18/06/2024
മനുഷ്യർ കൂട്ടമായി താമസിക്കുന്ന പല പ്രദേശത്തിനും കോളനി എന്നു ചേർത്ത പേരുകൾ ഉണ്ടങ്കിലും, പട്ടികജാതി വിഭാക്കാരും, പട്ടിക വർഗ്ഗ വിഭാക്കാരും കൂടുതലായി താമസിക്കുന്ന സ്ഥലങ്ങളെയാണ് കേരളത്തിൽ 'കോളനി' ചേർത്തു വിളിച്ചു കാണാറുള്ളത്.
'കോളനി' എന്ന വാക്ക്, ആക്ഷേപമായും, അവജ്ഞയോടെ ഉപയോഗിക്കുന്നവരുമായ കുറെ ഏറെ പേരെ നേരിൽ അറിയാം. അവിടെ താമസിക്കുന്നതും മനുഷ്യരാണെന്ന പരിഗണയില്ലാതെ, "കോളനിക്കാർ" എന്നു തികച്ചും, അവജ്ഞ യോടെ പ്രയോഗിക്കുന്ന കൂട്ടരുള്ള നാടാണിത്.
മനുഷ്യരെ തരം തിരിക്കാൻ വേണ്ടി മാത്രം ഉപയോഗിക്കുന്ന ഇത്തരം വാക്കിനെ, മനുഷ്യർ കൂട്ടമായി വസിക്കുന്ന പ്രദേശത്തിന്റെ പേരിൽ നിന്നും മാറ്റി കൊണ്ടു കേരള സർക്കാർ ഓർഡർ ഇറക്കിയിരിക്കുയാണ്.
ബ്രിട്ടന്റെ കാലത്തെ കൊളോണിയൽ വ്യവസ്ഥയെ ഓർമിപ്പിക്കുന്ന ഇത്തരം വാക്കുകളെ എടുത്തുകളയാനുള്ള സംസ്ഥാന സർക്കാർ തീരുമാനം തീർത്തും കയ്യടി അർഹിക്കുന്ന ഒന്നു തന്നെ..!!
കോളനി എന്ന വാക്കിന്റെ വരവും, ഒരു പ്രദേശത്തെ നാമകരണം ചെയ്യാൻ ആ വാക്കിനെ ഉപയോഗിക്കുന്നതിലെ അനൗചിത്യത്തെ കുറിച്ചുമെല്ലാം ചർച്ച ചെയ്യേണ്ട ദിവസമായിരുന്നു ഇന്ന്.
പക്ഷെ, ദൗർഭാഗ്യ വശാൽ പ്രിയങ്ക ഗാന്ധിയുടെ "മൂക്കിന്" പുറകെയാണ് നമ്മുടെ മാധ്യമങ്ങൾ..
രാഹുൽ ഗാന്ധി ഒഴിയുന്ന വയനാട് മണ്ഡലത്തിൽ, പ്രിയങ്ക ഗാന്ധി വരുന്നത് കൊണ്ടു, വയാനാട് മണ്ഡലത്തിലും തദ്വാരാ ഇന്ത്യ മഹാരാജ്യത്തിനും ഉണ്ടാവുന്ന നേട്ടത്തിനെ കുറിച്ചു ചർച്ച ചെയ്യുന്ന തിരക്കിനിടയിൽ എന്തു 'കോളനി' എന്തു 'പുരോഗമനം' ലേ..
