തര ചടങ്ങുകൾ നിർവഹിക്കാൻ വേറെ ഇടം കണ്ടെത്തുക പ്രായോഗികമായി അസാധ്യമാണ്.

ഒരു നാട്ടുകാരനെന്ന നിലയിലും,
ഈ മണ്ണിൽ ജനിച്ചു വളർന്ന ഒരാളെന്ന നിലയിലും,
RPI (A) സംസ്ഥാന പ്രസിഡന്റെന്ന (യൂത്ത് വിംഗ്) നിലയിലും, ഈ ഒരു അവസ്ഥയെ സ്വാഭാവികമായി മാനിച്ച് മൗനം പാലിക്കാൻ എനിക്ക് സാധ്യമല്ല. ഈ വേദന എന്റെ ഉത്തരവാദിത്വമായി ഞാൻ ഏറ്റെടുക്കുന്നു.

ഈ പശ്ചാത്തലത്തിലാണ് നിങ്ങളോട് ഈ അറിയിപ്പ് ഞാൻ പങ്കുവെക്കുന്നത്.

2026 ജനുവരി 21-ാം തീയതി, ബുധനാഴ്ച,
കേന്ദ്ര സാമൂഹിക നീതി, ശാക്തീകരണ വകുപ്പ് സഹമന്ത്രിയും റിപ്പബ്ലിക്കൻ പാർട്ടി ഓഫ് ഇന്ത്യ (RPI-A) യുടെ ദേശീയ അദ്ധ്യക്ഷനുമായ
ശ്രീ. രാംദാസ് അഥവാലെ കണ്ണൂരിൽ നടക്കുന്ന അഖിലേന്ത്യ വോളിബോൾ ചാമ്പ്യൻഷിപ്പ് 2026 ഉദ്ഘാടനം ചെയ്യുന്നതിനായി എത്തിച്ചേരുന്നു.
അതോടൊപ്പം, RPI (A) യുടെ സംസ്ഥാന കൺവെൻഷനിലും അദ്ദേഹം നേരിട്ട് പങ്കെടുക്കും.

ഈ ചരിത്രപ്രാധാന്യമുള്ള അവസരത്തിൽ,
• മന്ത്രിയെ നേരിൽ കണ്ടു ഈ വിഷയം പങ്കുവെക്കാനും
• പന്തിരിക്കരയിലെ പൊതുശ്മശാന / ഇലക്ട്രിക് ശ്മശാന സൗകര്യം ആവശ്യപ്പെട്ടുള്ള അപേക്ഷ നേരിട്ട് സമർപ്പിക്കാനും
• ഈ ആവശ്യത്തിന് ഐക്യദാർഢ്യം പ്രകടിപ്പിക്കാനും
• കണ്ണൂരിലേക്കുള്ള യാത്രയിൽ പങ്കുചേരാനും

എല്ലാ നീതിബോധമുള്ള സഹോദരീ സഹോദരങ്ങളെയും ഞാൻ സ്നേഹപൂർവ്വം ക്ഷണിക്കുന്നു.

നമ്മൾ ഒരുമിച്ച് നിൽക്കുമ്പോൾ, നമ്മുടെ ആവശ്യം കൂടുതൽ വ്യക്തമായി കേൾക്കപ്പെടും, പരിഹാരത്തിലേക്കുള്ള വഴി തുറക്കപ്പെടും.

ഇത് ഒരു രാഷ്ട്രീയ നേട്ടത്തിനായുള്ള മുന്നേറ്റമല്ല. രാഷ്ട്രീയം ഇവിടെ രണ്ടാമതാണ്. പന്തിരിക്കരയിലെ ശ്മശാന സൗകര്യം ഒരു മനുഷ്യാവകാശ വിഷയമാണ്. വർഷങ്ങളായി ശ്രദ്ധയിൽപെട്ടിട്ടില്ലാത്ത
ഒരു യാഥാർത്ഥ്യത്തിന്
പരിഹാരം കണ്ടെത്താനുള്ള
ഒരു ആത്മാർത്ഥ ശ്രമം മാത്രമാണ് ഈ ചുവടുവെപ്പ്.

ഈ വിഷയത്തിൽ,
നിങ്ങൾ ഏത് രാഷ്ട്രീയ പാർട്ടിയെ പിന്തുണക്കുന്നവരായാലും ഈ വിഷയത്തിന്റെ പ്രാധാന്യം മനസ്സിലാക്കി ഒരുമിച്ച് നിൽക്കണമെന്ന് ചങ്ങരോത്ത് പഞ്ചായത്തിലെയും പേരാമ്പ്ര നിയോജക മണ്ഡലത്തിലെയും
എല്ലാ മനസ്സാക്ഷിയുള്ള സഹോദരീ സഹോദരങ്ങളോടും ഞാൻ സ്നേഹപൂർവ്വം അഭ്യർത്ഥിക്കുന്നു.

ഇത് ഒരു പാർട്ടിയുടെ ആവശ്യമല്ല, ഒരു നാടിന്റെ ആവശ്യമാണ്. ഈ യാത്രയിൽ പങ്കുചേരാൻ തയ്യാറാകുന്നവർക്കായി, കണ്ണൂരിലേക്കുള്ള യാത്രയും മടങ്ങിവരവും, ഭക്ഷണച്ചെലവുകളും ഉൾപ്പെടെ
എല്ലാ ക്രമീകരണങ്ങളും
പാർട്ടി തന്നെ ഏറ്റെടുക്കുന്നതാണ്.

ഇത് നമ്മുടെ നാടിനും
നമ്മുടെ ആളുകൾക്കുമായി
ഒരുമിച്ച് മുന്നോട്ട് വെക്കുന്ന
ഒരു മനുഷ്യപരമായ തീരുമാനമാണ്. ഈ ബോധ്യമുള്ള എല്ലാവരെയും ഈ യാത്രയിൽ പങ്കുചേരാൻ ഞാൻ തുറന്ന മനസ്സോടെ ക്ഷണിക്കുന്നു.

എന്ന്
KS Sajith Panthirikkara
RPI (A) State President, Youth Wing

07/01/2026

🔥💙

31/12/2025

23/12/2025

Ji🔥.....❤️

22/12/2025

നേതാവ് 🔥
രാജ്യത്തിന്റെ ധീര വനിത 🔥
കേരളത്തിലെ റിപ്പബ്ലിക്കൻ യൂത്ത് പുലികളുടെ🔥
അമ്മ 🤱❤️.......
Dr: Nuzarath jahan🔥✊